ඒ අනුව වර්තමානයේ වැඩ බලන විගණකාධිපති ධර්මපාල ගම්මන්පිල මහතාට තවත් මාස 06ක කාලයක් එම ධුරයේ වැඩ බැලීමට වන යෝජනාව ජනාධිපතිවරයා ඉදිරිපත් කර තිබේ.

ඉඩමක ආරවුලක් විසඳා කරදරයක් නොමැතිව එය පවත්වාගෙන යෑම සඳහා රුපියල් ලක්ෂ පහක අල්ලස් ගත් බව කියන පුරවසම් කුලම පොලීසියේ ස්ථානාධිපතිවරයා ඊයේ (21දා) අල්ලස් හා දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගනු ලැබීය.

රුහුණු කතරගම මහා දේවාලයේ ඇසළ පෙරහැර මංගල්‍යයට පෙර රාජ්‍ය හා රාජ්‍ය නොවන ආයතනවල නිලධාරී දැනුවත් කිරීමේ රැස්වීම අද (22දා) කතරගම කිරිවෙහෙර රාජමහා විහාරස්ථානයේ දයා ගමගේ ශාලාවේදී කිරිවෙහෙර විහාරාධිපති ශාස්ත්‍රපති කොබවක ධම්මින්ද හිමියන්ගේ අනුශාසනා පරිදි මොණරාගල දිස්ත්‍රික් ලේකම්තුමාගේ ප්‍රධානත්වයෙන් පැවැත්විණ.

ශ්‍රී ලංකාවේ මූල්‍ය ආයතනයක් හෝ බැංකුවක් ලබා ගත් ඉහළම ලාභය ලෙස ලංකා බැංකුව 2024 වසරේදී රුපියල් බිලියන 106ක ලාභයක් උපයා ඇති බව ලංකා බැංකුවේ සභාපති කාවින්ද ද සොයිසා මහතා මෙහිදී සඳහන් කළේය.

ශ්‍රී ලංකාවේ නව COVID - 19 ප්‍රභේදයක් ව්‍යාප්තවීමේ අවදානමක් නොමැති බැවින් අනිසි බියක් ඇතිකර ගැනීමට අවශ්‍ය නොවන බව සෞඛ්‍ය හා ජනමාධ්‍ය අමාත්‍යාංශය නිවේදනය කරයි.

හලාවත මහ අධිකරණ විනිසුරුවරිය අපහසුතාවයට පත්වන අයුරීන් මැසෙන්ජර් පණීවිඩ යැවිමේ චෝදනාව මත අපරාධ පරික්ෂණ දෙපාර්තුමේන්තුව මගින් අත්අඩංගුවට ගෙන හලාවත මහෙස්ත්‍රාත් සිරිමෙවන් මහෙන්ද්‍රරාජා මහතා වෙත ඉදිරිපත් කල චෝදනා ලැබු 62 හැවිරිදි නිතිඥවරයාව රුපියල් ලක්ෂ පහක ශරීර ඇප මත මුදා හැරිමට 22 දින නියෝග කෙරුණී.

මෙරට හෙද සේවය සඳහා බඳවාගත් 3147 දෙනෙකුට පත්වීම් ලිපි ප්‍රදානය කිරීමේ උත්සවයක් 2025 මැයි 24 සෙනසුරාදා පෙරවරු 9.30 ට අරලියගහ මන්දිර පරිශ්‍රයේ රැස්වීම් ශාලාවේ දී පැවැත්වේ.

දේශපාලන පලිගැනීම් සොයා බැලීමට පත්කළ ජනාධිපති කොමිසමේ නිර්දේශ මගින් අල්ලස් හෝ දූෂණ විමර්ශන කොමිසමේ හිටපු අධ්‍යක්ෂක ජෙනරාල්වරියක් මෙන්ම හිටපු සොලිසිටර් ජනරාල්වරියක වන දිල්රුක්ෂි ඩයස් වික්‍රමසිංහ මහත්මියගේ මුලික අයිතිවාසියක් කඩවී ඇතැයි තීන්දු කළ ශ්‍රේෂ්ඨාධිකරණය ඇයට එරෙහිව දේශපාලන පලිගැනීම් සොයා බැලීමට පත්කළ ජනාධිපති කොමිසමේ සියළු නිර්දේශයන් බලරහිත කිරීමට අද (22) නියෝග කළේය.

ඇමෙරිකාවේ පිහිටා ඇති ඊශ්‍රායෙල තානාපති කාර්යාලයේ සේවය කළ යුවළක් වෙඩි තබා ඝාතනය කර ඇතැයි ජාත්‍යන්තර මාධ්‍ය වාර්තා කරයි.

