මහින්ද හුළඟ කියලා නම් මිනිස්සු හුළං ගැහුවා. තවදුරටත් මිනිස්සු හුළං ගහන්නෙත් නෑ, මිනිස්සුන්ට ඔය කිසි සුසුළක් වැඩකුත් නෑ, ඒ කට්ටිය මේ රටට කරලා තියෙන දේවල් බැලුවම ඔය කියන පාලනයන් විසින් අපේ රටට අත්කරලා තියෙන ඉරණම දැක්කාම මිනිස්සු තවදුරටත් පාර්ලිමේන්තුවටවත් ගෙන්නා ගන්න බලාපොරොත්තුවක් නෑ, මතකයිනේ ගිය පාර්ලිමේන්තු මැතිවරණයේ නාමල් රාජපක්ෂ ආවේ ජාතික ලැයිස්තුවෙන්, ඡන්දේ ඉල්ලලා පාර්ලිමේන්තුවට එන්නවත් එළියට ආවේ නෑ, ජනතාව ඉන්නේ එතැන, ඒ නිසා සුළඟ, සුවඳ හීන

නිල නිවාස අතහැර ගියා යැයි පැවැසූ ඇතැම් අය තාම නිල නිවාස හරියාකාරව රජයට භාර දී නොමැති බව කැබිනට් ප්‍රකාශක අමාත‍්‍ය නලින්ද ජයතිස්ස මහතා පැවැසීය.කැ බිනට් තීරණ දැනුම් දීමේ මාධ්‍ය සාකච්ඡාවේද‍ි යොමුකළ පැනයකට පිළිතුරු දෙමින් ඔහු මේ බව පැවැස‍ීය.

පාසල් ළමුන් සඳහා ආහාර ලබා දීමේ රජයේ පෝෂණ වැඩසටහන දිවයිනේ සියලු පළාත්වල අධ්‍යාපන කලාප 100 ම ආවරණය වන පරිදි ක්‍රියාත්මක වන අතර 2025 වර්ෂය සඳහා මෙම වැඩසටහනට රුපියල් බිලියන 32ක් අය-වැය ප්‍රතිපාදන මගින් වෙන් වී ඇත. පාසල් 8,943ක අධ්‍යාපනය ලබන මිලියන 1.4ක ශිෂ්‍ය ප්‍රජාවකට මෙම පාසල් පෝෂණ වැඩසටහනේ ප්‍රතිලාභ මේ වන විට හිමි වේ.

ප්‍රමිතියෙන් තොර ප්‍රතිදේහ එන්නත් මිලදී ගැනීම තුළින් රජයේ මුදල් සාවද්‍ය පරිහරණය කළේ යැයි කියන චෝදනා එල්ල වී සිටින හිටපු අමාත්‍ය කෙහෙළිය රඹුක්වැල්ල ඇතුළු විත්තිකරුවන් පිරිසට අද (16දා) කොළඹ ත්‍රිපුද්ගල මහාධිකරණ විනිසුරු මඩුල්ල ඉදිරියේ අධිචෝදනා භාරදුන්නේය.

මහනුවර ඓතිහාසික ශ්‍රී දළදා මාලිගාව ආසන්නයේ ඇති දියවඩන නිලමේ නිල නිවාසය අසල අධි ආරක්ෂක කලාපයේ සිට ඩ්‍රෝන කැමරාවක් ගුවන් ගත කළ බව කියන චීන ජාතිකයෙකු දළදා මාළිගාව පොලීසිය විසින් අත්අඩංගුවට ගෙන තිබේ.

පේරාදෙණිය පොලිස් වසමේ ගැටඹේ පාලම අසල මහවැලි නදියේ සැක කටයුතු ආකාරයෙන් මිය ගිය කාන්තාවකගේ මළ සිරුරක් සොයාගත් බව පොලීසිය කියයි.

