තරුණ නියෝජනය සහතික කර කඩිනමින් නිර්දේශ ලබා දී මිශ්‍ර ඡන්ද ක්‍රමයකින් පලාත් පාලන ඡන්දයකට යා හැකි යැයි අධ්‍යාපන අමාත්‍ය දිනේෂ් ගුණවර්ධන සඳහන් කරයි.

ගලවා ගැනීමේ සේවකයින් සහ නිවැසියන් ඔවුන්ගේ අතුරුදහන් වූ ඥාතීන් සොයමින් ගිනිකොනදිග නගරයේ මඩ සහ සුන්බුන් කඳු හරහා දිගටම මෙහෙයුම් සිදුකරමින් ඇත.

නව ජනාධිපති ලේකම්වරයෙකු පත්වීමත් සමග මෙලෙස ගනු ලබන පරිපාලනමය වෙනස්කම් සඳහා පුද්ගල නාමයන් යොදා ගනිමින් වැරදි අර්ථකථනයන් දීමට ඇතැම් සමාජ මාධ්‍යයන් උත්සහ ගෙන ඇති බව දක්නට ලැබෙන අතර ඒවා සාවද්‍ය බවද ජනපති මාධ්‍ය අංශය වැඩිදුරටත් පවසයි.

එරට ප්‍රාන්ත රජය මෙම වැඩ වර්ජනය අසාධාරණ එකක් බවට විවේචනය කළ අතර, සහනයක් නොදෙන බවද අවධාරණය කළේය.

රිය අනතුරකින් යම් කිසි පුද්ගලයෙකු මියගියහොත් මහජන බදු මුදලින් රුපියල් මිලියනයකට ආසන්න මුදුලක් වැයවන බව අපරාධ හා රථවාහන ජ්‍යෙෂ්ඨ නියෝජ්‍ය පොලිස්පති සහ පොලිස් මාධ්‍ය ප්‍රකාශක අජිත් රෝහණ මහතා සඳහන් කරයි.

උණවටුන ගණහේන ප්‍රදේශයේදි ඊයේ (19දා) රාත්‍රි ඩිස්කවරි වර්ගයේ සුභෝපභෝගි ජිප් රථයක් ගිනි ගෙන සම්පුර්ණයෙන්ම විනාශ විය.

රජයේ වාහන අත්‍යවශ්‍ය නොවන ගමන් බිමන් සඳහා යෙදවීමෙන් වළකින ලෙස රාජ්‍ය සේවා, පළාත් සභා හා පළාත් පාලන අමාත්‍යාංශයේ ලේකම් ජේ.ජේ රත්නසිරි මහතා විසින් රජයේ ආයතන ප්‍රධානීන් වෙත විශේෂ චක්‍රලේකයක් යවමින් උපදෙස් දී ඇත.

මැතිවරණ කොමිෂන් සභාවේ හිටපු සභාපති මහින්ද දේශප්‍රිය මහතා ක්‍රිකට් ලෝලියෙක් බව බොහෝ දෙනා දන්නා කරුණකි. ’මැකෝ’ යන නමින් කා අතරත් ප්‍රසිද්ධ මහින්ද දේශප්‍රිය මහතා සිය ෆේස්බුක් ගිණුමෙන් අපූරු සටහනක් තබා තිබුණි.

සත්කාරක ඔස්ට්‍රේලියා කණ්ඩයම කඩුලු 5කින් පරාජයට පත්කරමින් දෙරට අතර පවැති පස්වැනි විස්සයි20 තරගය ජය ගැනීමට ශ්‍රී ලංකා කණ්ඩායම සමත්විය.

ඓතිහාසික මිහින්තලා පුරාවිද්‍යා භූමියට අයත් අනුලා චෛත්‍යයේ කැනීම් අතරතුර දී පලිගු වලින් ආවරණය කරන ලද ධාතූන් වහන්සේ නමක් ඇතුළු ඉපැරණි වටිනා කමින් යුත් පුරාවස්තුන් රැසක් හමුවි ඇති බව මිහින්තලා රජ මහා විහාරයේ විහාරාධිපති පූජ්‍ය ආචාර්ය වලවාහැංගුණවැවේ ධම්මරතන නාහිමියෝ අද (20දා) සඳහන් කළහ.

