දිවයින පුරා ඇති සියලුම සුරා සැල් නත්තල් දින (25දා) වසා තබන බව සුරා බදු කොමසාරිස් ජනරාල් පවසයි. කෙසේ වෙතත් හෝටල් හා නවාතැන්පෙළවල්වලට පැමිණෙන පුද්ගලයන් වෙත මත්පැන් අලෙවි කිිිිරීමට අවස්ථාව ඇති බවද සුරාබදු කොමසාරිස් ජනරාල් කාර්යාලය පවසයි.

වාද්දුව නගරයේ නවතා තිබු සුඛෝපභෝගී වෑන් රථයක් ෆෝන් චාජරයක විදුලි කාන්දුවක් හේතුවෙන් ගිනිගෙන දැවී ඇතැයි වාද්දුව පොලිසිය පවසයි.

පුස්සැල්ලාව සරස්වතී දෙමළ මහ විදුහලේ විද්‍යාගාරයේ රාසායනික ද්‍රව්‍යයයක් අඩංගු බෝතලයක් කැඩී එහි දුමාරය ආග්‍රහණයවීමෙන් හුස්ම ගැනීමේ අපහසුතාවයට ලක් වු පාසල් සිසුන් පස් දෙනෙකු හා ගුරුවරුන් තිදෙනෙකු ප්‍රතිකාර සඳහා පුස්සැල්ලාව ප්‍රාදේශීය රෝහලට අද (21දා) ඇතුලත් කොට ඇතැයි පුස්සැල්ලාව පොලීසිය පවසයි.

ප්‍රකට ව්‍යාපාරික දිනේෂ් ශාෆ්ටර් මහතා ඝාතනය කිරීමේ සිදුවීමට අදාළව මේ වන විට ප්‍රකාශ 50කට අධික සංඛ්‍යාවක් ලබාගෙන ඇති බවත් මාධ්‍ය වල විවධ තොරතුර පළවුවත් සෘජු සැකකරුවෙක් හඳුනාගෙන නොමැති බවත් පොලිස් මාධ්‍ය ප්‍රකාශක ‌ජ්‍යෙෂ්ඨ පොලිස් අධිකාරී නිහාල් තල්දූව මහතා පවසයි.

එප්පාවල පොලිස් වසමේ කිරලෝගම, ගැටදිවුල ප්‍රදේශයේ පදිංචි සිට මේ වන විට අතුරුදන්ව ඇති 09 හැවිරිදි පිරිමි දරුවා සම්බන්ධයෙන් මේ වන විට තොරතුරු කිහිපයක් අණාවරණය වී ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව මහතා පවසයි.

නොමිලේ සහල් දීම වෙනුවට ඉදිරි මහ කන්නයේ සහ පසුගිය කන්නයේ දැනට ගොවීන් ලග පවතින වී අස්වනු වී අළෙවි මණ්ඩලය හරහා මිළදි ගැනීමට අවශ්‍ය මූල්‍ය සහය ලබා දෙන ලෙස නැගෙනහිර පළාත් ආණ්ඩුකාර අනුරාධා යහම්පත් මහත්මිය පසුගියදා චින රජයෙන් ඉල්ලා සිටියාය.

වසරක් තුලදී නිවාස 11ක් බිඳ රුපියල් තුන්කෝටි පනස් ලක්ෂයකට අධික වටිනා දේපල සොරා ගත් පුද්ගලයකු අත්අඩංගුවට ගත් බව බස්නාහිර පළාත දකුණ අපරාධ කොට්ඨාසය පවසයි.

2023 වසරේ සිට දෛනිකව පැය 10ක් විදුලිය කප්පාදු කිරීමට සිදුවන බවට පළවන වාර්තාවල සත්‍යතාවයක් නොමැති බව විදුලිබල හා බලශක්ති අමාත්‍ය කාංචන විජේසේකර මහතා පවසයි.

ලබන ජනවාරියේ සිට විදුලි ගාස්තු සංශෝධනය අනිවාර්යයෙන්ම සිදුවන බව විදුලි බල හා බලශක්ති අමාත්‍ය කංචන විජේසේකර මහතා පවසයි. අද කොළඹදී පැවැති මාධ්‍ය හමුවකදී ඔහු මේ බව පැවැසීය.

රහල අරණායක මාර්ගයේ රහල මධ්‍යම බෙහෙත් ශාලාව ආසන්නයේ අද (21දා) උදෑසන ලංගම බස් රථයක වේගය පාලනය කිරීමට නොහැකිව අඹගසක ගැටි පාසල් දරුවෙකු ජීවිතක්ෂයට පත්ව තවත් 14 දෙනෙකු තුවාල ලබා රෝහල්ගත කළ බවත් අරණායක පොලීසිය පවසයි.