කොළඹ ලෝටස් වටරවුම ආශ්‍රිතව පවතින අධික රථවාහන තදබදය අවම කිරීම වෙනුවෙන් ශක්‍යතා අධ්‍යයක් සිදු කිරීමට කැබිනට් අනුමැතිය ලැබී තිබේ. මේ හරහා උපදේශන සේවා ආයතනයක් සොයා ගැනීමට නියමිතය.

ආණමඩුව තෝනිගල පොලිස් මාර්ග බාධකයේ බිමතින් රාජකාරි කල පොලිස් සැරයන්වරයකු එම මාර්ග බාධකය හදිසි පරික්ෂාවකට ලක්කල ආණමඩුව පොලිස්ථානාධිපතිවරයාගේ අතටම අසුවිමේන් පසු පොලිස් භාරයට ගෙන වෛද්‍ය පරික්ෂණ සදහා යොමු කිරීමට 15 දින සවස කටයුතු කර තිබුුු.ණි

සෙවනගල උක් වගාවන් ගිනි තැබීම නිසා ගැටලුවට පත් උක් ගොවීන් වෙනුවෙන් මෙට්‍රික් ටොන් ඒකක් රුපියල් 7000ක මිලක් යටතේ මිල‍දී ගැනීමට කැබිනට් අනුමැතිය ලැබී තිබේ.

පිරානා (Piranha) විශේෂ නයිෆ් ෆිෂ් (Knife Fish) ඇලිගේටර් ගාර් (Alligator Gar) රෙඩ් ලයින් ස්නේක්හෙඩ් හෙවත් ජයන්ට් ස්නේක්හෙඩ් (Redline Snakehead/Giant Snakehead) යන ආක්‍රමණශීලි මසුන් මේ හරහා තහනම් කිරීමට නියමිතය.

විදෙස්ගත ශ්‍රී ලාංකිකයන්ට ඡන්දය ප්‍රකාශ කිරීමට අවශ්‍ය නීති සංශෝධනය කිරීමට කැබිනට් මණ්ඩලයේ අවධානය යොමුව තිබේ.

දූෂණයෙන් තොර ශ්‍රී ලංකාවේ වත්මන් වැඩපිළිවෙළ පිළිබඳ ලෝක ප්‍රජාව දැනුවත් කිරීමට කටයුතු කරන ලෙසත්, එමඟින් ශ්‍රී ලංකාවට නව ආයෝජන ආකර්ෂණය කර ගැනීමට හැකියාව ලැබෙන බවත් ජනාධිපති අනුර කුමාර දිසානායක මහතා ලෝක බැංකු නියෝජිතයින් හමුවේ පැවසීය. මෙරටට පැමිණ සිටින ලෝක බැංකු සමූහයේ දකුණු ආසියානු කලාපයේ උප සභාපති ජොහැන්නස් සට් (Johannes Zutt)මහතා ඇතුළු ලෝක බැංකු නියෝජිත කණ්ඩායම ඊයේ (15) පස්වරුවේ ජනාධිපති කාර්යාලයේදී ජනාධිපති අනුර කුමාර දිසානායක මහතා හමු වූ අ

මධ්‍යම කදුකරයේ බටහිර බෑවුම් ප්‍රදේශවල (15) දින රාත්‍රියේ සිට ඇදහැලෙන අධික වර්ෂාවද නොතකා හැටන් තලවකැලේ මාර්ගයේ උදෑසන ධාවනය වන මගී ප්‍රවාහන ලංගම සහ පෞද්ගලික බස් රථ තරගෙට ධාවනය කරන අයුරු එම බස් රථ පිටුපසින් ගමන් ගත් වාහනයක සවි කර තිබූ කැමරාවක සටහන් වී තිබුණි.

2025 වර්ශයේ ගෙවුනු මාස 8 තුල ‌ශ්‍රී ලංකා රේගුව රුපියල් බිලියන 1,471ක ආදායමක් ලබූ බව එම දෙපාර්ථ මේන්තුව තහවුරුකරයි.