ශ්‍රී ලංකාව හා ඔස්ට්‍රේලියාව අතර පැවැත්වෙන පස්වැනි විස්සයි20 තරගයේදී ජාත්‍යන්තර වරම් හිමිකරගත් ශ්‍රී ලංකා නවක ක්‍රීඩකයින් දෙපළ වන කමිල් මිෂාර හා ජනිත් ලියනගේ අවාසනාවන්ත ලෙසින් දුවද්දී දැවී යාම් දෙකකින් ආපසු ක්‍රීඩාගාරයට ගියේය.

ශ්‍රී ලංකාවේ ඉන්ධන මිල සංශෝධනය දැන් බොහෝ කල් ප්‍රමාද වී ඇති බව මහ බැංකු අධිපති අජිත් නිවාඩ් කබ්රාල් මහතා පවසයි. ශ්‍රී ලංකාවේ පෙට්‍රල් හා ඩීසල් මිල කලාපයේ සමහර රටවලට වඩා අඩකටත් වඩා අඩු බව ඔහු සිය ට්විටර් ගිණුමෙන් පවසයි.

භාණ්ඩ සුලභ කර මිල පාලනය කිරිමට රජය සුදානම් බව සමුපකාර සේවා, අලෙවි සංවර්ධන හා පාරිභෝගික ආරක්ෂණ රාජ්‍ය අමාත්‍ය ලසන්ත අලගියවන්න මහතා පැවසිය.

දරුවන් නව දෙනෙකුගෙන් යුත් මැර පවුලක මැර ක්‍රියා කලාපයට එරෙහිව නීතිය ක්‍රියාත්මක නොකරන බවට චෝදනා කරමින් බාදුරාගොඩ වත්තෙමුල්ල ප්‍රදේශවාසීහු අද (20දා) දිවුලපිටිය මීරිගම මාර්ගයේ වත්තෙමුල්ල හන්දිය අවහිර කරමින් විරෝධතාවයේ යෙදුනහ.

හිටපු ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ශ්‍රීලංකා නිදහස් පක්ෂ වන්නි දිස්ත්‍රීක් සමලුව ඊයේ (19දා) දින වවුනියාව නගරසභා සංස්කෘතික ශාලවේදී පැවත්වුණි.

මෙරට භාවිතා කරන සමාජ මාධ්‍ය සඳහාද මාධ්‍ය භාවිතා කරන ආයතන වලට තිබෙන ආචාර ධර්ම පද්ධතිය හදුන්වාදීම වැදගත් බවත්, ඒ හරහා රටක් ජාත්‍යන්තර අපකීර්තියට පත් කිරීම වැලැක්විය හැකි බව සමෘද්ධි, ගෘහ ආර්ථික ක්ෂුද්‍ර මූල්‍ය ස්වයං රැකියා හා ව්‍යාපාර සංවර්ධන රාජ්‍ය අමාත්‍ය ෂෙහාන් සේමසිංහ මහතා පැවැසීය.

ශ්‍රී ලංකා කණ්ඩායම හා ඉන්දීය කණ්ඩායම අතර එළැඹෙන 24 දා ආරම්භවීමට නියමිත විස්සයි20 තරගාවලිය අවිශ්ක ප්‍රනාන්දු, රමේෂ් මෙන්ඩිස් හා ණුවන් තුෂාරට අහිමි වී තිබේ.

(Exclusive) ශ්‍රී ලංකාවේ කායික රෝග විශේෂඥ වෛද්‍යවරුන්ට එංගලන්තයේ ලබාදෙන පුහුණුව තාවකාලිකව නවතා දැමීමට එංගලන්තයේ RCP (Royal College of Physicians) ආයතනය කටයුතු කර තිබේ.

කොවිඩ් ප්‍රතිශක්තීකරණ වැඩ සටහන යටතේ ශ්‍රී ලංකාව තුළ මේ වන විට තෙවැනි මාත්‍රාව ලබාගැනීමට ජනතාව තුළ දැඩි උනන්දුවක් දන්නට ඇති අයුරු පෙනෙන්නට තිබේ.

