යුක්රේනය ප්‍රධාන බලවතුන් අතර ගැටුම සඳහා මුරපොලක් වෙනුවට නැගෙනහිර සහ බටහිර අතර සන්නිවේදන පාලමක් ලෙස සේවය කළ යුතු බව චීනය අවධාරණය කරයි.

වර්තමානයේ සෞඛ්‍ය සේවාව සම්බන්ධව සහ සෞඛ්‍ය සේවාවේ පැවැත්ම සම්බන්ධව විවිධාකාර ගැටළු නිර්මාණය වී ඇති බවත් මේ වනවිට වෛද්‍ය ක්ෂේත්‍රෙය් සුළු පිරිසක් විසින් වෛද්‍ය සේවාව මාෆියාවයකට ලක්කරමින් සිටින බව වෛද්‍ය සහ සිවිල් අයිතිවාසිකම් පිළිබඳ වෛද්‍යවරුන්ගේ වෘත්තිය සමිති සන්ධානයේ සභාපති වෛද්‍ය චමල් සංජීව සඳහන් කරයි.

’’ජයග්‍රහණයට වඩා සාමය අනර්ඝයි’’ යන ලෝක ටයිකොන්ඩෝ දැක්මට සහ ගෞරවය සහ ඉවසීමේ ලෝක ටයිකොන්ඩෝ වටිනාකම්වලට පටහැනි ක්‍රියාවක් පෙනෙන්නට තිබෙන බව කියයි.

වරකාපොල පොලිස් වසමට අයත් අඹේපුස්ස ප්‍රදේශයේ නිවසක හා ඉඩමක අයිතිය උදෙසා අධිකරණයේ පවරා ඇති නඩුවකට අධිකරණය විසින් ලබා දුන් නියෝගය ක්‍රියාත්මක කිරීමට ගිය පොලිස් නිලධාරීන් පිරිසකට නිවසේ රැඳී සිටි පිරිස පහරදීම හේතුවෙන් පොලිස් නිලධාරීන් දෙදෙනෙකු තුවාල ලබා ඊයේ(27දා) රෝහල් ගත කළ බව වරකාපොල පොලිසිය පවසයි .

ලංකාවේ උසම හා වටිනාම කතරගම දෙවියන්ගේ හිටි පිළිමයක් මේ වන විට ඉදි කර ඇත. ඒ ගාල්ල,අහංගම,අහංගම් කන්ද,විසුද්ධාරාම විරාණ විහාරස්ථානයේ ය.මෙම හිටි පිළිමය සති අටක වැනි කෙටි කාලයකින් නිර්මානය කර ඇති අතර,එම පිළිමයේ උස අඩි විස්සක් පමණ බැව්, අහංගම,අහංගම් කන්ද,විසුද්ධාරාම පුරාණ විහාරස්ථානයේ විහාරාධිකාරී වත්තල දමිතවංශ හිමියෝ පැවැසුහ.

හිරු මාධ්‍යවේදී චමුදිත සමරවික්‍රම මහතාගේ නිවසට ගල් සහ අසූචි ප්‍රහාරය එල්ල කිරීමේ සිද්ධිය සම්බන්ධයෙන් ශ්‍රී ලංකා විවාහක රූ රැජින පුෂ්පිකා ද සිල්වා මහත්මියගෙන් පැය දෙක හමාරකට ආසන්න කාලයක් ප්‍රශ්නකර ප්‍රකාශ සටහන් කරගත් බව පිලියන්දල පොලිසියේ ස්ථානාධිපති ප්‍රධාන පොලිස් පරීක්ෂක සනත් රංජිත් මහතා පැවසීය.

අපිට යුද්ධය එපා මනුෂ්‍යත්වයේ නාමයෙන් යුද්ධය නතර කරන ලෙස ඉල්ලා සිටිනවා. මේ අසීරු අවස්ථාවේ අපිට ශ්‍රී ලාංකික හෝටල් හිමියන් නොමිලේ කෑම බීම ලබාදෙමින් අපිව රැකබලා ගන්නවා. ශ්‍රී ලාංකිකයින්ගේ මේ ​සත්කාර අපි හදවතින්ම අගය කරනවා යැයි ගාල්ල උණවටුන ප්‍රදේශයේ සිටින යුක්රේන සහ රුසියානු සංචාරකයෝ පවසති.

ඉන්දියානු නාවික හමුදාවට අයත් කිමිදුම් සහය ලබා දෙන නෞකාවක් වන ‘නිරීක්ක්‍ෂාක්’ නෞකාව ශ්‍රී ලංකා නාවික හමුදාව සමඟ සිදු කෙරෙන කිමිදුම් පුහුණු වැඩසටහනක් සඳහා අද (28දා) ත්‍රිකුණාමලය වරායට සේන්දු වූ අතර, නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.

