මෙම අපහාසය තම ඇසෙන හෝ පෙනෙන තෙක් මානයේ සිදුවූවක් නොවන බැවින් ක්‍රියා මාර්ගයක් ගැනීමට මහේස්ත්‍රාත් අධිකරණයට බලයක් නොමැති බවත් කෙසේ වෙතත් මෙය බරපතල තත්වයක් බැවින් අභියාචනාධිකරණය හමුවේ පැමිණිල්ලක් ගොනු කරන්නැයි දන්වමින් පොලිස්පති දේශබන්ධු තෙන්නකෝන් මහතා හා ඔහුගේ රියදුරු මුදා හැරීමට මාතර ප්‍රධාන මහේස්ත්‍රාත් අරුණ ඉන්ද්‍රජිත් බුද්ධදාස මහතා ඊයේ (25) නියෝග කලේය.

පොලිස්පති ටී.එම්.ඩබ්ලිව්. දේශබන්දු තෙන්නකෝන් මහතා සිය ධුරයේ බලතල බරපතල අන්දමින් අනිසි ලෙස යොදාගැනීම සම්බන්ධයෙන් විමර්ශනය කර වාර්තාකිරීමට පත් කළ පරීක්ෂණ කමිටුවේ විමර්ශන කටයුතුවලට සහය වීමට පොලිස් විමර්ශන කණ්ඩායමක් නම්කර එවන ලෙස කමිටුව විසින් වැඩබලන පොලිස්පතිවරයාට ලිපියක් මගින් දැනුම් දෙනු ලැබුණි. මෙම කමිටුව අද (25) පාර්ලිමේන්තුවේදී දෙවැනි වරට රැස් වූ අවස්ථාවේදී මෙසේ දැනුම්දීම සිදු කෙරිණි.

මේ වන විට පැවැත්වෙන සිරි දළදා දැක්ම නියම කරගත් පරිදිම මල්වතු අස්ගිරි මහනාහිමිවරුන්ගේ අනුශාසනා පරිදි අප්‍රේල් මස 27 වැනි දින නිමා කිරීමට තීරණය කළ බව ශ්‍රී දළදා මාලිගාවේ දියවඩන නිලමේ ප්‍රදීප් නිලංග දෑල මහතා පවසයි.

ශ්‍රි ලාංකික සාත්තු සේවා වෘත්තිකයින් 2149 දෙනෙකු සඳහා ඊශ්‍රායලයේ නිවාස පාදක සාත්තු සේවා ක්ෂේත්‍රයේ රැකියා අවස්ථා හිමිවී තිබේ.

බස්නාහිර, සබරගමුව හා වයඹ පළාත් සඳහාත් ගාල්ල හා මාතර දිස්ත්‍රික්ක සඳහාත් තද වැසි පිළිබඳ අවවාදාත්මක නි‍වේදනයක් කාලගුණ විද්‍යා දෙපාර්තමේන්තුව විසින් නිකුත් කර තිබේ.

අනුරාධපුර දිස්ත්‍රික්කයේ අති විශාල බිම් ප්‍රමාණයක් ජලයෙන් තෙත් කරන මෙරට විශාලතම වැව් අතරට එක්වෙන කළාවැවෙහි ජල කාන්දුවක් සිදු වීමෙන් එම ජලාශය අවධානමකට ලක්ව ඇතැයි පරිසරවේදීන් ඇතුළු ප්‍රදේශවාසීන් පවසයි.

2025 අප්‍රේල් 26 වැනි දින වතිකානු නගරයේ ශාන්ත පීතර චතුරශ්‍රයේ පැවැත්වීමට නියමිත ශුද්ධෝත්තම ෆ්‍රැන්සිස් පාප් වහන්සේගේ අවමංගල්‍ය උත්සවයට ශ්‍රී ලංකා රජය නියෝජනය කරමින් විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා සහභාගී වන බව රජය නිවේදනය කරයි.

සිරි දළඳා වන්දනාව වෙනුවෙන් බැතිමතුන් පෝලිමේ සිටින අවස්ථාවක පොලිස් නිලධාරියෙක් විසින් යුද හමුදා නිලධාරියෙකුට බැණ වදින දර්ශන පෙළක් ඇතුළත් වීඩියෝ පටයක් මේ දිනවල සමාජ මාධ්‍ය තුළ සංසරණය වෙමින් පවතී.

