එළවළු මිල ගණන් වලට බලපෑ උතුරේ කාලගුණය

      පසුගිය දිනයන්හි උතුරු පළාතට බලපෑ කුණාටු සහිත වර්ෂාවන් හේතුවෙන් හා ගංවතුර තත්වයන් නිසා උතුරේ එළවළු වගාවන් විනාශ වී යාමත් හේතුවෙන් උතුරු පළාතේ සියලුම එළවළු මිල ගණණ් ශ්‍රීඝයෙන් වැඩි වී ඇති බවට එළවළු වෙළෙන්ඳන් කියා සිටිති.

උතුරු පළාතේ එළවළු බොහෝ සෙයින් වගා කෙරෙන බැවින් ලංකාවේ අනෙකුත් පළාත්හි එළවළු මිල ගණන් ඉහළ ගියද උතුරු පළාතේ එළවළු මිල සාමාන්‍ය තත්වයක් පැවතියද පැවති අයහපත් කාලගුණික තත්වයන් හේතුවෙන් උතුරේ එළවළු වගාවන් විනාශ වී ඇති බවට එළවළු ගොවීහු කියා සිටිති.

උතුරේ එළවළු හිග වීම හේතුවෙන් දඹුල්ල ආර්ථික වෙළඳ මධ්‍යස්ථානයේ සිට එළවළු ගෙන ඒමට සිදුවීම හේතුවෙන් එළවළු වෙළෙන්ඳන් එළවළු රැගෙන එන ප්‍රවාහන කුලියද සමග එළවළු විකිණීම නිසා එම මිල ගණන් දැරීමට නොහැකි බවට උතුරේ පාරිභෝගිකයින් කියා සිටිති.

වර්ෂාව හේතුවෙන් උතුරේ එළවළු වගාවන් විනාශ වුවද මේ වනවිට උතුරේ සෑම වැවක්ම පිරී පවතින හෙයින් ඉදිරි මාස කිහිපය තුළදී උතුරේ එළවළු වගාවන් සිදු කොට ඉහළ ගොස් ඇති මිල නැවත යථා තත්වයට පත් වෙනු ඇති බවටද උතුරේ එළවළු ගොවීහු වැඩිදුරටත් කියා සිටිති.

මේ අනුව උතුරේ එළවථ වෙළඳපොළවල්හි එළවළු කිලොවක මිල ගණන් මෙලෙසින් දැක්වේ.

                                 තොග මිල         සිල්ලර මිල

මාලූ මිරිස්      රුපියල්         500-600            600-800

අමු මිරිස්       රුපියල්         700-750            850-900

බෝංචි         රුපියල්         200-230             250-300

ගෝවා          රුපියල්         150-170             200-230

ලීක්ස්           රුපියල්         250-270             300-330

කැරට්          රුපියල්         200-240              250-280

බීට්             රුපියල්          190-210              230-250

වැටකොලූ      රුපියල්          160-190              210-245

බණ්ඩක්කා      රුපියල්          150-170              190-220

කරවිල          රුපියල්          210-230             250-290

වම්බටු          රුපියල්          170-200              220-250