අධිකරණ තීන්දුවකට අනුව බන්ධනාගාරගත කෙරුණු පූජ්‍ය ගලගොඩඅත්තේ ඥානසාර හිමියන් ගිහි වස්ත්‍ර අන්දවා අධිකරණයට ඉදිරිපත් කිරීමට බන්ධනාගාර දෙපාර්තමේන්තුව කටයුතු කිරීම සම්බන්ධයෙන් සිය දැඩි කනස්සල්ල සහ විමතිය පළ කරමින් ත්‍රෛනිකායික මහානායක මාහිමිපාණන් වහන්සේලාගේ විසින් බන්ධනාගාර කොමසාරිස් ජනරාල්වරයා වෙත ලිපියක් යොමු කර ඇත.

රාජ්‍ය සේවය ඩිජිටල්කරණය කිරීමේ වැඩපිළිවෙල යටතේ සෑම රාජ්‍ය සේවකයෙකුටම නිල Email ලිපිනයක් ලබාදීමට රජය අවධානය යොමු කර ඇති බව ඩිජිටල් ආර්ථික අමාත්‍යාංශය පවසයි.

සුඛෝපභෝගී මෝටර් රථ නිෂ්පාදක Jaguar සමාගම සිය නවතම පූර්ණ විදුලි බලයෙන් ක්‍රියාත්මක වන වාහනය එළිදක්වා ඇත. මෙම පියවර ගෙන ඇත්තේ, එම සුප්‍රසිද්ධ බ්‍රිතාන්‍ය සමාගම විසින් සිදු කළ මතභේදාත්මක ’වෙළඳ නාම ප්‍රති-සංස්කරණය’ (rebranding) හේතුවෙන් සමාජ මාධ්‍ය තුළ දැඩි විවේචන එල්ල වී වසර දෙකකට පසුවය.

2027 මුදල් වර්ෂයට අදාළ විසර්ජන පනත් කෙටුම්පත අද (07) පළමුවර කියවීම සඳහා කම්කරු අමාත්‍ය සහ මුදල් සහ ක්‍රමසම්පාදන නියෝජ්‍ය අමාත්‍ය ආචාර්ය අනිල් ජයන්ත මහතා විසින් පාර්ලිමේන්තුවට ඉදිරිපත් කරන ලදී.

අස්වැසුම ප්‍රතිලාභ නෝර්වුඩ් ප්‍රාදේශීය ලේකම් කාර්යාලයේ සේවය කරන ඇතැම් සේවකයිනුත් ලබා ගෙන ඇති බව විමර්ෂණවලදී අනාවරණය වෙයි.නෝර්වුඩ් ප්‍රාදේශීය ලේකම් කාර්යාලයේ අංශ කිහිපයක සේවය කරන සේවක සේවිකාවන් ඔවුන්ගේ නමට සහ ඔවුන්ගේ ඥාතීන්ගේ නම්වලට අස්වැසුම ප්‍රතිලාභ ලබා ගෙන ඇති බව නෝර්වුඩ් ප්‍රාදේශීය ලේකම් කාර්යාලයේ සිදු කල අස්වැසුම වංචාව සම්බන්ධයෙන් විමර්ෂණය කරන විමර්ෂණ නිළධාරින් අනාවරණය කර ගෙන ඇත.

පසුගිය මාස නවය තුළදී, විගමනික ශ්‍රමිකයන් 211,666 ක් රැකියා සඳහා විදේශගත වූ බව ශ්‍රී ලංකා විදේශ සේවා නියුක්ති කාර්යාංශය සඳහන් කරයි. මෙලෙස විදේශ ගත වූ ශ්‍රමිකයින්ගෙන් 141,916 ක් ස්වයං මාර්ගයෙන්ද 69750 දෙනෙකු විදේශ රැකියා නියෝජිත ආයතන මගින්ද විදේශගතව ඇති බවයි කාර්යාංශය සඳහන් කරන්නේ.

2023 දෙසැම්බර් 31 වැනිදා වැලිගම පැලෑන w 15 හෝටලයට වෙඩි තැබීම සම්බන්ධයෙන් හිටපු පොලිස්පති දේශබන්දු තෙන්නකොන් මහතා ඇතුළු සැකකරුවන් අට දෙනෙකුට එරෙහිව මාතර මහාධිකරණයේදී අද (07) දින අධි චෝදනා භාරදෙන ලදී.

දූෂණ චෝදනාවක් සම්බන්ධයෙන් ප්‍රකාශයක් ලබා දීම සඳහා අද (07) අල්ලස් කොමිසමට පැමිණ සිටි හිටපු අමාත්‍ය රෝහිත බෝගොල්ලාගම එම කොමිෂම මගින් අත්අඩංගුවට ගෙන තිබේ. හිටපු අමාත්‍යවරයා කොළඹ ප්‍රධාන මහේස්ත්‍රාත් අධිකරණයට ඉදිරිපත් කිරීමට නියමිතයි.

