බගවන්තලාව නගරයේ වෙළදසැළක් ඉදිරිපිට නිදා සිටි සුනඛයෙකු මතට (15) දින උණුවතුර වත් කර එම සුනඛයාව එම ස්ථානයෙන් පලවා හරින අයුරු එම වෙළදසැලේ ආරක්ෂිත කැමරාවේ සටහන් වී තිබුණි.

නිදි යහනේ මියගොස් සිටි රාජ්‍ය සේවිකාවගේ මරණය ඝාතනයක් බව සිදු කරන ලද පශ්චාත් මරණ පරීක්ෂණයේදී හෙළිවීමත් සමග ප්‍රකාශ ලබා දීමට මරණ පරීක්ෂණයට පැමිණ සිටි ඇයගේ සැමියා 15 දින සැකපිට අත්අඩංගුවට ගත් බව දඹුල්ලේ පොලිසිය කියයි.

මාගම්පුර වරාය කළමනාකරණ සමාගම මගින් පෞද්ගලික බැංකුවකින් ලබාගත් ණය නොගෙවීම සම්බන්ධයෙන් පොදු ව්‍යාපාර පිළිබඳ කාරක සභා‍වේදී (කෝප්) දීර්ඝවශයෙන් සාකච්ඡා කිරීමෙන් අනතුරුව ඒ වෙනුවෙන් ගත යුතු නිර්දේශ නිකුත් කිරීම සිදු විය.

මේ සංශෝධනයට නොගිහින් තිබුණා නම් අපි පනත සංශෝධනය කළේ නැත්තං රනිල් පාලනය කාලේ තිබ්බ විදිහට තිබ්බ නම් විදුලි බල මණ්ඩලයේ 12,000ක් සේවකයන් ගෙදර යවන්න තිබුණා. ආයතන 12කට කඩන්න තිබුණා. විශේෂයෙන්ම සමහර වෘත්තීය සමිතිවලින් මම අහන්න කැමතියි ඒ වෘත්තීය සමිති වැඩ කරන්නෙ සේවකයන් වෙනුවෙන්ද එහෙම නැත්තං සේවකයන් ගෙදර යවලා ඒක දඩමීමා කරගෙන දේශපාලන ප්‍රශ්නයක් මතු කරන්නද මේ උත්සාහ කරන්නෙ කියලා. යනුවෙන්ද ඇමතිවරයා ප්‍රශ්න කළේය.

අයිස් මත්ද්‍රව්‍ය නිපදවීමට යොදාගන්නා බවට සැක කෙරෙන රසායනික ද්‍රව්‍ය සඟවා තිබියදී සොයාගැනීමේ සිද්ධිය සම්බන්ධයෙන් අත්අඩංගුවට ගැනීමට අවශ්‍යව සිටින සම්පත් මනම්පේරි නමැත්තා අධිකරණයට භාරවීමට සූදානම් බව ඔහුගේ නීතිඥවරයා‍ අභියාචනාධිකරණයට අද (15) දැනුම් දුන්නේය.

දකුණු කොරියාවේ නිෂ්පාදන හා ධීවර ක්ෂේත්‍රවල රැකියා සඳහා 2025 වර්ෂයේ පැවැත්වීමට නියමිත කොරියානු භාෂා ප්‍රවීණතා පරීක්ෂණය සඳහා විභාග ප්‍රවේශපත්‍ර නිකුත් කිරීම 2025.09.15 දින සිට 2025.09.17 දින මධ්‍යම රාත්‍රිය දක්වා මාර්ගගත ක්‍රමය ඔස්සේ (Online) සිදුකිරීමට නියමිතය.

නව මුදල් නෝට්ටුව පහසුවෙන් මුදල් සංසරණයට අනුගත කිරීම සඳහා, බලපත්‍රලාභී වාණිජ බැංකු ඔවුන්ගේ මුදල් හැසිරවීමේ යන්ත්‍ර ක්‍රමාංකනය කිරීමේ (Calibration) ක්‍රියාවලියක යෙදී සිටී. මෙම ක්‍රියාවලියේ ප්‍රගතියට අනුකූලව, නව මුදල් නෝට්ටුව බලපත්‍රලාභී වාණිජ බැංකු හරහා ක්‍රමයෙන් මුදල් සංසරණයට නිකුත් කරනු ලබන බව මහ බැංකුව නිවේදනය කරයි.

