අද දිනයේ වැසි තත්ත්වයේ තාවකාලික අඩුවිමක් අපේක්ෂා කරන බව කාලගුණ විද්‍යා දෙපාර්තමේන්තුව පවසයි. නැගෙනහිර පළාතෙත් මුලතිව් හා පොලොන්නරුව දිස්ත්‍රික්කවලත් වැසි වාර කිහිපයක් ඇතිවන බව එම දෙපාර්තමේන්තුව පවසයි.

දේශිය හා විදේශිය ණය සදහා පොලි ගෙවිමට මෙම වර්ෂයේ (2026) මුල්මාස අට තුලදි රුපියල් බිලියන 1,609.2 මුදලක් වැයවි ඇති අතර එය ඉකුත් වර්ෂයේ (2025) මෙම කාලසිමාවට සාපේක්ෂව සියයට 4.6ක අඩුවිමක් බව අයවැය ආර්ථිකය හා මුල්‍ය තත්ත්වය පිළිබද වාර්තාවේ සදහන් වේ.

විදුලි වාහන තාක්ෂණය නියාමනය කිරීම, පර්යේෂණ ආයතන ප්‍රතිව්‍යුහ ගතකිරීම සහ නවෝත්පාදන ප්‍රවර්ධනය පිළිබඳව ආංශික අධීක්ෂණ කාරක සභාවේදී අවධානය

අනුරාධපුර රුවන්වැලි සෑය අසල අධිකරණ නියෝග නොතකමින් කටයුතු කළ පුජ්‍ය බලංගොඩ කස්සප හිමි ඇතුළු පිරිස අත්අඩංගුවට ගෙන අධිකරණයට ඉදිරිපත් කිරිමෙන් අනතුරුව නොවැම්බර් 26 වැනිදා දක්වා රක්ෂිත බන්ධනාගාරගත කරන ලෙස අනුරාධපුර මහෙස්ත්‍රාත් අධිකරණය විසින් නියෝග කර තිබේ.

ආණ්ඩුක්‍රම ව්‍යවස්ථාවේ 121(1) ව්‍යවස්ථාව ප්‍රකාරව, ශ්‍රේෂ්ඨාධිකරණය හමුවේ අභියෝගයට ලක් කරන ලද “ශ්‍රී ලංකා ක්‍රිකට්” නමැති පනත් කෙටුම්පත සම්බන්ධයෙන් ශ්‍රේෂ්ඨාධිකරණයේ තීරණය කථානායක වෛද්‍ය ජගත් වික්‍රමරත්න මහතා පාර්ලිමේන්තුවට නිවේදනය කළේය.

ශ්‍රී ලංකාවට දකුණු දෙසින් වූ ගැඹුරු මුහුදේ සිදුකළ විශේෂ නාවික මෙහෙයුමකදී මත්ද්‍රව්‍ය බවට සැක කෙරෙන උර තොගයක් ප්‍රවාහනය කරමින් තිබූ දේශීය බහුදින ධීවර යාත්‍රාවක් අද (12) උදෑසන ශ්‍රී ලංකා නාවික හමුදාව විසින් අත්අඩංගුවට ගෙන තිබේ.

වර්ෂාපතනය වැඩි වීමත් සමග අද (12) කුකුළේ ගඟ ජලාශයේ වාන් දොරටු 02 ක් විවෘත කිරිමට පියවර ගත් බව කුකුළේ ගඟ ජලාශය බාර ඉංජිනේරුවන් පැවසීය

ඓතිහාසික රුවන්වැලි සෑ දොරටුව අභියස දන්සල් ඉඩමේ පැවැති මාරාන්තික උපවාසයට අසලට ආ භික්ෂූන් වහන්සේ පිරිසක් සහ උපවාසයේ යෙදී සිටින බලංගොඩ කස්සප ඇතුළු භික්ෂූන් වහන්සේලා අතර අද ගැටුමක් සිදුව ඇතැයි පොලිසිය කියයි. බලංගොඩ කස්සල හිමි අසලට ආ රාජාංගනයේ සද්ධාරතන හිමි ඇතුළු පිරිසක් අතර මෙම ගැටුම ඇති ව තිබේ. පහර කෑමට ලක් වූ රාජංගනේ සද්ධාරතන හිමි තුවාල ලබා රෝහල් ගත කර ඇත.