ජනාධිපති අනුර කුමාර දිසානායක මහතා ඊයේ (24) රාත්‍රී හදිසියේම මහනුවරට පැමිණ දළදා දැක්මට එක්ව සිටින බැතිමතුන් අතරට ගොස් ඔවුන් සමග සුහද කතාබහක නිරත වන අයුරු දැකගත හැකි විය.

දළදා වන්දනාවට පැමිණ අම්පිටිය මාර්ගයේ රැඳී සිටි බැතිමතුන් පිරිසක් රතු බෝක්කුව ප්‍රදේශයේදි මාර්ගය සම්පූර්ණයෙන් අවහිර වන ලෙස රැඳී සිටීම හේතුවෙන් ඔවුන් පාලනය කිරීමට පොලිසියට යුද හමුදාව කැඳවීමට සිදු වූ බව පොලිසිය කියයි.

මිද්දෙණිය පොලිස් වසමේදී අරුණ ප්‍රියන්ත නොහොත් කජ්ජා හා ඔහුගේ දියණිය හා පුත්‍රයා වෙඩි තබා ඝාතනය කිරීමේ අපරාධයට සම්බන්ධ සැකකරුවෙක් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

වර්තමානයේ වෙඩි තැබීම් සිදු කරනුයේ පැරණි දේශපාලන කණ්ඩායම් නිර්මාණය කළ ‘පාතාල’ කණ්ඩායම් බවත්, වත්මන් ආණ්ඩුවට මාස 4-5න් ඒ සියල්ල උඩු යටිකුරු කිරීමට නොහැකි අතර, වෙඩි තැබීම් හෙට දිනයේ වුවද විය හැකි බවත් මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා ‘අද’ පුවත්පතට පැවසීය.

එක කුස උපන් තම සහෝදරියගේ ගෙල බැඳි රන් මාලය සහ පෙන්ඩනය කොල්ලකා පසුව ගෙල මිරිකා ඇය ඝාතනය කිරීමේ සිද්ධියක් සම්බන්ධයෙන් මහාධිකරණය හමුවේ අධි චෝදනා ලබා සිටි විත්තිකාර සහෝදරයෙකු එකී චෝදනාවට වරදකරු බවට තීන්දු කළ පොළොන්නරුව පළාත්බද මහාධිකරණ විනිසුරු රුචිර වැලිවත්ත මහතා ඔහුට මරණීය දණ්ඩනය නියම කළේය. ඊට අමතරව සිය සහෝදරිය ගෙල මිරිකා මරා දැමීමට පෙර ඇය ගෙල බැඳි රන් මාලය සහ පෙන්ඩනය කොල්ල කෑමේ චෝදනාවට විත්තිකරුට වසර දහයක බරපතළ වැඩ සහිත සිරදඬුවමක් නියම කළ මහාධ

රෝහල්වලින් රෝගීන්ට නොමිලේ ලබාදෙන අක්ෂි කාච හිඟයක් නිර්මාණය වී ඇති බව වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානය සඳහන් කරයි.

2026 වසරේ සිට ශ්‍රී ලංකාවේ කිසිදු ඖෂධ හිඟයක් ඇති නොවනු ඇති බව සෞඛ්‍ය අමාත්‍යාංශයේ වෛද්‍ය සැපයීම් අංශයේ අධ්‍යක්ෂ, වෛද්‍ය දේදුනු ඩයස් මහතා ප්‍රකාශ කළේය.

ලබන මස 06 වැනි දින පැවැත්වෙන පළාත් පාලන ආයතන ඡන්ද විමසීම වෙනුවෙන් ලබන මස 05 හා 6 යන දිනවල පාසල් නිවාඩු ලබා දෙන බව අධ්‍යාපන අමාත්‍යංශය සඳහන් කරයි.

ස්වර්ගස්ථ වූ අති උතුම් ශුද්ධෝතම ෆ්‍රැන්සිස් පාප් වහන්සේගේ අවසන් කටයුතු සිදු කරන අප්‍රේල් 26 දින ජාතික ශෝක දිනයක් ලෙස ප්‍රකාශයට පත් කිරීමට රජය තීරණය කර තිබේ.

