සංවිධානාත්මක අපරාධ කල්ලි සාමාජිකයෙක් වන ලලිත් කන්නන්ගර නොහොත් ’’බස් ලලිත්’’ නැමැත්තාද ඩුබායිහිදී අත්අඩංගුවට ගෙන ඇති බව වාර්තා වෙයි. වෙඩිතැබීම්, කප්පම් ගැනීම ඇතුළු අපරාධ චෝදනා රැසකට ඔහු පොලීසියට අවශ්‍ය පුද්ගලයෙක් විය.

ගනේමුල්ල සංජිව ඝාතනය සම්බන්ධයෙන් පොලීසියට අවශ්‍යව සිටි ප්‍රධාන සැකකාරියක් වන ඉෂාරා සෙව්වන්දි ඇතුළු සැකකරුවන් හය දෙනෙක් නේපාලයේදී අත්අඩංගුවට ගෙන ඇති බවත් ඔවුන් ඉතාමත් ඉක්මනින් ලංකාවට ගෙන එන බව පොලිස් මාධ්‍ය ප්‍රකාශක සහකාර පොලිස් අධිකාරී වුට්ලර් මහතා පැවැසීය.

පවතින අධික වර්ෂාවත් සමග ජාතික ගොඩනැගිලි පර්යේෂණ සංවිධානය දිස්ත්‍රික්ක හතක ප්‍රාදේශීය ලේකම් කොට්ඨාස 19ක් සදහා අද (14) රාත්‍රි 9.00 වනතෙක් බලපාන පරදි නායයාමේ පූර්ව අනතුරු ඇගවීමක් නිකුත් කර තිබේ.

නුවරඑළියට ආවේණික වූ වැවිලි භෝගයන් වල අල, කැරට්, ගෝවා, ලික්ස් වැනි භෝග පහත රට එළවළු ගොවියන් නොමිලේ ලැබෙන පොහොර සහනාධාරයත් අරගෙන ඉතාම අඩු වියදමකින් වගා කිරීම හේතුවෙන් නුවරඑළිය ආර්ථික මධ්‍යස්ථානයේ වෙළදුන් නුවරඑලිය සිට ගොස් අඩු මුදලට කැප්පටිපොළින් එළවළු ලබා ගැනීමෙන් නුවරඑළිය වගා බිම් වලින් එළවළු ලබා නොගන්නා තත්වයක් උදාවී ඇති බව ගොවි ජනතාව මැසිවිලි නගති.

තලාව, රත්මල්ගහවැව පාර ප්‍රදේශයේ මුදුනේගම පාසල අසල හිස් උණ්ඩ කොපු තොගයක් සහ ජීව උණ්ඩ තොගයක් අද (14) සොයාගෙන තිබේ.

කුරුණෑගල රෝහලේ නේවාසිකව ප්‍රතිකාර ලබමින් සිටි අයෙක් පැහැරගෙන ගොස් අතුරුදහන් කිරීමේ චෝදනාව මත අත්අඩංගුවට ගෙන රක්ෂිත බන්ධනාගාර ගත කර සිටි හිටපු නාවික හමුදාපති අද්මිරාල් (විශ්‍රාමික) නිශාන්ත උළුගේතැන්න මහතා ඇප මත නිදහස් කිරීමට අධිකරණය නියෝග කර තිබේ.

විදුලි ගාස්තු සංශෝධනයට අදාළව කොමිසමේ අවසන් තීරණය අද (14) මීට සුලු මොහොතකට පෙර ප්‍රකාශ කිරීම මහජන උපයෝගිතා කොමිසම විසින් සිදුකෙරුනා.

2025 වසරේ තෙවන අර්ධය සඳහා විදුලිබිල සංශෝධනය නොකරන බව ශ්‍රී ලංකා මහජන උපයෝගීතා කොමිසමේ සභාපති, මහාචාර්ය කේ. පී.එල් චන්ද්‍රලාල් මහතා පැවසීය.

අල්ලස් කොමිසම විසින් තමන්ව අත්අඩංගුවට ගැනීමට පෙර අපේක්ෂිත ඇපයක් මත මුදාහරින ලෙස ඉල්ලා හිටපු අමාත්‍ය මනූෂ නානායක්කාර මහතා විසින් ඉදිරිපත් කළ ඉල්ලීම නිෂ්ප්‍රභ කිරීමට කොළඹ මහෙස්ත්‍රාත් අධිකරණය අද(14දා) නියෝග කළේය.

