විශේෂයෙන්ම ශ්‍රී ලංකාවේ රාජ්‍ය අංශයේ විශාලත්වය මෙන්ම රාජ්‍ය වියදම්වල කාර්යක්ෂමතාව සහ රාජ්‍ය ව්‍යවසාය සඳහා අවශ්‍ය ප්‍රතිසංස්කරණ වැඩිදියුණු කිරීමේ ක්‍රම පිළිබඳව මෙහිදී දෙපාර්ශ්වය අතර සාකච්ඡාවට ලක්ව තිබේ.

ලෝක ‌වෙළඳපොළ තුළ බොරතෙල් බැරලයක මිල ඩොලර් 3කින් පමණ පහළ ගොස් තිබේ. එක්සත් ජනපද බොරතෙල් තොග බලාපොරොත්තු වූවාට වඩා ඉහළ යාම හා ලෝකයේ විශාලම බොරතෙල් ආනයනකරු වන චීනයේ කොවිඩ් බිය හේතුවෙන් මෙසේ බොරතෙල් මිල පහළ යාමට හේතු වී තිබේ.

වසර හතරක් තුළ ජාතික විදුලි බල පද්ධතියට පුනර්ජනනීය බලශක්තිය හරහා මෙගා වොට් 2800ක් එකතු කිරිමේ සැලසුම සකස් කර අවසන් බව විදුලි බල හා බලශක්ති අමාත්‍ය කංචන විජේසේකර මහතා පවසයි.

රීඩා අමාත්‍යවරයා ලෙස මේ ගැන අවධානය යොමුකරන ඔස්ට්‍රේලියානු පාර්ශ්වයන්ගෙන්, ඔස්ට්‍රේලියානු රජයෙන් හා ඔස්ට්‍රේලියානු ජනතාවගෙන් මෙන්ම ජාත්‍යන්තර ක්‍රිකට් කවුන්සිලයෙන් මේ ගැන සමාව ඉල්ලනවා. ධනුෂ්කකගේ ක්‍රියාව තනි පුද්ගලයෙකුගේ වගකිම් විරහිත ක්‍රියාවක්. මේ ගැන මම අවධානය යොමුකර තිබෙනවා. රටක් ලෙස මෙහි වගකීම භාර ගන්නවා. මේ ගැන සුදුසු ක්‍රියාමාර්ග ගන්නවා”

පාර්ලිමේන්තුවේ අභිනවයෙන් පිහිටුවීමට නියමිත ස්ථාවර කාරක සභා ත්‍රිත්වය ස්ථාපිත කිරීමට අදාළව තවදුරටත් අධ්‍යයනය කර නිර්දේශ ඉදිරිපත් කිරීම සදහා මන්ත්‍රීවරු හතරදෙනෙකුගෙන් යුත් විශේෂ කමිටුවක් පත් කිරීමට ඊයේ (8) පැවති පාර්ලිමේන්තු කටයුතු පිළිබද කාරක සභාවේදී තීරණය වූ බව පාර්ලිමේන්තුවේ මහලේකම් ධම්මික දසනායක මහතා පැවසීය.

ඉතාලියේ රිමිනි නිකේතනයට ඔබ්බෙන් රික්ටර් පරිමාණ 5.5ක භූමිකම්පාව මධ්‍යම ඉතාලියේ සහ බෝල්කන් ප්‍රදේශයේ සමහර ප්‍රදේශවලට දැනී තිබේ.

වත්මන් අග්‍රාමාත්‍ය දිනේෂ් ගුණවර්ධන මහතා ඉපදෙන්නටත් කලින් ඔහු පාර්ලිමේන්තුවට පැමිණ ඇති බව තමන් පොත්වලින් කියවා ඇති බවත් ඔහුගේ මව පාර්ලිමේන්තුවට එන විට දිනේෂ් ගුණවර්ධන කුසේ සිටි බවට ඔහුම පවා කියා ඇති බවත් රාජ්‍ය අමාත්‍ය සුරෙන් රාඝවන් මහතා පැවැසීය. අද (09දා) පාර්ලිමේන්තුවේදී අදහස් දක්වමින් ඔහු මේ බව පැවැසිය.

ජාත්‍යන්තර මූල්‍ය අරමුදලෙන් ණය ලබා ගැනීම සදහා අවශ්‍ය ණය ප්‍රතිව්‍යුහගත කිරිමේ ක්‍රියාවලිය සදහා කඩිනමින් සහය ලබා දෙන බව ඇමරිකානු තානාපතිනි ජූලි චංග් මහත්මිය නැගෙනහිර පළාත් ආණ්ඩුකාර අනුරාධා යහම්පත් මහත්මිය හමුවේ කියා සිටියාය.

