ආණ්ඩුවට එරෙහි විශ්වාසභංගය කඩිනමින් ගෙන ඒම පිළිබඳවත් ඒ සඳහා සහාය දැක්වීමටත් ආණ්ඩුවෙන් ඉවත්ව පාර්ලිමේන්තුවේ විපක්ෂයේ අසුන් ගත් කණ්ඩායම තීරණය කර තිබේ.

විරෝධතාවයන් මැඩ පැවැත්වීම වෙනුවෙන් ආරක්ෂක අංශ විසින් භාවිත කරනු ලබන නවතම ජල ප්‍රහාරක රථයක් (water canon) හම්බන්තොට වරාය හරහා මෙරටට ගෙන්වා ඇති බව වාර්තා වෙයි.

සැප්තැම්බර් මාසයේදී හැංග්ෂුහිදී පැවැත්වීමට නියමිතව තිබූ ආසියානු ක්‍රීඩා උළෙල දින නියමයක් නොමැතිව කල් දැමීමට චීනය කටයුතු කර තිබේ. ඒ චීනය තුළ යළිත් කොවිඩ් නැගිටීමක් වාර්තාවීමත් සමගිනි.

පවතින තත්ත්වය යටතේ ඊයේ (06දා) පස්වරු 5.00 වන විට ශ්‍රී ලංකාව සතුව පැවැති ඉන්ධන තොගය පිළිබඳව විදුලි බල හා බලශක්ති අමාත්‍ය කාංචන විජේසේකර මහතා පැහැදිලි කිරීමක් කර තිබේ.

ආණ්ඩුවට එරෙහිව පැවැත්වෙන විරෝධතා මර්දනය කිරීම වෙනුවෙන් රජය මේ වන විට රසායනික ගෑස් භාවිත කරමින් තිබෙන බව සමගි ජන බලවේගයේ වැලිගම සංවිධානක රෙහාන් ජයවික්‍රම මහතා පවසයි.

ශ්‍රී ලංකාව තුළ හදිසි නීතිය ප්‍රකාශයට පත්කිරීම සම්බන්ධයෙන් ඇමෙරිකාව ඇතුළු බටහිර රටවල්වල සිය බලවත් අවධානය ශ්‍රී ලංකාව වෙත යෙමුකර තිබේ. එම රටවල් නියෝජනය කරමින් ශ්‍රී ලංකාවේ සිටින තානාපතිවරු හා මහ කොමසාරිස්වරු කිහිප දෙදෙකුම මේ වන විට සිය ට්විටර් ගිණුම් හරහා නිවේදන නිකුත් කර තිබේ.

ඊයේ (මැයි 06) සිට ක්‍රියාත්මක පරිදි ජනාධිපතිවරයා විසින් හදිසි අවස්ථා නීතිය ක්‍රියාත්මක කරනු ලැබූයේ වත්මන් ආර්ථික සමාජ අර්බුදය ජයගනු පිණිස කළයුතු ප්‍රතිසංස්කරණ සඳහා අත්‍යාවශ්‍ය සාධකයක් වන දේශපාලන ස්ථාවරත්වය තහවුරු කිරීමත් සාමාන්‍ය ජන ජීවිතය බාධා විරහිතව පවත්වාගෙන යාමත් අරමුණ කොටගෙන බව රජය කියා සිටී.

නව රජය බලයට පත්වීමෙන් පසුව බදු සහන ලබාදිමට ගත් ක්‍රියාමාර්ගය වැරදි තිරණයක් බවත් එය දෙවැනි අයවැයේදී පවා නිවරදි කර ගැනීමට අවස්ථාව තිබුණත් එය සිදු නොවුණ බවත් හිටපු අමාත්‍ය නාමල් රාජපක්ෂ මහතා පවසයි. බී.බී.සි. නාලිකාව හා සම්මුඛ සාකච්ඡාවකට එක්මෙින් ඔහු මේ බව සඳහන් කරයි.

ජනපති ගෝඨාභය රාජපක්ෂ මහතා විසින් ප්‍රකාශයට පත්කර ඇති හදිසි නීතිය වහාම ඉවත් කර ගන්නා ලෙස ශ්‍රී ලංකා නිතිඥ සංගමය ජනපති ගෝඨාභය රාජපක්ෂ මහතාගෙන් ඉල්ලා තිබේ. ජනපතිවරයාට ලිපියක් යොමුකරමින් එම සංගමය මේ බව සඳහන් කර තිබේ.