වසර 150කට පමණ පෙර මෙරට වගා කොට පසුව අත්හැර දමන ලද සිංකෝනා (cinchona officinalis) ශාකයේ හොදින් වැඩුණු ගස් කීපයක් හැටන්, අඹගමුව, උනනගල නොහොත් අලියාගල කඳු පන්තියේ බස්නාහිර බෑවුම් ප්‍රදේශයේ තිබියදී සොයා ගැනීමට හැකි වූ බව පරිසරවේදී ලක්ෂමන් කුමාර මහතා පවසයි.

උඩරට දුම්රිය මාර්ගයේ අබේවෙල සහ පැරකුම්පුර දුම්රිය ස්ථාන අතර දුම්රිය මාර්ගයේ දී පිලීපැනීමට ලක් වූ කොළඹ කොටුව බදුල්ල අංක 1007 දරන දුම්රියේ මැදිරි යලි පිලීගත කිරීමෙන් අනතුරුව බදුල්ල කොළඹ කොටුව දුම්රිය ධාවනය අද (22) උදෑසන සිට සාමාන්‍ය පරදි ධාවනය කැරෙන බව නාවලපිටිය දුම්රිය පාලක මැදිරිය පවසයි .

රුපියල් හත් කෝටි පනස් ලක්ෂයක් වටිනා ’’ කුෂ්’’ මත්ද්‍රව්‍ය තොගයක් නීතිවිරෝධී ලෙස මෙරටට රැගෙන විත් , ඒවා කටුනායක ගුවන් තොටුපොළ ව්‍යාපාරිකයන් සදහා වන ’’ රක්ත මාවත ’’ ( Red Channel ) ඔස්සේ පිට කර ගෙන යාමට තැත් කළ ශ්‍රී ලාංකික ගුවන් මගීන් සිව් දෙනෙකු 05/21 දින පස්වරුවේ ගුවන් තොටුපොළ රේගු නිලධාරීන් පිරිසක් විසින් අත් අඩංගුවට ගෙන තිබේ .

අපරාධ පරීක්ෂණ දෙපාර්තමෙන්තුවේ රවාගෙන සිටින ප්‍රබල මත්ද්‍රව්‍ය ජාවාරම්කරුවෙකු බව කියන නදුන් චින්තක හෙවත් හරක් කටා නමැත්තාට ඉන් පලායාමට අනුබල දුන්නේ යැයි අත්අඩංගුවට ගෙන රැඳවුම් භාරයේ පසු වූ අපරාධ පරීක්ෂණ දෙපාර්තමේන්තුවේ සේවය කළ හිටපු කොස්තාපල්ව රවිදු සන්ධිප නනඩු විභාගය අවසන් වන තෙක් රක්ෂිත බන්ධනාගාර ගත කරන ලෙස කොළඹ මහාධිකරණය නියම කළේය.

ආගමික හා සංස්කෘතික උරුමයන් ආරක්ෂා කිරීමට රජය කැපවී සිට්න බව අග්‍රාමාත්‍ය ආචාර්ය හරිනි අමරසූරිය පැවසුවාය.

ශ්‍රී ලංකා මහ බැකුවේ මුදල් ප්‍රතිපත්තිය තවදුරටත් ලිහිල් කරමින් එක්දින ප්‍රතිපත්ති පොලී අනුපාතිකය 7.75%ක් දක්වා පදනම් අංක 25කින් අඩු කිරීමට තීරණය කර තිබේ. මුදල් ප්‍රතිපත්ති මණ්ඩලය ඊයේ දින පැවති සිය රැස්වීමේ දී මෙම තීරණය ගෙන තිබේ.

නීතිවිරෝධී මූල්‍ය ආයතනයක් පවත්වාගෙන ගොස් රුපියල් කෝටි 16කට අධික මුදලක් මහජනතාවගෙන් තැන්පතු ලෙස භාර ගැනීම ඇතුළු චෝදනාවලට වරද පිළිගත් චන්දන වීරකුමාර හෙවත් සක්විති රණසිංහ සහ ඔහුගේ බිරිඳ වූ කුමාරි අනුරාධිනී යන අයට කොළඹ මහාධිකරණය අත්හිටවූ සිරදඬුවම් සහ දඩ නියම කර තිබේ.

ප්‍රභල අකුණු පිළිබඳ අනතුරු ඇගවීමේ නිවේදනයක් කාලගුණ විද්‍යා දෙපාර්තමේන්තුව මගින් නිකුත් කර තිබේ. අද නිකුත් කළ මෙම නිවේදනය අද රාත්‍රී 11 තෙක් වලංගු වෙයි.

ඇමෙරිකා ජනපති ඩොනල්ඩ් ට්‍රම්ප් හා දකුණු අප්‍රිකානු ජනපති සිරිල් රම්පෝසා අතර ඇමෙරිකාවේ ධවල මන්දිරයේ ඕවල් කාමරයේ පැවැති හමුවක් අතර උණූසුම් තත්ත්වයක් ඇතිවිය.

