එන්නත් හා වසංගත සීමාවන්ට එරෙහි විරෝධතාකරුවන් කැනඩාව සහ එක්සත් ජනපදය අතර කාර්යබහුලම ගොඩබිම් හරස් මාර්ගය දින හයක් අවහිර කරමින් වෙළඳාම අවුල් කර තිබුණි.

මේ වසරේ පෙබරවාරි 19 වන දා දක්වා මේ වන විට ලංකාවට පැමිණි ඇති සංචාරකයන් සංඛ්‍යාව 150,000 කට ආසන්න බව සංචාරක අමාත්‍ය ප්‍රසන්න රණතුංග මහතා පවසයි.

එක්සත් රාජධානිය පෙබරවාරි 24දා සිට කොවිඩ්-19 සහිත පුද්ගලයින් සඳහා නීත්‍යානුකූල ස්වයං හුදකලාව අවසන් කිරීමට තීරණය කළත්, මීට තවමත් පාර්ලිමේන්තු අනුමැතිය හිමිව නැත.

අමාත්‍යාංශයීය උපදේශක කාරක සභා ඇතුළු කාරක සභා රැසක් මේ සතියේ රැස්වීමට නියමිතය. මේ අනුව මැතිවරණ සහ ඡන්ද විමසීම් ව්‍යුහයේ හා නීති රීතිවල ප්‍රතිසංස්කරණ හඳුනාගැනීමටත්, ඒ සම්බන්ධයෙන් අවශ්‍ය සංශෝධන ඉදිරිපත් කිරීමටත් වන පාර්ලිමේන්තු විශේෂ කාරක සභාව ලබන 24 වන දින රැස්වීමට නියමිතය.

කෝවිඩ් මර්දන එන්නත හේතුවෙන් අතුරු ආබාධ ඇතිවූ බවට කිසිදු සාක්ෂියක් මෑත කාලයේදී වාර්තා නොවූ බවට තමන් වගකීමෙන් ප්‍රකාශ කරනබව වසංගත රෝග විද්‍යා ඒකකයේ අධ්‍යක්ෂ, විශේෂඥ වෛද්‍ය සමිත ගිනිගේ මහතා පැවසීය.

රටේ පවතින විදේශ සංචිත සහ ආර්ථික ප්‍රශ්නත් සමග ඉදිරියේදී මදක් අසීරු තත්ත්වයකට මුහුණ දීමට මෙරට පුරවැසියන්ට සිදුවන බව පරිසර අමාත්‍ය මහින්ද අමරවීර සඳහන් කරයි.

දේශීය කර්මාන්ත සඳහා ආයෝජනය කර රට ගොඩනගන්න එක්වන්නැයි ජනාධිපති ගෝඨාභය රාජපක්ෂ මහතා දේශීය ව්‍යවසායකයින්ට ඇරයුම් කරයි.

මෙරට ඉමහත් ආන්දොලනයකට තුඩු දුන් ඉකුත් 2019 වසරේ දී බ්‍රිතාන්‍යයන්යේ සිට මෙරටට ගෙන්වු කසල අඩංගු බහළුම් 242න් ඉතිරිව තිබූ අවසාන බහළුම් 45 නැවත 21දා බ්‍රිතාන්‍යයට ප්‍රතිඅපනයනය කල බව රේගු මාධ්‍ය ප්‍රකාශක සහකාර රේගු අධ්‍යක්ෂ සුදත්ත සිල්වා මහතා ප්‍රකාශ කලහ.

සිය අමාත්‍යාංශයේ රාජකාරිවලින් ඉවත්වූ රාජ්‍ය අමාත්‍ය නිමල් ලාන්සා මහතා හෙට (22දා) පාර්ලිමේන්තුවේදී ප්‍රකාශයක් කිරීමට නියමිතව තිබේ. තමා අමාත්‍යාංශ රාජකාරීවලින් ඉවත්වීමට හේතු වූ කරුණු මෙහිදී ඔහු පැහැදිලි කිරීමට නියමිතව තිබේ.

ගත වූ දෙවසර තුළ ඉදිකිරීම් ක්ෂේත්‍රයේ සිදු වූ පිබිදීමත් සමග සිමෙන්ති සඳහා ඇති ඉල්ලුම ඉහළ යාමෙන් සිමෙන්ති හිඟයක් මතුව ඇති බව මුදල් අමාත්‍ය බැසිල් රාජපක්ෂ මහතා පවසයි.

ටින් මාලු නිශ්පාදනයෙන් ලංකාව ස්වයංපෝෂිත වී ඇති බව ධීවර රාජ්‍ය අමාත්‍ය කාංචන විජේසේකර මහතා පවසයි. ඒ අනුව දෛනිකව අවශ්‍යවන ටින් මාලු කෑන් 275000ක ප්‍රමාණය මේ වන විට ශ්‍රී ලංකාව තුළ නිෂ්පාදනය කරන බවද ඔහු පැවැසීය.