අප්‍රේල් මාසය අවසන් වන විට ශ්‍රී ලංකාවේ නිල විදෙස් සංචිතය ඇමෙරිකානු ඩොලර් මිලියන 1,827 ක් බව ශ්‍රී ලංකා මහ බැංකුව පවසයි.

සමගි ජනබලවේගය ගෙන එන විශ්වාසභංග යෝජනාවට අදාළව සිය ඡන්දය ප්‍රකාශ කිරීමට නම් විශ්වාසභංගයෙන් පසුව සිදුවන්නේ කුමක්ද යන්න පිළිබඳව විමසමින් ආණ්ඩුවේ පසුපෙළ මන්ත්‍රීවරුන් 10 දෙනා විපක්ෂනායක සජිත් ප්‍රේමදාස මහතාට ලිපියක් මගින් දැනුම් දී තිබේ.

එක්සත් ජාතීන්ගේ මහලේකම් ඇන්ටෝනියෝ ගුටරෙස් එක්සත් ජනපදයේ නිව්යෝක් නගරයේ එක්සත් ජාතීන්ගේ මූලස්ථානයේදී යුක්රේනයේ තත්ත්වය පිළිබඳ රැස්වීමකදී ආරක්ෂක මණ්ඩලය ඇමතීය.

නිවාස සංවර්ධන අධිකාරියේ සභාපති දුමින්ද සිල්වා මහතා සිංගප්පූරුව බලා පිටත්ව යාම සදහා මේ වනවිට කටුනායක ගුවන් තොටුපළ වෙත පැමිණ තිබේ.

රට තුළ හදිසි නීතිය ප්‍රකාශයට පත්කිරීමට ජනපති ගෝඨාභය රාජපක්ෂ මහතා තිරණය කර තිබේ. ඒ අනුව අද මධ්‍යම රාත්‍රියේ සිට හදිසි නිතිය ක්‍රියාත්මක වෙයි.

නැන්ජිං විශ්ව විද්‍යාලයේ පර්යේෂකයන් පෙන්වා දුන්නේ චීනයේ චැන්ගී-5 ගවේෂණය මගින් නැවත පෘථිවිය වෙත ගෙනඑන ලද චන්ද්‍ර සාම්පලයේ කාබන් ඩයොක්සයිඩ් ඔක්සිජන් සහ ඉන්ධන බවට පරිවර්තනය කළ හැකි ක්‍රියාකාරී සංයෝග අඩංගු බවයි.

අග්‍රාමාත්‍ය මහින්ද රාජපක්ෂ මහතාට සිය ධුරයෙන් ඉල්ලා අස්වෙන ලෙසට ජනපති ගෝඨාභය රාජපක්ෂ මහතා සඳහන් කර නොමැති බවට අග්‍රාමාත්‍ය මහින්ද රාජපක්ෂ මහතා තහවුරු කරන බව අග්‍රාමාත්‍ය මාධ්‍ය ලේකම් රොහාන් වැලිවිට මහතා සඳහන් කරයි. සිරස රූපවාහිනය වෙත අදහස් දක්වමින් ඔහු තවදුරටත් ප්‍රකාශ කර ඇත්තේ අග්‍රාමාත්‍යවරයා සිය ධුරයෙන් ඉල්ලා අස්වීමට බලාපොරොත්තුවක් හෝ කිසිම සූදානමක් නොමැති බවයි.

වසංගතයෙන් පසු නැවත විවෘත කිරීම සඳහා හෝටලයේ අලුත්වැඩියා කටයුතු සිදුකරමින් පැවති බව හෝටල් බලධාරීහු පවසති.

රටේ පවතින තත්ත්වය පිලිබඳව අද (06) පැවැති කැබිනට් මණ්ඩලයේදී දීර්ඝ වශයෙන් සාකච්ඡා කර ඇති අතර ඒහිදී ඇතැම් අවස්ථාවන් හීදි ඇතැම් පුද්ගලයන් විසින් ක්‍රියාකරන ආකාරය පිලිබඳව දැඩි විවේචන පැමිණ තිබෙන බවත් වාර්තා වෙයි.

සමස්තයක් වශයෙන්, චීනයේ ප්‍රධාන භූමිය පුරා කොවිඩ්-19 එන්නත් මාත්‍රා බිලියන 3.35කට ආසන්න ප්‍රමාණයක් පරිපාලනය කර ඇති බව ජාතික සෞඛ්‍ය කොමිෂන් සභාවේ (NHC) නිලධාරියෙකු වන වූ ලියාන්ග්යු පැවසීය.

