බලන්ගොඩ රජවක විද්‍යාලයේ අද (12දා) සවස ගසක් කැඩා වැටීම් හේතුවෙන් පාසල් සිසුවකු ජීවිතක්ෂයට පත් වූ බව බළන්ගොඩ පොලිසිය පැවසීය.

ජාතික ජන බලවේගයට මෙවර බලය හිමිවූ මහනුවර මහ නගර සභාවේ මංගල මහා සභා රැස්වීම එහි පක්ෂ විපක්ෂ මන්ත්‍රීවරුන් 46 දෙනාගේ සහභාගිත්වයෙන් එහි ප්‍රධාන සභා ශාලාවේදී පැවැත්විණි.

ඉන්දියාවේ එයාර් ඉන්දියා ගුවන් අනතුරින් දිවි ගලවාගත් එක් පුද්ගලයෙක් පිළිබඳ තොරතුරු ජාත්‍යන්තර මාධ්‍ය වාර්තා කරයි.

ශ්‍රී ලංකාව සමග පැවැත්වීමට නියමිත ටෙස්ට්, එක්දින සහ විස්සයි 20 ක්‍රිකට් තරගාවලියට සහභාගී වන බංග්ලාදේශ ක්‍රිකට් කණ්ඩායමේ පළමු කණ්ඩායම අද(12දා) දිවයිනට පැමිණ තිබේ.

ඉන්දියාවේ අහමදාපාද් හී ගුවන් යානා අනතුරෙන් එම ගුවන් යානයේ ගමන් ගත් සියලු දෙනා ජීවිතක්ෂයට පත්ව තිබේ.

ලෝක ශූරතා ටෙස්ට් ක්‍රිකට් තරගාවලියේ අවසන් මහා තරගයේ දෙවැනි දිනයේ දිවා ආහාරය සඳහා තරගය නතර කරනවිට පළමු ඉණිම ක්‍රීඩා කරමින් සිටින දකුණු අප්‍රිකාව කඩුලු 5ට ලකුණු 121ක් රැස්කරගෙන සිටියේය. ඒ පළමු ඉණිමට ඔස්ට්‍රේලියානුවන් රැස්කළ ලකුණු 212ට පිලිතුරු ලෙසයි.

කණ්ඩලම වැව ඉස්මත්තේ වසර ගණනාවක් තිස්සේ සැරි සරමින් සිටි කණ්ඩලමේ හැඩකාරයා නමින් හඳුන්වන වන අලියාගේ දකුණු අතට වෙඩි වැදී සති කිහිපයක් තිස්සේ ඇවිද ගැනීමට නොහැකිව වැව් තාවුල්ලේ රැඳී සිටින බව ප්‍රදේශවාසීහු පවසති.

ඉන්දියාවේ අහමදාබාද් සිට එංගලන්තය බලා පියාසර කරමින් තිබූ එයාර් ඉන්දියා ගුවන් යානයක් ගුවන් ගත වී සුළු වේලාවකින් කඩාවැටී විශාල ගුවන් අනතුරක් සිදුව තිබේ. ගුවන් අනතුර සිදුවන අවස්ථාවේද‍ි එම ගුවන් යානයේ මගීන් හා කාර්ය මණ්ඩල‍යේ 242ක් ගමන් කර තිබේ.

බන්ධනාගාර දෙපාර්තමේන්තුවේ නව මාධ්‍ය ප්‍රකාශකවරයා ලෙස බන්ධනාගාර කොමසාරිස් ජගත් වීරසිංහ මහතා පත් කර තිබේ.

හල්දුම්මුල්ල ප්‍රාදේශීය සභාවේ සභාපති ධුරය වැඩි ඡන්දයෙන් ජාතික ජන බලවේගයට හිමිව තිබේ.

මෙම වසරේ මාර්තු 15 වැනිසා සිදු කළ සත්ව සංගණන වාර්තාව අද (12දා) ප්‍රකාශයට පත් කරනු ලැබිණි.

අකුරණ ප්‍රාදේශීය සභාවේ බලය වැඩි ඡන්දයෙන් සමගි ජන බලවේගයට හිමිව තිබේ.

