සබරගමුව විශ්වවිද්‍යාලයේ නවකවධය ලබාදීමේ සිද්ධිය සම්බන්ධයෙන් තවත් සිසුන් දෙදෙනෙක් අත්අඩංගුවට ගෙන තිබේ.

ඉන්දීය ප්‍රිමියර් ලීග් ක්‍රිකට් තරගාවලියේ තවත් තරගයක් අද(06දා) පැවැත්වේ.

ඉන්දීය ක්‍රිකට් කණ්ඩායමේ හිටපු පන්දු රැකීමෙ පුහුණු කරු ආර. ශ්‍රීධාර් මහතා ශ්‍රී ලංකාවේ ක්‍රික් ක්‍රීඩකයන් වෙනුවෙන් දින දහයක පුහුණු සැසියක් පවත්වන බව ශ්‍රී ලංකා ක්‍රිකට් ආයතනය නිවේදනය කරයි.

කටුනායක 18 කණුව ප්‍රදේශයේ නිවෙසකට පහර දෙමින් කළකළහකාරී ලෙස හැසිරුණ පුද්ගයෙකු පාලනය කිරිම සදහා එතැනට ගිය සීදුව පොලීසියේ නිලධාරීන් පිරිසක් , එම පුද්ගලයාගේ කකුලට 05/06 දින උදෑසන වෙඩි තබා ඇති බව පොලිස් මාධ්‍ය කොට්ඨාශයේ ප්‍රකාශකවරයෙකු පැවසීය .

ශ්‍රී ලංකාව හා වියට්නාමය අතර ක්ෂේත්‍ර කිහිපයකට අදාළව අවබෝධතා ගිවිසුම් 04ක් හා එකඟතා ගිවිසුමකට අත්සන් තැබීම ජනාධිපති අනුර කුමාර දිසානායක හා වියට්නාම් ජනාධිපති ලුඕං කුඕං (Luong Cuong) මහත්වරු ඉදිරියේ සිදු විය.

මේ වසරේ ගෙවීගිය කාලය තුළදී වෙඩිතබා ගැනීමේ සිදුවීම් 42 ක් වාර්තා වී තිබෙන බවත්, මීට අදාළව සැකකරුවන් 94ක් අත්අඩංගුවට ගෙන තිබෙන බවත් පොලිස් මූලස්ථානය සඳහන් කරයි.

ඡන්ද මධ්‍යස්ථාන වෙත ගමන් කරන ජනතාවට හෝ නිලධාරීන්ට ආපදා තත්ත්වයක් නිසා යම් බාධාවක් සිදුවුවහොත් එම පිරිස්වලට සහන සැලසීමට වැඩපිළිවෙළක් ක්‍රියාත්මක කර තිබෙන බව ආපදා කළමනාකරණ මධ්‍යස්ථානය සඳහන් කරයි.

පේරාදෙණිය පොලිස් වසමේ ගන්නොරුව කනිෂ්ඨ විද්‍යාලයට මැතිවරණ රාජකාරී සඳහා වාර්තා කළ රාජ්‍ය නිලධාරිනියකට හදිසියේ ඇති වූ රෝගී තත්ත්වයක් හේතුවෙන් පේරාදෙණිය ශික්ෂණ රෝහලට ඇතුළත් කිරීමෙන් අනතුරුව ඇය මියගොස් ඇති බව පොලිසිය කියයි.

සිරි දළදා වන්දනාවට පැමිණි බැතිමතුන් විසින් දමා ගිය ටොන් 600කට අධික මිශ්‍ර කසල තොගය සම්බන්ධයෙන් ගත යුතු ක්‍රියාමාර්ග ගැන මෙතෙක් තීරණයක් ගෙන නොමැති බව මහනුවර මහනගර සභාවේ ජල කර්මාන්ත ඉංජිනේරු සහගැන අපද්‍රව්‍ යඒකකයේ ප්‍රධානි නාමල් ධම්මික දිසානායක මහතා කියයි.

මෙම සතියේ පොදු ව්‍යාපාර පිළිබඳ කාරක සභාව (කෝප්) දවස් දෙකක් රැස් වීමට නියමිතව තිබේ.

පළාත්පාලන අයතන 339 ක් සඳහා සභිකයින් 8287ක් තොරාපත් කර ගැනිමේ ඡන්ද විමසිම අද (06) උදේ 7.00 සිට සවස 4.00 දක්වා පැවැත්වේ.