ගම්පහ නගරයේ සියලුම උපකාරක පන්ති පවත්වාගෙන යනු ලබන ස්ථානයන්හි පවතින තත්ත්වය පරීක්ෂා කිරීමට පොලීසිය සහ ගම්පහ මහ නගර සභාව පියවර ගෙන ඇත.

ක්‍රෙම්ලිනයේ ප්‍රකාශක දිමිත්‍රි පෙස්කොව් පැවසුවේ රුසියානු නායක පූටින් සහ බෙලාරුසියානු නායක ඇලෙක්සැන්ඩර් ලුකෂෙන්කෝ ක්‍රෙම්ලිනයේ මෙහෙයුම් මැදිරියේ සිටම අභ්‍යාස නිරීක්ෂණය කළ බවයි.

ඇල්ලේ සංචාරක හෝටලයක දෙවැනි මහලෙන් ඇදවැටී 28 හැවිරිදි චෙක් ජාතිකයෙක් මියගොස් ඇතැයි ඇල්ල පොලිසිය පවසයි.

ඔටාවා හි පොලිසිය පවසන්නේ ආක්‍රමණශීලී සහ නිලධාරීන්ට පහර දෙන විරෝධතාකරුවන් පාලනයට දැඩි ක්‍රියාමාර්ග ගන්නා බවයි. විශේෂයෙන්ම මෙය කුපිත කිරීම් සහ පහරදීමේ හැසිරීම නැවැත්වීමට මෙන්ම, නිලධාරීන්ගේ ආරක්ෂාව සඳහා දරන උත්සාහයක් බව පොලීසිය පවසයි.

තංගල්ල විතාරන්දෙණිය තේනගම ප්‍රදේශයේදී පොලිස් කොස්තාපල්වරයකු ඝාතනය කර ඔහුගේ සොහොයුරෙකුට පහරදීමේ සිද්ධිය සම්බන්ධයෙන් අත්අඩංගුවට ගත් සැකකරුවන් සිවුදෙනකු මාර්තු මස 4 වැනිදා දක්වා රිමාන්ඩ් බාරයේ තැබීමට තංගල්ල මහේස්ත්‍රාත් අධිකරණයේ වැඩබලන මහේස්ත්‍රාත් රංජිත් ගුණසේකර මහතා අද (19දා) නියෝග කළේය.

ඇසින්දුටු සාක්ෂිකරුවන්ට අනුව පිපිරීම සිදුව ඇත්තේ හසන් ඩීෆ් අවන්හලේ මිනිසුන් දිවා ආහාරය ගැනිමින් සහ විවේකීයව විවෘත ප්‍රදේශයක රැස්ව සිටි අවස්ථාවේදීය.

මේ දිනවල පැවැත්වෙන උසස් පෙළ විභාගයට ආළව ව්‍යාජ කාලසටහනක් අන්තර්ජාලය හරහා හුවමාරුවෙමින් පවතන බව විභාග දෙපාර්තමේන්තුව කියයිි.

කෙසේ වෙතත් සියලුම ගෘහස්ථ පොදු අවකාශයන්හි මුඛ ආවරණ විධානයක් සහ එන්නත් සහතිකයක් ඉදිරිපත් කිරීම ආදී ඇතැම් සීමා කිරීම් දිගටම ක්‍රියාත්මක වේ. එමෙන්ම, ඇතැම් පොදු ගෘහස්ථ අවකාශයන්හි ධාරිතා සීමාවන් දිගටම ක්‍රියාත්මක බවද පවසයි.

ඉන්ධන නොමැතිවීම හේතුවෙන් කැළණිතිස්ස බලාගාරයේ ජනන යන්ත්‍ර දෙකක් අක්‍රීය වී තිබේ. මේ අනුව ජාතික පද්ධතයට මෙගාවොට් 285ක් අහිමිි වී තබේ.

නයිජීරියාවේ මේ ආකාරයන් පැහැරගැනීම් පසුගිය වසර කිහිපය පුරාම වාර්තා වූ අතර, මූලිකව ත්‍රස්තයන්ගේ පැහැරගැනීම් මෙන්ම, මේ වනවිට කොල්ලකරුවන් විසින් සිදුකරන පැහැර ගැනීම්ද දැකිය හැකිය.