අද පස්වරු 6.00ට ප්‍රථමව විශ්වවිද්‍යාලයෙන් ඉවත්වන ලෙසට සියලුම සිසුන්ට දන්වා ඇත.

එහි මුලින්ම රාජ්‍ය මුදල් අවභාවිත කිරීම සම්බන්ධයෙන් හිටපු ජනපති මහින්ද රාජපක්ෂ මහතාගේ කාර්ය මණ්ඩල ප්‍රධානී ගාමිණී සෙනරත් ඇතුළු තිදෙනෙකුට එරෙහි නඩුව විභාග කර ඇත.

මෙම ව්‍යාපෘතිය ආරම්භ කළේ ගෝඨාභය රාජපක්ෂ මහතායි. එය ඉතාමත් හොඳ ව්‍යාපෘතියක් වන අතර හොඳ දේ අගය කිරීමට මා කිසිදා මැලි නොවෙමි.

තමන් ජනාධිපති ධුරයට පත්වීමෙන් අනතුරුව පරිසර විෂයයද තමා යටතට පවරාගත්තේ පරිසර විනාශයට දේශපාලන බලයේ ආශිර්වාදය හිමිවීම වැළැක්වීමට බව ජනාධිපති මෛත්‍රීපාල සිරිසේන මහතා පැවසීය.

ඔස්ට්‍රේලියාවේ ප්‍රධානතම මූල්‍ය ආයතනයක් වන මැකෝරි (Macquarie)ආයතනයේ ප්‍රධාන විධායක නිලධාරිනිය ලෙස ශ්‍රී ලංකාවේ ෂෙමාරා වික්‍රමනායක මහත්මිය අද (26දා) පත්ව තිබේ.

අධිකරණ හා බන්ධනාගාර ප්‍රත්සංස්කරණ අමාත්‍ය තලතා අතුකෝරල මහත්මියගේ උපදෙස් පරිදි වැලිකඩ බන්ධනාගාරයේ බුද්ධි අංශය වහාම ක්‍රියාත්මක වන පරිදි විසුරුවා හැරීමට තීරණය කර තිබේ.

ශ්‍රී ලංකා ක්‍රිකට් ආයතන කණ්ඩායම පරාජය කර කොළඹ පී සරා ඕවල් ක්‍රීඩාංගණයේ අද (26දා) පැවති පළමු හා එකම පුහුණු එක්දින තරගයෙන් ලකුණු 63ක ජයක් ලැබීමට සංචාරක දකුණු අප්‍රිකානු කණ්ඩායම සමත් විය.

මධ්‍ය දක්ෂිණාංශික ටෙහ්රීක්-ඊ-ඉන්සාෆ් (PTI) පක්ෂය මැතිවරණයෙන් බහුතර බලය ලබා ඉම්රාන් ඛාන් අගමැති ධුරයට.

මගේ අරමුණ ගාල්ල ක්‍රිකට් ක්‍රීඩාංගණය වගේ ජාත්‍යන්තර ක්‍රීඩාංගණයක් මාතරට ගේන්න. ඒ සඳහා සුදුසු ඉඩම් කොටසක් සොයා ගැනීම සඳහා මම මේ දවස්වල වෙහෙසෙනවා. ක්‍රීඩාව දියුණු කිරීම අප රජයේ එක් කාර්යභාරයක්

මධ්‍යම සංස්කෘතික අරමුදල මගින් ජාතික නාමල් උයනේ සංවර්ධන හා ප්‍රවර්ධන කටයුතු ආරම්භ කිරීමේ අවස්ථාව සහ ජේ.ආර්. ජයවර්ධන අනුස්මරණ භාවනා මධ්‍යස්ථානය විවෘත කිරීම ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් අද (26දා) සිදු කෙරිණි.

දේශපාලන පළිගැනීම් කමිටු නිර්දේශ මත අධ්‍යාපන සේවාවන්ට ලබාදීමට ගිය පත්වීම් 1014 වහා අත්හිටුවන ලෙස ඉල්ලා වෘත්තීය සමිති ක්‍රියාත්මක කිරීමට ගිය වැඩවර්ජනය නැවැත්වීමට පියවර ගත බවත් එහෙත් එය නිසි අයුරින් සන්නිවේදනය නොවීම හේතුවෙන් අද (26දා) පාසල් කටයුතුවලට බලපෑම් එල්ල වී ඇති අතර එහි වගකීම අධ්‍යාපන අමාත්‍යාංශය විසින් භාරගත යුතු බවත් ලංකා ගුරු සංගමය නිවෙිදනයක් නිකුත් කරමින් සඳහන් කරයි.

