2025දී මන්ත්‍රීවරු 82ක් සමූහ රක්ෂණය අරගෙන

පාර්ලිමෙන්තු මන්ත්‍රිවරු 82 නෙකු විසින්  ඉකුත් වර්ෂයේ (2025) ජනවාරි මස සිට සැප්තැම්බර් මස දක්වා වු මාස 09ක කාලය තුලදි  සමූහ රක්ෂණය ලබාගෙන  ඇති බැව්  පාර්ලිමේන්තු කටයුතු  අමාත්‍යංශය විසින් නිකුත්කොට ඇති වාර්තාවක සදහන් වේ.

 පාර්ලිමේන්තු මන්ත්‍රිවරුන් සදහා  2024 වර්ෂයේ අගෝස්තු මස 20 වැනිදින සිට 2025 වර්ෂයේ ඔක්තෝබර් මස 08 වැනිදින  දක්වා කාලය තුල  රුපියල් මිලියනයක  සමුහ රක්ෂණාවරණය ක්‍රියාත්මක විය. වත්මන් රජය විසින් පාර්ලිමේන්තු මන්ත්‍රීවරුන් සඳහා වූ මෙකි  සමූහ රක්ෂණාවරණ සීමාව සංශෝධනය කිරීමට  පියවර ගනු ලැබිය.

 ඒ අනුව  අමාත්‍ය මණ්ඩල තිරණය පරිදි  සංශෝධනය වු  රුපියල් දෙලක්ෂ පනස්දහසක  සමුහ රක්ෂණාවරණය  ඉකුත්  වර්ෂයේ (2025)  ඔක්තෝබර් මස 09 වැනිදින සිට ක්‍රියාත්මක වේ.  එම වටිනාකම සහිත නව  රක්ෂණාවරණය Srilanka Insurance Cooperation  ආයතනය සමග ගිවිසුම්ගත වි  ඇති බවද මෙම වාර්තාවේ සදහන් වේ.