සමගි ජන බලවේගය තුළ සැලුම් දොරක් නොමැති බැවින් පක්ෂයෙන් ඉවත්ව ගිය කිසිවෙකු නැවත පක්ෂයට නොගන්නා බව සමගි ජන බලවේගයේ මහ ලේකම් පාර්ලිමේන්තු මන්ත්‍රී රංජිත් මද්දුමබණ්ඩාර මහතා පැවසීය.

අග්‍රාමාත්‍ය රනිල් වික්‍රමසිංහ මහතාගේ නිවසට ප්‍රහාරයක් එල්ල වන අවස්ථාවේදී කොළඹ පස්වන පටුමගේ විදුලිය විසන්ධි වී තිබීම පිළිබඳව මහජන උපයෝගීතා කොමිෂම විසින් විමර්ශනයක් ආරම්භ කිරීමට තිරණය කර තිබේ.

වත්මන් ජනපතිවරයාගේ සිට වැඩ බලන ජනපතිවරයා දක්වා බලය හුවමාරුව ඉතාමත් ඉක්මනින් සාමකාමීව සිදු කළ යුතු බව ශ්‍රී ලංකා නීතිඥ සංගමයේ සභාපති ජනාධිපති නීතිඥ සාලිය පීරිස් මහතා පැවැසීය.

ශ්‍රි ලංකා චීන තනාපති කාර්යාලය සහ චීන රතු කුරුස සමාජය මගින් නුවරඑළිය දිස්ත්‍රික්කයේ අඩු ආදායම්ලාභි තොරාගත් පවුල් 2500 ක් සඳහා වියලි ආහාර ද්‍රව්‍ය බෙදා දිමේ වැඩසටහනේ සමාරම්භක උත්සවය ශ්‍රි ලංකාවේ චීන තානාපති චී ෂෙන්හොන්ග් මහතා සහ නුවරඑළිය දිස්ත්‍රික් ලේකම් නන්දන ගලබඩ මහතාගේ ප්‍රධානත්වයෙන් ඊයේ (09) දින නුවරඑළිය සිනිසිටා නගර ශාලාවේදි පැවැත්විණ.

පාර්ලිමේන්තු ප්‍රජාතන්ත්‍රවාදයක් පවතින රටක විකල්ප අගමැති වන්නේ විපක්ෂනායක බව පාර්ලිමේන්තු මන්ත්‍රී රාජිත සේනාරත්න මහතා පැවැසීය. අද කොළඹදී පැවැති මාධ්‍ය හමුවකදී ඔහු සඳහන් කලේ විපක්ෂනායකවරයාගේ නායකත්වයෙන් බලය බෙසාගෙන ආණ්ඩුවක් පිහිටුවා ජනතාවගේ ගැටලු විසඳීමට ඉක්මන් ක්‍රියාමාර්ග ගන්නා බවයි.

ආයෝජන ප්‍රවර්ධන අමාත්‍ය ධම්මික පෙරේරා මහතා සිය අමාත්‍යධුරයෙන් ඉවත්වීමට තීරණය කර තිබේ. ඒ අනුව ධම්මික පෙරේරා මහතා අමාත්‍යධුරයේ කටයුතු කරනු ලැබුවේ සති දෙකකට ආසන්න කාලයක් පමණි.

මේ මොහොතේ ජනතාව ඉල්ලා සිටින සර්වපාක්ෂික අන්තර්වාර ආණ්ඩුවට ඉඩ ලබා දීම මහජන නියෝජිතයන්යගේ වගකීම විය යුතු බව අමාත්‍ය ප්‍රසන්න රණතුංග මහතා නිවේදනයක් නිකුත් කරමින් පවසයි.

’’අපි මෙම රජයෙන් හෝ ඕනෑම නව, ව්‍යවස්ථාපිතව තෝරාගත් රජයකින් ඉල්ලා සිටින්නේ දිගු කාලීන ආර්ථික ස්ථාවරත්වයක් ළඟා කර ගැනීමට සහ විදුලිය, ආහාර සහ ඉන්ධන හිඟය ඇතුළු නරක අතට හැරෙන ආර්ථික තත්ත්වයන් පිළිබඳව ශ්‍රී ලාංකීය ජනතාවගේ අතෘප්තියට විසඳුම් සෙවීමට සහ ක්‍රියාත්මක කිරීමට කඩිනමින් කටයුතු කරන ලෙසයි.’’

පළමු නෞකාව අද (10) පස්වරු 3ට කෙරවලපිටියට පැමිණීමෙන් පසු ගෑස් ගොඩබෑම සහ බෙදාහැරීම කඩිනමින් සිදුකරන ලෙස ජනාධිපති ගෝඨාභය රාජපක්ෂ මහතා නිලධාරීන්ට උපදෙස් දී තිබේ.