බන්ධනාගාර දෙපාර්තමේන්තුවේ මාධ්‍ය ප්‍රකාශක ගාමිණී බී දිසානායක මහතා එම ධුරයෙන් ඉල්ලා අස්වීමේ ලිපිය වැඩබලන බන්ධනාගාර කොමසාරිස්වරයා වෙත යොමු කර ඇති බව වාර්තා වේ.

ලෝක ටෙස්ට් ශූරතාවලියේ අවසන් මහා තරගයේ දෙවන දිනය සඳහා වන තරගය අද(12දා) පැවැත්වීමට නියමිතව තිබේ.

මධ්‍යම අධීවේගි මාර්ගයේ කුරුණෑගල සිට දඹුල්ල දක්වා වූ කොටසේ අදාළ ඉදිකිරීම වෙනුවෙන් ඉඩම් අත්පත් කර ගැනීමේ කටයුතු නැවත ආරම්භ කිරීමට තීරණය කර තිබේ.

ගර්භිනි මවුවරුන්ට දරු ප්‍රසූතියට දින 02කට පෙර සිට ඉදිරි දින 07ක් ඇතුළත චිකුන්ගුන්යා රෝගී ලක්ෂණ මතුවුවහොත් උපදින ළදරුවාට එය වැළඳිය හැකි බවත් ඒ අනුව දරු ප්‍රසූතියෙන් පසු සතියක් පමණ මව හා ළදරුවා රෝහලේ තබා ගැනීමට උපදෙස් දී ඇති බවත් කොළඹ වෛද්‍ය පීඨයේ නාරි හා ප්‍රසව පිළිබද මහාචාර්‍ය ප්‍රබෝධන රණවීර මහතා ප්‍රකාශ කළේය.

ජර්මානු ෆෙඩරල් ජනරජයේ නිල සංචාරයක නිරත ජනාධිපති අනුර කුමාර දිසානායක මහතා ​ඊයේ(11දා) පස්වරුවේ බර්ලින් හි වොල්ඩොෆ් ඇස්ටෝරියා (Waldorf Astoria) හෝටලයේ දී ජර්මානු විදේශ අමාත්‍ය ජොහාන් වඩෆුල් (Dr. Johann Wadephul ) මහතා හමු වී සාකච්ඡා පවත්වා තිබේ.

මව්කිරි දීම ප්‍රවර්ධනය කිරීම සඳහා පනතක් මගින් නීතිමය විධිවිධාන හඳුන්වා දීම සඳහා පනත් කෙටුම්පතක් සකස් කිරීමට කැබිනට් මණ්ඩල අනුමතිය හිමිව තිබේ.

පවතින වැසි තත්ත්වය නිසා දිස්ත්‍රික්ක 06 ප්‍රා දේශීය ලේකම් කොට්ඨාස 09 කට නාය යෑම් අනතුරු ඇඟවීම් කර තිබේ.

ලෝක ටෙස්ට් ශූරතාවලියේ අවසන් මහා තරගය අද(11දා) එංගලන්තයේ ලෝඩ්ස් ක්‍රිකට් ක්‍රීඩාංගනයේදී ආරම්භ විය.

ගැරඩි ඇල්ල බස් රථ අනතුරේ රියදුරාට නින්ද යාම, අධික තෙහෙට්ටුව හෝ විඩාව නිසා එම අනතුර සිදුවන්නට ඇති බවට සැකකරන බව ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි. එම අනතුර සම්බන්ධයෙන් පත්කළ කමිටුවේ වාර්තාව මාධ්‍ය වෙත ඉදිරිපත් කිරීම වෙනුවෙන් පැවැති මාධ්‍ය හමුවේදී ඔහු මේ බව පැවැසීය.

ශ්වසන රෝගීන්ගෙන් 9% - 13% අතර ප්‍රමාණයකට, මේ වනවිට පැතිර යන නව කොවිඩ් ප්‍රභේදය වැලඳී ඇති බවට වෛද්‍ය පර්යේෂණ දත්ත මඟින් වාර්තා වී ඇතැයි ශ්වසන රෝග විශේෂඥ වෛද්‍යවරුන්ගේ විද්‍යායතනය සඳහන් කරයි.