ඌරගස්මංහන්දිය හල්ගහවෙිල්ල , ගල් ලිද අසල කුඹුරු වෙල්යායේ නියරක් මත අභිරහස් අයුරින් මියගිය පිරිමි අයෙකුගේ මළ සිරුරක් අද (21දා)සොයාගත් බව ඌරගස්මංහන්දිය පොලීසිය කියයි.

ඥාති සහෝදරයෙකු බස් රථයකට ඇරලවා යතුරුපැදියකින් නැවත තම නිවස බලා ගමන් කරමින් සිටිය පාසල් සිසුවෙකු අද (21දා) අනුරාධපුර පූජා නගරයේදී වන අලි ප්‍රහාරයට ලක්ව ජීවිතක්ෂයට පත්ව ඇති බව අනුරාධපුර පොලිසිය පවසයි.

නාරම්මල - බැඳිගමුව මංසන්ධියේ සිදු වූ අනතුරකින් කාන්තාවන් තිදෙනෙකු ජීවිතක්ෂයට පත්ව තිබේ. නාරම්මල සිට කුරුණෑගල දෙසට ධාවනය වූ වෑන් රථයක් රියදුරුට පාලනය කරගැනීමට නොහැකි වී අසල තිබූ බෝක්කුවක ගැටී පසු ව බස් නැවතුම්පලක සිටි කාන්තාවන් තුන්දෙනෙකු යටකරගෙන ගොස් මෙම අනතුර සිදුව ඇති බවයි.

රාත්‍රී කාලයේ දී ජංගම දුරකථන සහ ලැප්ටොප් පරිගණක උපාංග අලෙවි මධ්‍යස්ථාන වලට ඇතුළු වී රුපියල් කෝටියකට ආසන්න වටිනා දේපල සොරා ගත් පුද්ගලයන් දෙදෙනෙක් පාමංකඩ දී අත්අඩංගුවට ගත් බව බස්නාහිර පළාත දකුණ දිසාව අපරාධ කොට්ඨාසය පවසයි.

පළාත් පාලන මැතිවරණය පැරණි ක්‍රමය යටතේ හෝ පවතින ක්‍රමය යටතේ හෝ ඕනෑම ක්‍රමයකට පවත්වනවානම් එයට මුහුණදීමට පොදුජන පෙරමුණ සූදානම් බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.

පාපන්දු ලෝක කුසලාන ජයග්‍රාහී ආජන්ටිනා කණ්ඩායම මුහුණ දුන් සුවිශේෂී සිදුවීමක් මේ වන විට ජාත්‍යන්තර මාධ්‍ය වාර්තා කරයි. ලෝක ශූර ආජන්ටිනා කණ්ඩායම ජනතාවට ආචාරය කිරීම වෙනුවෙන් ලෝක කුසලානයද සමගින් බුවනෝර්ස් අයර්ස වෙත වහළ නොමැති බසයකින් ගමන් කරමින් සිටින විට විශාල ජනතාවක් ඒ අවස්ථාවට එක්ව තිබේ.

ජනපති රනිල් වික්‍රමසිංහ මහතාගේ ඉල්ලීම අනුව මෙරට ගොවි පවුල් මිලියන 1.2ක් සඳහා රුපියල් බිලියන 8ක මුදලක් පරිත්‍යාග කර ඇති බව කෘෂිකර්ම අමාත්‍ය මහින්ද අමරවීර මහතා සඳහන් කළ බව ජනපති මාධ්‍ය අංශය කියයි.

ට්විටර්හි ප්‍රධාන විධායක නිලධාරී ධුරයෙන් තමන් ඉක්මනින්න ඉල්ලා අස්වෙන බව ලොව ප්‍රකට ව්‍යාපාරික ඉලෝන් මස්ක් පවසයි. ඉන් අනතුරුව තමන් මෘදුකාංග හා සර්වර් කණ්ඩායම් මෙහෙයවන බවත් ප්‍රධාන විධායක තනතුරට සුදුස්සෙක් පත්කරන බවත් ඔහු සිය ට්විටර් ගිණුමෙන් පවසයි.

විෂ මත්ද්‍රව්‍ය හා අන්තරායකාර ඖෂධ භාවිතය වැළැක්වීම සඳහා වන ජනාධිපති කාර්ය සාධක බළකායක් ස්ථාපිත කිරීමට රජය සැලසුම් කර ඇත.

දේශගුණික විපර්යාස අවම කර ගැනීමේ ව්‍යාපෘති වෙනුවෙන් මෙරටට විදෙස් ආයෝජකයන් ගෙන්වා ගැනීම කෙරෙහි රජයේ අවධානය යොමුවී ඇත.