ගාල්ල ක්‍රිකට් ක්‍රීඩාංගණය ඉදිකිරීම සම්බන්ධයෙන් ඇති කරගත් ගිවිසුමට අනුව ගාල්ල ක්‍රිකට් ක්‍රීඩාංගණයෙන් ක්‍රිකට් ඉවත් කළ නොහැකි බව ක්‍රිකට් පාලක මණ්ඩලයේ හිටපු සභාපති තිලංග සුමතිපාල මහතා සඳහන් කළේය.

දුම්රිය අධීක්ෂණ සේවා නිලධාරීන් විසින් ආරම්භ කරන ලද වැඩවර්ජනය අද (26දා) සවස 4.00ට අවසන් කරන බව දුම්රිය මෙහෙයුම් අධීක්ෂණ නිලධාරීන්ගේ සංගමය සඳහන් කරයි.

ඒකාබද්ධයේ සිටින කණ්ඩායම එක් එක් සිදුවීම් පිළිබඳ විවිධ කතා පැවසුවද, සියලුම දෙනාගේ පොදු අරමුණ එක්සත් ජාතික පක්ෂය පරාජය කිරීම බව ශ්‍රී ලංකා නිදහස් පක්ෂ 16 දෙනාගේ කණ්ඩායම සඳහන් කරයි.

විදෙස් ගත වීම සඳහා කටුනායක ගුවන්තොටුපොළ වෙත වැඩම කර ඇති උඩුවේ ධම්මාලෝක හිමියන්ට අද (26දා) ගුවන්තොටුපොළ ආගමන විගමන නිලධාරීන් විසින් ඒ සඳහා අවසර ලබා නොදීම හේතුවෙන් යළි විහාරස්ථානයට වැඩම කරීමට සිදුව තිබේ.

විහාරස්ථානවලින් මහා පරිමාණයෙන් මුදල් වංචා කළ 55 හැවිරිදි කාන්තාවක, 19 හැවිරිදි ඇයගේ දියණිය හා ඔවුන් පැමිණ කුලී රථයේ රියදුරු අද (26දා) අත්අඩංගුවට ගත් බව වැලිමඩ පොලීසිය පවසයි.

අත්‍යවශ්‍ය විදුලි නඩත්තු කටයුත්තක් හේතුවෙන් හෙට (27දා) උදේ 9.00 සිට 3.00 දක්වා කාලය තුළ කොළඹ 3, 4, 5, 7 සහ 8 යන ප්‍රදේශවලට විදුලිය විසන්දි කරන බව විදුලිබල අමාත්‍යංශය සඳහන් කරයි.

කටුනායක ගුවන්තොටුපොළ සඳහා ඊ - පාස්පෝර්ට් ක්‍රමයක් හඳුන්වාදීම සඳහා මේ වන විට අවශ්‍ය ක්‍රියාමාර්ග ගනිමින් සිටින බවත් ජාත්‍යන්තර සිවිල් ගුවන් සේවා සංවිධානය විසින් සිදුකරන ලද විගණන පරීක්ෂණයකදී ශ්‍රී ලංකා සිවිල් ගුවන් සේවා අධිකාරිය දකුණු ආසියාවේ සියලු රටවල් අබිබවා පළමු ස්ථානය දිනා ගෙන ඇති බවත් ප්‍රවාහන සහ සිවිල් ගුවන් සේවා අමාත්‍ය නිමල් සිරිපාල ද සිල්වා මහතා පැවසීය.

ශ්‍රී ලංකා - දකුණු අප්‍රිකා තරග පහකින් සමන්විත එක්දින තරගාවලියට පෙර සංචාරක දකුණු අප්‍රිකානු කණ්ඩායම සහ ශ්‍රී ලංකා ක්‍රිකට් සභාපතිවරයාගේ කණ්ඩායම සහභාගි වන පුහුණු එක්දින තරගයක් අද (26දා) පී. සරා ඕවල් ක්‍රීඩාංගණයේදී පැවැත්වෙන බව ක්‍රිකට් ආයතනය පවසයි.

ජනතාවගේ දිළිඳුකම පිටුදැකීමේ ග‍්‍රාම ශක්ති ජනතා ව්‍යාපාරය මගින් ගම්මානවල නිෂ්පාදිත ද්‍රව්‍ය අලෙවිය සඳහා කෑගල්ලේ රුපියල් මිලියන හැටපහක වියදමින් නොනිදන වෙළඳ උද්‍යානයක් ඉදිකිරීමට සැලසුම් දියත් කර ඇති බව ජනාධිපති මෛත්‍රීපාල සිරිසේන මහතා පැවසීය.

