අග්‍රාමාත්‍ය ලේකම් කාර්යාලයේ වැය ශීර්ෂය කපා හැරීම සම්බන්ධයෙන් වන යෝජනාව සඳහා විද්‍යුත් ක්‍රමයට ඡන්ද විමසීම පැවැත්විණ. එයට පක්ෂව ඡන්ද 123ක් ලැබුණ අතර විපක්ෂව කිසිවෙක් ඡන්දය ප්‍රකාශ නොකළේය.

පාර්ලිමේන්තු මන්ත්‍රී අතුරුලියේ රතන හිමියන් පාර්ලිමේන්තුවේ විපක්ෂයේ සිටිමින් විශේෂ ප්‍රකාශයක් පවත්වති.

මෛත්‍රීපාල සිරිසේන මහතා ජාතියෙන් සමාව ගත යුතුයි. ජනපතිවරයා දෙවැනි වතාවට පත්වීමට කළ කුමන්ත්‍රණය හේතුවෙන් අපිට වූ අලාභය ජනපති මෛත්‍රීපාල සිරිසේන මහතා ගෙවනවද?

තමන්ට ජනපති මෛත්‍රීපාල සිරිසේන මහතා සමග කිසිම ගැටලුවක් නොමැති බව කථානායක කරු ජයසූරිය මහතා පවසයි.

ජනපතිවරයා හිතුවක්කාරී ලෙස කටයුතු කිරිම තමයි මේ අර්බුදයේ තිබෙන හරය. ජනපති සමග පැවැත්වෙන සාකච්ඡාවලට අපි යන්නේ නෑ.

කුරූණෑගල ගැටුවාන ධීවර සංස්ථාවට පිවිසෙන මාර්ගය අසල පිහිටි වෙල්යායක අද අලුයම සිට ඉතා විශාල ප්‍රමාණයේ සුදු පැහැති පුථන් වැනි ආගන්තුක ද්‍රව්‍යයක් වැඩි තිබෙන ආකාරය දැක ගැනීමට හැකි විය.

ආණ්ඩු පක්ෂය අද දිනයේදි පාර්ලිමේන්තුව වර්ජනය කළත් අධ්‍යාපන හා උසස් අධ්‍යාපන අමාත්‍ය ආචාර්ය විජයදාස රාජපක්ෂ මහතා පාර්ලිමේන්තුවට පැමිණ තිබේ.

අග්‍රාමාත්‍ය වැය ශීර්ෂය කපා හැරිමට අදාළව විපක්ෂය විසින් ගෙන එන යෝනාව පාර්ලිිමෙන්තු මන්ත්‍රී රවී කරුණනායක මහතා පාර්ලිමේන්තුවට ඉදිරිපත් කළේය.

තමන් දේශපාලනට එක්වෙන බවට සමාජ මාධ්‍ය ඔස්සේ පළවන වාර්තා අසත්‍ය බව හිටපු ක්‍රිකට් ක්‍රීඩක රොෂාන් මහානාම පවසයි.

කථානායකවරයා ආණ්ඩුක්‍රම ව්‍යවස්ථාවට පටහැනිව කටයුතු කරන බැවින් අද පැවැත්වෙන පාර්ලිමේන්තු සැසිවාරයට එක්වීමට අවස්ථාවක් නොමැති බව අමාත්‍ය බන්දුල ගුණවර්ධන මහතා පවසයි.

ආණ්ඩු පක්ෂයේ සහභාගිත්වයෙන් තොරව පැවැත්වූ පක්ෂ නායක රැස්වීම අවසන් වී තිබේ.

අද දිනයේදී පාර්ලිමේන්තු කටයුතු ආරම්භවීමට පෙරාතුව පැවැත්වෙන පක්ෂ නායක රැස්වීම පෙරවරු 9.00ට ආරම්භවීමට නියමිතව තිබුණි.

