ඩීසල් මිල රු. 15කින් ඉහළ දැමූවත් බස් ගාස්තු ඉහළ දැමීමක් සිදුනොවන බව ලංකා පෞද්ගලික බස් හිමියන්ගේ සංගමය ප්‍රකාශ කළේය.

අද රාත්‍රි යේ සිට ක්‍රියාත්මක කර ඇති මෙම මිල වැඩිවිම අනුව ලංකා ඔටෝ ඩීසල් ලීටරයක මිල රු. 15 කින් හා ලංකා භූමිතෙල් ලීටරයක මිල රුපියල් 25කින් ඉහළ දමා තිබේ.

’’මේ අය මේ හදන්නේ, ඊළඟ අවුරුදු පහට රස්සාව හදා ගන්නයි, අනුරාධපුරයේ ඉපදිච්ච එකෙක් මෙතන ඉන්නවනම් රැස්වීම් භූමියෙන් පලයල්ලා, තොපිට සාප වේවා. මේ රට කාලා අර ගෝඨාභය ගෙන් ඉල්ලා පොහොර ටික ගොවියන්ට නැති කරල රට විනාශ කරලා ඊට පස්සේ දැන් උත්තර සභාවල් හදා ගෙන. උඹලට අනුරාධපුරයේදී ජාතිය රවට්ටන්න දෙන්නේ නැහැ සාප වේවා’’

හුංගම පාසලක 5 වැනි ශ්‍රේණියේ ඉගෙනුම ලබන අවුරුදු 10ක ශි්‍යාවයකට අමානුෂිකව පහරදුන් බව කියන එම පාසලේ ගුරුවරයෙක් අද (11දා) අත්අඩංගුවට ගෙන තිබේ.

රජයේ වෛද්‍ය නිලධාරීන්ගේ සංගමය සහ 43 සේනාංකයේ නියෝජිතයන් අතර විශේෂ සාකච්ඡාවක් අද (11) පැවැත්විණ. රජයේ වෛද්‍ය නිලධාරීන්ගේ සංගමය නියෝජනය කරමින් එහි ලේකම් වෛද්‍ය හරිත අලුත්ගේ මහතා ඇතුලු නියෝජිත පිරිසක් ද, 43 සේනාංකයේ නායක පාඨලී චම්පික රණවක මහතාගේ ප්‍රධානත්වයෙන් ඉංජිනේරු සුමේද රත්නායක, වෛද්‍ය සංකල්ප මාරසිංහ, බන්දුල චන්ද්‍රසේකර යන 43 සේනාංක නියෝජිතයන් ද මේ සාකච්ඡාව සඳහා එක් විය.

බලයට කෑදර විපක්ෂයේ කණ්ඩායම් රට ස්ථාවර වන මොහතේ ඡන්දයක් ඉල්ලිම බංකොලොත් දේශපාලනඥයින්ගේ උප්පරවැට්ටියක් බවත් නියමික කාලයට මැතිවරණ පැවැත්විමට රජය ක්‍රියා කරන බව ක්‍රිඩා හා යෞවන කටයුතු රාජ්‍ය අමාත්‍ය රෝහණ දිසානායක මහතා පවසයි.

ඓතිහාසික කතරගම කිරිවෙහෙර රජමහා විහාරයේ සාලිය හස්තියා වාර්ෂික මද කිපීමෙන් පසුව බැහුම් ලිහීමේ මංගල්‍යය චාරිත්‍රානුකූලව ඊයේ (10) විහාරස්ථ පරිශ්‍රයේදී සිදුකෙරිණි.

විදුලි කප්පාදුව සඳහා හෙට (12දා) හා අනිද්දා (13දා) පැයක කාලයක් බැගින් සහ ලබන සඳුදා (14දා) පැය දෙකක කාලයක් සඳහාත් මහජන උපයෝගිතා කොමිසමේ අනුමැතිය දී තිබේ.

එතනෝල් ආනයන බද්ද යළි ඉහළ දැමීමට තීරණය කළ බව මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා පවසයි.

නව තානාපතිවරු හත් දෙනෙක් සහ මහ කොමසාරිස්වරයෙක් ජනාධිපති රනිල් වික්‍රමසිංහ මහතා වෙත සිය අක්ත පත්‍ර අද (11දා) ජනාධිපති කාර්යාලයේ දී බාර දුන්හ.

දේශිය වෙළඳපොළේ බී ළුණු මිල ඉහල ගොස් ඇති බව හැටන් ප්‍රදේශයේ වෙළඳුන් පවසති.