2026.10.06 දින උදෑසන හුරීගස්වැව පොලිස් වසමේ තඹුත්තේගම ගල්නෑව මාර්ගයේ කිලෝමිටර් 35 කණුව ආසන්නයේදී ගල්නෑව දෙසට ධාවනය වූ යතුරුපැදියක අතුරු මාර්ගයක සිට පැමිණි තවත් යතුරුපැදියක් ගැටී අනතුරක් සිදුව ඇත. අනතුරින් යතුරුපැදිකරුවන් දෙදෙනා තුවාල ලබා අනුරාධපුර රෝහලට ඇතුලත් කිරීමෙන් පසු එක් පැදිකරුවෙකු මියගොස් ඇත. මරණකරු අවුරුදු 70 ක් වූ කලංකුට්ටිය ප්‍රදේශයේ පදිංචිකරුවෙකි. හුරීගස්වැව පොලිසිය විසින් වැඩිදුර විමර්ශන සිදු කරනු ලබයි.

ජාතික ඉතිරි කිරීමේ බැංකුවේ හිටපු සභාපති ප්‍රදීප් කාරියවසම් මහතා අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන තිබේ. ඔහු හිටපු අගවිනිසුරු ශිරාණි බණ්ඩාරනායක මහත්මියගේ සැමියාද වෙයි.

අපනයන කෘෂිකර්මය ප්‍රවර්ධනය කිරීම (සංශෝධන) පනත් කෙටුම්පත සඳහා කථානායක වෛද්‍ය ජගත් වික්‍රමරත්න මහතා අද (06) සිය සහතිකය සටහන් කළේය.

පොලිස් විශේෂ කාර්ය බළකායට අයත් සාමාජිකයන් 185ක් හයිටි රාජ්‍යෙය් සාමා සාධක කටයුතු සඳහා පිටත්ව යාමට නියමිතව තිබේ. මෙම සාමාජිකයන් වෙනුවෙන් උපදෙස් ලබාදී ඔවුන්ට සුභාශිංශන එක් කිරිමට පොලිස්පතිවරයා ඊයේ කටයුතු කරන ලදී.

පා පැදියකින් පාසල් යමින් සිටි සිසුවෙකු ලංගම බස් රථයේ ගැටී එම ස්ථානයේදිම (07) දින ජීවිතක්ෂයට පත් වි ඇති බව නෝටන්බ්‍රිජ් පොලිසියේ ස්ථානාධිපති ප්‍රධාන පොලිස් පරික්ෂක කපිල විජේරත්න මහතා පැවසීය.

හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මිය අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන තිබේ.

ව්‍යාජ ලේඛන සකස්කර වෛද්‍යවරුන් ලෙස පෙනී සිටි පුද්ගලයින් දෙදෙනෙකු ඖෂධ තොගයක් සමඟ අත්අඩංගුවට - වලාන මධ්‍යම දූෂණ මර්ධන ප්‍රහාරක ඒකකය

කොළඹ රිජ්වේ ආර්යා ළමා රෝහලේ මේවන විට ඖෂධ සහ ශල්‍ය පාරිභෝජන ද්‍රව්‍යවල දැඩි හිඟයක් පවතින බවට ඇතැම් පාර්ශ්ව විසින් සමාජ මාධ්‍ය ඔස්සේ ගෙන යනු ලබන ප්‍රචාරවල කිසිදු සත්‍යතාවක් නොමැති බව රිජ්වේ ආර්යා ළමා රෝහලේ අධ්‍යක්ෂ විශේෂඥ වෛද්‍ය ප්‍රදීප් රත්නසේකර මහතා මාධ්‍ය නිවේදනයක් නිකුත් කරමින් සඳහන් කරයි.

වත්මන් රැකියා විරහිත සියලු උපාධිධාරීන් සඳහා රැකියා ලබාදීමට අවශ්‍ය මුදල් ප්‍රතිපාදන වෙන් කර, පැහැදිලි කාල සීමාවක් තුළ එම ප්‍රතිපත්ති පොරොන්දුව ක්‍රියාත්මක කරන වැඩපිළිවෙළක් සකස් කරන ලෙස ඉල්ලා සිටිමි.

කාන්තාවන්ට වඩා පිරිමින් තුළ ඒඩ්ස් රෝග ව්‍යාප්තිය වර්ධනය වී ඇති බව සම කැබිනට් ප්‍රකාශක අමාත්‍ය නලින්ද ජයතිස්ස මහතා පැවැසීය. එසේම වැඩි රෝගීන් පිරිසක් වාර්තා වන්නේ පිරිමි පුද්ගලයන් අතර බවද අමාත්‍යවරයා පැවැසීය. රෝග ව්‍යාප්තිය වර්ධනය වීමට මත්ද්‍රව්‍ය වැනි සාද හේතුවක් වි ඇති බවද අමාත්‍යවරයා පැවැසීය.

මෙම වසරේ ජනවාරි සිට අගෝස්තු දක්වා ගත වූ මුල් මාස අට තුළ මෙරට ආනයන වියදම එක්සත් ජනපද ඩොලර් මිලියන 16,557 ක් ලෙස සටහන් වන බව මහ බැංකුව පවසයි.