22 වන වරටත් මෙවර, විජය පුවත්පත් සමාගම අනුග්‍රහයෙන් පැවැත්වූ ’ලංකාදීප පොසොන් ආලෝක පූජාව’ තෙවැනි දිනය වූ අද (11දා), විජය පුවත්පත් සමාගමේ ඉරිදා ලංකාදීප ප්‍රධාන කර්තෘ කාංචන දසනායක මහතා, දිනපතා ලංකාදීප පුවත්පතේ ප්‍රධාන කර්තෘ අජන්ත කුමාර අගලකඩ, වෙලද වාණිජ, ආහාර සුරක්ෂිතතා සහ සමූපකාර අමාත්‍ය වසන්ත සමරසිංහ, අනුරාධපුර අතිරේක දිස්ත්‍රික් ලේකම් ශ්‍යාමිලා වික්‍රමසිංහ යන මහත්ම මහත්මීන් විවෘත කළ අයුරු.

බන්ධනාගාරය අධිරාජ්‍යයක් කරගෙන ඇති සැකකාර බන්ධනාගාර කොමසාරිස් ජනරාල්වරයා බන්ධනාගාරය තුළ රජ්ජුරුවන් වි නඩු අසා හිමින්සැරේ සිරකරුවන් නිදහස් කිරීමේ ක්‍රියා පිළිවෙතක් අනුගමනය කිරීම සම්බන්ධයෙන් පුළුල් විමර්ශනයක් ආරම්භ කළ බව අතිරේක සොලිසිටර් ජනරාල් ජනාධිපති නීතීඥ් දිලීප පීරිස් මහතා කොළඹ ප්‍රධාන මහේස්ත්‍රාත් තනුජා ලක්මාලි මහත්මියට අද (11) දැනුම් දුන්නාය.

හිටපු අමාත්‍ය කෙහෙළිය රඹුක්වැල්ල මහතාගේ නිවසේ සේවිකාවක් ලෙස කටයුතු කළ කාන්තාවක් අද (11දා) අත්අඩංගුවට ගත් බව අල්ලස් කොමිසම සඳහන් කරයි.

හිටපු ජනාධිපති රනිල් වික්‍රමසිංහ මහතා අද (11දා) අපරාධ පරීක්ෂණ දෙපාර්තමේන්තුවට පැයක පමණ කාලයක් ප්‍රකාශ ලබා දී තිබේ.

බන්ධනාගාර කොමසාරිස් අනිවාර්රය නිවාඩු යැවීම නීති විරෝධියි යැයි හිටපු අමාත්‍ය උදය ගම්මන්පිල මහතා කොළඹදී අද පැවැති මාධ්‍ය හමුවකදී ප්‍රකාශ කළේය. එසේම ජනපති සමාව ලබානොදුන් සිරකරුවෙක් නිදහස් කිරීම සම්බන්ධයෙන් බන්ධනාගාර කොමසාරිස් ජනරාල් අත්අඩංගුවට පත්වන්නේ නම් අධිකරණ අමාත්‍යාංශයේ ලේකම් මෙන්ම ජනපති ලේකම්වරයාද අත්අඩංගුවට ගත යුතුව ඇතැයි ඔහු පවසයි.

මහනුවර සහ පේරාදෙණිය දුම්රිය ස්ථාන අතර මගීන් ප්‍රවාහනය සඳහා ලංගම හරහා විශේෂ බස් රථ සේවා ක්‍රියාත්මක කිරීමට කටයුතු කර තිබේ.

ශ්‍රී ලංකාවේ නව COVID - 19 ප්‍රභේදයක් ව්‍යාප්තවීමේ අවදානමක් නොමැති බැවින් අනිසි බියක් ඇතිකර ගැනීමට අවශ්‍ය නොවන බව සෞඛ්‍ය හා ජනමාධ්‍ය අමාත්‍යාංශය නිවේදනය කරයි.