ඌව කුඩා ඔය පොලිස් වසමට අයත් යුද හමුදා කඳවුර මාර්ගයේ රක්ෂිත ප්‍රදේශයේ සැක කටයුතු ලෙස හැසිරිණු පිය පුතු දෙපළක් ලඟ තිබී රුපියල් ලක්ෂ තිස් පහක් පොලීසිය මඟින් (14) වෙනිදා සොයා ගෙන ඇත.

අධිකරණ සහ ජාතික ඒකාබද්ධතා අමාත්‍ය, නීතිඥ, හර්ෂණ නානායක්කාර මහතා මෙම අදහස් පළ කළේ කොළඹ 08, සර්වෝදය සංවර්ධන මුල්‍ය ආයතන නගරෝදය ශ්‍රවණාගාරයේ පැවති 27 වන ජාතික සිරකරු දින උත්සවයේ ප්‍රධාන ආරාධිත අමුත්තා වශයෙන් සහභාගිවෙමිනි

එක්සත් ජාතික පක්ෂ 79 වෙනි සංවත්සරය ලබන 20 වන සෙනසුරාදා උදෑසන 9.00 ට ජයවර්ධනපුර, මොනාක් ඉම්පීරියල් හෝටල් පරිශ්‍රයේදී සැමරීමට කටයුතු කර තිබෙන බව පක්ෂයේ සභාපති හිටපු අමාත්‍ය වජිර අබේවර්ධන මහතා පැවැසීය.

කහටගස්දිගිලිය පොලිස් වසමේ බේත්කෑව ප්‍රදේශයේදී ඊයේ (14දා) සවස් කාලයේ වන අලියෙකු පහරදීම හේතුවෙන් පුද්ගලයෙකු මියගොස් ඇති බවට ලද තොරතුරක් මත කහටගස්දිගිලිය පොලිස් ස්ථානය විමර්ශන ආරම්භ කර ඇත.

පසුගිය පාලන සමයේ ජනාධිපති අරමුදල වරප්‍රසාදිත කණ්ඩායම් විසින් අවභාවිත කර ඇති බවත්, එය නිවැරදි ප්‍රවේශයකට ගෙන ඒමට වත්මන් රජයට හැකි වූ බවත් අග්‍රාමාත්‍ය ආචාර්ය හරිනි අමරසූරිය සඳහන් කළාය.

‘පොහො­සත් රටක් – ලස්සන ජීවි­ත­යක්’ ප්‍රති­පත්ති ප්‍රකා­රව වසර නව­ය­කට පසු පළාත් පාලන සතිය අද(15) සිට ආරම්භ වන බව පළාත් සභා සහ පළාත් පාලන නියෝජ්‍ය අමාත්‍ය ප්‍රභා රුවන් සෙනෙරත් මහතා සඳහන් කරයි. “පුනරුදයේ පුරවර” පළාත් පාලන සතිය අද(15) සිට ලබන 21 දක්වා ක්‍රියාත්මක වේ.

උදාහරණයක් හැටියට අපි ගත්තොත් මහින්ද රාජපක්ෂ මහත්මයට සාමාන්‍ය පුරවැසියෙක් විදිහට ලෝකයේ සමහර රටවලට ගිහින් එන්න බැහැ. එහෙම ගියොත් එතුමාගේ දේහය තමයි මෙරටට නැවත ගේන්න වෙන්නේ. පිටරට විතරක් නෙමෙයි ශ්‍රී ලංකාව තුළත් එතුමට තනියම ගමනක් ගිහින් එන්න බැරි ප්‍රදේශ ඕන තරම් තියනවා. ඉතින් මෙන්න මේ කාරණය නිසා එතුමාව ජාතික වශයෙන් ආරක්ෂා කළ යුතුයි කියලයි මමනම් හිතන්නේ.

