අද දිනයේදී දිවයිනේ නැගෙනහිර, ඌව සහ දකුණු පළාත්වල වැසි තත්ත්වයේ තාවකාලික වැඩිවීමක් බලාපොරොත්තු වන බව කාලගුණ විද්‍යා දෙපාර්තමේන්තුව කියයි.

පුස්සැල්ලාව පොලිස් වසමේ, කටුකිතුල ප්‍ර දේශයේදී නුවරඑළිය දෙස සිට ගම්පොල දෙසට ධාවනය වූ වෑන් රථයක්ප්‍ෙරපාතයකට පෙරළී අනතුරක් සිදුව ඇතැයි පොලීසිය කියයි. අනතුරින් වෑන් රථයේ රියදුරු ඇතුළු 07 දෙනෙකු තුවාල ලබා වහුගපිටිය රෝහලට ඇතුළත් කර කර තිබේ. ඊයේ සවස සිදුවූ මෙම අනතුරින් රිදීගම පදිිංචි වයස අවුරුදු 02 ක පිරිමි දරුවෙකු හා අවුරුදු 65 ක් වන පුද්ගලයෙක් ජීවිතක්ෂයට පත්ව තිබේ.

සිංහල හා හින්දු අලුත් අවුරුදු මංගල්‍යයේ හිසතෙල් ගෑමේ ජාතික නැකත අද (15දා) යෙදි තිබේ. මෙහි ජාතික උත්සවය වත්තල හැඳල පුරාණ රජමහා විහාරයේදී අගමැති දිනේෂ් ගුණවර්ධන මහතාගේ ප්‍රධානත්වයෙන් පැවැත්වීමට නියමිතය.

කොස්ගොඩ ඌරගස්මන්හන්දිය සහ අහුන්ගල්ල පොලිස් වසම්වල ජනතාව භීතියට පත්කරමින් කාලයක් තිස්සේ රාත්‍රී කාලයේ නිවෙස් කොල්ලකෑම් රැසක් සිදුකළ කොල්ලකල්ලියක් මෙහෙයවූ මත්ද්‍රව්‍ය අලෙවියේද නිරතව සිටි බව කියන කාන්තාවන් දෙදෙනෙකු සහ කොල්ලකල්ලියේ සාමාජිකයන්වූ තරුණයන් දෙදෙනෙකු සැකපිට අත් අඩංගුවට ගත් බව කොස්ගොඩ පොලීසිය කියයි.

පසුගිය වසර තුනක කාලය තුළ ලිංගාශ්‍රිත ආසාදිතයන් 1700ක් පමණ මෙරටින් හඳුනාගෙන ඇති බව ලිංගාශ්‍රිත රෝග සහ ඒඩ්ස් මර්දන වැඩසටහනේ වැඩ බලන අධ්‍යක්ෂ විශේෂඥ වෛද්‍ය ජනක වේරගොඩ මහතා සඳහන් කරයි.

ගතවූ දෙවසර තුළ මෙරට ඉංජිනේරුවන් 5000ක් පමණ රට හැර ගොස් ඇතැයි රාජ්‍ය සේවා ඉංජිනේරු සංගමය සඳහන් කරයි

රුපියල් මිලියන 3798 කට අධික දළ වීථි වටිනාකමකින් යුත් අයිස් හා හෙරොයින් මත්ද්‍රව්‍ය තොගයක් රැගත් මෙරට බහුදින ධීවර යාත්‍රාවක් දකුණු මුහුදේදී නාවික හමුදාව මඟින් අත්අඩංගුවට ගනියි

සිංහල හින්දු අලුත් අවුරුද්දට නෑගම් යමින් සිටි එකම පවුලේ පිරිසක් රැගත් මෝටර්රථයක් බදුල්ල බණ්ඩාරවෙල ප්‍රධාන මාර්ගයේ හාලිඇල ගණදෙවි දේවාලය අසලදී අද (14) මාර්ගයෙන් ඉවතට පැන මාරගසක ගැටීමෙන් කාන්තාවන් දෙදෙනකු මියගොස් පියෙකු සහ දියණියක බරපතළ තුවාල ලබා බදුල්ල ශික්ෂණ රෝහලට ඇතුළත් කළ බව හාලිඇල පොලිසිය පවසයි .