උතුරු කොරියාව විසින් සැකකටයුතු බැලස්ටික් මිසයිලයක් දියත් කර ඇති බව ටිවිටර් පණිවඩුයක් නිකුත් කරමින් ජපාන රජයද තහවුරු කළේය.

දිනපතා පාර්ලිමේන්තුව නැරඹීමට පැමිණෙන පාසැල් දරු දැරියන්ට කිරිවීදුරුවක් නොමිලේ ලබා දීමට ද පාර්ලිමේන්තු කටයුතු පිළිබඳ කාරක සභාවේදී තීරණය වී තිබේ.

යුක්රේන ගැටුම් මධ්‍යයේ යුරෝපා කලාපයෙන් හා ඇමෙරිකා එක්සත් ජනපදයෙන් රුසියාවට දැඩි පිඩනයක් එල්ල වුවද, බෙලාරුසියානු ජනාධිපතිවරයා තවදුරටත් රුසියාව සමග රැඳී සිටියි.

අයවැය කාරක සභා අවස්ථාවේ විවාදය සදහා කාලය වැඩි කිරීම සම්බන්ධයෙන් විපක්ෂය කළ ඉල්ලීමකට අනුව කාරක සභා අවස්ථා විවාදය පැය එක හමාරකින් දීර්ඝ කිරීමට මෙහිදී පාර්ලිමේන්තු කටයුතු පිළිබඳ කාරක සභාව තීරණය කර තිබේ.

නේටෝ නායකයින් 2023 ජූලි 11 සහ 12 යන දිනවල ලිතුවේනියාවේ අගනුවර වන විල්නියස් හි ඔවුන්ගේ මීළඟ සමුළුව සඳහා රැස්වන බව සන්ධානය නිවේදනය කරයි.

ප්‍රභල නවසීලන්තය පරදා විස්සයි විස්ස ලෝක කුසලානයේ අවසන්මහා තරගයට සුදුසුකම් ලැබීමට පාකිස්ථානය සමත්විය. සිඩ්නි හිදී පැවති තරගයේ ලකුණු 153 ක ජයග්‍රාහී ඉලක්කයක් හඹා ගිය පකිස්ථානය පන්දුවාර 19.1 ක් තුළ ජයග්‍රාහී ඉලක්කය පසුකර යාමට සමත්විය.

Tianzhou-4 භාණ්ඩ ප්‍රවාහන අභ්‍යවකාශ යානය චීන අභ්‍යවකාශ මධ්‍යස්ථාන මූලික මොඩියුලයෙන් සම්පූර්ණයෙන්ම වෙන්වී ඇති බව චීන මාධ්‍ය පවසයි.

ශ්‍රී ලංකා නාවික හමුදාව මීගමුව, දූව ප්‍රදේශයේ ඊයේ (08දා) අළුයම සිදුකල විශේෂ සෝදිසි මෙහෙයුමකදී, නීති විරෝධී ලෙස රැගෙන ආ බීඩි කොළ කිලෝ ග්‍රෑම් 2448 කට අධික තොගයක් සමඟ ලොරි රථ දෙකක් , ඩිංගි යාත්‍රාවක් සහ සැකකරුවන් දෙදෙනෙකු නාවික හමුදා භාරයට ගැනීමට කටයුතු කෙරිණි.

එළැඹෙන අයවැයෙන් ඉන්ධන සඳහා බද්දක් අය කරන බවත් ඒ අනුව ලබන වසරේ ජනවාරි මාසයේ සිට ඉන්ධන මිල වැඩිවීමට නියමිත බවත් පාර්ලිමේන්තු මන්ත්‍රී අශෝක් අබේසිංහ මහතා පාර්ලිමේන්තුවේදි පැවැසීය.

දළදා පෙරහරේ කරඬුව දරා ගමන් කිරීමට සුදුසුකම් ලබා සිටින අලුත්ගම කන්ද විහාරයේ මුතු රාජා ඇතා තායිලන්තයට රැගෙන ගොස් වැඩිදුර ප්‍රතිකාර කිරීමට එරට රජය කටයුතු සූදානම් කර ඇති බව ඓතිහාසික අලුත්ගම කන්ද විහාරාධිපති පූජ්‍ය කොක්කාවිට විපුලසාර නාහිමියන් පැවසූහ.

මන්කිපොක්ස් අසාදිත දෙවැනි රෝගියා ද මෙරටින් හඳුනාගත් බව වාර්තා වේ.

වත්මන් ආණ්ඩුව විපක්ෂයේ මන්ත්‍රීවරුන් මුදල් වලට බිලී බා ගැනීම සඳහා කටයුතු කරන බවත්, කෙසේ වෙතත් සමගි ජන බලවේගයේ හෝ සමගි ජන සන්ධානයේ කිසිදු මන්ත්‍රීවරයෙකු මෙම අවස්ථාවේ ආණ්ඩුවට එකතු වීමට සූදානම් නොමැති බවත් විපක්ෂනායක සජිත් ප්‍රේමදාස මහතා පැවසීය.

