තද වැසි,තද සුළං හා රළු මුහුද පිළබඳව අවවාදාත්මක නිවේදනයක් කාලගුණ විද්‍යා දෙපාර්තමේන්තුව විසින් නිකුත් කර තිබේ.

අද දිනයේදී සැලසුම්කළ විදුලිිය කප්පාදුවක් සිදු නොකරන බව මහජන උපයෝගීතා කොමිෂන් සභාව පවසයි. කෙසේ වෙතත් පද්ධතියේ ස්ථාවර භාවය වෙනුවෙන් අද පස්වරු 2.00 සිට පස්වරු 6.00 දක්වා අතරමැදි කප්පාදුවක් සිදුවිය හැකි බවද කොමිසන් සභාව සඳහන් කරයිි.

බලපත්‍රයක් නොමැතිව කාසල්රි ජලාශයට ප්‍රධාන වශයෙන් ජලය ගලා බසින කෙසෙල්ගමුඔයේ වැලි ගොඩ දමමින් සිටි පස් දෙනෙකු අද (19දා) දින සැකපිට අත්අඩංගුවට ගත් බව බගවන්තලාව පොලිසියේ ස්ථානාධිපති ප්‍රධාන පොලිස් පරික්ෂක ශාන්ත බණ්ඩාර මහතා පැවසිය.

තංගල්ල විතාරන්දෙණිය තේනගම ප්‍රදේශයේදී පිරිසකගේ පහරදීමකින් මියගිය පොලිස් කොස්තාපල්වරයා ඝාතනයේ සැකකරුවන්ට අයත් බව කියන තේනගම ප්‍රදේශයේ හෝටලයකට සහ නිවෙසකට ඊයේ (18) රාත්‍රි කිසියම් පිරිසක් විසින් ගිනිතබා හානිකර ඇතැයි තංගල්ල පොලිසිය කියයි.

මහියංගනය සිට හැටන් දක්වා වැලි ප්‍රවාහනය කරමින් තිබු ටිපර් රථයක් නානුඔය රදැල්ල කෙටි මාර්ගයේදි මාර්ගය හරහා පෙරළීමෙන් ටිපර් රථයේ රියදුරා සුළු තුවාල ලබා ඇති බව නානුඔය පොලිසිය පැවසිය. මෙම අනතුර අද(19දා) උදෑසන හැටන් නුවරඑලිය ප්‍රධාන මාර්ගයේ රදැල්ල කෙටි මාර්ගයේ සමර්සෙට් වත්ත ප්‍රදේශයේදිය.

ශ්‍රී ලංකා නාවික හමුදාව, යාපනය, කෝවිලන් ප්‍රදීපාගාරයට වයඹ දෙසින් වූ ශ්‍රී ලංකාවට අයත් මුහුදු තීරයේ සිදුකළ මුරසංචාරයකදී, මෙරට මුහුදු සීමාව තුළට ඇතුළුවී අනවසර ධීවර කටයුතුවල නිරතව සිටි ඉන්දීය ඩව් යාත්‍රාවක් සමඟ ඉන්දීය ධීවරයින් 06 දෙනෙකු, අද (19දා) අළුයම නාවික හමුදා භාරයට ගැනීමට කටයුතු කෙරිණි.

නව ආගමික ස්ථාන ලියාපදිංචිය සම්බන්ධයෙන් ස්ථිර නිගමනයකට පැමිණීමට පෙර, තවදුරටත් සාකච්ඡා කිරීම වැදගත් බව ජනාධිපති බෞද්ධ උපදේශක සභාවේ මහා සංඝරත්නය පෙන්වා දෙති. බෞද්ධ උපදේශක සභාව ඊයේ (18දා) 13වැනි වතාවට ජනාධිපති කාර්යාලයේ දී රැස්වූ අවස්ථාවේ මේ බව සඳහන් කෙරිණ.