සිංහල හා හින්දු අළුත් අවුරුද්ද නිමිත්තෙන් විශාල වශයෙන් ජනතාව එක්වන පරිදි සංවිධානය කෙරෙන අළුත් අවුරුදු උත්සව, සංගීත සංදර්ශන, සැණකෙළි ආදිය සඳහා එක් රොක් වන මහජනතාවගේ ආරක්ෂාවට විශේෂ පොලිස් ආරක්ෂාවන් සපයන ලෙස පොලිස්පති දේශබන්දු තෙන්නකෝන් මහතා විසින් සියළුම පොලිස් ස්ථානාධිපතිවරුන් වෙත උපදෙස් ලබාදී ඇත.

ගාල්ල සිට ඇල්ල වැල්ලවාය හරහා හපුතලේ බලා ධාවනය වෙමින් තිබූ වෑන් රථයක් අද 13 හපුතලේ බණ්ඩාරවෙල උඩපාර ඔත්තෙකඩේ ප්‍රදේශයේදී පාරෙන් ඉවතට පැන අඩි 150 ක පමණ ප්‍රපාතයකට පෙරළීමෙන් එහි ගමන් ගත් තරුණයින් හය දෙනකු තුවාල ලබා බණ්ඩාරවෙල දිසාරෝහලට ඇතුළත් කළ බව බණ්ඩාරවෙල පොලිසිය පැවසීය.

ජනාධිපති රනිල් වික්‍රමසිංහ මහතාගේ සංකල්පයකට අනුව සිංහල දෙමළ අලුත් අවුරුද්ද වෙනුවෙන් රට පුරා පිහිටි ළමා සංවර්ධන මධ්‍යස්ථාන 336ක ආරක්ෂාව යටතේ සිටින දරු දැරියන් සඳහා අවුරුදු ත්‍යාග පාර්සල් බෙදාදීම ඊයේ (13) දිවයින පුරා සිදු කෙරිණි.

රුපියල් තුන් කෝටි පනස් ලක්ෂයක් පමණ වටිනා කොකේන් මත්ද්‍රව්‍ය ගුලි 75 ක් පමණ ගිල දමා පැමිණි 38 හැවැරිදි මැඩගස්කර් ජාතික කාන්තාවක් 04/12 දින පස්වරුවේ කටුනායක ගුවන් තොටුපොළ පැමිණීමේ පර්යන්තයේ දී රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත් අඩංගුවට ගෙන තිබේ.

සෞඛ්‍ය අමාත්‍යාංශය සතු විවිධ වාහන 679 ක් ප්‍රමාණවත් කිසිදු තොරතුරක් සොයාගත නොහැකි පරිදි අස්ථාන ගතවී ඇතැයි ජාතික විගණන කාර්යාලය අනාවරණය කරයි.

එම වන අලියා මඟුල්දමන ගම්මානයේ තවත් නිවාසකට හානි සිදුකර ඇති බවත් ගම් වැදුන වන අලියා පලවා හැරීමට ගම්මුන් විශාල ප්‍රයත්නයක් දරා ඇති බව සඳහන් වේ.

කටුනායක ගුවන් තොටුපොළ ප්‍රමුඛව ශ්‍රී ලංකාව තුළ ක්‍රියාත්මක සියලුම ගුවන් තොටුපොළ සහ වරායන් තුළ 04/12 උදෑසන 09.00 සිට 04/13 දින උදෑසන 09.00 පැය දක්වා ’’ අත් වල කළු පටි බැද ’’ වෘත්තීය සමිති විරෝධතා ව්‍යාපාරයක නිරත වීම ශ්‍රී ලංකා ආගමන විගමන නිලධාරීන්ගේ සංගමය විසින් ආරම්භ කර තිබේ .