විදුලි ගාස්තු සංශෝධනයට අදාළව කොමිසමේ අවසන් තීරණය අද (14) ප්‍රකාශ කිරීමට නියමිත බව මහජන උපයෝගිතා කොමිසම පවසා සිටියි.

දිවයිනේ බොහෝ ප්‍ර දේශවල අද පස්වරු 1.00 න් පමණ පසුව වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව පවසයි. ඒ් අනුව බස්නාහිර, සබරගමුව, මධ්‍යම, වයඹ හා ඌව පළාත්වලත් ගාල්ල හා මාතර දිස්ික්කවලත් ඇතැම් ස්ථානවලට මි.මී. 100 ක පමණ තද වැසි ඇති විය හැකි බවද එම දෙපාර්තමේන්තුව කියයි. ඒසේම බස්නාහිර හා දකුණු පළාත්වල උදෑසන කාලයේද ද වැසි ඇති විය හැකි යැයි කාලගුණ විද්‍යා දෙපාර්තමේන්තුව වැඩිදුරටත් පවසයි.

සංවිධානාත්මක අපරාධ කල්ලි නායක ගණේමුල්ල සංජීව අලුත්කඩේ මහෙස්ත්‍රාත් අධිකරණයේ විත්ති කූඩුවක් තුළ ඝාතනය කිරීමට ආධාර අනුබල දීම සම්බන්ධයෙන් චෝදනා එල්ල වී සිටි ඉෂාරා සෙව්වන්දි ඇතුළු 5 දෙනෙකු නේපාලයේ දී අත්අඩංගුවට ගෙන ඇති බව වාර්තා වෙයි.

විදුලිබල ප්‍රතිව්‍යුහගතකරණ වැඩපිලිවෙලට අදාලව වෘත්තීය සමිති නියෝජිතයින් සහ බලශක්ති අමාත්‍ය ඉංජිනේරු කුමාර ජයකොඩි මහතා අතර සාකච්ඡාවක් ඊයේ (13) සවස දින බලශක්ති අමාත්‍යංශයේදී පැවැත්විණි.

වහල මත සවිකරණ සූර්ය බලශක්ති ප්‍රභවයන් ස්ථාපති කිරීමේදී ඒකාබද්ධ කරන ලද බැටරි බලශක්ති ගබඩා පද්ධති (BESS) සඳහා කාල පාදක ගාස්තු යෝනජ ක්‍රමයක් රජය හඳුන්වාදී තිබේ.

යෝජිත වතු කම්කරු වැටුප් වැඩි කිරීම සම්බන්ධයෙන් ජනාධිපති අනුර කුමාර දිසානායක මහතා සහ වැවිලි සමාගම් නියෝජිතයන් අතර සාකච්ඡාවක් අද (13) පස්වරුවේ ජනාධිපති කාර්යාලයේදී පැවැත්විණි.

2025/26 මහ කන්නයේ මොනරාගල දිස්ත්‍රික්කය තුළ බඩ ඉරිඟු වගාව ව්‍යාප්ත කිරීමට පියවර ගෙන ඇතැයි මොනරාගල සහකාර කෘෂිකර්ම අධ්‍යක්ෂක එස්.එම්.එස් උදයංගනී මහත්මිය පැවසුවාය.

මරදානේ සිට හැටන් හරහා වැලිමඩ දක්වා ත්‍රීරෝද රථයකින් ගංජා, හෙරෝයින් සහ අයිස් මත්ද්‍රව්‍ය ජාවාරමේ නිරතව සිටි තරුණයන් දෙදෙනෙකු වටවල පොලිසිය විසින් (13) දින සැකපිට අත්අඩංගුවට ගෙන ඇත.

හිටපු ජනාධිපති මෛත්‍රීපාල සිරිසේන මහතා අද (13) උදෑසන අල්ලස් හෝ දුෂණ විමර්ශන කොමිෂන් සභාවට පැමිණ තිබුණි.

මෙතෙක් හමුවු පතොරම් ප්‍රමාණය දෙදහසකට ආසන්නයි. පොලිස් විශේෂ කාර්ය බලකා මෙහෙයුම් තව දුරටත්. හමුවු ජිව පතොරම් අතර T 56 උණ්ඩ සහ ගුවන්යානා නාශක උණ්ඩ මොරගහකන්ද ජලාශ ප්‍රදේශයට විශේෂ ආරක්ෂාවක්.