’’ ජයවේවා! හොඳින් ඉන්නවා. කථා කරන්න තහනම්. භාෂනයේ නිදහස. ගිහින් එන්නම්. සමාව ඉල්ලන්නේ නෑ’’

වාද්දුව, රතනසාර මාවතේ නිවසක අද (28දා) පස්වරුවේ හටගත් ගින්නකින් නිවස සහ එහි ගෘහ උපකරණ සියල්ල මුළුමනින්ම විනාශ වී ඇතැයි වාද්දුව පොලිසිය පවසයි.

අද රටේ ප්‍රශ්නය මැතිවරණ පිළිබඳ ප්‍රශ්න නෙමෙයි රටේ ප්‍රශ්නය ජීවත්වීම පිළිබඳ ඇති වෙලා තිබෙන නොසන්සුන්තාව. එය විසඳන්න ආණ්ඩුව ප්‍රමුඛව සියලු දේශපාලන පක්ෂ එකට එක්විය යුතුයි.

යුද සමයේදී නාවික හමුදා යාත්‍රාවලට ප්‍රහාර එල්ල කිරීම සඳහා භාවිතා කළ කොටි ත්‍රස්ත සංවිධානයේ මුහුදු කොටි බලකායට අයත් මරාගෙන මැරෙන බෝට්ටුවක් මුලතිව් චලෙයි ප්‍රදේශයේදී සොයාගත් බව යුද හමුදාව පවසයි.

නිට්ටඹුව නගරයේ ප්‍රසිද්ධ ව්‍යාපාරිකයෙකුට අයිති වත්තක කොස් ගසකින් පොලොස් ගෙඩි හයක් හොරෙන් කැඩූ බව කියන සැකකරුවෙකු මාර්තු මස 14 වැනිදා දක්වා රිමාන්ඩ් භාරයේ රදවා තැබීමට අත්තනගල්ල වැඩ බලන මහේස්ත්‍රාත් සිරිපාල ඇම් පතිරණ මහතා අද (28දා) නියෝග කළේය.

රත්නපුර දිස්ත්‍රික්කයේ අද (28දා) දින තුල ඉන්ධනහල් කිපයකම ඉන්ධන නොමැතිකම හේතුවෙන් රථවාහන හිමියන් ඇතුළු ජනතාව දැඩි අපහසුතාවයකට ලක්ව සිටින අයුරු දක්නට ලැබිණි.

ඩොලර් අර්බුදය හේතුවෙන් වර්තමානය තුළ මෙරට හිඟව ඇතැයි පැවසෙන ඖෂධ බොහොමයක් මෙරටදීම නිෂ්පාදනය කිරීමේ හැකියාව ඇතැයි වෛද්‍ය පර්යේෂණ ආයනයේ හිටපු නියෝජ්‍ය අධ්‍යක්ෂ වෛද්‍ය ජයරුවන් බණ්ඩාර මහතා සඳහන් කරයි.

මාධ්‍යවේදී චමුදිත සමරවික්‍රම මහතාගේ නිවසට ප්‍රහාරයක් එල්ලවීම සම්බන්ධයෙන් පොලීසියට ප්‍රකාශයක් ලබාදීම සඳහා ශ්‍රී ලංකා විවාහක රූ රැජින වන පුෂ්පිකා ද සිල්වා මහත්මිය පිළියන්දළ පොලීසියට පැමිණියාය.

ආරක්ෂක අමාත්‍යාංශය ෆේස්බුක්හි පළ කරන ලද ප්‍රකාශයක දැක්වෙන්නේ රුසියානු හමුදා භටයින් 5,300 ක් පමණ මිය ගොස් ඇති අතර යුක්රේන හමුදා විසින් ටැංකි 191 ක්, ප්‍රහාරක ජෙට් යානා 29 ක්, හෙලිකොප්ටර් 29 ක් සහ සන්නද්ධ වාහන 816 ක් විනාශ කර ඇති බවයි.

ඩීසල් නොමැති විමෙන් නුවරඑලියේ එලවළු වෙලදාම ​සියයට හැටකින් පහල බැස ඇති බව සමස්ත ලංකා ඒකාබද්ධ විශේෂි ආර්ථික මධ්‍යස්ථාන එකමුතුවේ සභාපති අරුණ ශාන්ත හෙට්ටිආරච්චි මහතා පැවසිය.

යුක්රේනයේ පිහිටා ඇති යුරෝපයේ විශාලතම න්‍යෂ්ටික බලාගාරය වන Zaporizhzhia න්‍යෂ්ටික බලාගාරය තම හමුදාව විසින් අත්පත් කරගෙන ඇති බවට රුසියාව කළ ප්‍රකාශය යුක්රේන නිලධාරීන් ප්‍රතික්ෂේප කර ඇත.