ශ්‍රී ලංකා නාවික හමුදාව විසින් දකුණු මුහුදේ සිදුකල විශේෂ මෙහෙයුමක් මඟින් හෙරොයින් සහ අයිස් බවට සැකකෙරෙන මත්ද්‍රව්‍ය කිලෝ ග්‍රෑම් 200 ක පමණ තොගයක් රැගත් මෙරට බහුදින ධීවර යාත්‍රා 02ක් සමඟ සැකකරුවන් 10 ක් අත්අඩංගුවට ගෙන ඇති අතර, එම බහුදින ධීවර යාත්‍රා 02 ක සහ සැකකරුවන් ඉදිරි නීතිමය කටයුතු සඳහා ගාල්ල වරාය වෙත රැගෙන එමින් පවතින බව නාවික හමුදාව නිවේදනය කරයි .

උතුරු සහ නැගෙනහිර පළාත්වල වැසි වාර කිහිපයක් හෙට දිනයේදී ඇතිවන බව කාලගුණ විද්‍යා දෙපාර්තමේන්තුව පවසයි.

රාජ්‍ය ව්‍යාපාර ආයතනවල සේවකයන්ට ආයතනයේ ලාභය මත ප්‍රසාද දීමනා හෝ දිරි දීමනා ගෙවීම පිළිබඳව අනුගමනය කළයුතු නියමයන්ට පටහැනිව ජාතික ජල සම්පාදන හා ජලාපවාහන මණ්ඩලයේ සේවකයන්ට ඵලදායී දීමනා නමින් රුපියල් මිලියන 269 ක් ලෙස ගෙවා ඇතැයි ජාතික විගණන කාර්යාලය අනාවරණය කරයි.

කොළඹ ජාතික රෝහලේ ස්නායු ශල්‍ය වෛද්‍ය අංශයේ ස්ථාපිත කරන ලද අති නවීන තාක්ෂණයෙන් යුත් සීටී ස්කෑන් (128-Slice CT Scan)යන්ත්‍රය ප්‍රතිකාර සේවාවන් සදහා එක් කිරීම ඊයේ (11) සෞඛ්‍ය අමාත්‍යංශයේ ලේකම් විශේෂඥ වෛද්‍ය පාලිත මහීපාල මහතාගේ ප්‍රධානත්වයෙන් සිදුවිය.

මියන්මාරයේ සයිබර් ත්‍රස්තවාදීන් බලහත්කාරයෙන් රඳවගෙන සිටියදී බේරාගත ශ්‍රී ලාංකිකයන් 8 දෙනා බැංකොක් හි ශ්‍රී ලංකා තානාපති කාර්යාලයේ නිලධාරීන් විසින් පිළිගත් බවත් ඔවුන් ඉක්මනින්ම ශ්‍රී ලංකාවට ගෙන්වීමට පියවර ගන්නා බවත් විදේශ කටයුතු අමාත්‍යාංශය කියයි.

කොළඹ සිට මඩකලපුව බලා ධාවනය වෙමින් තිබූ දුම්රියෙන් දුම්රියෙන් වැලිකන්ද පුල්ලියාරඅඩි ප්‍රදේශයේදී 11 වෙනිදා සවස 3.00ට පමණ අවුරුදු දොළහක දැරියක් කෝච්චියෙන් ඇද වැටීමෙන් බරපතල තුවාල ලබා වැලිකන්ද රෝහලට ඇතුළත් කර ඇති බව වැලිකන්ද පොලිසිය කියයි.

ශ්‍රී ලංකාවට නීතිවිරෝධී ලෙස ආනයනය කර, රේගුවට තීරු බදු නොගෙවා කටුනායක ගුවන් තොටුපොළෙන් පිට කර ගෙන යමින් සිටි රුපියල් කෝටි දෙකකට අධික වටිනාකමකින් යුතු භාණ්ඩ තොගයක් සමග ඒවා මෙරටට රැගෙන ආ ව්‍යාපාරිකයන් තිදෙනෙකු ද කටුනායක ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් පිරිසක් විසින් 04/11 දින පස්වරුවේ අත් අඩංගුවට ගෙන තිබේ.‍

වෙළඳපොළ තුළ යළිත් බිත්තර මිල ඉහළ යාමක් සිදුවුවහොත් රජය නැවත වරක් ඉන්දියාවෙන් බිත්තර ආනයනය කිරීමට කටයුතු කරන බව වෙළඳ අමාත්‍ය නලීන් ප්‍රනාන්දු මහතා පැවැසීය.

