ලෝකයේ ඉහළ ආහාර උද්ධමනය ඉහළම රටවල් අතරින් ශ්‍රී ලංකාව 7 වැනි ස්ථානය දක්වා පහළ ගොස් තිබේ. මෙම දර්ශකයේදී මිට පෙර ශ්‍රී ලංකාව හය වැනි ස්ථානයේ පසුවිය.

’’ ජනාධිපති ආරක්ෂක අංශයේ මම ඉන්නේ ’’ , ’’ඔයාලට වඩා නීතිය ගැන මම දන්නවා ’’යැයි පවසමින් බණ්ඩාරගම පොලිසියේ රථවාහන අංශයේ රාජකාරියේ නියුතු කොස්තාපල්වරුන් දෙදෙනෙකුගේ රාජකාරියට බාධාකර පොලිස් භාරයට ගත් යතුරු පැදියක් බලහත්කාරයෙන් අත්පත් කරගත් යුද හමුදා කෝප්‍රල්වරයෙකු ඇතුළු සිව්දෙනකු අත්අඩංගුවට ගත් බව බණ්ඩාරගම පොලීසිය පවසයි.

කථානායක මහින්ද යාපා අබේවර්ධන මහතා ඊයේ ( 19) සිය සහතිකය සටහන් කළ දේශීය ආදායම් (සංශෝධන) පනතට අදාළ බදු සංශෝධන එම පනතේ විධිවිධාන ප්‍රකාරව 2023 ජනවාරි 1 වැනිදා සිට ක්‍රියාත්මක වේ.

දුම්රිය මාර්ගයේ අලුත්වැඩියා කටයුතු හේතුවෙන් අනුරාධපුර සිට වව්නියාව දක්වා ලබන ජනවාරි මස 5දා සිට මාස පහක කාලයක් වසා දමන බව දුම්රිය දෙපාර්තමේන්තුව පවසයි

මේ රටේ පාසල් පද්ධතිය තොරතුරු තාක්ෂණයෙන්, පරිගණක විද්‍යාව, කෘතීම බුද්ධිය වැනි නව ප්‍රවණතාවලින් ශක්තිමත් කරනවා වෙනුවට වත්මන් රජය සිදු කරන්නේ මත්ද්‍රව්‍ය සොයා පාසල් යන දූදරුවන්ගේ බෑග් පරීක්ෂා කිරීම බවත්,එවිට දකින්නට ලැබෙන්නේ මත්ද්‍රව්‍ය වෙනුවට හිස් කෑම පෙට්ටි සහිත බෑග් පමණක් බවත් විපක්ෂ නායක සජිත් ප්‍රේමදාස මහතා පැවසීය.

නොරොච්චෝලේ ‘ලක්විජය’ විදුලි බලගාරය සතු ගල්අඟුරු තොග මේ මස 31දා අවසන් වූ පසු විදුලි ජනන යන්ත‍්‍ර අක්‍රිය වන බවත් එම නිසා පැය 10 කට අධික විදුලි කප්පාදුවකට යෑමට සිදුවන බවත් ලංකා විදුලිබල මණ්ඩලයේ ඉංජිනේරු සංගමයේ සභාපති නිහාල් වීරරත්න මහතා අද (20දා) පවසයි.

හිටපු ජනපති ‌මහින්ද රාජපක්ෂ මහතා පසුගිය පාර්ලිමේන්තු මැතිවරණයට ඉදිරිපත් වූයේ කුරුණෑගල දිස්ත්‍රික්කයෙන් වන අතර එම දිස්ත්‍රික්කයේ පවතින ප්‍රධානතම පළාත් පාලන ආයතනය වන කුරුණෑගල මහ නගර සභාවේ අයවැය පරාජයට පත්වීම විශේෂ කරුණක් වෙයි.

ඉංගිරිය නම්බපාන කැටකැරැල්ල පාලම ආසන්නයේ බෑවුමක කැලෑ ප්‍රදේශයක දමා ගොස් පුද්ගලයාගේ ඝාතනය සිදුවී ඇත්තේ තදබල ලෙස පහර දී ගෙල සිර කිරීමෙන් බවට පශ්චාත් මරණ පරීක්ෂණයේදී අනාවරණය වී යැයි පානදුර කොට්ඨාස පොලිස් අධිකාරී කාර්යාලය පවසයි.

සංචාරක, ආරක්ෂක සහ ක්‍රීඩා ක්ෂේත්‍රයට අදාළ තවත් භාණ්ඩ වර්ග 10ක ආනයන සීමා ඉවත් කිරීමට පියවර ගෙන ඇතැයි මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.

වාද්දුව මොරොන්තුඩුව පාරේ කන්දඋඩවත්ත ප්‍රදේශයේ ඇගළුම් කර්මාන්ත ශාලාවක ප්‍රදර්ශණාගාරයේ අද ගින්නක් හටගෙන ඇතැයි වාද්දුව පොලිසිය පවසයි .

මොනරාගල දිස්ත්‍රික් මහ රෝහලට දෙවෙනි දරුප්‍රසූතිය සඳහා ඉකුත් (19) වෙනිදා පැමිණි මවත් දරුවාත් මියගොස් ඇතැයි රෝහල් පොලීසිය පවසයි.