(UPDATE) පානදුර පොලිස් ස්ථානාධිපතිවරයාගේ මුව ආවරණය ගැලවීමට උත්සාහ කිරීම හේතුවෙන් සපරාධී බලහත්කාරය පෑම යටතේ අත්අඩංගුවට ගෙන පානදුර මහේස්ත්‍රාත් අධිකරණයට ඉදිරිපත් කළ රැප් ගායක ෆිල්ටි රුපියල් ලක්ෂ 05ක ශරීර ඇපයක් මත මුදාහරින ලෙස පානදුර අතිරේක මහේස්ත්‍රාත්වරයා අද (21දා) නියෝග කළේය.

කඩුවෙල කෝටිපති ව්‍යාපාරිකයකු ඉංගිරියෙ හෝටලයකට රැගෙන විත් මත් දියරයක් ලබා දී සිහිසුන් කර ඔහු සතුව තිබූ පවුම් 39 බර රන් ආභරණ සොරාගෙන ව්‍යාපාරිකයාගේ සුඛෝපභෝගී ජීප් රථයෙන් පලාගොස් එය අතරමග දමා ගිය සුරූපී කාන්තාවක් අත්අඩංගුවට ගැනීම සඳහා පරීක්ෂණ පවත්වන බව ඉංගිරිය පොලිසිය කියයි.

ශ්‍රී ලංකාවේ ණය තිරසාරත්වය පිළිබඳව විශ්ලේෂණය කරමින් ජාත්‍යන්තර මූල්‍ය අරමුදල විසින් පෙබරවාරි 25 වනදාට ආර්ටිකල් හතර වාර්තාව එහි අධ්‍යක්ෂ මණ්ඩලය වෙත ඉදිරිපත් කරන බවත් මෙරට ජනතාව තව තවත් පීඩාවට පත් නොකොට එම වාර්තාව මෙරට පාර්ලිමේන්තුවටද ඉදිරිපත් කර පක්ෂ විපක්ෂ බේදයකින් තොරව රට ගොඩගැනීම සඳහා එම වාර්තාවට අනුව තිරසාර වැඩපිළිවෙලක් සකස් කිරීමට ආණ්ඩුව වහාම කටයුතු කළ යුතු බවත් සමගි ජන බලවේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා අවධාරණය කරයි.

දිවයිනේ ඇතැම් ප්‍ර දේශවල ඉන්ධන හිඟයක් නිර්මාණය වී තිබේ. මේ අනුව ඇතැම් ඉන්ධන හල් තුළ ඉන්ධන අවසන්ව ඇති අතර ඇතැම් ඉන්ධන හල් තුළ දැඩි පොලිම් තත්ත්වයක් නිර්මාණය වී තිබේ.

ඉන්දියාව සමගින් පැවැත්වීමට නියමිත තරග තුනකින් සමන්විත විස්සයි20 තරගාවලිය සඳහා ශ්‍රී ලංකා සංචිතය නම් කර තිබේ.

පෞද්ගලික ආරවුලක් මත හෝ විවිධ කෝන්තර මත රට තුළ මිනීමැරුමක් හෝ මංකොල්ලකෑමක් සිදුවූ පමණින් රටේ ජාතික ආරක්ෂාවට තර්ජනයක් වී ඇතැයි පැවසීම සාධාරණ නොවන බව ආරක්ෂක ලේකම් විශ්‍රාමික ජනරාල් කමල් ගුණරත්න මහතා පැවසීය.

ශ්‍රී ලංකා ක්‍රිකට් කණ්ඩයම හා ඉන්දීය කණ්ඩායම අතර පැවැත්වීමට නියමිත විස්සයි20 තරගාවලියෙන් ප්‍රවේගකාරී ආරම්භක පිතිකරු භානුක රාජපක්ෂ ඉවත් කිරීමට ශ්‍රී ලංකා ක්‍රිකට් තේරීම් කමිටුව කටයුතු කර ඇති බව වාර්තා වෙයි.

ජනාධිපතිවරයාට ව්‍යවස්ථාවේ පවතින වරම මත සිය ධූර කාලයේ සිටීම හරිද වැරදිද යන්න සෙවීම සඳහා හැකි නම් ජන මත විචාරයක් පවත්වන ලෙස අභියෝග කරන බව පාර්ලිමේන්තු මන්ත්‍රී පාඨලී චම්පික රණවක මහතා පැවැසීය.

