බොරලැස්ගමුව, මාලනි බුලත්සිංහල මාවතේදී වා ගමනින් ගමන් කළ පුද්ගලයෙකුට ත්‍රී රෝද රථයකින් පැමිණි දෙදෙනෙක් සිදුකළ වෙඩි තැබීමට සම්බන්ධ සැකකරුවන් තිදෙනෙක් අත්අඩංගුවට ගෙන තිබේ.

වැල්ලම්පිටිය, කිත්තම්පහුව ප්‍ර දේශයේදී අද අලුයම ලැගුම්හලකදී වෙඩි තැබීමක් සිදුව ඇති බවට වැල්ලම්පිටිය පොලීසිය පවසයි. මෙම වෙඩි තැබීමෙන් ජීවිත හානියක් හෝ තුවාල වීමක් සිදුව නොමැත.

කොරියාවේ රැකියා ලබාදෙන බව පවසා පුද්ගලයන් 150කගෙන් පමණ රුපියල් කෝටි 15කට අධික මුදලක් වංචා කළ සැකකරුවෙක් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය කියයි. සැකකරු කොළඹ 15 ප්‍ර දේශයේ පදිංචි 41 හැවැරිදි පුද්ගලයෙකි.

විපක්ෂය නියෝජනය කරන පක්ෂ නායකයන්ගේ විශේෂ හමුවක් හෙට(25දා) පැවත්වීමට නියමිතව තිබේ.

සංචාරක දකුණු අප්‍රිකා කණ්ඩායමට එරෙහි තුන්වන හා අවසන් එක්දින ක්‍රිකට් තරගයෙන් ලකුණු 276ක ජයක් වාර්තා කිරීමට ඔස්ට්‍රේලියානු කණ්ඩායම අද (24දා) සමත් විය.

හිටපු ජනාධිපති රනිල් වික්‍රමසිංහ මහතා අත්අඩංගුවට ගැනීමේ කාරණයේදී විපක්ෂය එම ප්‍රශ්නයට නිසි ආකාරයෙන් මුහුණු නොදී විපක්ෂයේ දේශපාලන වුවමනාවක් මත ක්‍රියාකිරීමට යාම බරපතල ලෙස අධිකරණයේ ස්වාධීනත්වයට බලපාන බව ජාතික ජන බලවේගයේ නීතිඥ සංගමයේ සාමාජික ජනාධිපති නීතිඥ උපුල් කුමාරප්පෙරුම මහතා පැවසීය.

හිටපු ජනාධිපති රනිල් වික්‍රසිංහ මහතා අත්අඩංගුවට ගැනීම බලවත් පිළිකුලෙන් යුතුව හෙළා දකින බව සමගි ජන බලවේගයේ මහලේකම් රංජිත් මද්දුමබණ්ඩාර මහතා නිවේදනයක් නිකුත් කරමින් සඳහන් කරයි.

වැඩවර්ජනයට යාමට මූලික වුණු කරුණු 19න් 17කට මාසයක කාලයක් තුළ විසඳුම් ලබා දෙන බවට විෂය භාර අමාත්‍ය වෛද්‍ය නලින්ද ජයතිස්ස මහතා එකඟත්වය පළ කිරීම සහ එය ලිඛිතව ලබා දීම හේතුවෙන් තැපැල් වැඩ වර්ජනය අවසක් කළ බව ඒකාබද්ධ තැපැල් වෘත්තීය සමිති පෙරමුණේ සම කැඳවුම්කරු චින්තක බණ්ඩාර මහතා පැවසීය.

අද (24) පස්වරු 04 සිට වෘත්තීය සමිති ක්‍රියාමාර්ග අතහැර නියමිත පරිදි සිය රාජකාරී සිදුකිරීමට වර්ජනයේ නිරතව සිටි තැපැල් වෘත්තීය සමිති එකඟතාව පළ කළ බව සෞඛ්‍ය සහ ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය

ප්‍රජාතන්ත්‍රවාදී සමාජයක තිබිය යුතු ගති ලක්ෂණ ක්‍රමක් ක්‍රමයෙන් මැකී යන ආකාරයක් වර්තමානයේ දකින්ට තිබෙන බව හිටපු ජනාධිපති මෛත්‍රීපාල සිරිසේන මහතා පැවසීය.

සංචාරක දකුණු අප්‍රිකා කණ්ඩායමට එරෙහි තුන්වන එක්දින තරගයේ පළමුවෙන් පන්දුවට පහරදුන් ඕස්ට්‍රේලියා කණ්ඩායම පන්දුවාර 50 අවසානයේ කඩුලු 2ක් පමණක් දැවී ලකුණු 431ක් රැස් කිරීමට සමත් විය.