මෙරට ආහාර සුරක්ෂිතතාව සහතික කිරීමට අදාළ ප්‍රතිපත්ති සම්පාදනය සදහා අදාළ සියලු ආයතනවල නියෝජිතයන්ගෙන් සැදුම්ලත් අනුකමිටුවක් පත්කිරීමට ඊයේ (10දා) පැවති ප්‍රතිපත්ති සම්පාදනය කිරීමේදී ප්‍රමුඛතා හඳුනා ගැනීම පිළිබඳ ජාතික සභා අනු කමිටුවේදී තීරණය කෙරිණි.

නීතිවිරෝධි අයුරින් සංචාරක වීසා මගින් කාන්තාවන් ඩුබායිහි රැකියා සඳහා යැවූ කාන්තාවක් ඇතුළු දෙදෙනෙකු ශ්‍රි ලංකා විදේශ සේවා නියුක්ති කාර්යාංශයේ විමර්ශන ඒකකයේ නිළධාරීන් විසින් අත්අඩංගුවට ගෙන තිබේ.

රාජ්‍ය අමාත්‍ය ඩයනා ගමගේ මහත්මියට නොවැම්බර් 17දා දක්වා විදෙස් ගමන් තහනම් කරමින් කොළඹ ප්‍රධාන මහේස්ත්‍රාත් නන්දන අමරසිංහ මහතා අද (11දා) නියෝග කළේය.

දිවයින පුරා පිහිටි සතොස වෙළෙඳසල් සඳහා මත්පැන් අලෙවි බලපත්‍ර ඉල්ලා ඇති බව වාර්තාවේ.

විස්සයි විස්ස ලෝක කුසලානයේ එංගලන්තය හා පාකිස්ථානය අතර එළඹෙන ඉරිදා (13දා) පැවැත්වෙන අවසන්මහා තරගයට වර්ෂාවෙන් බාධා ඇතිවුවහොත් ගන්නා ක්‍රියාමාර්ග පිළිබඳව අයි.සී.සී.ය නිවේදනය කර ඇත.

අසනීප තත්ත්වයක් බව පවසා දැරියක ගම්පහ දිස්ත්‍රික් මහ රෝහලට අද (11දා) බාර දුන් පුද්ගලයින් දෙදෙනෙකු ක්ෂණයකින් රෝහලෙන් අතුරුදහන්ව ඇති අතර එම දැරිය මිය ගොස් සිටි බව ද රෝහල් ආරංචි මාර්ග සඳහන් කරයි.

විශ්‍රාම පාරිතෝෂිකය ගෙවීමේදී පසුගිය කාලය පුරා සිදු වූ ප්‍රමාදය නිවැරදි කිරීමට කටයුතු කරගෙන යන බව අග්‍රාමාත්‍ය දිනේෂ් ගුණවර්ධන මහතා පැවසීය.

ශ්‍රී ලංකාවෙන් බිහිවූ සුපිරි ක්‍රිකට් ක්‍රීඩකයෙකු මෙන්ම වත්මන් සුපිරි ක්‍රිකට් විනිසුරුවරයෙකු වූ කුමාර් ධර්මසේන මහතා මෙවර විස්සයි විස්ස ලෝක කුසලාන අවසන්මහා තරගයේ ප්‍රධාන විනිසුරුවරයෙකු ලෙසින් අන්තර්ජාතික ක්‍රිකට් කවුන්සිලය (අයි.සී.සී.) නම් කොට ඇත.

පාසල් පොත් ඇතුළු අනෙකුත් උපකරණ වල මිල ඉහළ ගොස් ඇති නිසා පාසල් දරුවන් අසරණ වී සිටින බව විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා පාර්ලිමේන්තුවේදී අද පැවසීය.

පාසල් දරුවන්ට වෙනදා මෙන් ආහාර නොලැබෙන තත්ත්වයක් උද්ගතව ඇති බව අධ්‍යාපන අමාත්‍ය සුසිල් ප්‍රේමජයන්ත මහතා පාර්ලිමේන්තුවේදී අද පැවසීය.

දුක්කරදරවලට සැනසීම සොයා ශ්‍රී මහා බෝධින් වහන්සේ වැඳපුදාගැනීමට පැමිණෙන ජනයාගේ සිත් නිමෙන ආකාරයෙන් කටයුතු කිරීමතම අරමුණ බව අභිනව අටමස්ථානාධිපති පල්ලේගම හේමරතන නාහිමියෝ පවසති.

