2026 ඔක්තෝබර් සිට දෙසැම්බර් දක්වා වන වසරේ අවසන් කාර්තුව සඳහා විදුලි ගාස්තු වැඩි කිරිමක් අවශ්‍ය නොවන බව ජාතික පද්ධති මෙහෙයුම්කාර (nso) සමාගම පවසයි. සිව්වන කාර්තුව සඳහා යෝජිත විදුලි ගාස්තු සංශෝධනය පිළිබඳ උපදේශන සභාවේදි මේ බව (nso) දැනුම් දී ඇත.

කම්කරු අමාත්‍යංශය යටතේ පවතින ’’ ජාතික වෘත්තීය සුරක්ෂිතතා ආයතනය ’’ මගින් කොරියාවේ ෂැන්වුන්ග්ඩෝ පළාතේ ෂැන්ෂින් විශ්ව විද්‍යාලය වෙත වඩාත් විධිමත් සැළසුමක් යටතේ උසස් අධ්‍යාපනය හදාරා , එහි රැකියා ගත කිරීමේ නව ගිවිසුමකට එළඹුණු 11/04 දින පස්වරුවේ කටුනායක ගුවන් තොටුපොළ වෙත පැමිණි කම්කරු නියෝජ්‍ය අමාත්‍ය මහින්ද ජයසිංහ මහතා පැවසීය .

2026 අංක 8 පරිපූරක ඇස්තමේන්තුව අද (නොවැම්බර් 05) අනුමතිය සඳහා විවාදයට ගැනීමට කථානායක වෛද්‍ය ජගත් වික්‍රමරත්න මහතාගේ ප්‍රධානත්වයෙන් පැවති පාර්ලිමේන්තු කටයුතු පිළිබඳ කාරක සභාවේදී තීරණය විය.

ජනාධිපති ඩොනල්ඩ් ට්‍රම්ප්ගේ රිපබ්ලිකන් පක්ෂය මධ්‍ය කාලීන මැතිවරණයේදී දැඩි පරාජයක් ලැබීමෙන් පසුව, ඇමරිකානුවන් ’’යුද්ධය එපා’’ යනුවෙන් ඡන්දය දුන් බව ඇමරිකා එක්සත් ජනපදය සමඟ සාකච්ඡා කරමින් සිටින ඉරානයේ ප්‍රධාන සාකච්ඡාකරු පවසා තිබේ.

පුස්සැල්ලාව පොලිස් වසමේ ගම්පොල, දොරගල ප්‍රදේශයේ නිවසක් තුලදී කාන්තාවක් තියුණු ආයුධයකින් පහරදී ඝාතනය කර එම සැකකරුද සියදිවි හානි කරගෙන ඇති බවට ඊයේ (04දා) පුස්සැල්ලාව පොලිස් ස්ථානයට ලද පැමිණිල්ලක් මත විමර්ශන ආරම්භ කර ඇත. මරණකාරිය අවුරුදු 38 ක් වූ දොරගල ප්‍රදේශයේ පදිංචිකාරියක් වන අතර, සියදිවි නසාගත් සැකකරු අවුරුදු 38 ක් වූ කුරුණෑගල ප්‍රදේශයේ පදිංචිකරුවෙකි.

නාවික හමුදාව සහ බුද්ධි අංශ එක්ව සිදුකළ වැටලීමකින් මුහුදේදී නාවික හමුදා භාරයට ගත් බහුදින ධීවර යාත්‍රාවේ තිබී කිලෝග්‍රෑම් 150කට අධික මත්ද්‍රව්‍ය තොගයක් සොයා ගෙන තිබේ.

මුළු ශිෂ්‍ය සංඛ්‍යාව 50ට අඩු පාසල් ආසන්නයේ පවතින වෙනත් පාසලක් සමග එකාබද්ධ කිරිමට පළාත් ව්‍යුහ කමිටුවට බලය පවරා තිබුණද දකුණු පළාතේ එවැනි පාසල් 39ක් ඒකාබද්ධ කිරිමට අදාළ කිසිදු ක්‍රියාමාර්ගයක් දකුණු පළාත් අධ්‍යාපන දෙපාර්තමේන්තු විසින් ගෙන නොතිබු බව ජාතික විගණන කාර්යාලය මගින් නිකුත්කොට ඇති විගණන වාර්තාවක් මගින් අනාවරණය වි ඇත.

හෙද ක්ෂේත්‍රයේ ජාත්‍යන්තර මට්ටමින් පිරිනමනු ලබන ඉහළම ගෝලීය ඇගයීමක් වන ‘ප්‍රින්සස් ශ්‍රීනගරින්ද්‍ර සම්මානය - 2026’ (The Princess Srinagarindra Award 2026) ශ්‍රී ලාංකික මහාචාර්ය වෛද්‍ය සුදත් ෂර්ලි පත්මසිරි වර්ණකුලසූරිය මහතා හට මෙවර පිරිනමා ඇත.