රක්ෂිත බන්ධනාගාර ගත කර සිටින හිටපු ජනාධිපති රනිල් වික්‍රමසිංහ මහතා දැඩි විජලනකාරී තත්ත්වයකින් සහ සංකූලතා කිහිපයකින් පෙලෙන බව කොළඹ ජාතික රෝහලේ නියෝජ්‍ය අධ්‍යක්ෂ වෛද්‍ය රුක්ෂාන් බෙල්ලන මහතා පැවසීය.

චෙටේෂ්වර් පුජාරා ජාත්‍යන්තර ක්‍රිකට් පිටියට සමුදීමට තීරණය කර තිබේ.

මැදවච්චිය පොලිස් වසමේ යකාවැව දුම්රිය ගේට්ටුව ආසන්නයේදී කොළඹ කොටුව සිට මන්නාරම දක්වා ධාවනය වූ දුම්රියක ඊයේ (23දා) රාත්‍රී කාලයේ පුද්ගලයෙකු ගැටී මියගොස් ඇති බවට මැදවච්චිය පොලිස් ස්ථානයට ලද තොරතුරක් මත විමර්ශන ආරම්භ කර ඇත.

වෙළෙඳපොළ ඉල්ලුම අනුව වගා කරන ඕනෑම වගාවක් සඳහා කෘෂි රක්ෂණ මණ්ඩලයෙන් රක්ෂණාවරණයක් ලබා දීමට පසුගියදා පැවැති ගාල්ල දිස්ත්‍රික් සම්බන්ධීකරණ කමිටුවේ දී යොජනා වී තිබේ.

2024.10.29 දිනට සීමාවාසික පුහුණුව අවසන් කළ වෛද්‍යවරුන් 1408 දෙනෙකු සඳහා සෞඛ්‍ය අමාත්‍යාංශය යටතේ ප්‍රාථමික ශ්‍රේණියේ වෛද්‍ය නිලධාරීන් ලෙසින් පත්වීම් ලබාදීම සඳහා අයදුම්පත් කැඳවා ඇතැයි සෞඛ්‍ය හා ජනමාධ්‍ය අමාත්‍යංශයේ නියෝජ්‍ය අධ්‍යක්ෂ ජනරාල් (වෛද්‍ය සේවා) II වෛද්‍ය එච්.එම්.අර්ජුන තිලකරත්න මහතා නිවේදනයක් නිකුත් කරමින් සඳහන් කරයි.

බොරලැස්ගමුුුුුවේදී අද (24) අලුයම සිදුවූ වෙඩි තැබීමකින් තරුණයෙකු ජීවිතක්ෂයට පත්ව තවත් පුද්ගලයෙක් ජීවිතක්ෂයට පත්ව තිබේ. වෙවෙ තැබීමෙන් මියගොස් ඇත්තේ ගල්කිස්ස ප්‍රදේශයේ පදිංචිව සිටි ගිහාන් දුලාන් පෙරේරා නම් 25 හැවිරිදි තරුණයෙකි.

හිටපු ජනපති රනිල් වික්‍රමසිංහ මහතා වැලිකඩ බන්ධනාගාර රෝහලේ සිට කොළඹ ජාතික රෝහලට මාරු කර තිබේ. හිටපු ජනපතිවරයා රෝගී තත්ත්වයට පත්වීම හේතුවෙන් මෙසේ ඔහුව ජතික රෝහලට මාරු කර තිබේ.

’’එතුමා ඕක ගණන් ගන්නේ නෑ මට පේන විදිහට. දේශපාලනය කරනවානම් ඕවා උරුමයි. එතුමත් ඒකට මුහුණ දෙනවා. දේශපාලන නායකයෝ මේ වගේ පොඩි දේවල් වලට අල්ලලා හිර ගෙවල් වලට දාන එක නම් වැරදියි කියලා තමයි මට කියන්න වෙන්නේ. මේක හොඳ කාර්යයක් නෙමෙයි. පළි ගැනීම තමයි වෙන දෙයක් නෙමෙයි නේ.’’

අධිකරණ අමාත්‍යාංශය යටතේ ඇති ණය සහනදායක මණ්ඩලයීය දෙපාර්තමේන්තුව සඳහා අධ්‍යක්ෂක මණ්ඩලය සහ සාමාජිකයින් වෙත පත්වීම් ලිපි ප්‍රදානය කිරීම ගඅධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතාගේ ප්‍රධානත්වයෙන් පාර්ලිමේන්තු පරිශ්‍රයේදී සිදු විය.