බලශක්ති අමාත්‍ය උදය ගම්මන්පිල මහතා පසුගියදා පැවැති උත්සවයකදී කළ කථාවක් මේ වන විට සමාජ මාධ්‍ය තුළ දැඩි ලෙස අවධානයට ලක්ව තිබෙනවා. මෙම ප්‍රකාශයට පාර්ලිමේන්තු මන්ත්‍රී, ෆීල්ඩ් මාෂල් සරත් ෆොන්සේකා මහතා සිය ෆේස්බුක් ගිණුමෙන් පිළිතුරක් ලබාදී තිබුණා.

(UPDATE) ප්‍රමාණවත් පරිදි විදුලි උත්පාදනයක් සිදු නොවීම හේතුවෙන් අද (21දා) විදුලි කප්පාදුවක් සිදුවන බව ශ්‍රී ලංකා මහජන උපයෝගීතා කොමිෂන් සභාප වසයි.මුළු දිවයිනම කාණ්ඩ කීහිපයකට බෙදා අද (21දා) පස්වරු 4.30 සිට ‘රාත්‍රී 10.30 දක්වා පැය දෙකක විදුලි කප්පාදුවක් කරන බව මහජන උපයෝගිතා කොමිසම පවසයි.

කවුරු ආණ්ඩු පාලනය කරත් ලෝකයේ වර්තමාන තත්ත්වය අනුව ඩොලර් හිඟයකට මුහුණ පෑමට සිදුවන බවත් ඩොලර් හිඟය නැති වීමට කුමන හෝ රටකින් ඩොලර් ණයට ගත යුතු බවත් අමාත්‍ය වාසුදේව නානායක්කාර මහතා කියයි.

ගාලු දිස්ත්‍රික් පාර්ලිමේන්තු මන්ත්‍රිනී ගීතා කුමාරසිංහ මහත්මියට අපහාස වන අයුරින් බැන තර්ජනය කළ අයෙක් ඌරගහදී ඊයේ (20දා) අත්අඩංගුවට ගත් බව ඌරගස්මංහන්දිය පොලීසිය කියයි.

“මගේ පාලන කාලය තුළ ජනාධිපතිවරයා වශයෙන් අද තිබෙන ප්‍රශ්න කිසි දෙයක් තිබුණේ නැහැ.රටේ ජනතාව ඉතාම සතුටින් හොඳින් ජීවත් වුණා”

දියවන්නා ජලාශය තුළ වරින්වර මතුවන ඇල්ගී නිසා එහි ජලජ පැළෑටිවලට මෙන්ම ජලජ ජීවින්ටත් විශාල පාරිසරික හානියක් සිදු වේ.

පින්නවල අලි අනාතාගාරය පිළිබඳව රාජ්‍ය නොවන සංවිධානයක් විසින් වසර ගණනාවක් පුරා ලෝකයේ ගෙනගිය වැරදි මතවාදයක් නිසා මෙරට සත්වෝද්‍යාන දෙපාර්තමේන්තුවට වාර්ෂිකව රුපියල් මිලියන 200 කට වැඩි ආදායමක් අහිමිවී ඇතැයි සත්වෝද්‍යාන දෙපාර්තමේන්තුව අධ්‍යක්ෂ ජෙනරාල් නීතිඥ ශර්මිලා රාජපක්ෂ මහත්මිය පැවසුවාය.

’’අපි සෑමවිටම රාජ්‍ය තාන්ත්‍රික කටයුතු සඳහා සූදානම්. රුසියාව ඒ වෙනුවට යුද්ධය තෝරාගතහොත් ඉක්මන් හා දරුණු ප්‍රතිවිපාක පැනවීමටද අපි සූදානම්. දැනට රුසියාව ඉතා ඉක්මනින් යුක්රේනයට දැවැන්ත ප්‍රහාරයක් සඳහා අඛණ්ඩව සූදානමින් සිටින බව පෙනෙනවා’’ ඇමෙරිකාව කියයි.

එක්සත් ජාතීන්ගේ මානව හිමිකම් කවුන්සිලයේ 49 වැනි සැසිවාරය 2022 පෙබරවාරි 28 වැනි දින සිට අප්‍රේල් 1 වැනි දින දක්වා ජිනීවා නුවර දී පැවැත්වීමට නියමිත ය. මෙම සැසිවාරයේ දී එක්සත් ජාතීන්ගේ මානව හිමිකම් පිළිබඳ මහ කොමසාරිස්වරිය ශ්‍රී ලංකාව පිළිබඳ ලිඛිත යාවත්කාලීන කිරීමක් කවුන්සිලය වෙත ඉදිරිපත් කරනු ඇති අතර 2022 මාර්තු 3 වැනි දින ශ්‍රී ලංකාව පිළිබඳ අන්තර් ක්‍රියාකාරී සංවාදයක් ද පැවැත්වීමට නියමිත ය.

බ්‍රිතාන්‍යයේ එලිසබත් මහ රැජිනට ’කොවිඩ් 19’ වයිරසය ආසාදනය වී ඇතැයි බකිංහැම් මාලිගය නිවේදනය කළේය.