ජාත්‍යන්තර මූල්‍ය අරමුදල විසින් ලංකාවට ලබාදීම සම්බන්ධනේ වන ණය පැකේජය පිළිබඳව සාකච්ඡා නැවත ආරම්භ කිරීමට ඉඩ සලසමින් ශ්‍රී ලංකාවේ දේශපාලන කැලඹීම සඳහා විසඳුමක් බලාපොරොත්තු වන එම සංවිධානය පවසයි.

ඇමෙරිකාව චීනයේ ස්වෛරීභාවයට සහ භෞමික අඛණ්ඩතාවයට ගරු කළ යුතු අතර, චීනයේ අභ්‍යන්තර කටයුතුවලට මැදිහත් වීම නැවැත්විය යුතුයි.

ජනපති මන්දිරයට ඊයේ (9දා) ඇතුළු වූ විරෝධතාකරුවන් එහි තිබී රුපියල් කෝටියකට අධික මුදලක් සොයාගෙන තිබේ. එම මුදල් ඔවුන් විසින් ආරක්ෂිතව පොලීසියට භාර දීමට කටයුතු කර තිබේ.

එක්සත් ජනපද අණ්ඩුව, යුක්රේනයේ සන්නද්ධ ගැටුම හැකිතාක් දුරට දිග්ගැස්සීමට ඉලක්ක කර ඇති අතර, වොෂිංටනය කියෙව් පාලනය වෙත් තවත් HIMARS ඒකක හතරක් ලබා දෙන්නේ මේ සඳහා බව වොෂිංටනයේ රුසියානු තානාපති කාර්යාලය පවසයි.

අග්‍රාමාත්‍ය රනිල් වික්‍රමසිංහ මහතාගේ පෞද්ගලික නිවසට ගිනි තැබීමේ සිද්ධිය සම්බන්ධයෙන් පුද්ගලයන් තිදෙනෙකු කොල්ලුපිටිය පොලීසිය මගින් අත්අඩංගුවට ගෙන ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා පැවසීය. අත්අඩංගුවට පත් වූවන් අතර වයස අවුරුදු 19 ක ගල්කිස්ස පදිංචිකරුවෙක් එමෙන්ම වයස අවුරුදු 24 හා 28 පසුවන ගාල්ල පදිංචිකරුවන් දෙදෙනකු වන බවත් මාධ්‍ය ප්‍රකාශක වරයා කීය.

සැකකරු විශ්වාස කළේ හිටපු අගමැතිවරයා කිසියම් ආගමික කණ්ඩායමක අවශ්‍යතා ප්‍රවර්ධනය කරන බවය .

ආණ්ඩුවට විරෝධය දක්වමින් ඊයේ පැවැති විරෝධතා අතරතුළ ඇතිවූ සිදුවීම් හේතුවෙන් පුද්ගලයන් 103ක් තුවාල ලබා කොළඹ ජාතික රෝහලට ඇතුළත් කර තිබේ. මෙයින් තවමත් පුද්ගලයන් 55ක් නේවාසිකව ප්‍රතිකාර ලබයි. තුවාල ලැබූවන් අතර මාධ්‍යවේදීන් 11 ක් හා ආරක්ෂක අංශ සාමාජිකයන් 05ක්ද වෙයි.

චීනය ඉතා අඩු වියදමකින්, එක්සත් ජනපදයට වඩා පස් ගුණයක් වේගයෙන් ආයුධ ලබා ගන්නා බවට පෙන්ටනගයේ ඉහළ නිලධාරියෙක් අනතුරු අඟවා තිබේ.

රටේ ඇතිවී තිබෙන අර්බුදකාරී වාතාවරණ සාමකාමීව සහ ව්‍යවස්ථානුකුලව නිරාකරණය කරගැනීම සඳහා අවස්ථාවක් උදාවී ඇති බවත් රටේ සාමය පවත්වාගෙන යාම සඳහා ආදරණිය ශ්‍රී ලංකා වාසි ජනතාවගේ සහයෝගය ත්‍රිවිධ හමුදාව සහ පොලීසිය වෙත ලබාදෙන ලෙසත් ආරක්ෂක මාණ්ඩලික ප්‍රධානී ජෙනරාල් ශවේන්ද්‍ර සිල්වා මහතා ජනතාවගෙන් ඉල්ලා සිටියි.

එක්සත් ජනපදයේ, ඔක්ලහෝමා ප්‍රාන්තයේ මෙඩ්ෆෝර්ඩ් අසල ONEOK ගෑස් බලාගාරයක පිපිරීමකින් පසු ගින්නක් ඇති වූ බව විදෙස් වාර්තා පවසයි.