ජාත්‍යන්තර මුහුදේ ගමන් කරමින් සිටි වෙනිසියුලාවේ මත්ද්‍රව්‍ය රැගත් බව කියන බෝට්ටුවක් එක්සත් ජනපද හමුදාව විසින් විනාශ කර ඇති බව ඇමෙරිකා ජනාධිපති ඩොනල්ඩ් ට්‍රම්ප් පවසයි.

ඕස්ට්‍රේලියානු වයස අවුරුදු 19 න් පහළ කාන්තා ක්‍රිකට් කණ්ඩායම ශ්‍රී ලංකාවේ තරග සංචාරයක් සදහා ඊයේ (09/15) දින රාත්‍රී කටුනායක ගුවන් තොටුපොළ වෙත පැමිණියේය.

තම ජීවිතයේ වැඩිම කලක් ගෙවුණේ ජනතාව අතර බවත් ධුර කාලය අවසන් වුවද ජනතා ආදරය ධුර කාලය ඉක්මවා යන බව හිටපු ජනපති මහින්ද රාජපක්ෂ මහතා පවසයි. සිය ෆේස්බුක් ගිණුමේ සටහනක් තබමින් ඔහු මේ බව පවසයි.

අද දිනයේදි උතුරු, උතුරු-මාැද, නැගෙනහිර, ඌව සහ මධ්‍යම පළාත්වල අහස වළාකුලින් බරව පවතිනු ඇතැයි කාලගුණ විද්‍යා දෙපාර්තමේන්තුව පවසයි.

සිගිරියෙහි අද්විතීය කැටපත් පවුරට පසුගිය ඉරිදා ( 14) හානි සිදුකළ 21 හැවිරිදි තරුණියක් පුරාවිද්‍යා නිලධාරීන් විසින් අත්අඩංගුවට ගත්තේය.

දක්ෂිණ අධිවේගී මාර්ගයේ ගැලනිගම සහ කහතුඩුව අතර අද අලුයම සිදුවූ අනතුරකින් කාන්තාවක් මියගොස් තවත් 06 දෙනෙකු තුවාල ලබා තිබේ. ගාල්ල සිට කොළඹ බලා ධාවනය වූ ලොරි රථයක පිටුපසින් පැමිණි වෑන් රථයක් ගැටීමෙන් මෙම අනතුර සිදුව තිබේ.

ආසියානු කුසාලාන විස්සයි20 ක්‍රිකට් තරගාවලිය යටතේ ශ්‍රී ලංකා කණ්ඩායම හා හොංකොං කණ්ඩායම අතර පැවැති තරගයේශ්‍රී ලංකාව වෙනුවෙන් වාර්තා කිහිපයක් අලුත් කිරීමට ආරම්භක පිතිකරු පැතුම් නිශ්ශංක සමත්විය.

ආසියානු කුසලාන තරගාවලිය යටතේ ශ්‍රී ලංකා කණ්ඩායම හා හොංකොං කණ්ඩායම අතර පැවැති තරගයෙන් ශ්‍රි ලංකා කණ්ඩායම කඩුලු හතරක ජයක් වාර්තා කිරීමට සමත්විය. තරගයේ මුලින්ම පන්දුවට පහරදුන් හොංකොං කණ්ඩායම පන්දුවාර 20 අවසානයේදී කඩුලු 4ට ලකුණු 149ක් රැස් කිරීමට සමත්විය.

බගවන්තලාව නගරයේ වෙළදසැළක් ඉදිරිපිට නිදා සිටි සුනඛයෙකු මතට (15) දින උණුවතුර වත් කර එම සුනඛයාව එම ස්ථානයෙන් පලවා හරින අයුරු එම වෙළදසැලේ ආරක්ෂිත කැමරාවේ සටහන් වී තිබුණි.

