නිෂ්පාදන වියදම් ඉහළ යෑම නිසා ‘අද’ පුවත්පත අදින් පසුව මුද්‍රිත මාධ්‍යයෙන් නිකුත් නොවන බව දැනුම් දෙමු. මින් ඉදිරියට ‘අද’ පුවත්පතේ පළ වූ පුවත් සහ විශේෂාංග www.ada.lk වෙබ්අඩවිය ඔස්සේ පාඨක ඔබට සමීප වනු ඇත. අද පුවත්පත සමග මෙතෙක් කාලයක් රැඳී සිටි පාඨක ඔබට අපගේ කෘතඥතාව පළ කරමු.

කිරින්ද ධීවර වරායේ වැලි කැණීමේ ව්‍යාපෘතියක් කොරියානු සමාගමකට ලබාදී රජයට රුපියල් කෝටි දෙකකට අධික පාඩුවක් කළැයි කියන සිද්ධියට අදාළව මාස තුනක පමණ කාලයක් තිස්සේ සැඟව සිටින හිටපු අමාත්‍ය රාජිත සේනාරත්න මහතා හෙට (29) කොළඹ මහෙස්ත්‍රාත් අධිකරණයේ පෙනී සිටීමට සුදානම් බව ඔහුගේ නීතීඥවරයා කොළඹ මහාධිකරණ විනිසුරු ඉන්ද්‍රිකා කාලිංග වංශ මහත්මියට අද (28) දැනුම් දුන්නේය.

මෙම වසරේ මේ දක්වා දිවයින පුරා වෙඩිතැබීම් 89 ක් වාර්තා වී ඇතැයි පොලිස් මූලස්ථානය කියයි. මේ වන විට පුද්ගලයන් 48 කු මියගොස් තවත් පුද්ගලයන් 50ක් පමණ තුවාල ලබා ඇත.

මේ දිනවල ප්‍රචලිතව පවතින සරුංගල් යැවීම ආශ්‍රිතව සිදුවිය හැකි ගුවන් අනතුරු සම්බන්ධයෙන් ගුවන් හමුදාවෙන් අනතුරු ඇඟවීමේ නිවේදනයක් නිකුත් කර තිබේ.

තාල වර්ගයට අයත් Ivory Cane Palm / Ivory Palm යන විසිතුරු ශාකය නුදුරේදීම තෙත් කළාපීය සහ කදුකර වනාන්තර ආක්‍රමණය කිරීමේ දැඩි අවධානමක් නිරීෂක්ෂණය වී ඇති බවත් ඒ අනුව ඒ පිළිබඳ වනසංරක්ෂණ දෙපාර්තමේන්තුවේ අවධානය කඩිනමින් යොමුවිය යුතු බවත් ජ්‍යෙෂ්ඨ පරිසර නීතීඥ, ආචාර්ය ජගත් ගුණවර්ධන මහතා අවධාරණය කරයි.

හොරොව්පොතාන, කහටගස්දිගිලිය ප්‍රධාන මාර්ගයේ ඇලයාපත්තුව ප්‍රදේශයේදී අද (28) සවස සිදුවූ මාරක රිය අනතුරකින් පාසල් සිසුවියක් සහ රිය සහයකයෙකු ජීවිතක්ෂයට පත්ව ඇති බව හොරොව්පොතාන පොලිසිය කියයි.

කොළඹ කොටුව සිට බදුල්ල බලා ධාවනය වෙමින් තිබූ අංක 1005 දරන පොඩිමැණිකේ දුම්රියෙ ගමන් ගත් කාර්මික නිළධාරියකු අද (28) පස්වරුවේ බණ්ඩාරවෙල දුම්රිය ස්ථානය අසල දී දුම්රියේන් ඇද වැටී එම දුම්රියටම යටවීමෙන් මිය ගිය බව බණ්ඩාරවෙල පොලිසිය පවසයි .

අස්ගිරි මහා විහාර පාර්ශ්වයේ අභිනව අනූනායක හිමියන් වශයෙන් ධර්මාචාර්ය පූජ්‍ය නාරම්පනාවේ ආනන්ද හිමියන් එහි කාරක මහා සංඝ සභාව විසින් නිතරඟයෙන් පත්කර ගන්නා ලදී.

ජල මූලාශ්‍රවල තිරසර බව රැක ගනිමින් සංවර්ධන කාර්යයන් සිදුකිරීම පහසු කිරීම සඳහා වාංරිමාර්ග දෙපාර්තමේන්තුව යටතේ පාලනය වන ප්‍රධාන වැව්වල සීමා සලකුණු කිරීම යටතේ හම්බන්තොට දිස්ත්‍රික්කයේ තිස්ස හා රිදියගම යන වැව්වල සීමා සලකුණු කිරීමට තීරණය කර තිබේ.