මානව හිමිකම් පිළිබඳ පූර්ව කොමිෂන් සහ කමිටුවල තීරණ ඇගයීම සහ ඉදිරි ක්‍රියාමාර්ග ගැනීම පිළිබඳ ජනාධිපති පරීක්ෂණ කොමිසමේ දෙවන අතුරු වාර්තාව ශ්‍රේෂ්ඨාධිකරණ විනිසුරු ඒ.එච්.එම්.ඩී. නවාස් මහතා විසින් ඊයේ (18දා) ජනාධිපති කාර්යාලයේ දී ජනාධිපති ගෝඨාභය රාජපක්ෂ මහතා වෙත භාර දෙනු ලැබීය.

උතුරු, උතුරුමැද, නැගෙනහිර සහ ඌව පළාත්වලත්, මාතලේ දිස්ත්‍රික්කයේත් අද (19දා) විටින් විට වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

පණ්ඩිත, පූජ්‍ය මැදඋයන්ගොඩ විමලකීර්ති හිමියන් රචිත, මහාචාර්ය පූජ්‍ය ඉඳුරාගාරේ ධම්මරතන හිමියන් විසින් නැවත මුද්‍රණය කළ “සිංහල ගොවිතැන” කෘතිය ඊයේ (18දා) පස්වරුවේ ජනාධිපති කාර්යාලයේ දී ජනාධිපති ගෝඨාභය රාජපක්ෂ මහතාට පිළිගැන්විණ.

ගලේවෙල මොරගොල්ල ප්‍රදේශයේ තරුණයකුගේ මඤ්ඤොක්කා වගාවේ සාර්ථක අස්වනු ලැබී තිබේ. මෙම එක මඤ්ඤොක්කා ගසක එක අලයක් පමණක් කිලෝ ගණනාවකි .මඤ්ඤොක්කා එක අලයක් ගල්වා ගත් කල එහිළ එහි බර කිලෝ පහළොවත් විස්සත් අතර විශාල අල බව තරුණ ගොවි මහතා සඳහන් කර සිටී.

ලෝකය කොවිඩ්-19 වසංගතයේ තුන්වැනි වසරට පිවිසෙන අවස්ථාවේදී ආර්ථික ප්‍රකෘතිය දිගටම පැවතුණද එහි වේගය මධ්‍යස්ථ වී ඇති බැවින්, එසේ ආර්ථිකයේ බාධා තත්ත්වය තුළ සැරිසැරීමට වඩා ප්‍රතිපත්තිමය කඩිසර බවක් සහ ගෝලීය සහයෝගීතාවයක් G20 රටවලින් ඉල්ලා සිටින බව ජාත්‍යන්තර මූල්‍ය අරමුදලේ (IMF) කළමනාකාර අධ්‍යක්ෂ ක්‍රිස්ටලීනා ජෝර්ජියේවා අවධාරණය කරයි.

පරිසර අමාත්‍යාංශය විසින් පොලිතීන් හා ප්ලාස්ටික් නිෂ්පාදන වෙනුවට විකල්ප පරිසර හිතකාමී නිෂ්පාදන හඳුන්වා දීම සඳහා ප්‍රමුඛත්වය ලබා දීමට තීරණය කර තිබේ. මේ වනවිට එක්වරක් පමණක් භාවිතා කරන පොලිතීන් හා ප්ලාස්ටික් ආශ්‍රිත නිෂ්පාදන ගණනාවක් පරිසර අමාත්‍යාංශය විසින් තහනම් කිරීමට පියවර ගෙන ඇත. විශේෂයෙන් වැඩිම පාරිසරික හානියක් සිදු කරන ලන්ච්ෂීට්, සැෂේ පැකට්, ප්ලාස්ටික් කූර සහිත කොට්න් බඩ්, සුළං පුරවන ලද සෙල්ලම් භාණ්ඩ හා ඒ අතර වෙති.

මේ අනුව පසුගිය 9 සහ 10 දෙදින පාර්ලිමේන්තුවේදී විවාද කර සම්මත වූ අපරාධ නඩු විධාන සංග්‍රහය (සංශෝධන), පුද්ගලනාශක බිම්බෝම්බ තහනම් කිරීම, අධිකරණ සංවිධාන (සංශෝධන), සිවිල් නඩු විධාන සංග්‍රහය (සංශෝධන), පළාත් සභා (මුද්දර ගාස්තු මාරු කිරීමේ) (සංශෝධන) යන පනත් කෙටුම්පත් සදහා මෙලෙස කථානායකවරයා සිය සහතිකය සටහන් කළේය.