මහරගම නගරයේ අවන්හලකට බීමතින් පැමිණි පුද්ගලයින් දෙදෙනෙකු කළ ආහාර ඇණවුමක් සම්බන්ධයෙන් වූ බහින්බස් වීමක් දුරදිග යාමෙන් දෙපාර්ශවය අතර පහරදීමක් සිදුව ඇති අතර ඉන් තුවාල ලැබූ පුද්ගලයින් දෙදෙනෙකු කළුබෝවිල ශික්ෂණ රෝහලට ඇතුළත් කළ බව මහරගම පොලිසිය පවසයි.

මහවැලි බී කලාපයේ මෙවර මහ කන්නයේ කාබනික පොහොර භාවිතයෙන් වගා කරන ලද අක්කර හැට දහසකට ආසන්න කුඹුරු බිම් ප්‍රමාණයකින් ලක්ෂ තුන්සියයකට ආසන්න වී කිලෝ ප්‍රමාණයක් අහිමි වී ඇති බව මහවැලි බී කලාපීය ගොවි ව්‍යාපාර කමිටුවේ හිටපු ප්‍රධාන ලේකම් සරත් රාජපක්ෂ මහතා පවසයි.

රුසියාව සහ යුක්‍රේනය අතර ඇතිව තිබෙන යුදමය තත්ත්වය හේතුවෙන් පීඩාවට පත්ව සිටින මෙරට සංචාරයේ නිරත යුක්‍රෙන ජාතිකයන් සඳහා අවශ්‍ය සෞඛය පහසුකම් නොමිලේ ලබා දීමට කටයුතු සූදානම් කර ඇති බව ඇඹිලිපිටිය ශ්‍රී බොධිරාජ පදනමේ නිර්මාතෘ දක්‍ෂිණ ලංකාවේ ප්‍රධාන සංඝනායක ආචාර්ය පූජ්‍ය ඕමල්පේ සෝභිත හිමියන් පවසයි.

රුසියානු - යුක්රේන යුද්ධයේ නිමාවක් වෙනුවෙන් දෙරට අතර පැවැත්වීමට නියමිත සාම සාකච්ඡා සඳහා සාකච්ඡා සඳහා සියලු කටයුතු සූදානම් බව බෙලරුසියාව පවසයි.

ඉන්ධන පිරවූ බවුසරයක් තිබියදී පාරිභෝගිකයන්ට ඉන්ධන ලබා නොදුන් බව කියන දික්වැල්ල නගරයේ පිහිටි පිරවුම්හලකින් ඉන්ධන නිකුත් කරවීමට දික්වැල්ල පොලිස් ස්ථානයේ නිලධාරින්ට මැදිහත්වීමට සිදුවිය.‍

නේපාලයේ විදුලි බල සම්ප්‍රේෂණ පද්ධතිය වැඩිදියුණු කිරීම මෙන්ම මාර්ග සංවර්ධනය කිරීමට අදාළව ඇමෙරිකාව විසින් ඉදිරිපත් කළ MCC ගිවිසුමට අත්සන් තැබිමට නේපාල පාර්ලිමේන්තුව අනුමැතිය ලබා දී තිබේ.

ගුවන් හමුදාවේ වන්නි ගුවන්හමුදා රෙජිමේන්තු පුහුණු පාසලේ කාබනික පොහොර ව්‍යාපෘතිය මගින් රජයේ කාබනික පොහොර නිෂ්පාදන ව්‍යාපාරය ශක්තිමත් කිරීමේ අරමුණින් සීමාසහිත ලංකා පොහොර සමාගමට මෙට්‍රික් ටොන් 15ක කාබනික පොහොර තොගයක් දෙවන වරටත් භාරදීමට ගුවන්හමුදාව පියවර ගන්නා ලදි.

රාජ්‍ය මුදල් අවභාවිත කිරීමේ චෝදනා යටතේ කඩුවෙන මහේස්ත්‍රාත් අධිකරණයේ ගොනු කර තිබූ නඩුවකින් ඔහු නිදෝස් කොට නිදහස් කිරීමට එම අධිකරණය නියෝග කර තිබේ.

හිසට ගිනිඅවියක් තබා මැණික් ව්‍යාපාරිකයෙකු පැහැරගෙනයාමේ සිද්ධියක් සම්බන්ධයෙන් සැකපිට විසිතුන් හැවිරිදි තරුණයෙකු ඊයේ (27දා) ගිනිඅවියක් සමඟ පොලීසිය මඟින් අත්අඩංගුවටගෙන ඇත.

යාපනය සංගුපිඩ්ඩි පාලම අසලදී ඊයේ (27දා) රාත්‍රියේ පොලිස් නිලධාරීන් දෙදෙනෙකු ගමන්ගත් යතුරුපැදියක් අනතුරට ලක්වීම හේතුවෙන් එක් පොලිස් නිලධාරියෙකු මිය ගොස් තවත් අයෙකු බරතල තුවාල ලබා ඇති බවට යාපනය පුනරීන් පොලීසිය පැවසීය.