නිරත දිග මෝසම දිවයින හරහා ස්ථාපිත ව ඇති බවත් ඒ අනුව බස්නාහිර, සබරගමුව, වයඹ හා මධ්‍යම පළාත්වලත් ගාල්ල හා මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

කලුතර මහ නගර සභාවට පසුගිය පළාත් පාලන මැතිවරණයේ දී සමගි ජන බලවේගයෙන් තරග කල බන්දුල ප්‍රසන්ත යන අයට වෙඩිතැබීමේ සිද්ධියට අනුබල දුන් බව කියන පුද්ගලයන් තිදෙනකු වෙඩිතැබීමට යොදාගත් රිවෝල්වරය , යතුරුපැදි තුනක් සහ ජංගම දුරකථන තුනක් සමග අත්අඩංගුවට ගත්බව කළුතර අපරාධ කොට්ඨාශය පවසයි.

මේ වසරේ දෙවැනි විදුලි ගාස්තු සංශෝධනය පිළිබඳව මහජන අදහස් ලබා ගැනීම් හෙට(23දා) සිට ආරම්භ කරන බව මහජන උපයෝගිතා කොමිසම සඳහන් කරයි.

මධ්‍යම අධිවේගි මාර්ග ව්‍යාපෘතියේ ( අදියර 03) වැඩ නතරකොට තිබු මාස 15ක කාලය තුලදි කාර්යමණ්ඩලය සදහා කාර්යාල දිමනා වශයෙන් රුපියල් මිලියන 21ක මුදලක් ගෙවා ඇති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක් මගින් අනාවරණය කොට ඇත.

2025 වර්ෂයේ ගතවූ මාස 5ට ආසන්න කාලය තුළදී දකුණු කොරියාවේ රැකියා සඳහා ශ්‍රි ලාංකික තරුණ තරුණියන් 1,619 දෙනෙකු පිටත්ව ගොස් තිබේ.

පාස්කු ත්‍රස්ත ප්‍රහාරය වළක්වා ගැනීමට කටයුතු නොකිරීම සම්බන්ධයෙන් හිටපු ජනාධිපති මෛත්‍රීපාල සිරිසේන මහතා ඇතුළු වගඋත්තරකරුවන්ගෙන් අයකරගත් මුදල්වලින් රුපියල් කෝටි 31 කට අධික මුදලක් ප්‍රහාරයේ වින්දිතයන් 661 දෙනෙකු සඳහා මේ වන විට වන්දි වශයෙන් ගෙවා අවසන් කර ඇතැයි නීතිපතිවරයා ශ්‍රේෂ්ඨාධිකරණයට අද (21දා) දැනුම් දුන්නේය.

පොසොන් සතිය ජුනි 07 වැනි දා සිට ජුනි 13 වැනි දා දක්වා අනුරාධ පුරයේදී පැවැත්වෙන අතර එම කාල සීමාවෙහි අනුරාධපුර දිස්ත්‍රික්කයේ සුරාසැල් වසා දැමීමට තීරණය කර තිබේ.

නව විගණකාධීපතිවරයා ලෙස පත් කිරීම සඳහා ජනාධිපති අනුර කුමාර දිසානායක මහතා යොමු කළ නම සඳහා ආණ්ඩුක්‍රම ව්‍යවස්ථාදායක සභාව ප්‍රතික්ෂේප කර තිබේ.

ඇමෙරිකා එක්සත් ජනපයේ,කොලොම්බස් හිදී පැවති, 2025ජාත්‍යන්තර විද්‍යා හා ඉංජිනේරු තරඟාවලියේ (International Science and Engineering Fair-ISEF)දී ගෞරව සම්මාන දිනා ගැනීමට ශ්‍රී ලංකාවේ විශිෂ්ට තරුණ පර්යේෂකයන් තිදෙනෙකු සමත් වී ඇත.

වැලිකන්ද පොලිස් වසමේ අංක 272 සඳුන්පිටිය ගම්මානය භාරව සිටි මහවැලි බී කලාපයට අයත් එකක කළමණාකරු අල්ලසක් ලබාගැනීම සම්බන්ධයෙන් අද දින අල්ලස් හෝ දූෂණ කොමිෂන් සභාවේ නිලධාරීන් විසින් අත්අඩංගුවට ගෙන ඇත.

රිටිගල බන්දා පොකුණ කැණීම් කටයුතු ආරම්භ කිරීම බුද්ධශාසන, ආගමික හා සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතාගේ ප්‍රධානත්වයෙන් ඊයේ (20) ආරම්භ කෙරිණි