ඉන්දියාවේදී අභාවප්‍රාප්ත වූ කොමාණ්ඩර් සමීර සමරකෝන් නිලධාරියාගේ දේහය දිවයිනට රැගෙන එයි

’’ආවේ ජාතික හැඳුනුම්පතේ ඉඳන් ඩිජිටලයිස් කරනවා කියලා. හැබැයි දැන් තෙල් පෝලිම, ගෑස් පෝලිමට ටින් පෝලිමත් එකතු වෙලා අපි දැන් බලන් ඉන්නෙ තුන්වෙනි අයවැයේදී ජනාධිපතිතුමා කොච්චර පච කියනවද කියලා ගණන් කරන්න’’

ලෝක වෙළඳපොළ තුළ බොරතෙල් බැරලයක මිළ අද දිනයේදී සියයට 1 කින් පමණ පහළ ගියේය. මේ අනුව බ්‍රෙන්ට් බොරතෙල් දර්ශකය සියයට 1.42කින් පහළ ගොස් බැරලයක් ඩොලර් 102.1ක් බවට පත්විය.එසේම වෙස්ට් ටෙක්සාස් දර්ශකය සියයට 0.95කින් පහළ ගොස් බැරලයක් ඩොලර් 95.18ක් ලෙස සටහන් විය.

ඩිමොක්‍රටික් පක්ෂය එක්සත් ජනපද මධ්‍යකාලීන මැතිවරණවලදී ’’හොඳ කාර්යයක්’’ කර ඇති බවත්, ඔවුන් සෙනෙට් සභාව සහ නියෝජිත මන්ත්‍රී මණ්ඩලය යන දෙකම අතිවිශිෂ්ට ජයග්‍රහණයකින් අත්පත් කරගත් බවත් ඇමරිකානු ජනාධිපති ඩොනල්ඩ් ට්‍රම්ප් පවසයි.

සිංගප්පූරුවේදී සිදුකළ හෘද සැත්කමකින් පසු ලබාගත යුතු වෛද්‍ය ප්‍රතිකාර සඳහා විදෙස්ගත වීමට අවසර ලබාදෙන ලෙස ඉල්ලා හිටපු ජනාධිපති ගෝඨාභය රාජපක්ෂ විසින් කොළඹ කොටුව මහේස්ත්‍රාත් අධිකරණයට මෝසමක් ඉදිරිපත් කර තිබිණි.

ගම්පහ වික්‍රමාරච්චි දේශීය වෛද්‍ය විශ්වවිද්‍යාලයේ සිසුන් දෙපිරිසක් අතර ඇති වූ බව කියන සිදුවීම සම්බන්ධයෙන් එම විශ්වවිද්‍යාලයෙන් අභ්‍යන්තර පරීක්ෂණයක් ආරම්භ කර ඇති බව අධ්‍යාපන අමාත්‍යාංශ ලේකම් නාලක කළුවැව පවසයි.

අග්‍රහාර සෞඛ්‍ය රක්ෂණාවරණය තවදුරටත් ශක්තිමත් කිරීම කෙරෙහි සෞඛ්‍ය නියෝජ්‍ය අමාත්‍යවරයාගේ විශේෂ අවධානය.

පස් කන්දක් කඩා වැටිමෙන් ඇනහිට තිබූ උඩරට දුම්රිය මාර්ගයේ ගමනා ගමන කටයුතු (04) දින උදෑසන 11:15 පමණ වන විට යථා තත්වයට පත් කල බව දුම්රිය දෙපාර්තමේන්තුවේ නුවරඑළිය දිස්ත්‍රික් අධිකාරි ඉංජිනේරු ධනුෂ්ක දිසානායක මහතා පැවසීය.

2026 වසරේ අවසන් කාර්තුව සඳහා විදුලි ගාස්තු සංශෝධනයේදී සියයට 1.46ක වැඩිවීමක් සිදුකිරීමට මහජන උපයෝගිතා කොමිෂන් සභාව මූලික වශයෙන් යෝජනා කර තිබේ.

ලෝකයේ වඩාත්ම අවධානයට ලක්වූ මැතිවරණයක් වූ ඇමෙරිකානු මධ්‍යවාර මැතිවරණයෙන් ඇමෙරිකානු ජනපති ඩොනල්ඩ් ට්‍රම්ප් නායකත්වය දෙන රිපබ්ලිකන් පක්ෂය අභිභවා යමින් ප්‍රතිවාදී ඩිමොක්‍රටික් පක්ෂය ඉදිරියට පැමිණ තිබේ.

සාලියවැව පොලිස් වසමේ කුඹුක්කල්ල ප්‍රදේශයේ නිවසක් තුල කාන්තාවක් මියගොස් සිටින බවට සාලියවැව පොලිස් ස්ථානයට ඊයේ (03දා) ලද පැමිණිල්ලක් මත විමර්ශන ආරම්භ කර ඇත.මරණකාරිය අවුරුදු 32 ක් වූ කුඹුක්කල්ල ප්‍රදේශයේ පදිංචිකාරියකි.