ලැගුම්හලකදී කාන්තාවක් මරා ගමන් මල්ලක දමාගෙන විත් කොළඹ බැස්ටියෙන් පාරේ බස් නැවතුම්පොලේ දමා යෑමේ චෝදනාවන්ට වරදකරුවු පුද්ගලයෙකුට කොළඹ මහාධිකරණ විනිසුරු ආදිත්‍ය පටබැඳිගේ මහතා මරණ දඬුවම අද (24) නියම කළේය.

සිරි දළදා වන්දනාවට පැමිණිබැතිමතුන් තිදෙනෙකු හෘදයාබාධ හේතුවෙන් මිය ගොස් ඇති බවත් තවත් කාන්තාවක ත්‍රී රෝද රථයක ගැටීමෙන්මිය ගොස් ඇති බව මහනුවර මූලස්ථාන පොලිසිය කියයි.

නැවත දැනුම්දෙන තුරු සිරි දළදා වන්දනාව වෙනුවෙන් මහනුවර නගරයට නොපැමිණෙන ලෙස මහනුවර දිස්ත්‍රික් ලේකම් ඉන්දික උඩවත්ත මහතා බැතිමතුන්ගෙන් ඉල්ලා සිටියි.

සමාජ ක්‍රියාකාරිකයෙක් වන ඩෑන් ප්‍රියසාද් නැමැත්තා වෙඩි තබා ඝාතනය කිරීමේ ප්‍රධාන සැකකරු අත්අඩංගුවට ගෙන තිබේ. සැකකරු වැල්ලම්පිටිය ප්‍ර දේශයේ පදිංචිකරුවෙක් වෙයි.

ඉන්දීය ප්‍රිමියර් ලීග් ක්‍රිකට් තරගාවලියේ තවත් තරගයක් අද (24දා) පැවැත්වේ.

මහනුවර මහ නගර සභාව විසින් කඩකුලි හා ටෙන්ඩර් මුදල් අයකිරිමකින් තොරව සාවද්‍ය ලෙස ලේඛන වෙනස්කර රුපියල් දෙකෝටි,තිස්තුන්ලක්ෂ,පහළොස්දහස් දාහතක (23,315,017) මුල්‍ය අක්‍රමිකතාවයක් සිදුකොට ඇති බව ජාතික විගණන කාර්යාලය පවසයි.

2025 පළමු කාර්තුව තුළ සේවා අපනයනය 10.88%කින් ඉහළට

පළාත් පාලන ආයතන ඡන්ද විමසීමට අදාළ තැපැල් ඡන්දය සලකුණු කිරීම අද (24) ආරම්භ විය. හෙට (25) සහ අප්‍රේල් 28 සහ 29 යන දින තුනේ ද තැපැල් ඡන්දය සලකුණු කිරීම සඳහා අවස්ථාව ලබා දී තිබේ.

’සිරි දළදා වන්දනාව’ වෙනුවෙන් කොළඹ කොටුවේ සිට මහනුවර දක්වා ක්‍රියාත්මක කර තිබූ විශේෂ දුම්රිය ‌අද (24) සිට නැවත දැනුම්දෙන තුරු ක්‍රියාත්මක නොකිරීමට තීරණය කර ඇත.

වයඹ පළාත් සභාවේ ආයතන 13කට අයත් වාහන 28ක්, යතුරුපැදියක්, ත්‍රි රෝද රථයක් සහ යන්ත්‍ර 05ක් වසර ගණනාවක සිට නිෂ්කාර්යව පවතින බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක් මගින් අනාවරණය වි ඇත.

යම් පුද්ගලයෙක් යතුරුපැදියක ගමන් නොකරන විට ආරක්ෂිත හිස් වැසුම් පැළඳ සැකකටයුතු ලෙස හැසිරෙන බවට නිරීක්ෂණය වූ විට එම පුද්ගලයා හා ඔහු සන්තකයේ ඇති බඩු බාහිරාදිය පරීක්ෂා කිීම සිදු කළ යුතු බවට දන්වා පොලිස් මූලස්ථානය විසින් සියලුම පොලිස් නිලධාරීන් වෙත උපදෙස් ලබා දී තිබේ.

නැවත දැනුම් දෙනතුරු සිරි දළදා වන්දනාව සඳහා මහනුවර නගරයට පැමිණීමෙන් වලකින ලෙස මහනුවර දිස්ත්‍රික් ලේකම් ඉන්දික උඩවත්ත මහතා පැවසීය.