නිදි යහනේ මියගොස් සිටි රාජ්‍ය සේවිකාවගේ මරණය ඝාතනයක් බව සිදු කරන ලද පශ්චාත් මරණ පරීක්ෂණයේදී හෙළිවීමත් සමග ප්‍රකාශ ලබා දීමට මරණ පරීක්ෂණයට පැමිණ සිටි ඇයගේ සැමියා 15 දින සැකපිට අත්අඩංගුවට ගත් බව දඹුල්ලේ පොලිසිය කියයි.

මාගම්පුර වරාය කළමනාකරණ සමාගම මගින් පෞද්ගලික බැංකුවකින් ලබාගත් ණය නොගෙවීම සම්බන්ධයෙන් පොදු ව්‍යාපාර පිළිබඳ කාරක සභා‍වේදී (කෝප්) දීර්ඝවශයෙන් සාකච්ඡා කිරීමෙන් අනතුරුව ඒ වෙනුවෙන් ගත යුතු නිර්දේශ නිකුත් කිරීම සිදු විය.

මේ සංශෝධනයට නොගිහින් තිබුණා නම් අපි පනත සංශෝධනය කළේ නැත්තං රනිල් පාලනය කාලේ තිබ්බ විදිහට තිබ්බ නම් විදුලි බල මණ්ඩලයේ 12,000ක් සේවකයන් ගෙදර යවන්න තිබුණා. ආයතන 12කට කඩන්න තිබුණා. විශේෂයෙන්ම සමහර වෘත්තීය සමිතිවලින් මම අහන්න කැමතියි ඒ වෘත්තීය සමිති වැඩ කරන්නෙ සේවකයන් වෙනුවෙන්ද එහෙම නැත්තං සේවකයන් ගෙදර යවලා ඒක දඩමීමා කරගෙන දේශපාලන ප්‍රශ්නයක් මතු කරන්නද මේ උත්සාහ කරන්නෙ කියලා. යනුවෙන්ද ඇමතිවරයා ප්‍රශ්න කළේය.

අයිස් මත්ද්‍රව්‍ය නිපදවීමට යොදාගන්නා බවට සැක කෙරෙන රසායනික ද්‍රව්‍ය සඟවා තිබියදී සොයාගැනීමේ සිද්ධිය සම්බන්ධයෙන් අත්අඩංගුවට ගැනීමට අවශ්‍යව සිටින සම්පත් මනම්පේරි නමැත්තා අධිකරණයට භාරවීමට සූදානම් බව ඔහුගේ නීතිඥවරයා‍ අභියාචනාධිකරණයට අද (15) දැනුම් දුන්නේය.

දකුණු කොරියාවේ නිෂ්පාදන හා ධීවර ක්ෂේත්‍රවල රැකියා සඳහා 2025 වර්ෂයේ පැවැත්වීමට නියමිත කොරියානු භාෂා ප්‍රවීණතා පරීක්ෂණය සඳහා විභාග ප්‍රවේශපත්‍ර නිකුත් කිරීම 2025.09.15 දින සිට 2025.09.17 දින මධ්‍යම රාත්‍රිය දක්වා මාර්ගගත ක්‍රමය ඔස්සේ (Online) සිදුකිරීමට නියමිතය.

නව මුදල් නෝට්ටුව පහසුවෙන් මුදල් සංසරණයට අනුගත කිරීම සඳහා, බලපත්‍රලාභී වාණිජ බැංකු ඔවුන්ගේ මුදල් හැසිරවීමේ යන්ත්‍ර ක්‍රමාංකනය කිරීමේ (Calibration) ක්‍රියාවලියක යෙදී සිටී. මෙම ක්‍රියාවලියේ ප්‍රගතියට අනුකූලව, නව මුදල් නෝට්ටුව බලපත්‍රලාභී වාණිජ බැංකු හරහා ක්‍රමයෙන් මුදල් සංසරණයට නිකුත් කරනු ලබන බව මහ බැංකුව නිවේදනය කරයි.