ලෝක වෙළ ඳ පොලේ ඉන්ධන මිල ඉහළ යන ප්‍රමාණයටම ශ්‍රි ලංකාවේ ඉන්ධන මිල ඉහළ නොදමන බවත් ඒ වෙනුවෙන් සහනයක් ජනතාවට ලබාදෙන බව කැබිනට් ප්‍රකාශක අමාත්‍ය නලින්ද ජයතිස්ස මහතා පැවැසීය.

2026 වසරේ ලොව විශිෂ්ටම මලල ක්‍රීඩකයා සම්මානය සඳහා ශ්‍රී ලංකාවේ සුපිරි හෙල්ල විසිකිරීමේ ශූර රුමේෂ් තරංග පතිරගේ නිර්දේශ වී තිබේ. මෙම සම්මානය සඳහා ක්‍රීඩකයන් 10ක් හා ක්‍රීඩිකාවන් 10ක් නිර්දේශ වී තිබේ.මෙහි සම්මාන ප්‍රදානොත්සවය නොවැම්බර් 29 වනදා මොනාකෝ හිදී පැවැත්වීමට නියමිතය.

ඓතිහාසික මඩුවන්වෙල වලව්ව කේන්ද්‍ර කරගනිමින් නව සංචාරක කලාපයක් ස්ථාපිත කිරීමේ අරමුණින්, බුද්ධශාසන, ආගමික හා සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතා ඊයේ (05) පස්වරුවේ සබරගමුව, කොළොන්න කෝරළයේ පිහිටි සුවිශේෂී සංස්කෘතික උරුමයක් වන මඩුවන්වෙල වලව්ව වෙත නිරීක්ෂණ චාරිකාවක නිරත විය.

ශ්‍රී ලංකාව අවට මුහුදු සීමාව තුළ පවතින ඉරාන නෞකා සම්බන්ධයෙන් තීරණ ගැනීමේදී රට හා ජනතාව ඳපිළිබව සිතා තිරණ ගන්නා බව කැබිනට් ප්‍රකාශක අමාත්‍ය නලින්ද ජයතිස්ස මහතා පැවැසීය.

සිර දඩුවම් නියම වූ භික්ෂූන්වහන්සේලා තවත් 63ක් බන්ධනාගාර ආඥා පනත අනුව සුදුසු ඇඳුම් (ජම්පර) ලබාදී ඇති බව කැබිනට් ප්‍රකාශක අමාත්‍ය නලින්ද ජයතිස්ස මහතා පැවැසිය.

දළ දේශීය නිෂ්පාදිතයේ (GDP) වර්ධනය මේ වසරේදී සියයට 4.4 දක්වා ඉහළ ගියත්, 2027 වසරේදී සියයට 4.2 දක්වා මන්දගාමී වේවි.

මෙරට ආර්ථිකය අර්බුදයට පෙර මට්ටමට ළඟාවී ඇති බව ලෝක බැංකුව පවසයි. ශ්‍රී ලංකාව සම්බන්ධයෙන් ලෝක බැංකුව නිකුත් කළ වාර්තාවක මේ බව දැක්වෙයි.

නුවරඑළිය ග්‍රෙගරිවැවේ පා වෙමින් තිබු නාදුනන පුද්ගල මළ සිරුරක් (06) දින හමු වූ බව නුවරඑළිය පොලිසිය පැවසීය. නුවරඑලිය බදුල්ල ප්‍රධාන මාර්ගයේ ග්‍රෙගරිවැවේ ජලය නානුඔයට ගලා බසින පාලමට යාබදව පුද්ගල මළසිරුරක් පා වෙමින් තිබෙන බවට එම ජලාශයේ බෝට්ටුකරුවන් විසින් පොලිසිය වෙත ලබා දුන් තොරතුරක් මත සිරුර සොයා ගෙන ඇත.

හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මියට ඔක්තෝබර් මස 13 වැනිදා මූල්‍ය අපරාධ විමර්ශන කොට්ඨාසය හමුවේ පෙනී සිටින්නැයි නැවත වරක් පොලීසිය දැනුම්දී තිබේ. විදෙස් ගතව සිටි ශිරන්ති රාජපක්ෂ මහත්මිය ඊයේ (05) රාත්‍රියේ මලයාසියාවේ ක්වාලාලාම්පූර් නුවර සිට දිවයිනට පැමිණ තිබුණි.

පැරණි ගොවි විශ්‍රාම වැටුප් යෝජනා ක්‍රමයට දායකවී සිටින විශ්‍රාම වැටුප්ලාභින් වෙත ගෙවිය යුතු හි ඟ විශ්‍රාම වැටුප් ලබාදිමේ වැඩපිළිවෙළක් ආරම්භ කර ඇතැයි කෘෂිකාර්මික හා ගොවිජන රක්ෂණ මණ්ඩලය පවසයි.