පාසල් දරුවන් මත්ද්‍රව්‍ය භාවිතයෙන් ආරක්ෂා කර ගැනීම සඳහා පරික්ෂා කිරීම සිදු කළත් එය සාර්ථක කර ගැනීමට නම් පාසල කරා මත්ද්‍රව්‍ය පැමිණෙන ප්‍රධාන මාර්ග අවහිර කළ යුතු බව කාන්තා හා ළමා කටයුතු රාජ්‍ය අමාත්‍ය ගීතා කුමාරසිංහ මහත්මිය පවසයි.

අන්තර්ජාතික පාපන්දු සම්මේලනය (ෆිෆා) විසින් එළිදක්වන නවතම පාපන්දු ශ්‍රේණිගත කිරීම්හි පෙරමුණ මෙවර ලෝක ශූර ආර්ජන්ටිනාවට හිමි නොවන බව වාර්තා වේ.

ඉන්ස්ටග්‍රෑම් සමාජ මාධ්‍යයෙහි වඩාත්ම කැමැත්ත (ලයික්) හිමිකරගත් ඡායාරූපය බවට පත්වීමට ලයනල් මෙසී ලෝක කුසලානය හිමිකර ගත් ඡායාරූපය පත්වී ඇත.

ලොකු ලූණු කිලෝවක් රුපියල් 5 කින් අඩු කර ඇති අතර නව මිල රුපියල් 185කි. රතු පරිප්පු කිලෝවක් රුපියල් 7 කින් ඩු කර ඇති අතර නව මිල රුපියල් 378ති. දේශීය ටින් මාළු ග්‍රෑම් 425 ක් රුපියල් 10 කින් අඩුකර අරති අතර නව මිල රුපියල් 480කි. වියළි මිරිස් කිලෝවක් රුපියල් 15 කින් අඩු කර ඇති අතර නව මිල රුපියල් 1780කි. හාල්මැස්සන් (තායි) රුපියල් 50 කින් අඩු කර ඇති අතර නව මිල රුපියල් 1100කි.

අ.පො.ස.(සා.පෙළ) විභාගය සඳහා 2021 (2022) වර්ෂයේ දී පළමුවරට පෙනී සිට විභාගය සමත්ව 2024 වර්ෂයේ දී අ.පො.ස (උ.පෙළ) විභාගයට පෙනී සිටීමට නියමිත, ආර්ථික දුෂ්කරතා ඇති සිසුන්ට ජනාධිපති අරමුදල මගින් ශිෂ්‍යත්ව පිරිනැමීමේ වැඩසටහන සඳහා අයදුම්පත් කැඳවීම දෙසැම්බර් 23 වනදායින් අවසන් කෙරේ.

එප්පාවල පොලිස් වසමේ කිරලෝගම, ගැටදිවුල ප්‍රදේශයේ පදිංචි 09 හැවිරිදි පිරිමි දරුවකු පුද්ගලයකු විසින් පැහැර ගෙන ගොස් ඇති බවට එප්පාවල පොලීසියට අදාළ දරුවාගේ දෙමාපියන් විසින් පැමිණිල්ලක් සිදු කර ඇත.

ජෝන් හෝප්කිංස් විශ්ව විද්‍යාලයේ ආර්ථික විද්‍යාඥ ස්ටීව් හැන්කී මහතා සතිපතා ප්‍රකාශයට පත්කරන ලොව රටවල් අතර උද්ධමනයෙන් ශ්‍රී ලංකාව පහළ ගොස් තිබේ.

“සුදු මැස්සා” (Whitefly) මර්දනයට ගතයුතු කඩිනම් පියවර පිළිබඳ සාකච්ඡාවක් ජනාධිපති ලේකම්වරයාගේ ප්‍රධානත්වයෙන් පොල් වගාව ආශ්‍රිතව මේ දිනවල සීග්‍රයෙන් ව්‍යාප්ත වන “සුදු මැස්සා” (Whitefly) කෘමි උවදුර මර්දනය තිරසරව කළමනාකරණය කිරීම පිළිබඳ සාකච්ඡාවක් ජනාධිපති ලේකම් සමන් ඒකනායක සහ ජනාධිපති අධ්‍යක්ෂ ජනරාල් (ප්‍රජා කටයුතු) රජිත් කීර්ති තෙන්නකෝන් යන මහත්වරුන්ගේ ප්‍රධානත්වයේ ඊයේ (19) පස්වරුවේ ජනාධිපති කාර්යාලයේ දී පැවැත්විණි.

රත්වූ ඉස්තිරික්කයකින් සිය බිරිඳගේ ශරීරයේ කිහිප පොලක් පිලිස්සීම සම්බන්ධයෙන් සැකපිට පුද්ගලයෙකු හාලිඇල පොලිසිය මගින් අද (20) අත්අඩංගුවට ගනු ලැබීය.