සෞදි අරාබියේ පැවැත්වීමට නියමිතව තිබූ 2027 ආසියානු කුසලාන පාපන්දු තරගාවලිය කල් දමා තිබේ. මැදපෙරදිග පවතින යුදමය තත්ත්වය සමග සෞදිය ඉලක්ක කර හූති සටන්කරුවන් එල්ලකරන ප්‍රහාර හේතුවෙන් මෙසේතරගාවලිය කල් දමා තිබේ.

සෞඛ්‍ය වෛද්‍ය නිලධාරී කොට්ඨාශ 74ක නොවැම්බර් 09 වන දින සිට 14 වන දින දක්වා ඩෙංගු මර්දන සතිය ක්‍රියාත්මකයි.

අධ්‍යාපනය, කුසලතා සංවර්ධනය සහ රැකියා අවස්ථා පුළුල් කිරීම අරමුණු කරගත් බහුපාර්ශ්වීය අවබෝධතා ගිවිසුමකට (MoU) මෙරට කම්කරු අමාත්‍යාංශය ඇතුළු පාර්ශ්ව පහක් දකුණු කොරියාවේ චැංවොන් ප්‍රදර්ශන සම්මේලන මධ්‍යස්ථානයේදී අත්සන් තැබීය.

අමාත්‍ය මණ්ඩල තීරණයට අනුව 2026 වසරේදී 1 ශ්‍රේණිය සඳහාත්, 2027 වසරේදී 6 ශ්‍රේණිය සහ 2 ශ්‍රේණිය සඳහාත් නව ප්‍රතිසංස්කරණ ක්‍රියාත්මක කිරීමට සැලසුම් කර ඇති බවත් ඒ මහතා පැවසීය. මේ සඳහා අවශ්‍ය ගුරු පුහුණු වැඩසටහන්, මොඩියුල හා ගුරු මාර්ගෝපදේශ මුද්‍රණය කිරීම සහ පාසල්වල ඩිජිටල් යටිතල පහසුකම් නැංවීමේ සැලැස්ම ද ක්‍රියාත්මක වෙමින් පවතී.

කැකුළු සහල් (Raw Rice) සහ තම්බන ලද සහල් (Parboiled Rice) යන කාණ්ඩවලට අයත් නිශ්චිත HS කේත දෙකක් සඳහා පනවා තිබූ විශේෂ වෙළෙඳ භාණ්ඩ බද්ද අද (03) සිට ක්‍රියාත්මක වන පරිදි ඉවත් කර ඇත.

1983 කළු ජූලි ඛේදවාචකය සහ එහි බලපෑම් පිළිබඳව පූර්ණ අධ්‍යයනයක් සිදුකර, ජාතික සහජීවනය තහවුරු කිරීම හා පීඩාවට පත් පිරිස් වෙත සහන සැලසීම සඳහා නිර්දේශ ඉදිරිපත් කිරීමට පාර්ලිමේන්තු විශේෂ කාරක සභාවක් පත් කළ යුතු බවට වූ යෝජනාව සම්මත කර තිබේ.

ශ්‍රී ලංකාවේ ප්‍රථම උපයෝගිතා පරිමාණයේ බැටරි බලශක්ති ගබඩා පද්ධතිය (BESS) ස්ථාපිත කිරීමේ අරමුණින් කොලොන්නාව ග්‍රිඩ් උපපොළ වැඩිදියුණු කිරීමේ කොන්ත්‍රාත්තුව පිරිනැමීමට අමාත්‍ය මණ්ඩල අනුමැතිය හිමිව තිබේ.

ශ්‍රී ලංකාව සහ යුරෝපා සංගමය අතර තිරසර වෙළෙඳ සබඳතා ශක්තිමත් කිරීමේ අරමුණින් යුරෝ මිලියන 10ක ප්‍රදානයක් ලබා ගැනීමට අදාළ මූල්‍ය ප්‍රදාන ගිවිසුමට අත්සන් තැබීමට අමාත්‍ය මණ්ඩල අනුමැතිය හිමිව තිබේ.

ලංකාවේ අවුරුදු 18 ඉක්මවූ පුද්ගලයන් මිලියන 17ක් සිටින බවත් මේ වන විට ඉන් පුද්ගලයන් මිලියන 13ක් ටින් අංකය ලබාගෙන ඇති බවත් කැබිනට් ප්‍රකාශක අමාත්‍ය නලින්ද ජයතිස්ස මහතා පැවැසිය. තවත් මිලියන 4ක් ටින් අංකය ලබාගත යුතුව ඇති බවද ඔහු කීය.

නොවැම්බර් 01 දා සිට ආර්ථික කටයුතු 8ට ටින් අංකය අවශ්‍ය වුවත් මේ අවස්ථාවේ පැන නැගී ඇති තත්ත්වය අනුව බැංකු ගිණුමක් විවෘත කිරීම හා වාහන ආදායම් බලපත්‍ර ලබා ගැනීමේදී දැනට ටින් අංකයක් අවශ්‍ය නොමැති බව කැබිනට් ප්‍රකාශක අමාත්‍ය නලින්ද ජයතිස්ස මහතා පැවැසිය.