ප්‍රධාන රුසියානු යෝජනාවලින් වෙන් නොවී, සියලු කරුණු පුළුල් ලෙස සාකච්ඡා කරනු ඇතැයි යන කොන්දේසිය මත ඔවුන් සාකච්ඡා මාර්ගය දිගේ ගමන් කිරීමට සූදානම් බව රුසියානු නායක ව්ලැදිමීර් පූටින් අවධාරණය කළේය.

චමුදිත සමරවික්‍රම මහතාගේ යූටියුබ් නාළිකාවක් සමග සම්මුඛ සාකච්ඡාවක් පැවැත්වූ සමන් ප්‍රසන්න නැමැති පුද්ගලයෙකු පිළියන්දළ පොලීසියට ප්‍රකාශයක් ලබාදී තිබුණ බවද ඔහු පැවැසීය. ඔහු පෙරවරු 10 සිට පස්වරු 2 පමණ වන තෙක් විමර්ශන නිලධාරීන්ට ප්‍රකාශයක් ලබාදීී තබුණ බවත් විමර්ශන කටයුතු තවදුරටත් සදුකරමින් පවතින බවත් ඔහු පැවැසීය.

’’මේ තීරණයට හේතු වන්නේ වසංගතය වසර දෙකකට පෙර ආරම්භ වූ දා සිට හොංකොං එහි දරුණුතම තත්ත්වයට මුහුණ දෙමින් සිටීමයි. එය තීරණාත්මක තත්ත්වයක්’’ හොංකොං ප්‍රධාන විධායක ලැම් පවසයි.

ශ්‍රී ලංකාවේ සාර්ථක එන්නත්කරණය තුළින් යහපත් මට්ටමක කොවිඩ් පාලනයක් රටට උදාකර ගැනීමට හැකිවූ බව සෞඛ්‍ය අමාත්‍ය ආචාර්ය කෙහෙලිය රඹුක්වැල්ල මහතා ශ්‍රී ලංකාවේ නවසීලන්ත මහ කොමසාරිස් මයිකල් ඇපටන් (Michael Appleton) මහතා හමුවේ පැවසීය.

බ්‍රසීලයට බලපෑ මෙම ස්වභාවික විපත හා ජීවිත හානි සම්බන්ධයෙන් චීන ජනධිපති ෂී ජින්පිං, බ්‍රසීල ජනපති ජෙයර් බොල්සොනාරෝ වෙත සිය ශෝකය පළ කරමින් පණිවුඩයක් යවා තිබේ.

ශ්‍රී ලංකාවෙන් තවත් කොවිඩ් මණ 23ක් වාර්තා වී තිිබේ. මෙම මරණ ඊයේ (17දා) සිදුව ඇති බවට සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ.

කොවිඩ්-19 වසංගතය හේතුවෙන් 2020 මාර්තු මාසයේදී ප්‍රකාශයට පත් කරන ලද එක්සත් ජනපද ජාතික හදිසි අවස්ථාව මාර්තු මස 01 වැනිදායින් ඔබ්බට දීර්ඝ කරන බව එක්සත් ජනපද ජනාධිපති ජෝ බයිඩන් පවසයි.

තමන්ට කෝවිඩි වෛරය ආසාදනය විි ඇති බවට තහවුරු වි ඇතැයි ආණ්ඩු පක්ෂයේ රත්නපුර දිස්ත්‍රික් පාර්ලිමේන්තු මන්ත්‍රී දිස්ත්‍රික් සමිබන්ධිකරණ කමිටු සභාපති අකිල සාලිය එල්ලාව මහතා පවසයි.

සංචාරක ශ්‍රී ලංකා කණ්ඩායම කඩුලු 6කින් පරාජයට පත්කරමින් දෙරට අතර පැවැති සිවුවැනිි විස්සයි20 තරගයද ජය ගැනමට සත්කාරක ඔස්ට්‍රේලියා කණ්ඩායම සමත්විය.