ඉදිරි පළාත් පාලන මැතිවරණයේ දී ගම්පහ දිස්ත්‍රික්කයේ පොහොට්ටුව කටයුතු කළ යුතු ආකාරය පිළිබඳ සොයා බැලීමට පත් කළ කමිටු වාර්තාව කමිටු සාමාජිකයන් වන පාර්ලිමේන්තු මන්ත්‍රී සහන් ප්‍රදීප් විතාන, කෝකිලා හර්ෂණී ගුණවර්ධන, හිටපු පළාත් සභා මන්ත්‍රීනි සන්ධ්‍යා සිරිවර්ධන හා ආනන්ද හරිස්චන්ද්‍ර යන මහත්ම මහත්මීහු දිස්ත්‍රික් නායක නාගරික සංවර්ධන හා නිවාස අමාත්‍ය ප්‍රසන්න රණතුංග මහතාට අද (20දා) නාගරික සංවර්ධන හා නිවාස අමාත්‍යාංශයේ දි භාර භාර දුන්හ.

ශ්‍රී ලංකාවේ පාසල් සිසුන්ගේ පෝෂණය ඉහළ නැංවීම සඳහා ක්‍රියාත්මක ආහාර වැඩසටහන වෙනුවෙන් චීනය පරිත්‍යාග කරන සහල් මෙට්‍රික් ටොන් 10000න් අවසන් තොගය වන සහල් මෙට්‍රික ටොන් 1000ක් ඊයේ කොළඹ වරායට රැගෙන ආවේය.

පානදුර දකුණු පොලිසියට අනුයුක්තව රාජකාරි කරන පොලිස් කොස්තාපල්වරයෙකු එහි වැසිකිළිය තුල ගංජා පානය කරමින් සිටියදී අත්අඩංගුවට ගත්බව පානදුර දකුණ පොලිසිය පවසයි.

ලබන වසරේ ශ්‍රී ලංකාවේ පාසල් සිසුන්ට අවශ්‍ය පාසල් නිල ඇඳුම්වල්නි සියයට 70ක ප්‍රමාණයක් චීනය විසින් ශ්‍රි ලංකාවට පරිත්‍යාග කිරීමට නියමිතව තිබේ. මෙය ශ්‍රී ලංකා මුදලින් රුපියල් බිලියන 5කට අධික වටිනාකමකින් යුත් ප්‍රදානයකි.

බස් රථයක් පදවමින් සිටි රියැදුරෙකුට හදිසියේ ඇති වූ හෘදයාබාධයක් හේතුවෙන් බස් රථය පාලනය කර ගැනීමට නොහැකිව මාර්ගයෙන් ඉවතට පැන යාබද නිවසක තාප්පයක් කඩා ගෙන ගොස් නැවතී ඇති අතර පසුව එහි රියදුරු බස් රථය තුළදීම ජීවිතක්ෂයට පත්ව ඇතැයි මත්තෙගොඩ පොලීසිය පවසයි.

සියලු පාසල් තුළ හිතකර ඉගෙනුම් පරිසරයක් පවත්වා ගෙන යාමට ගත යුතු ක්‍රියාමාර්ග පිළිබඳ විශේෂ සාකච්ඡාවක් ඊයේ අධ්‍යාපන අමාත්‍යාංශයේ දී අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතාගේ ප්‍රධානත්වයෙන් පැවැත්විණි. මෙම අවස්ථාවට අධ්‍යාපන අමාත්‍යාංශයේ සහ සෞඛ්‍ය අමාත්‍යාංශයේ නිලධාරීන් මෙන් ම පාසල් කටයුතු වලට අදාල තවත් පාර්ශව ගණනාවක නිලධාරීන් සහභාගී විය.

ශ්‍රී ලංකා මහ බැංකු පනත් කෙටුම්පත මුදල් අමාත්‍යවරයා ලෙස ජනපති රනිල් වික්‍රමසිංහ මහතා කැබිනට් මණ්ඩලයට ඉදිරිපත් කර තිබේ.

01 වාස වීසා කාණ්ඩය යටතේ ආයෝජකයන් සඳහා ආයෝජකවීසා කාණ්ඩය යටතේ වීසා නිකුත් කිරීම. 02 වරාය නගරයේ සේවය කිරීමට පැමිණෙන සේවා නියුක්තිකයන් වෙනුවෙන් සේවා නියුක්ත වීසා කාණ්ඩය යටතේ වීසා නිකුත් කිරීම. 03 කොළඹ වරාය නගරයේ බදු පදනම මත වාසය කරන නේවාසිකයන් සඳහා සී.පී.සී. නේවාසික දේපල බදු ගැනුම්කරු යටතේ වීසා නිකුත් කිරීම

හෝමාගම, පිටිපන බෞද්ධ හා පාලි ‌විශ්වවිද්‍යාලයේ ඇතිව තිබෙන ඛේදනීය තත්ත්වය අධ්‍යාපන අමාත්‍ය සුසිල් ප්‍රේම්ජයන්ත් මහතා කැබිනට් මණ්ඩලයට ඊයේ ඉදිරිපත් කර තිබේ.