මේ වන විට හැටන් ආශ්‍රිත ප්‍රදේශවල බෝංචි කිලෝව රුපියල් 700ත් 800ත්, කැරට් කිලෝව රුපියල් 600ත් 650ත්, ලික්ස් කිලෝව රුපියල් 400ත් 450ත්, වම්බටු කිලෝව රුපියල් 700ත් 750ත්, වට්ටක්කා කිලෝව 350ත් 400ත්, බිට් කිලෝව රුපියල් 400ත් 450ත්, අළු කෙසල් කිලෝව රුපියල් 340ත් 360ත්, මාළු මිරිස් කිලෝව රුපියල් 900ත් 1000ත්, තක්කාලි කිලෝව රුපියල් 800ත් 850ත්, ගෙඩි ගෝවා කිලෝව රුපියල් 450ත් 500ත් අතර මිලකට අලෙවි වනු ඇත.

ආර්ථි­කය ස්ථාවර කිරීමේ ඉල­ක්ක­යෙන් ඔබ්බට ගොස්, ආර්ථික ප්‍රසා­ර­ණය සහ පරි­ව­ර්ත­නීය සංව­ර්ධ­නය ඉලක්ක කර­ගත් 2027 අය-වැය ලේඛ­නය මුදල්, සැල­සුම් හා ආර්ථික සංව­ර්ධන ඇමැ­ති­ව­රයා ලෙස ජනා­ධි­පති අනුර කුමාර දිසා­නා­යක මහතා විසින් පාර්ලි­මේ­න්තු­වට අද (12) පස්වරු 2.00ට ඉදි­රි­පත් කිරී­මට නිය­මි­තය.

අද දිනයේදි උතුරු හා නැහෙනහිර පළාත්වල විටින් විට වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි. දිවයිනේ සෙසු ප්‍රදේශවල ප.ව. 1.00 න් පසුව වැසි හෝ ගිගුරුම් සහිත වැසි ඇතිවන බවද එම දෙපාර්තමේන්තුව අද පෙරවරුවේ නිකුත් කළ නිවේදනයේ දැක්වෙයි. ඒසේම බස්නාහිර, සබරෙමුව, මධ්‍යම, දකුණු හා ඌව පළාත්වල ඇතැම් ස්ථාන වලට මි.මී. 100 ට වැඩි තද වැසි ඇති විය හැකි බවද කාලගුණ විද්‍යා දෙපාර්තමේන්තුව වැඩිදුරටත් පවසයි.

මෙරට ක්‍රියාත්මක 1990 සුවසැරිය ජාතික හදිසි ගිලන්රථ සේවාවේ මෙහෙයුම් ධාරිතාව තවදුරටත් පුළුල් කරමින්, එහි කාර්යක්ෂමතාව සහ සේවා ගුණාත්මකභාවය ඉහළ නැංවීමේ අරමුණින් රුපියල් බිලියන 1.72ක ඉන්දීය මූල්‍ය ප්‍රදානයක් යටතේ නව ගිලන්රථ 100ක් ලබාදීමට ඉන්දීය රජය එකඟතාව පළ කර තිබේ.

ශ්‍රී ලාංකික පුරවැසියෙකු වන අනෝජන් සිවරාසා මහතා සම්බන්ධයෙන් පවතින නඩුවේ ඉදිරි නීතිමය කටයුතු තවදුරටත් පවත්වාගෙන නොයාමට සහ එම නඩුව නිල වශයෙන් අවසන් කිරීමට සෞදි අරාබි රාජධානියේ රජයේ අභිචෝදක අධිකාරිය විසින් ගනු ලැබූ තීරණය පිළිබඳව ශ්‍රී ලංකා රජය සිය ප්‍රසාදය පළ කරයි.