කල්වේලා ඇතිව ඡන්ද පොළ වෙත යන ලෙසත් ඡන්දය භාවිත කිරීමට අනන්‍යතා පත්‍රයක් අනිවාර්යෙන්ම රැගෙන යන ලෙසත් මැතිවරණ කොමිසමේ සභාපති ආර්.එම්.ඒ.එල්.රත්නායක මහතා සඳහන් කරයි.

අම්පාර දමන පොලිස් බලප්‍රදේශයේ අලහේන ගම්මානයේ පිහිටා තිබෙන වෙඩි බෙහෙත් ගබඩාවක් කඩා එහි තිබූ වෙඩි බෙහෙත් ඇතුළු පුපුරන ද්‍රව්‍ය පැහැරගෙන ගොස් ඇති බව අම්පාර උසස් පොලිස් නිලධාරියෙක් පැවසීය.

ඡන්ද මධ්‍යස්ථාන ආශ්‍රිතව නීති විරෝධී කටයුතු සිදුකරන පිරිස් අත්අඩංගුවට ගෙන නීතිය ක්‍රියාත්මක කරන බව පොලිස් මූලස්ථානය සඳහන් කරයි.

මාතර බන්ධනාගාරයෙහි ඇතිවූ නොසන්සුන්තාව අතරතුරදී එහි ගබඩා කාමරය කඩා රැඳවියන් විසින් සොරා ගත් ජංගම දුරකතන 49 ක් අත් විලංගු 05ක් හා ඒවායෙහි යතුරු 24 ක් එම බන්ධනාගාරයේ තැන තැන ඉතා රහසිගතව සඟවා තිබියදී සොයා ගෙන ඇති බව මාතර පොලීසිය අද (05දා) මාතර මහේස්ත්‍රාත් අධිකරණය වෙත කරුණු වාර්තා කරමින් කියා සිටියේය.

සබරගමුව විශ්වවිද්‍යාලයේ නවකවදය ලබා දිමෙි සිද්ධියට සමිබන්ධ තවත් ජේෂ්ඨ සිසුන් 04 ක් අද (05) දා සවස අත්අඩංගුවට ගෙන ඇතැයි සමනලවැව පොලිසිය පවසයි.

නවක වධය ලබා දීමේ සිද්ධියක් හේතුවෙන් සබරගමුව විශ්වවිද්‍යාලයේ අත්අඩංගුවට ගත් තුන්වැනි වසරේ සිසුන් හතර දෙනා ලබන 16 දක්වා රක්ෂිත බන්ධනාගාර ගත කිරිමට බලන්ගොඩ මහේස්ත්‍රාත් වරිය අද (05දා) නියෝග කළාය.

වියට්නාමයේ රාජ්‍ය සංචාරයක නිරත ජනාධිපති අනුර කුමාර දිසානායක මහතා ඊයේ (04) පස්වරුවේ වියට්නාමයේ වින්ගෲප් (Vingroup) සමූහ ව්‍යාපාරයේ ඉහළ කළමනාකාරීත්වය හමුවී සාකච්ඡා පැවැත්වීය.

කිරිබත්ගොඩ නගරයේ ඉදි කිරීමට රජයට පවරා ගෙන තිබු ඉඩමකට කූට ලේඛණ සකස් කිරිමේ නඩුවට අදාළව අධිකරණය දිගින් දිගටම මගහරිමින් සැඟවී සිටින සැකකරුවන් වන හිටපු රාජ්‍ය ඇමැති ප්‍රසන්න රණවීර හා කැළණිය ප්‍රාදේශීය සභාවේ හිටපු මන්ත්‍රී මිල්රෝයි පෙරේරා යන දෙදෙනා වහාම අත්අඩංගුවට අධිකරණයට ඉදිරිපත් කරන ලෙසට මහර අංක 01 අධිකරණයේ මහේස්ත්‍රාත් කාංචනා ද සිල්වා මහත්මිය අද ( 05 වැනිදා ) විවෘත වරෙන්තු නිකුත් කළාය.

වියට්නාමයේ රාජ්‍ය සංචාරයක නිරත වන ජනාධිපති අනුර කුමාර දිසානායක මහතා වියට්නාම් ජනාධිපති ලුඕං කුඕං (Luong Cuong)මහතා විසින් උණුසුම් අයුරින් අද (05) පිළිගනු ලැබීය.