ශ්‍රී ලංකාවේ නව ඇමෙරිකානු තානාපතිනිය ලෙස අභිනවයෙන් පත් වීමට නියමිත ජුලී ජේ.චන්ග් (Julie.J.Chung ) මහත්මිය අදාළ තනතුරෙහි වැඩ භාර ගැනීම සදහා අද (18දා) සවස කටුනායක ගුවන් තොටුපළ ඔස්සේ ශ්‍රී ලංකාවට පැමිණියාය.

ග්‍රාමීය කුඹුරු හා ආශ්‍රිත වැව්, ජලාශ හා වාරිමාර්ග සංවර්ධන රාජ්‍ය අමාත්‍යාංශයේ නව ලේකම්වරයා ලෙස කේ.ජී. විජේසිරි මහතාත්, උක්, බඩඉරිඟු, කජු, ගම්මිරිස්, කුරුඳු, කරාබුනැටි, බුලත් ඇතුළු කුඩා වැවිලි භෝග වගා සංවර්ධනය ආශ්‍රිත කර්මාන්ත හා අපනයන ප්‍රවර්ධන රාජ්‍ය අමාත්‍යාංශයේ නව ලේකම්වරයා ලෙස එස්.ඩී. පාඩිකෝරාල මහතාත් පත් කර තිබේ.

කොළඹ විශ්ව විද්‍යාලයේ කළමනාකරණ පීඨයේ සිසුන් 370 දෙනෙකු ඊයේ (17දා) පස්වරුවේ හන්තාන කන්ද තරණය කිරීමෙන් අනතුරුව සවස් කාලයේ එහි පැවති අධික මීදුමක් අඩු ආලෝකයක් හේතුවෙන් පැමිණි මාර්ග සොයා ගැනීමට නොහැකිව සිටියදී පොලිසිය, යුද හමුදාව සහ ප්‍රදේශවාසීන් එක්ව අද (18දා) නැවත පහලට රැගෙන ඒමට සමත් ව තිබේ .

මෙරට මුහුදු සීමාවේදී ගිනි ගැනීමට ලක්වු MV -X Press Pearl නෞකාව එම ස්ථානයෙන් ඉවත් කිරීම මුහුදු පතුලට හෝ පරිසරයට කිසිදු හානියක් නොවන පරිදි සිදු කළ යුතුව ඇති බැවින් එය සිදු කරනු ලබන ආකාරය පිළිබදව නැව ගිනි ගෙන මුහුදුබත්ව ඇති ස්ථානයටම ගොස් නිරීක්ෂණය කිරීමට අද(18දා) අධිකරණ අමාත්‍ය ජනාධිපති නීතිඥ අලි සබ්රි, වරාය හා නාවික අමාත්‍ය රෝහිත අබේගුණවර්ධන හා රාජ්‍ය අමාත්‍ය කංචන විජේසේකර, රාජ්‍ය අමාත්‍ය මොහාන් සිල්වා මහත්වරුන් පියවර ගත්හ.

ශ්‍රී ලංකා ඇසුරුම්කරණ ආයතනය(SLIP) විසින් පවත්වනු ලබන ’’LANKAPAK 2022’’ ප්‍රදර්ශනය සහ ශ්‍රී ලංකා මුද්‍රණකරුවන්ගේ සංගමය(SLAP)විසින් පවත්වනු ලබන ’’Sri Lanka Print 2022’’ ප්‍රදර්ශනය යන දෙකෙහිම සමාරම්භක උළෙල කර්මාන්ත අමාත්‍ය විමල් වීරවංශ මහතාගේ ප්‍රධානත්වයෙන් අද(18දා) කොළඹ 07, සිරිමාවෝ බණ්ඩාරනායක අනුස්මරණ ජාත්‍යන්තර ප්‍රදර්ශන ශාලා පරිශ්‍රයේදී පැවැත්විණි.

මාධ්‍යවේදී චමුදිත සමරවික්‍රම මහතාට ප්‍රමාණවත් ආරක්ෂාවක් සපයන්නැයි කැස්බෑව මහේස්ත්‍රාත් රුවන්දිකා වීරසිංහ මහත්මිය අද ( 18දා) පොලිසියට නියෝග කළාය .