ශ්‍රීලංකා නිදහස් පක්‍ෂය ප්‍රමුඛ නව සන්ධානයේ ප්‍රතිපත්ති ප්‍රකාශය, වැඩපිළිවෙළ හා ව්‍යවස්ථාව කඩිනමින් ප්‍රකාශයට පත්කරන බව ශ්‍රී ලංකා නිදහස් පක්‍ෂ මහලේකම්, මහාචාර්ය රෝහණ ලක්ෂ්මන් පියදාස මහතා සඳහන් කළේය.

මේ මොහොතේ අග්‍රාමාත්‍ය තනතුර හිමිවිය යුත්තේ එක්සත් ජාතික පෙරමුණේ නායක රනිල් වික්‍රමසිංහ මහතාට පමණක් බවත්,එම පෙරමුණේ වෙනත් කිසිදු සාමාජිකයෙකු මේ මොහොතේ අග්‍රාමාත්‍ය ධුරය භාරගත යුතු නොවන බවත් එක්සත් ජාතික පෙරමුණේ මන්ත්‍රී මණ්ඩලය ඒකමතිකව තීරණය කර තිබේ.

ශ්‍රී ලංකා යුද හමුදා සංඥා බලකායේ 75 වන සංවත්සරයට සමගාමීව පැවැත්වෙන ජාත්‍යන්තර සමුථවේ සහ තොරතුරු තාක්ෂණ ප්‍රදර්ශනයේ සමාරම්භක අවස්ථාව ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් අද පෙරවරුවේ කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේ දී පැවැත්විණි.

රජරට සහ අග්නිදිග විශ්ව විද්‍යාල වල සිදුකෙරෙන ශිෂ්‍ය මර්දනයට විරෝධය පළ කරමින් පේරාදෙණිය විශ්වවිද්‍යාලයේ ශිෂ්‍ය ශිෂ්‍යාවන් අද ගලහ හන්දිය ඉදිරිපිට උද්ඝෝෂණයක නිරත වු අතර සිසුන් මර්දනය ත්‍රීව්‍ර කරනවානම් ඒ සඳහා සිසුන් වශයෙන් ගන්නා ක්‍රියාමාර්ගද ත්‍රීව්‍ර කිරීමට කටයුතු කරන බව පේරාදෙණිය විශ්වවිද්‍යාලයේ මහා ශිෂ්‍ය සංගමයේ සභාපති නලින් දිසානායක සිසුවා පවසයි.

මන්ත්‍රීවරුන් මුදලට මිලදී ගැනීමට කළ උත්සාහයන් සම්බන්ධයෙන් ට්‍රාන්පේරන්සි ආයතනය අල්ලස් හෝ දූෂණ චෝදනා විමර්ශන කොමිෂමට කළ පැමිණිල්ලට අදාළව එම කොමිෂම සිය පරික්ෂණ ආරම්භ කර තිබේ.

මේ ජනාධිපතිතුමා අපි පොඩි කාලේ කරපු කං කං බුරු සෙල්ලම කරන්න පටන් අරගෙන. එතුමා කැමති දේවල් කැමති වෙලාවට කැමති කෙනත් එක්ක තමයි ලු දැන් කරන්න ඕන.

කිලිනොච්චිය හා මුලතිව් තුනුක්කායි කලාප තුල ඇති පාසල්වල විදුහල්පතිවරුන්ගේ හා අංශභාර ගුරුවරුන්ගේ අධ්‍යාපනික ගැටළු පිළිබද සාකච්ජාවක් ඊයේ දින කිලිනොච්චිය මහා විද්‍යාලයේ තුනුක්කායි කලාප අධ්‍යාපන කාර්යාලයේදී පැවැත්විණ.

පසුගිය දිනයන්හි උතුරු පළාතට බලපෑ කුණාටු සහිත වර්ෂාවන් හේතුවෙන් හා ගංවතුර තත්වයන් නිසා උතුරේ එළවළු වගාවන් විනාශ වී යාමත් හේතුවෙන් උතුරු පළාතේ සියලුම එළවළු මිල ගණන් ශ්‍රීඝයෙන් වැඩි වී ඇති බවට එළවළු වෙළෙන්ඳන් කියා සිටිති.