මෙම වසරේ ජනවාරි සිට සැප්තැම්බර් දක්වා මත් ද්‍රව්‍ය වලට ඇබ්බැහි වූ පාසල් වයසේ ළමුන් 81දෙනෙකු ප්‍රතිකාර සඳහා යොමු කර තිබෙන බවත්, ඒ අතර අවුරුදු 10 -14ත් අතර දරුවන් 03ක් සහ අවුරුදු 15 – 19 අතර දරුවන් 78ක් සිටින බවත් අධ්‍යාපන අමාත්‍ය සුසිල් ප්‍රේමජයන්ත් මහතා පැවසීය.

පාසල් සිසුන් කීප දෙනෙකුට අමානුෂික ලෙස පහර දී කෲරත්වයට පත් කිරීම ඇතුළු චෝදනා කිහිපයක් යටතේ සැකපිට අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව රක්ෂිත බන්ධනාගාර ගත කළ බණ්ඩාරගම ගුංගමුව කණිෂ්ඨ විද්‍යාලයේ විදුහල්පතිනියගේ රාජකාරි නිල වැඩ බන්ධනාගාර ගතව සිටින කාලය තුළ තහනමට ලක් කරන බව බස්නාහිර පළාත් අධ්‍යාපන අධ්‍යක්ෂක ශ්‍රීලාල් නෝනිස් මහතා පැවසීය.

බිත්තර ගොවියන් රැක ගැනීමේ අරමුණින් තාවකාලිකව බිත්තරයක් උපරිම වශයෙන් රුපියල් 55කට විකිණීමට ජනාධිපති රනිල් වික්‍රමසිංහ මහතා පත් කර තිබෙන ආහාර කමිටුවේදී තීරණය කළ බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී රියර් අද්මිරාල් ආචාර්ය සරත් වීරසේකර මහතා පැවසීය.

කටුනායක බණ්ඩාරනායක ජාත්‍යන්තර ගුවන් තොටුපළ ආගමන විගමන දෙපාර්තමේන්තුවේ පරිගණක පද්ධතිය අද (09දා) උදෑසන 09.00 ට පමණ අක්‍රිය වූ අතර , එම දෙපාර්තමේන්තුවේ නිලධාරීන් විසින් බලවත් ප්‍රයත්නයක නිරත වීමෙන් අනතුරුව පස්වරු 01.00 ට පමණ එම පද්ධතිය යළිත් සක්‍රිය කර ගැනීමට හැකි වූ බව ගුවන් තොටුපළ එම දෙපාර්තමේන්තු ප්‍රකාශකවරයෙකු පැවසීය .

ඉදිකිරීම් සහ සෞඛ්‍ය ක්ෂේත්‍ර සඳහා වැඩි ශ්‍රී ලාංකිකයන් පිරිසක් බඳවා ගැනීමටත්, ගෘහ සේවක සේවිකාවන්ගේ අවම වැටුප ඉහළ නැංවීමටත් අවශ්‍ය පියවර ගැනිමට සෞදි අරාබිය එකගතාවය පළ කර තිබේ.

මේ මම ගාව තියෙන්නේ ඔය කියන වාර්තාව. මේ තමයි අයි.එම්.එෆ්. කාර්ය මණ්ඩලය සමග එකග වුණ කාරණා ටික. ඒක අපි ගාව තියෙනවා. කොහොමද මේක ආවේ. මේක ආවේ පාර්ලිමේන්තුවෙන් නෙමෙයි. මේක ආවේ ජනාධිපතිවරයාගේ සමහර කමිටු වල නොයෙකුත් පුද්ගලයන්ට මේක දීලා තියෙනවා.

සුප්‍රකට සීනි බදු වංචාව හේතුවෙන් රජයට අහිමි වූ බදු ආදායම රුපියල් කෝටි 1676ක් ලෙස ගණන් බලා ඇතැයි මුදල් රාජ්‍ය අමාත්‍ය රංජිත් සියඹලාපිටිය මහතා පාර්ලිමේන්තුවට පැවැසිය.

ගම්පහ නගරයේ සිට මාර්ග හතක් ඔස්සේ ධාවනය වන පෞද්ගලික බස් රථ, අද (9දා) පෙරවරුවේ සිට ධාවනය කිරීම නවතා දමමින් වර්ජනයක් ආරම්භ කර තිබේ.

විස්සයි විස්ස ලෝක කුසලානයේ පළමු අවසන් පූරව තරගය වන නවසීලන්තය හා පාකිස්ථානය අතර තරගයේ කාසියේ වාසිය දිනූ නවසීලන්තය පළමුවෙන් පන්දුවට පහරදීමට තරණය කලේය