තම ප්‍රධානතම කාර්යභාරය වන “නියාමන” කාර්ය නිසියාකාරව සිදුකිරීමට නම් පවතින නීති රාමු තුළ කටයුතු කරන ලෙස පොදු ව්‍යාපාර පිළිබඳ කාරක සභාව (කෝප්) ශ්‍රී ලංකා සිවිල් ගුවන් සේවා අධිකාරියට උපදෙස් ලබාදෙන ලදී

අපරාධ පරීක්ෂණ දෙපාර්තමේන්තුව මගින් අත්අඩංගුවට ගැනීමෙන් අනතුරුව රක්ෂිත බන්ධනාගාර ගත කෙරුණු හිටපු ජනාධිපති රනිල් වික්‍රමසිංහ මහතා බන්ධනාගාර රෝහලට ඇතුළත් කර තිබේ.

රජයේ මුදල් අවභාවිත කිරීමේ චෝදනා යටතේ අත්අඩංගුවට පත් හිටපු ජනපති රනිල් වික්‍රමසිංහ මහතා ලබන 26 දා තෙක් රක්ෂිත බන්ධනාගාර ගත කිරීමට කොළඹ මහේස්ත්‍රාත් අධිකරණය නියෝග කළේය.

කොළඹ වරායේ නැව් තෙල් වෙළදාමට අවශ්‍ය නළ පද්ධති හා තෙල් නැව්ගත කිරීමේ පහසුකම් සීමිත වීම නිසා තෙල් වෙළදාමට ඇතිව තිබූ බාධාකාරී තත්වය ඉවත් කිරීම පිණිස නව රජය විසින් කළ විශේෂ සැළසුමක පළමු අදියර ලෙස ඛණිජ තෙල් තොග පර්යන්ත සමාගම විසින් කොළඹ වරාය දකුණු ජැටියේ සංවර්ධනය කරන ලද නව නල පද්ධතිය හා තෙල් නැව්ගත කිරීමේ පහසුකම ඔස්සේ ඛණිජ තෙල් සංස්ථාව විසින් මෙරට නැව් තෙල් වෙළදාමේ යෙදෙන පුද්ගලික සමාගමක් හරහා නැව් තෙල් ලබාදීම ප්‍රථම වරට අද (22) සිදු කෙරුණි.

සැප්තැම්බර් මාසයේ පළමු පාර්ලිමේන්තු රැස්වීම් සතියට අදාළ පාර්ලිමේන්තු කටයුතු ඊයේ (21) කථානායක වෛද්‍ය ජගත් වික්‍රමරත්න මහතාගේ ප්‍රධානත්වයෙන් පැවති පාර්ලිමේන්තු කටයුතු පිළිබඳ කාරක සභාවේදී තීරණය වූ බව කාර්ය මණ්ඩල ප්‍රධානී සහ පාර්ලිමේන්තුවේ නියෝජ්‍ය මහලේකම් චමින්ද කුලරත්න මහතා පැවසීය. මේ අනුව පාර්ලිමේන්තුව සැප්තැම්බර් 9 සිට 12 දක්වා රැස්වීමට නියමිතය.

හිටපු ජනාධිපති රනිල් වික්‍රමසිංහ මහතාට එරෙහි නඩුව විභාගයට ගැනෙන අධිකරණ ශාලා පරිශ්‍රයේ විදුලිය විසන්ධි වි තිබේ.

අපරාධ පරීක්ෂණ දෙපාර්තමේන්තුව මගින් අත්අඩංගුවට ගත් හිටපු ජනපති රනිල් වික්‍රමසිංහ මහතා කොටුව මහේස්ත්‍රාත් අධිකරණයට රැගෙන ආවේය. අධිකරණය අවට දැඩි පොලිස් ආරක්ෂාවක්ද ලබා දී තිබේ.

පොලිස් සේවයේ යෙදි සිටි උප පොලිස් පරික්ෂකවරයෙකු අයිස් ග්‍රෑම් 2 යි මිලිග්‍රෑම් 75 ක් සමග අත්අඩංගුවට ගත් බව කිරිඇල්ල පොලිසිය පවසයි.

හිටපු ජනපති රනිල් වික්‍රමසිංහ මහතා අපරාධ පරීක්ෂණ දෙපාර්තමේන්තුව අත්අඩංගුව ගෙන තිබේ.