පාර්ලිමේන්තුව මගින් ස්ථාපිත කරන ලද ජාතික සභාව මගින් ජාතික ප්‍රතිපත්ති හා ආර්ථික ස්ථායීකරණ අනු කමිටු 02ක් පත් කරනු ලැබූ අතර එහි පාර්ලිමේන්තු මන්ත්‍රී පාඨලී චම්පික රණවක මහතාගේ සභාපතිත්වයෙන් යුත් ආර්ථිකය ස්ථායීකරණයට අදාළ කෙටි සහ මධ්‍ය කාලීන වැඩසටහන් හඳුනා ගැනීම සඳහා වන අනු කමිටුවේ පළමු වාර්තාව ඊයේ (10) දින ජාතික සභාව වෙත ඉදිරිපත් කොට තිබේ.

ශ්‍රී ලංකාව ආසන්නයේ ඇති අඩු පීඩන කලපාය හේතවෙන් උතුරු හා උතුරු මැද පළාත්වලත් පුත්තලම හා ත්‍රිකුණාමලය දිස්ත්‍රික්කවලත් ඇතැම් ස්ථානවලට මිලි මීටර් 100ක් දක්වා තද වැසි අපේක්ෂා කරන බව කාලගුණ විද්‍යා දෙපාර්තමේන්තුව සඳහන් කරයි. අද අලුයම 2.00ට නිකුත් කර ඇති මෙම නිවේදනය පැය 24ක කාලයක් සඳහා වලංගු බව කාලගුණ විද්‍යා දෙපාර්තමේන්තුව පවසයි.

බේරුවල දීනගොඩ ප්‍රදේශයේ මැණික් ව්‍යාපාරිකයෙකුගේ නිවසේ තිබී නීති විරෝධී ගිනි අවි 3 ක්,ජීව උණ්ඩ 630ක් සමග සැකකාර හතලිස් නම හැවිරිදි ව්‍යාපාරිකයා බේරුවල පොලිසිය මගින් ඊයේ (10) රාත්‍රියේ අත්අඩංගුවට ගත් බව කියයි.

පාර්ලිමේන්තුවේ අයවැය කාර්යාලය පිහිටුවීම සඳහා වන මූලික පනත් කෙටුම්පත පිළිබඳ සාකච්ඡා කිරීමට පාර්ලිමේන්තුව නියෝජනය කරනු ලබන දේශපාලන පක්ෂ නායකයන් සහ පාර්ලිමේන්තු කටයුතු පිළිබඳ කාරක සභාවේ සාමාජික මන්ත්‍රීවරයන් සහභාගි වන විශේෂ රැස්වීමක් කථානායක මහින්ද යාපා අබේවර්ධන මහතාගේ ප්‍රධානත්වයෙන් සහ අග්‍රාමාත්‍ය දිනේෂ් ගුණවර්ධන මහතාගේ සහභාගිත්වයෙන් අද (10) පාර්ලිමේන්තුවේදී පැවැත්වුණි.

දේශපාලකයින්ගේ අනුග්‍රහය නැතුව සහ පොලිසියේ සහයෝගය නැතිව මත්ද්‍රව්‍ය ජාවාරමක් පවතින්න බෑ. ලෝකේ ඕනෑම රටක් සම්බන්ධයෙන් ඒකයි තිත්ත ඇත්ත. පොලිසිය බොහොම අමාරුවෙන් ජීවිතය පරදුවට තබලා මත්ද්‍රව්‍ය ජාවාරම්කරුවෙකු අල්ලා ගත්තාම දුරකතන ඇමතුම් එන්නේ බලවතුන්ගෙන්.

තණමල්විල පොලිස් වසමට අයත් සූරියආර ප්‍රදේශයේ විදුලිරැහැනක පැටළුණු මුවෙකු මුදවාගැනීමට ගිය එක්දරු පියෙකු ඉකුත් (09) වෙනිදා අළුයම මියගොස් ඇතැයි තණමල්විල පොලීසිය පවසයි.

ළමා අපචාර, අපයෝජන, දූෂණ, ස්ත්‍රී දූෂණ නඩු විභාග කිරීම සඳහා සතියට විශේෂ දිනයක් හෝ ළමා අධිකරණයක් පිහිටුවන ලෙස ඉල්ලීමක් කරන බව සමගි ජන බලවේගයේ පාර්ලිමේන්තු මන්ත්‍රී රෝහිණී කුමාරි විජේරත්න මහත්මිය පැවසීය.