වැලිකඩ බන්ධනාගාර මූලස්ථානයෙහි සිරකරුවන් ජංගම දුරකථන භාවිතකරන්නේ නම්, වහාම එම ජංගම දුරකථන සහ සිම්කාඩ්පත් බන්ධනාගාර නිලධාරීන්ට බාරදෙන ලෙස දන්වමින් බන්ධනාගාරය තුළ දැන්වීම් ප්‍රදර්ශනය කර ඇතැයි අද පුවත්පතට වාර්තා වේ.

දුම්රිය මාර්ග සඳහා අවශ්‍ය රේල් පීලි 5000ක් ප්‍රසම්පාදනය කිරීම ඇමරිකානු ඩොලර් මිලියන 2.13ක මුදලකට M/s. Angang Group International Panzhimua Co. ltd වෙත ප්‍රදානය කිරීම සඳහා වන යෝජනාවකට ඊයේ (24දා) අමාත්‍ය මණ්ඩල අනුමැතිය හිමිව තිබේ.

අමාත්‍යවරයා සඳහන් කර සිටියේ, එවැනි නිලධාරීන් පිළිබඳව පොලීසිය හා විශේෂ කාර්ය බළකාය යොදවා පරීක්‍ෂණ සිදුකෙරෙනු ඇති බවයි.

සුළු වාරි මාර්ගයන්ගෙන් විශාල කුඹුරු ප්‍රමාණයක් වගා කෙරෙන අතර, ඒවායෙහි ඵලදායීතාව ඉහළ නැංවීම අරමුණු කරගනිමින් ඇමරිකානු ඩොලර් මිලියන 140ක මුළු ආයෝජනයක් සහිත ව්‍යාපෘතියක්, 2018-2024 කාල පරිච්ඡේදය තුළ ලෝක බැංකු අරමුදල්හි සහායද සහිතව ක්‍රියාත්මක කිරීමට වන යෝජනාවකට ඊයේ (24දා) කැබිනට් මණ්ඩල අනුමැතිය හිමිව තිබේ.

වත්මන් ආණ්ඩුව විසින් සකස් කර ඇති නව ආණ්ඩුක්‍රම ව්‍යවස්ථාව පරාජය කිරිම සඳහා ඒකාබද්ධ විපක්ෂය විසින් කමිටු දෙකක් පත්කළ බව පාර්ලිමේන්තු මන්ත්‍රි මහින්දානන්ද අලුත්ගමගේ මහතා අද(25)පැවසීය.

කොළඹ වේල් පෙරහරේ පැමිණි වේල් කරත්තය අග්‍රාමාත්‍ය රනිල් වික්‍රමසිංහ මහතා විසින් ඊයේ (25දා) අරලියගහ මන්දිරය අසලදී පිළිගෙන පුද පූජා පවත්වා ආශිර්වාද ලබාගත්තේය.

මාතර දිස්ත්‍රික්කයේ වර්ෂා සමයේදී ගංවතුර ආපදා තත්ත්වයන්හිදී ඇතිවන බලපෑම් අවම කර ගැනීම සඳහා නිල්වලා ගං ඉවුර පිළිසකර කිරීම සහ ගං ඉවුර සංරක්ෂණය කිරීම සඳහා රුපියල් මිලියන 62ක ආයෝජනයක් සඳහා වන යෝජනාවකට ඊයේ (24දා) කැබිනට් මණ්ඩල අනුමැතිය හිමිව තිබේ.

දූෂණ විරෝධී ක්‍රියාමාර්ග ගෙන ඇති රටවල් අතරින් පළමු වැනි ස්ථානය ලංකාවට හිමිකර දීමට තම ධුර කාලය තුළදී බලාපොරොත්තු වන බව ජනාධිපතී මෛත්‍රීපාල සිරිසේන මහතා පැවසීය.

ශ්‍රී ලංකා නිදහස් පක්ෂයේ මහලේකම් තනතුර 16 දෙනාගේ කණ්ඩායමේ කෙනෙකුට හිමිවන බවට විවිධ ප්‍රකාශ සිදුකළත් තාවකාලිකව පත්කල මහලේකම්වරයා තම රාජකාරී කටයුතු නිසිලෙස සිදු කරමින් තිබෙන බව ශ්‍රී ලංකා නිදහස් පක්ෂ මාධ්‍ය ප්‍රකාශක අමාත්‍ය මහින්ද සමරසිංහ මහතා සඳහන් කළේය.