පිටකොටුව මධ්‍යම බස් නැවතුම්පොළ අලුත්වැඩියා කිරිමේ කටයුතු මීට සුළු මොහොතකට පෙර ආරම්භ විය. ජනපති අනුර කුමාර දිසානායක මහතාගේ ප්‍රධානත්වයෙන් එම කටයුතු ආරම්භ කරනු ලැබීය.

කළුතර අපරාධ කොට්ඨාසය මගින් රැඳවුම් නියෝග මත ප්‍රශ්න කරන ’’ඇඹිලිපිටියේ සුරංග’’ නැමැත්තාගෙන් ලබා ලබාගත් තොරතුරු වලට අනුව අයිස් මත්ද්‍රව්‍ය නිෂ්පාදනය කල බවට සැක කරන හම්බන්තොට ප්‍රදේශයේ නිවාඩු නිකේතනයක තිබී සැක උපකරණ , රසායනික ද්‍රව්‍ය තොගයක් සහ අයිස් මත්ද්‍රව්‍ය ප්‍රවාහනය කළ බවට එම අවන්හලේ නවතා තිබූ මෝටර් රථයක් අත්අඩංගුවට ගත්බව කළුතර අපරාධ කොට්ඨාශය පවසයි .

සීගිරිය ලෝක උරුම පුදබිමේ කැටපත් පවුරේ,එහි ආරක්ෂිත පුරාන කවි ගී වලට හානි කරමින් සිය නම ඉංග්‍රිසි අකුරින් සටහන් කළ 21 හැවිරිදි තරුණියක පුරාවිද්‍යා නිලධාරීන් විසින් ඊයේ (14දා) අත්අඩංගුවට ගෙන ඇත.

ආසියානු කුසලාන තරවලිය යටතේ ඉන්දීය කණ්ඩායම හා පාකිස්තාන කණ්ඩායම අතර ඊයේ පැවැති තරගයෙන් අනතුරුව පාකිස්තාන ක්‍රීඩකයන්ට අතට අත දීම ප්‍රතික්ෂේප කළ බව පාකිස්තාන පුහුණුකරු මයික් හෙසන් පවසයි.

නේපාලයේ අලුතින් පත් කරන ලද අන්තර්කාලීන අගමැතිනිය පවසන්නේ ඇය මාස හයකට වඩා වැඩි කාලයක් එම තනතුරේ නොසිටින බවයි.

ප්‍රාදේශිය සෞඛ්‍ය සේවා අධ්‍යක්ෂක කාර්යාල ඇතුළු රෝහල් සහ ආයතන 38ක් සදහා ත්‍රිපෝෂ මාස්ටර් බෑග් හාරලක්ෂ අනුතුන්දහස්,නමසියපහක (493,905) අවශ්‍යතාවයක් පැවතියද ඉකුත් වර්ෂය තුල (2024) බෙදාහැර ඇත්තේ ත්‍රිපෝෂ මාස්ටර් බෑග් දෙලක්ෂ හැත්තෑහතර දහස් එකසියඅනුඅටක් (274,198) බව ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන්වේ.

හිටපු ලෝක බොක්සිං ශූර රිකී හැටන් වයස අවුරුදු 46 දී මිය ගොස් තිබේ. මැන්චෙස්ටර් හි ටේම්සයිඩ් හි හයිඩ් හි පිහිටි ඔහුගේ නිවසේදී අද උදෑසන 46 හැවිරිදි පුද්ගලයෙකු මියගොස් සිටියදී සොයා ගත් බව පොලිසිය පැවසීය. ඔහුගේ මරණය සැක සහිත නොවන බව පොලීසිය පවසයි.