ඉදිරි ජනාධිපතිවරණ ඡන්ද පත්‍රිකාවේ තම නම නොතිබුණත් පොහොට්ටු ලකුණ අනිවාර්යෙන් දැකගත හැකි වන බවත් පොදු ජන පෙරමුණ අනිවාර්යෙන්ම ජනාධිපති අපේක්ෂකයෙකු ඉදිරිපත් කරනු ඇති බවත් එම අපේක්ෂකයන් අතර රනිල් වික්‍රමසිංහ මහතා ද සිටිය හැකි බව පාර්ලිමේන්තු මන්ත්‍රී නාමල් රාජපක්ෂ මහතා පවසයි .

අද (11දා) සිට මේ මස 15 දින දක්වා කාලය තුළදී දිවයිනේ වැසි තත්ත්වයේ තාවකාලික වැඩි වීමක් අපේක්ෂා කරන බව කාලගුණ විද්‍යා දෙපාර්තමේන්තුවේ නියෝජ්‍ය අධ්‍යක්ෂ(අනාවැකි ) මෙරිල් මෙන්ඩිස් මහතා සඳහන් කළේය. මෙම කාලය තුළදී නැගෙනහිර සහ ඌවපළාත්වලට දවස ඕනෑම අවස්ථාවක වැසි ඇති විය හැකි බවත්, අනෙකුත් ප්‍රදේශවලට සවස් කාලයේදී වැසි බලා පොරොත්තුවන බවත් හෙතෙම පවසා සිටියේය.

භට පිරිස් විසින් ලබා දෙන සේවය තක්ෂණය භාවිත කරමින් ලබාගෙන ගුවන් හමුදාවේ භටපිරිස්වල ප්‍රමාණය 2030 වසර වන විට අඩු කිරිමට සැලසුම්කර තිබෙන බව එයාර් මාර්ෂල් උදේනි රාජපක්ෂ මහතා සඳහන් කළේය. ඊයේ(10දා) ගුවන් හමුදා මූලස්ථානයේ පැවැත් වූ මාධ්‍ය සාකච්ඡාවකදී මාධ්‍යවේදීන් ඇසූ ප්‍රශ්නයකට පිළිතුරු ලබා දෙමින් මේ බව සඳහන් කළ ගුවන් හමුදාපතිවරයා වැඩිදුරටත් සඳහන් කළේ දැනට සිටින 35000ක් පමණ වූ භට පිරිස්වලින් ලබාගන්නා සේවය 2030 වසර වන විට 18000ක ප්‍රමාණයකින් මීට

කටුනායක ගුවන් තොටුපොළේ සිට ගුවන් යානය වෙතත් , ගුවන් යානයේ සිට ගුවන් තොටුපොළ වෙතත් ගුවන් මගීන් ප්‍රවාහනය කිරීම සදහා නවීනතම බස් රථ තුනක් , ශ්‍රී ලන්කන් ගුවන් සේවයේ භූමි පාලන අංශයට පවරා දීමේ උත්සවයක් ඊයේ(10දා) ශ්‍රී ලන්කන් ගුවන් යානා පරිශ්‍රයේ දී පැවැත්විණ .

මෙම වසරේ දේශීය ආදායම් දෙපාර්තමේන්තුව, ශ්‍රී ලංකා රේගුව සහ ශ්‍රී ලංකා සුරා බදු දෙපාර්තමේන්තුවෙන් ඇස්තමේන්තුගත බදු ආදායම රුපියල් බිලියන 3,789ක් රජය විසින් බලාපොරොත්තු වන බව පාර්ලිමේන්තුවේදී අනාවරණය විය.

විනෝදයට පාපැදියක් පදිමින් සිටි 9 හැවිරිදි දරුවෙක් මොරටුව මුරවත්ත දුම්රිය හරස් මාර්ගය අසලදී දුම්රියක ගැටී මිය ගොස් ඇතැයි මොරටුව මූලස්ථාන පොලිසිය කියයි