’’ජනාධිපතිවරු, පාර්ලිමේන්තු මන්ත්‍රීවරු මේ කිසි කෙනෙකුගේ විශ්‍රාම වැටුප් සියල්ලම අහෝසි කළ යුතුයි.අපේ රටේ මහජන බදු මුදල් වලින් මේ දේශපාලඥයෝ නඩත්තු කරන්නේ. ඇයි ඒ නඩත්තු කරන්නේ, මොකක්ද අවශ්‍යතාව. එහෙම නම් මැරුණාම කරවල කරලා දුමේ දාලා තියා ගන්නත් ඕන’’ යැයි ජාතික නාමල් උයනේ නිර්මාතෘ වනවාසී රාහුල හිමියන් පැවසූහ.

කොළඹ වරාය පරිශ්‍රයේ පිහිටි සමූහ මිනී වළක් පරික්ෂා කිරීමෙන් පසු අගෝස්තු මස 26 වෙනිදා එම මිනී වළේ තිබේ පුද්ගලයන් 88 දෙනෙකුට අයත් අස්ථි කොටස් සොයා ගෙන ඇතැයි මෝදර පොලිසිය පවසයි.

ඉදිරියේදී වැඩ අවසන් කිරීමට නියමිත කෙරවලපිටිය සහස්දනවි ද්‍රවීකෘත ස්වාභාවික වායු (LNG) බලාගාරයට අදාළව අනුමතිය ලබාගත් කැබිනට් පත්‍රිකාවේ අන්තර්ගත මිල ගණන් වර්තමානයට ගැළපෙන පරිදි වෙනස් කිරීමේ අවශ්‍යතාව යටිතල පහසුකම් සහ උපාය මාර්ගික සංවර්ධනය පිළිබඳ ආංශික අධීක්ෂණ කාරක සභාවේදී පෙන්වා දෙන ලදී.

ඇමෙරිකා එක්සත් ජනපද නාවික හමුදාවට අයත් ‘USS TULSA (LCS 16)’ යුද නෞකාව සැපයුම් හා සේවා අවශ්‍යතා සපුරා ගැනීම සඳහා 2025 අගෝස්තු මස 27 වැනි දින කොළඹ වරායට පැමිණි අතර, ශ්‍රී ලංකා නාවික හමුදාව විසින් එම නෞකාව, නාවික හමුදා සම්ප්‍රදායානුකුලව පිළිගැනීම සිදුකෙරිණි.

ඉල්ලීම් කිහිපයක් මුල් කරගෙන 27 වනදා මධ්‍යම රාත්‍රියේ සිට ශ්‍රී ලංකා ගමනාගමන මණ්ඩලයේ වෘත්තීය සමිති සන්ධානය වැඩ වර්ජනයක් ආරම්භ කිරීමට නියමිතව තිබුණද, අනුරාධපුර සහ පොළොන්නරුව දිස්ත්‍රික්කවල කිසිදු වැඩ වර්ජනයක් සිදු නොවූ බව ලංගම සේවක පිරිසක් සඳහන් කළහ.

රත්නපුර දිස්ත්‍රික්කයේ රත්නපුර, ඇඹිලිපිටිය සහ ගොඩකවෙල ඩිපෝ තුනට ඔවුන්ගේ සේවකයන්ගේ වැටුප් ගෙවා ගත හැකි ආදායමක් මාසිකව නොලබන බව අනාවරණය වෙයි.

ඉන්දුනීසියාවේ දී සිදුකළ ඒකාබද්ධ මෙහෙයුමකින් අනතුරුව අත්අඩංගුවට ගත් සංවිධානාත්මක අපරාධ කල්ලි සාමාජිකයින් ඉදිරි දින දෙක තුන තුළ මෙරටට ගෙන්වා ගැනීමට කටයුතු කරන බව මහජන ආරක්ෂක අමාත්‍ය ආනන්ද විජේපාල මහතා පැවසීය.

සබරගමු පළාතේ රාජ්‍ය ආයතනවල අතිරික්තව සිටින දහසකට ආසන්න සංවර්ධන නිලධාරීන් වහාම ඵලදායී රාජ්‍ය සේවය සඳහා අනුයුක්ත කරන ලෙස සබරගමුව පළාත් ආණ්ඩුකාර චම්පා චජනකි රාජරත්න මහත්මිය 27දා නියෝග කළාය.

සංවිධානාත්මක අපරාධකල්ලි සාමාජිකයෙක් හා මත්ද්‍රව්‍ය ජාවාරම්කරුවෙක් බව කියන පානදුර නිලංකගේ බිරිඳගේ පියා වෙඩි තබා ඝාතනය කර ඇති බව වාර්තා වෙයි.

චීනයේ ජපානයට එරෙහි යුද්ධයේ 80 වන සංවත්සරය සහ දෙවන ලෝක යුද්ධයේ අවසානය සනිටුහන් කිරීම වෙනුවෙන් පැවැත්වෙන ’’ජයග්‍රාහී දින’’ චීන හමුදා පෙළපාළියට උතුරු කොරියානු නායක කිම් ජොන් උන්එක්වන බව චීන විදේශ අමාත්‍යාංශය කියයි.