නීතිවිරෝධී ලෙස එකලස් කරන ලද සුඛෝපභෝගී මෝටර් රථයක් සන්තකයේ තබාගැනීම සම්බන්ධයෙන් අධිකරණය හමුවේ වරද පිළිගත් හිටපු අමාත්‍ය ජොන්ස්ටන් ප්‍රනාන්දුට දඬුවම් නියම කිරීමේ තීන්දුව ප්‍රකාශයට පත් කිරීම ලබන 25 වැනිදා දක්වා කල් තැබීමට කොළඹ කොටුව මහේස්ත්‍රාත් අධිකරණය අද (11) දින නියෝග කළේය.

ශ්‍රී ලංකාව තුළ නියමුවන් රහිත විදුලියෙන් බලගැන්වෙන මගී ප්‍රවාහන ඩ්‍රෝන යානා සේවාව හඳුන්වා දීමේ මූලික පියවරක් ලෙස, එහි පළමු නිල නිරූපණ අත්හදා බැලීම අද (11) කොළඹ වරාය නගර පරිශ්‍රයේදී සිදු කෙරිණි.

නුවරඑළිය දිස්ත්‍රික් මහ රෝහලට දිනකට රුධිර ඒකක 20කට අධික ප්‍රමාණයක් අවශ්‍ය වන අතර, රෝහලේ ප්‍රතිකාර ලබන රෝගීන් අතරින් බහුතරයකට රක්තහීනතාවය හෙවත් හිමොග්ලොබින් මට්ටම අඩුවීමේ තත්ත්වය පවතින බැවින් මෙම රුධිර අවශ්‍යතාව අඛණ්ඩව පවත්වාගෙන යාම අභියෝගයක් වී ඇතැයි රෝහල් අධ්‍යක්ෂ විශේෂඥ වෛද්‍ය වයි.එම්.එස්.එස්. යාපා මහතා පැවසීය.

2027 වසරට අදාළ අයවැය යෝජනා ඇතුළත් අවසන් ලේඛනය ජනාධිපති අනුර කුමාර දිසානායක මහතා අද (11) ජනාධිපති ලේකම් කාර්යාලයේදී නිරීක්ෂණය කළේය.

හිටපු ජනාධිපති රනිල් වික්‍රමසිංහට සහ හිටපු ජනාධිපති ලේකම් සමන් ඒකනායකට එරෙහිව පොදු දේපොළ පනත යටතේ ගොනුකර ඇති නඩුව අද (11) කොළඹ කොටුව මහේස්ත්‍රාත් අධිකරණයේදී කැඳවන ලද අතර යළිත් නඩුව දෙසැම්බර් මස 09වැනිදා කැඳවන ලෙස කොළඹ කොටුව මහෙස්ත්‍රාත් අධිකරණය නියම කළේය. හිටපු ජනපති රනිල් වික්‍රමසිංහ මහතා නඩුව වෙනුවෙන් අධිකරණයේ පෙනී සිටියේය.

පෞද්ගලික අංශයේ ණය වර්ධනය, උද්ධමන ඉලක්කය සහ බැංකු පද්ධතියේ ස්ථාවරත්වය පිළිබඳව මහ බැංකු නිලධාරීහු රජයේ මුදල් පිළිබඳ කාරක සභාවට කරුණු දක්වති

මෙම දුම්වැටි සහිත බහාලුම බස්නාහිර පළාත් උතුර අපරාධ කොට්ඨාසයේ නිලධාරීන් කණ්ඩායමක් විසින් අත්අඩංගුවට ගන්නා ලදී.

කොළඹ මහනුවර මාර්ගයේ කඩුගන්නාව - ගනේතැන්න අතර මාර්ග කොටසේ එක් මං තීරුවක් පමණක් විවෘතකර තැබීමට තීරණය කළ බව මහනුවර දිස්ත්‍රික් ලේකම් ඉන්දික උඩවත්ත මහතා පවසයි.