ඉන්දීය ණය යෝජනා ක්‍රමය යටතේ ශ්‍රී ලංකාවෙට ගෙන්වූ යූරියා මෙට්‍රික් ටොන් 40000ක් රැගත් නෞකාව ඉන්දීය මහ කොමසාරිස්වරයාගෙන් නිල වශයෙන් භාර ගැනීමෙන් අනතුරුව තමන් අමාත්‍යධුරයෙන් ඉල්ලා අස්වන බව කෘෂිකර්ම අමාත්‍ය මහින්ද අමරවීර මහතා පවසයි.

විදේශ රැකියා හා කම්කරු අමාත්‍ය මනූෂ නානායක්කාර මහතා හා සංචාරක හා ඉඩම් අමාතය හරීන් ප්‍රනාන්දු මහතා සිය අමාත්‍යධුර වලින් ඉල්ලා අස්විමට තීරණය කර තිබේ. සිය ටිවිටර් ගිණුමෙන් ඔවුන් ප්‍රකාශ කරන්නේ නව අන්තර්වාර රජයක් පත්කිරීම වෙනුවෙන් තමන් අමාත්‍යධුරවලින් ඉල්ලා අස්වෙන බවයි.

කොළඹ පස්වන පටුමගේ පිහිටි අග්‍රාමාත්‍ය රනිල් වික්‍රමසිංහ මහතාට අයත් පෞරාණික භාණ්ඩ තිබූ නිවස විරෝධතාකරුවන්ට මුවා වී සිටි කඩාකප්පල්කාරීන් පිරිසක් විසින් ගිනි තැබිමට කටයුතු කළේය.

සාමකාමීව පවත්වාගෙන ගිය විරෝධතාව ප්‍රචණ්ඩත්වයට යොමුකරමින් අග්‍රාමාත්‍ය රනිල් වික්‍රමසිංහ මහතාගේ පෞද්ගලික නිවස ගිනි තැබිමට ගත් ක්‍රියාමාර්ගය පිළිබඳව බොහෝ දෙනෙක් විරෝධය පළකරමින් සිටියි.

ජනපති ගෝඨාභය රාජපක්ෂ මහතා ලබන 13 දා සිය ධුරයෙන් ඉල්ලා අස්වෙන බව ජනපති ගෝඨාභය රාජපක්ෂ මහතා තමන්ට දැනුම් දුන් බව කථානායක මහින්ද යාපා අබේවර්ධන මහතා සඳහන් කරයි.

කොළඹ පස්වන පටුමගේ පිහිටි අග්‍රාමාත්‍ය රනිල් වික්‍රමසිංහ මහතාගේ නිවස ‌වෙත විරෝධතාකරුවන් ඇතුල්වී තිබේ. කෙසේ වෙතත් රනිල් වික්‍රමසිංහ මහතා එම නිවස තුළ සිට නොමැත.

කතානායක මහින්ද යාපා අබේවර්ධන මහතාගේ ප්‍රධානත්වයෙන් රැස්වූ පාර්ලිමේන්තුවේ පක්ෂ නායක රැස්වීමේදි ගත් තීරණ පිළිබඳව කථානායකවරයා විසින් ලිඛිතව ජනපති ගෝඨාභය රාජපක්ෂ මහතා වෙත දන්වා තිබේ.

අග්‍රාමාත්‍ය රනිල් වික්‍රමසිංහ මහතාාගේ නිවස අසළ පැවැති විරෝධතාව වාර්තා කිරිමට ගිය සිරස රූපවාහිනීයේ මාධ්‍ය වේදීන්ට පහරදීම සම්බන්ධයෙන් පොලිස්පතිවරයාගේ නියමයෙන් පරීක්ෂණයක් ආරම්භ කර තිබේ.

තම පෞද්ගලික නිවස අසළ පැවැති විරෝධතාවය වාර්තා කරමින් සිටි මාධ්‍ය වේදීන් වෙත ආරක්ෂක අංශ සිදුකළ ප්‍රහරදිම අග්‍රාමාත්‍ය රනිල් වික්‍රමසිංහ මහතා විසින් හෙළා දැක තිබේ. ඔහු පවසන්නේ ආරක්ෂක අංශ මෙන්ම ජනතාවත් සාමකාමීව කටයතු කරන ලෙසයි.

අග්‍රාමාත්‍ය රනිල් වික්‍රමසිංහ මහතාගේ පෞද්ගලික නිවස ඉදිරිපිට පැවැත්වූ විරෝධතා ආවරණය කිරිමට ගිය සිරස රූපවාහිනී නාළිකාවේ මාධ්‍යවේදින් සිවු දෙනෙකුට අමානුෂිකව පහරදී තිබේ.