කර්මාන්ත සහ ව්‍යවසායකත්ව සංවර්ධන අමාත්‍යාංශයට 2025 වසරේ වෙන් කෙරුණු අයවැය ප්‍රතිපාදන මත ක්‍රියාත්මක ව්‍යාපෘති පිළිබඳ සමාලෝචනය සහ 2026 වසරට අදාළ පූර්ව අයවැය සාකච්ඡාව ජනාධිපති අනුර කුමාර දිසානායක මහතාගේ ප්‍රධානත්වයෙන් ජනාධිපති කාර්යාලයේදී පැවැත්විණි.

කෙහෙල්බද්දර පද්මේ, කමාන්ඩෝ සලින්ත ඇතුළු සංවිධානාත්මක අපරාධකල්ලි සාමාජිකයන් පිරිසක් ඉන්දුනීසියාවේදී අත්අඩංගුවට ගෙන තිබේ.

අස්ගිරි මහා විහාර පාර්ශ්වයට නව අනුනායක හිමිනමක තෝරා ගැනීම සඳහා එම පාර්ශවයේ මහා නායක හිමියන් ප්‍රමුඛ මහා කාරක සංඝ සභාව අද (28) රැස්වීමට නියමිතය.

අනුර කුමාර දිසානායක මහතා ජනාධිපති ධුරයට පත්ව අවුරුද්දකට ආසන්න වන විට මෙරට පැහැදිලිවම ආර්ථිකය ශක්තිමත්ව සහ ස්ථාවරව ඉදිරියට යන බව විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා පැවසීය.

දියවැඩියාවට ගොදුරුවූවන්ගෙන් 80%ක් පමණ නිසි අවබෝධයකින් ප්‍රතිකාර නොගන්නා බවට පවතින සංඛ්‍යා ලේඛන මගින් අනාවරණය වී ඇතැයි සෞඛ්‍ය අමාත්‍ය, වෛද්‍ය නලින්ද ජයතිස්ස මහතා ප්‍රකාශ කළේය.

පොලිස් නිලධාරීන් හා පොලිස් විශේෂ කාර්ය බලකායෙහි නිලධාරීන් 86000 කට ආසන්න පිරිසක් දිවයින පුරා පොලිස් රාජකාරිය ඉටුකළත් තවත් 30000ක ඌනතාවක් පවතින බව පොලිස්පතිවරහා විසින් සිදුකරන ලද සමීක්ෂණයකදී අනාවරණය කරගෙන ඇතැයි පොලිස් මූලස්ථානය සඳහන් කරයි.

අග්‍රාමාත්‍ය හරිනි අමරසුරිය මෙනවියගෙන් සහ ඇගේ ආරක්‍ෂාවට යොදවා සිටින නිලධාරීන්ගෙන් ප්‍රකාශ සටහන් කරගන්නා ලෙස මාලිගාකන්ද මහේස්ත්‍රාත් ලෝචනී අබේවික්‍රම මහත්මිය රහස් පොලීසියට අද (27දා) නියම කළාය.

“වැවට සවියක්” ජාතික වැඩසටහන යටතේ මහවැලි කලාපයෙහි පිහිටි කුඩා හා මධ්‍ය පරිමාණ සියලුම වැව් ප්‍රතිසංස්කරණය කිරීමේ ජාතික වැඩසටහනක් ‘ක්‍රියාත්මක කරන බව කෘෂිකර්ම පශූ සම්පත් ඉඩම්‍ හා වාරිමාර්ග අමාත්‍යංශය සඳහන් කරයි.

දුම්රිය ස්ථානාධිපතිවරුන් සඳහා පිරිමි අයදුම්කරුවන්ට පමණක් ඉදිරිපත්වීමට හැකි බවට සඳහන් කරමින් නිකුත් කර ඇති ගැසට් නිවේදනය සංශෝධනය කිරීම සඳහා අමාත්‍ය මණ්ඩලයට යොමුකර ඇති බව නීතිපතිවරයා ශ්‍රේෂ්ඨාධිකරණයට අද (27) දැනුම් දුන්නේය.

මෙරට විදුලිබල පද්ධතියේ ස්ථායිතාවය පවත්වාගෙන යාමේදී ඉතා වැදගත් කාර්යයක් ඉටුකරන නොරොච්චෝලේ ලක්විජය ගල් අඟුරු විදුලි බලාගාරයේ ප්‍රධාන දුර්වල කමක් වුයේ රට පුරා විදුලිය බිඳ වැටීමකදී බලාගාරයේ සිසිලන පද්ධතියට සහ බොයිලර් පෝෂක ජල සැපයුම් පද්ධතියට ආධාරක විදුලි සැපයුම අකර්මන්‍යය වීමයි. එවැනි තත්වයකදී සිසිලනය සඳහා දින හතරක හෝ පහක කාලයක් මෙහෙයුම් කටයුතු අත්හිටුවීමට සිදු වීමයි. එ නිසා සැළකිය යුතු මූල්‍ය අලාභයක් ද සිදු වේ.