රුපියල් හතලිස් හතර ලක්ෂ හතලිස් පන් දහසක් වටිනා විදේශීය නිෂ්පාදිත දුම්වැටි තොගයක් නීතිවිරෝධී ලෙස මෙරටට රැගෙන විත් , ඒවා කටුනායක ගුවන් තොටුපොළෙන් පිටතට ගෙන යාමට තැත් කළ ශ්‍රී ලාංකික ගුවන් මගියෙකු ගුවන් තොටුපොළ රේගු නිලධාරීන් විසින් 05/05 දින උදෑසන අත් අඩංගුවට ගෙන තිබේ .

කටුනායක ගුවන් තොටුපොළ රේගු නිලධාරීන්ගේ රාජකාරී කටයුතු වලට බාධා කළ ගුවන් මගියෙකු එළඹෙන 05/09 දින දක්වා රක්ෂිත බන්ධනාගාර ගත කර තිබේ.

පාර්ලිමෙන්තු මන්ත්‍රී චාමර සම්පත් දසනායක මහතා යළි මැයි මස 19 වනදා දක්වා රක්ෂිත බන්ධානාගාර ගත කිරිමට නියෝග කර තිබේ.

පළාත් පාලන ඡන්ද විමසීමෙන් පසු කොට්ඨාස මට්ටමින් ඡන්ද ප්‍රතිඵල ප්‍රකාශයට පත් කරද්දී මෙවර තැපැල් ඡන්ද ප්‍රතිඵල වෙනම නිකුත් කිරීමක් සිදු නොකරන බව ත්‍රිකුණාමලය සහකාර මැතිවරණ කොමසාරිස් එස්.කේ.ඩි. නෙරන්ජන් මහතා පැවැසීය.

ජනාධිපති අනුර කුමාර දිසානායක මහතා සම්බන්ධයෙන් එල්ල කරන ලද අවමන්සහගත සහ අසත්‍ය ප්‍රකාශය සම්බන්ධව ජාතික ලොතරැයි මණ්ඩලයේ හිටපු ක්‍රියාකාරී අධ්‍යක්ෂ සහ හිටපු ජනාධිපති රනිල් වික්‍රමසිංහ මහතාගේ මහජන සම්බන්ධතා අධ්‍යක්ෂ ජනරාල් වශයෙන් කටයුතු කරන ලද තුසිත හල්ඔලුව යන අයට එරෙහිව ඊයේ (04) රාත්‍රියේදී අපරාධ පරීක්ෂණ දෙපාර්තමේන්තුව වෙත පැමිණිල්ලක් ගොනු කරනු ලැබීය.

ජාත්‍යන්තර එක්දින ක්‍රිකට් ශ්‍රේණිගත කිරීම් හී සිව්වන ස්ථානය දක්වා ඉදිරියට පැමිණීමට ශ්‍රී ලංකාව සමත්ව තිබේ.

වියට්නාමයේ රාජ්‍ය සංචාරයක නිරත ජනාධිපති අනුර කුමාර දිසානායක මහතා, ඊයේ (04) පස්වරුවේ අග්නිදිග ආසියාවේ විශාලතම බෞද්ධ විහාරස්ථානවලින් එකක් වන බායි ඩිං (Bai Dinh) විහාරස්ථානයට පැමිණ වැඳ පුදා ගනිමින් ආශීර්වාද ලබා ගත්තේය.

අද 05 උදෑසන 6.30 ට පමණ ගල්කිස්ස සිල්වෙස්ටර් පාර මාර්ග පවිත්‍රා රාජකාරියේ යෙදී සිටි දෙහිවල ගල්කිස්ස මහනගර සභාව ඝණ අපද්‍රව්‍ය අංශ කම්කරුවකුට යතුරු පැදියකින් පැමිණි පුද්ගලයින් දෙදෙනකු විසින් මී.මී. 9 වර්ගයේ පිස්තෝලයකින් වෙඩිතබා ඝාතනය කරනු ලැබ ඇතැයි ගල්කිස්ස පොලීසිය පැවසීය.

පාර්ලිමේන්තුවේදී රජයේ ගිණුම් කාරක සභාවේ (කෝපා) සභාපති ධුරය මේ මස අවසානය වන විට විපක්ෂයට ලබා දෙන බවට ආණ්ඩු පක්ෂය සඳහන් කළ බව විපක්ෂයේ ප්‍රධාන සංවිධායක පාර්ලිමේන්තු මන්ත්‍රී ගයන්ත කරුණාතිලක මහතා අද පුවත්පතට පැවසීය.