ජනජනශක්ති සමූහ ව්‍යාපාරයේ සභාපති දිනේෂ් ශාෆ්ටර් මහතාගේ ඝාතනයට අදාළව පළමු වරට ඊයේ (19) ඔහුගේ බිරිඳගෙන් පැය දෙකහමාරකට ආසන්න කාලයක් ප්‍රකාශ ලබා ගත් බව අපරාධ පරීක්ෂණ දෙපාර්තමේන්තුවේ උසස් නිළධාරියෙකු පැවසීය.

ඉන්දිය ජාතික විමර්ශන ඒජන්සිය (NIA) විසින් තමිල්නාඩුවේ තිරුචිරප්පල්ලි හි පිහිටි ශ්‍රී ලාංකික දෙමළ සරණාගතයින් සඳහා වූ විශේෂ කඳවුරේ සිටි ශ්‍රී ලාංකිකයන් 9 දෙනෙකු එල්ටීටීඊය නැවත සංවිධානය කිරීම සඳහා මත්ද්‍රව්‍ය හා ආයුධ ජාවාරමට සම්බන්ධ බවට චෝදනා ලැබ අත්අඩංගුවට ගෙන ඇත.

ඒ අනුව ශ්‍රී ලංකා වරාය අධිකාරිය රුපියල් බිලියන 01ක්, ගුවන් තොටුපොළ හා ගුවන් සේවා (ශ්‍රී ලංකා) සමාගම රුපියල් මිලියන 500ක් සහ සිවිල් ගුවන් සේවා අධිකාරිය විසින් රුපියල් මිලියන 500ක් රජයේ ඒකාබද්ධ අරමුදල සඳහා පිරිනමා තිබේ.

ඉන්ස්ටග්‍රෑම් සමාජ මාධ්‍යයේ අනුගාමිකයින් මිලියන 400 ඉසව්වට පැමිණීමට ආර්ජන්ටිනා සුපිරි පාපන්දු ක්‍රීඩක ලයනල් මෙසී සමත්විය. ඊයේ (18දා) ලෝක කුසලාන තරගාවලියේ ආර්ජන්ටිනා කණ්ඩායම ජයග්‍රහණය වෙත ගෙනයාමත් සමගින් මෙසී මෙම කඩඉමට සාර්ථකව ලගාවී ඇත.

තෙල් ගබඩා කිරීමේ පහසුකම් වෙනුවෙන් අවශ්‍ය පහසුකම් ඇති කිරීම සඳහා කොළඹ වරාය නගරයේ ඉඩම් කොටස් හතරක් ආයෝජකයන් වෙත ලබාදීමට අභිලාෂ කැඳවන බව වරාය හා සිවිල් ගුවන් සේවා අමාත්‍ය නිමල් සිරිපාල ද සිල්වා මහතා පැවැසීය.

අද වැඩ කරන්න බැරි අය විවේචනය කර කර අඩු පාඩු හොය හොය මිනිස්සුන්ව බොරුවට උසි ගන්වන්න කටයුතු කරනවා. වැඩ බැරි ටාසන්ලට පුළුවන් ඔච්චරයි විවේචනය විතරයි.

කිසිදු මැතිවරණයක් ළගදි පැවැත්විමට රජය සුදානම් නොමැති බව අධ්‍යාපන රාජ්‍ය අමාත්‍ය එස්.අරවින්ද කුමාර් මහතා පැවසිය.

තානාපතිවරයන් සිව්දෙනෙක් සහ නිත්‍ය නියෝජන දෙකක් පත්කිරීම සඳහා පාර්ලිමේන්තුවේ උසස් නිලතල පිළිබඳ කාරක සභාවේ අනුමතිය පසුගියදා (13) හිමි වූ බව පාර්ලිමේන්තුවේ මහ ලේකම් ධම්මික දසනායක මහතා පැවසීය.

“මමත් ශාන්ත තෝමස් විද්‍යාලයේ රාජකීය විද්‍යාලයේ අධ්‍යාපනය ලබපු ශිෂ්‍යයෙක්. ඉංග්‍රීසි භාෂා ක්ෂේත්‍ර යෙන් මම ඉහළම තලයක හිටියේ. නමුත් මගේ සාමාන්‍ය පෙළ විභාගය, උසස් පෙළ විභාගය ඒංගලන්තයේ ක්‍රියාත්මක කරන කොට ඉංග්‍රීසි භාෂා ක්ෂේත්‍ර යේ ඒම පංතියේ මම අන්තිමයා. නමුත් මම මෙහේ ඉහළින්ම හිටියා. නමුත් මට භාෂා විද්‍යාගාර මට උදව් කළා මගේ සාක්ෂරතාව දියුණු කරන්න. මම ජාත්‍යන්තර තලයේ පුවත්පත් කිව්වා. හැමදාම රෑට ඉංග්‍රීසි පුවත් බැලුවා. මගේ තාත්තත් ඒ් දේ කළා. මගේ තා