උපවාසයක නිරතව සිටින පූජ්‍ය බලංගොඩ කස්සප හිමි ඇතුළු තවත් දෙනමක් අනුරාධපුර සත්‍යග්‍රහය සිදුකරමින් සිටි ස්ථානයේ අද (11) පෙරවරුවේ මාරාන්තික උපවාසයක් ආරම්භ කර ඇත.

හිටපු ජනාධිපති ගෝඨාභය රාජපක්ෂ මහතාගේ පෞද්ගලික ලේකම්වරයා ලෙස කටයුතු කළ සුගීෂ්වර බණ්ඩාර නොවැම්බර් 18 වැනිදා දක්වා තවදුරටත් රක්ෂිත බන්ධනාගාරගත කිරීමට නියෝග කර තිබේ.

• අයවැය විවාදය නොවැම්බර් 13 සිට දෙසැම්බර් 14 දක්වා දින 26 ක් පැවැත්වෙයි • දෙවැනිවර කියවීමේ විවාදය නොවැම්බර් 13 සිට නොවැම්බර් 20 දක්වා • කාරක සභා අවස්ථාවේ විවාදය නොවැම්බර් 21 සිට දෙසැම්බර් 14 දක්වා - තෙවනවර කියවීමේ ඡන්ද විමසීම දෙසැම්බර් 14 වැනිදා ප.ව. 6.00 ට

ජපානයේ ටෝකියෝ නුවර පැවැත්වෙන 64 වන මිස් ඉන්ටර්නැෂනල් රූ රැජින තරගාවලියට ශ්‍රී ලංකාව නියෝජනය කරමින් සහභාගී වීම සදහා ටිෆනි විජේපාල මෙනවිය 11/11 දින අලුයම කටුනායක ගුවන් තොටුපොළෙන් ජපානය බලා පිටත්ව ගියාය .

කොළඹ මහනුවර මාර්ගයේ කඩුගන්නාව - ගනේතැන්න අතර මාර්ග කොටසේ වාහන ධාවනය එක් මං තීරුවකට පමණක් සිමා කිරිමට තීරණය කර තිබේ.

රතු පැහැති පොපි මල සංකේතාත්මකව මියගිය හා තුවාල ලැබූ සන්නද්ධ හමුදා රණවිරුවන් සිහිගන්වයි.මෙය දීර්ඝ ඉතිහාස කතාවක ඇරඹුමකි.ලෝකය පුරා සෑම වර්ෂයකම නොවැම්බර් 11වෙනිදා යුද විරුවන් සමරමින් පොපි මලින් සරසයි.

මධ්‍යම අපරාධ විමර්ශන කාර්යංශය භාරයේ රැඳවුම් නියෝග මත සිටින ඩුබායි රාජ්‍යයේ සිට මෙරටට රැගෙන එන ලද සංවිධානාත්මක අපරාධ කල්ලි සමාජිකයෙකුගෙන් අනාවරණය වූ තොරතුරු මත 2026.11.10 දින දහවල් හංවැල්ල පොලිස් වසමේ පහත්ගම ප්‍රදේශයේ සඟවා තිබූ 09 mm වර්ගයේ පතරොම් යෙදිය හැකි මෙරට නිෂ්පාදිත ගිනි අවියක්, පතරොම් ගැබක්, බෝර 12 වර්ගයේ පතරොම් යෙදිය හැකි ගල් කටස් වර්ගයේ ගිනි අවියක් හා බෝර 12 පතරොම් 02 ක් විමර්ශන නිලධාරීන් විසින් පොලිස් භාරයට ගෙන ඇත.මධ්‍යම අපරාධ විමර්ශන ක

කඩුගන්නාව මාර්ගයේ ගල්පෙරළීම් සහ පස් කඳු කඩා වැටීමේ අවධානම හේතුවෙන් වසා දැමුණු කඩුගන්නාව - ගනේතැන්න අතර මාර්ගය කොටස යළි විවෘත කිරීමට පියවර ගෙන තිබේ. එම මාර්ග ඊයේ (10) පස්වරුවේ සිට අද පෙරවරු 6.00 දක්වා වසා තැබීමට පියවර ගෙන ගත්තේය.