2025 කාන්තා එක්දින ලෝක කුසලාන ක්‍රිකට් තරගාවලියේ ප්‍රසාද ලකුණු සටහනේ මේ වන විට පෙරමුණ ගැනීමට ඔස්ට්‍රේලියානු කණ්ඩායම සමත්ම තිබේ.

හමාස් සංවිධානය යටතේ ගාසා තීරයේ වසර දෙකකට වැඩි කාලයක් සිරගතව සිටි ප්‍රාණ ඇපකරුවන් 20 දෙනාම දැන් ඊශ්‍රායලයට පැමිණ ඇති බව ඊශ්‍රායල හමුදාව තහවුරු කරයි

ලෝක සෞඛ්‍ය සංවිධානයේ දකුණු සහ අග්නිදිග ආසියාතික රටවලින් සමන්විත කලාපයේ 78 වන සමුළුව අද(13දා) පෙරවරුවේ කොළඹ දී ආරම්භ විය.

සමගි ජන බලවේගය සහ එක්සත් ජාතික පක්ෂය එක පක්ෂයක් ලෙස එක් කිරිමට සාකච්ඡා පැවැත්වූද එම සාකච්ඡා කිසි දිනක සාර්ථක නොවන බව දමිළ ප්‍රගතිශීලි සංධානයේ නියෝජ්‍ය නායක නුවරඑලිය දිස්ත්‍රික් පා.ම. පලනි දිගම්බරම් මහතා පැවසීය.

ලංකා රාජ්‍ය මේඝය (Lanka Government Cloud - LGC) සේවාවේ ඇති වූ අක්‍රියතාවයක් හේතුවෙන්, රාජ්‍ය ආයතන කිහිපයක් මඟින් පවත්වාගෙන යනු ලබන මාර්ගගත සේවාවන් වලට තාවකාලිකව බලපෑම් එල්ල වී ඇත.

අපේ ආණ්ඩුවේ ආර්ථික ප්‍රතිපත්තිය තමයි, ආර්ථික ප්‍රජාතන්ත්‍රවාදය. ඒ කියන්නේ රටේ හැම පුරවැසියෙකුම ආර්ථිකයට සම්බන්ධ විය යුතුයි. ඒ සඳහා සෑම කෙනෙකුටම අයිතියක් තියෙනවා. නමුත් ඒ තරමට ආර්ථික අවස්ථා අවස්ථා ප්‍රමාණවත් නැහැ. ඒ නිසා තමයි රැකියා ඉල්ලගෙන මහ පාරේ කෑගහන්නේ. ආර්ථික අවස්ථා ප්‍රසාරණය වෙලා නම්, අපට රැකියා දියව් කියලා පාරට බහින්නේ නෑ. රජයක කාර්ය රැකියා දීම නොවේ.

ගල්කිස්ස මූලස්ථාන ප්‍රධාන පොලිස් පරීක්ෂක මංජුල තුෂාර මහතා වහාම ක්‍රියාත්මක වන පරිදි ගල්කිස්ස පොලිස් කොට්ඨාසයේ සිට සාමාන්‍ය රාජකාරී ස ඳ හා වෛද්‍ය කොට්ඨාසය වෙත මාරු කර තිබේ.

ගල්කිස්ස අධිකරණ පරිශ්‍රය තුළදී පොලිස් කොස්තාපල්වරයෙක් හා නීතීඥවරයෙක් අතර ඇතිවූ සිදුවීම සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටි පොලිස් කොස්තාපල්වරයා ඇප මත මුදා හැරීමට ගල්කිස්ස මහේස්ත්‍රාත් නියෝග කළේය‍.

කොළඹ සිවිල් අභියාචන මහාධිකරණයේ කාර්යක්ෂමතාව වැඩි දියුණු කිරීම සඳහා අගවිනිසුරු ප්‍රිති පද්මන් සුරසේන මහතාගේ උපදෙස් පරිදි නව අතිරේක සිවිල් අභියාචන මහාධිකරණයක් ස්ථාපිත කර ඇත.

හැටන් බගවන්තලාව ප්‍රදේශයේ තේ වතුවලට පිවිසෙන මාර්ගය දෙපස මේ දිනවල කහකෝනා මල් හටගෙන තිබීම නිසා තේ වතුයායම අලංකාර වී තිබෙනවා.