වෙළෙඳ පොළේ පවතින සහල් මිල පාලනය කිරීම සඳහා වී අලෙවි මණ්ඩලය මිලදී ගත් වී තොග සහල් බවට පත්කර වෙළෙඳ පොළට හෙට (29දා) සිට නිකුත් කරන බව වී අලෙවි මණ්ඩලය සඳහන් කරයි.

කඩිනම් මහවැලි යෝජනා ක්‍රමය යටතේ මෙරට ඉදි කෙරුනු අවසන් වාරි යොජනා ක්‍රමය වන මොරගහ කන්ද ජලාශයේ වාන් දොරටු වීවෘත කිරීම ජනාධිපති මෛත්‍රීපාල සිරිසේන මහතා අතින් ලබන සිකුරාදා (30) සිදුකිරිමට නියමිත බව ව්‍යාපෘතියේ මහජන සම්බන්ධතා නිලධාරි පී.ජී. දයානන්ද මහතා කියයි.

රට හැදීමට වැඩපිළිවෙළක් තිබෙන්නේ තම පක්ෂයට පමණක් නිසා රට තම පක්ෂයට බාරදෙන ලෙස ජනතා විමුක්ති පෙරමුණ ඉල්ලා සිටියි.

සිරගතකර ඇති හා එල්ගසට නියම වී ඇති රණවිරුවන්ට ජනාධිපති සමාව ලබාදෙන්නැයි ඉල්ලා ආබාධිත රණවිරුවන් පිරිසක් කතරගම කිරිවෙහෙර දක්වා ආරම්භ කර ඇති පාගමන අද නාඋල නගරයෙන් ආරම්භ විය.

රට අස්ථාවර තත්වයට පත්නොකොට කඩිනමින් මහ මැතිවරණයක් පවත්වන ලෙස බලකෙරන දැවැන්ත විරෝධතාවයක් අද පස්වරුවේදි ඇල්පිටිය නගරයේ දි පැවැත්විණි

මේ වන විට දිවයිනේ පාසල් අතරින් 15%ක මදුරුවන් බෝවියහැකි පරිශ්‍ර පවතින බව ජාතික ඩෙංගු මර්දන ඒකකය සිදු කළ පර්යේෂණයකදී හෙළි වි තිබේ.

හිටපු අධ්‍යාපන අමාත්‍ය අකිල විරාජ් කාරියවසම් මහතාගේ ඡායාරූපයක් සහිත වීම හේතුවෙන් ගැටලුවකට ලක්ව තිබූ පෙළපොත් එම පණිවිඩය සහිතව බෙදා හැරීමට කටයුතු කළ බව අධ්‍යාපන අමාත්‍යාංශය නිවේදනය කරයි.

ඔරොත්තු නොදෙන තරගයක යෙදීම තුළ වර්තමානයේ බොහෝ දරුවන්ගේ විවේකී මනස විකෘති වී ඇති බවත්, රට තුළ බොහෝ අපරාධ, ලිංගික හිංසන, ප්‍රචණ්ඩ ක්‍රීයා ඇතිවීමට ‍මූලික හේතුව වී ඇත්තේ එම අධි තරගකාරීත්වය බවත්, මේ තත්වය කෙරෙහි ගුරුවරුන්, දෙමව්පියන්, ඇතුළු සමස්ත වැඩිහිටි ප්‍රජාවම සුවිශේෂ අවධානය යොමු කළ යුතු බවත් අමාත්‍ය විජයදාස රාජපක්ෂ මහතා ප්‍රකාශ කළේය.

ආවා කල්ලියේ නායකයෙකු මෙන්ම ආවා කල්ලිය මෙහෙයවූ අශෝක් කුමාර් නොහොත් මෝහන් අශෝක් නැමත්තා අද යාපනය මල්ලාකම් අධිකරණයට පැමිණ භාර වී ඇති බවට යාපනය පොලීසිය කියා සිටියේය.