පෑලියගොඩ මත්ස්‍ය වෙළඳ සංකීර්ණයේ ගැටලු විසඳීමට නව වැඩපිළිවෙළක් වෙනුවෙන් එහි වෙළෙඳ ප්‍රජාව සමඟ සාකච්ඡාවක් ධිවර නියෝජ්‍ය අමාත්‍ය රත්න ගමගේ මහතාගේ ප්‍රධානත්වයෙන් පසුගිය පැවැත්වුණි.

දකුණු පළාත් සංවර්ධන අධිකාරියේ දකුණු පළාත් ව්‍යවසායකත්ව දිවිබල සංවර්ධන ණය ව්‍යාපෘතියේ කුවිතාන්සි 13ක අනුක්‍රමික අංක පිළිවෙළ වංචනික ලෙස වෙනස්කරමින් ණය ලැබිම්වලින් රුපියල් එක්ලක්ෂ, හතලිස්නමදහසක් (149,000) මුදලක් අවභාවිතාකොට ඇති බව ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ.

සිද්ධියට සම්බන්ධ පදියතලාව පොලිසියේ කොස්තාපල් 04 කට තාවකාලික ස්ථාන මාරු. තවත් සැකකරුවන් 06 කට අධිකරණයෙන් ඇප. වැඩිදුර විභාගය හෙට ( 16 ).

කටුනායක ගුවන් තොටුපොළ ප්‍රධාන ආරක්ෂක නිලධාරීවරයෙකු රුපියල් විසි එක් කෝටි පන් ලක්ෂ විසි හතර දහස් පන් සිය හැත්තෑ පහයි ශත තිස් පහක් වටිනා රන් බිස්කට් තොගයක් තම දෙකකුළෙහි සගවා ගෙන 09/14 දින උදෑසන කටුනායකට ගුවන් තොටුපොළෙන් පිට කර ගෙන යමින් සිටියදී ගුවන් තොටුපොළ රේගු නිලධාරීන් පිරිසක් විසින් අත් අඩංගුවට ගෙන තිබේ .

ථෙරවාදී බෞද්ධ දර්ශනය ආරක්ෂා කරමින් සුරකින මෙරට භික්‍ෂූන් වහන්සේලා 500 නමකට පහසුකම් සැලසිය හැකි රෝහලක් තම නිල කාලය තුළදී ඉදිකොට රජයට භාරදීමට බලාපොරොත්තු වන බවත් ඒ සඳහා ශ්‍රී දළදා මාලිගාවේ මුදල් භාවිතා නොකරන බවද දියවඩන නිලමේ අපේක්ෂක පස්ගම ශ්‍රී නාථ දේවාලයේ සහ මහනුවර ශ්‍රී මහා කතරගම දේවාලයේ බස්නායක නිලමේ දුමින්ද බණ්ඩාර උඩුරාවන මහතා කියයි.

අධික වේගයෙන් අන්තරාකාරි ලෙස බස් රථය ධාවනය කර අනතුරක් කිරීමට උත්සාහ කළ පෞද්ගලික බස් රථයේ රියදුරුට එරෙහිව පියවර ගන්නා ලෙස ජනතාව ඉල්ලා සිටී.

අනුරාධපුර දිස්ත්‍රික්කයේ එප්පාවල ගොවිජන සේවා බල ප්‍රදේශයට අයත් කඳුරුගස්වැව දික්වැව ගම්මානයේ වැව් මායිම තුළ වන සංරක්ෂණ දෙපාර්තමේන්තුව මඟින් රක්ෂිත මායිම් ගල් දැමීම හේතුවෙන් තම වැවට හිමි භූමි ප්‍රමාණය අඩු වී ඇතැයි ගොවීන් චෝදනා කර සිටිති.

ඉදිරියේ දී මෙරට ජනතාවට එල්ළවන සෞඛ්‍ය අභියෝග ජයග්‍රහණය කිරීම සදහා වර්තමානයේ ඊට අවශ්‍ය පදනම සකස් කිරීම සෞඛ්‍ය අමාත්‍යාංශය කළයුතු බවත්, ඊට අවශ්‍ය වැඩපිළිවෙල මේ වන විට සැලසුම් කරන බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා අවධාරණය කරයි.