පේරාදෙණිය විශ්වවිද්‍යාලයේ කුලපති ධුරයට මහාචාර්ය ජී.එච්. පීරිස් මහතා පත් කර තිබේ. ඒ මහතා අද (06) පස්වරුවේ ජනාධිපති මන්දිරයේ දී ජනාධිපති ගෝඨාභය රාජපක්ෂ මහතා අතින් සිය පත්වීම් ලිපිය ලබා ගත්තේය.

රුසියාව මෑතකදී එක්සත් ජනපදය සහ න්‍යෂ්ටික අවි ඇති අනෙකුත් රටවල්ද එම මූලධර්මය යළි තහවුරු කිරීමට පොළඹවා ගත් බව ඔහු අවධාරණය කළේය.

දිවයින පුරා පැවැති හර්තාල් ව්‍යාපාරයට සමගාමීව වරකාපොල නගරයේ සංවිධානය කර තිබූ විරෝධතාවක් අතරතුළදී උණුසුම් තත්ත්වයක් ඇතිවිය. විරෝධතාකරුවන් කොළඹ - නුවර පාරේ ගමන් කර වරකාපොල ප්‍රා දේශීය සභාවේ සභාපතිවරයාගේ නිවස ඉදිරිපිට විරෝධතාවක නිරත ව තිබේ.

ජනපති, අගමැති, ප්‍රමුඛ වත්මන් ආණ්ඩුවට විරෝධය දක්වමින් වෘත්තීය සමිති, සිවිල් සංවිධාන ඇතුළු පිරිස පැවැත්වූ හර්තාල් ව්‍යාපාරයට සහය පළ කරමින් අද (06දා) එප්පාවල නගරයේ සියලු ව්‍යාපාරික ස්ථාන වසා දමමින් හා රාජ්‍ය, අර්ධ රාජ්‍යය හා පුද්ගලික ආයතන වසා දමා, කළු කොඩිද ඔසවා විරෝධතාවක නිරත වූහ

නියෝජ්‍ය කථානායකවරයා ලෙස ඊයේ පත්වූ රංජිත් සියඹලාපිටිය මහතා සිය ධුරයෙන් ඉල්ලා අස්විමට තිරණය කර ඇති බව වාර්තා වෙයි. ඒ අනුව ඔහු සිය ඉල්ලා අස්විමට අදාළ ලිපිය ජනපති ගෝඨාභය රාජපක්ෂ මහතා වෙත යොමුකර ඇති බව වාර්තා වෙයි.

අග්‍රාමාත්‍ය මහින්ද රාජපක්ෂ මහතා මීට සුලු වේලාවකට පෙර පැවති කැබිනට් මණ්ඩල රැස්වීමේදී ඉල්ලා අස්වීමට තීරණය කර ඇතැයි වාර්තා වෙයි.

වසර 69කට පසුව ලංකා ඉතිහාසයේ පැවති දැවැන්ත හර්තාල් ව්‍යාපාරය අද (06) දිනයේ පැවැත්වුණි. මේ සඳහා රාජ්‍ය, අර්ධ රාජ්‍ය සහ පෞද්ගලික අංශයේ සේවක සේවිකාවන් එක්ව සිටි අතරම දිවයින පුරා ගම්වාසීන්ද මෙම දැවැන්ත හර්තාල් ව්‍යාපාරය සඳහා සහභාගි විය.

ඉන්ධන ලබා ගැනීම සඳහා පැය ගණනාවක් පෝලිම් වල රැඳී සිටි පාරිභෝගිකයන්ට මඤ්ඤොක්කාවලින් සංග්‍රහ කිරීමට බණ්ඩාරගම නගරයේ හර්තාලයේ යෙදුණු තරුණයන් පිරිසක් අද (6දා) කටයුතු කළේය.

සමුපකාර සේවා අලෙවි සංවර්ධන හා පාරිභෝගික ආරක්ෂණ රාජ්‍ය අමාත්‍ය ගුණපාල රත්නසේකර මහතා සිය අමාත්‍ය ධුරයෙන් ඉල්ලා අස්වන බව සඳහන් කරමින් ජනාධිපතිවරයාට ලිපියක් භාරදී තිබේ.

පාර්ලිමේන්තු පිවිසුම් මාර්ගයේ විරෝධතාවයක නිරතව සිටි අන්තර් විශ්වවිද්‍යාල සිසුන්ට පොලිසිය කඳුළු ගෑස් හා ජල ප්‍රහාරයක් එල්ල කළේය. එම කඳුළු ගෑස් හා ජල ප්‍රහාර හමුවේ සිසුන් තවදුරටත් විරෝධතාවය පළකරමින් එහි රැඳී සිටිති.