බලපත්‍ර නොමැතිව අලියෙකු සන්තකයේ තබා ගැනීමේ චෝදනා දෙකකට වරදකරු වූ නිරාජ් රොෂාන් හෙවත් අලි රොෂාන් නමැත්තා බරපතළ වැඩසහිත වසර 15ක සිරදඬුවම් පැනවීය.

පවතින අයහපත් කාලගුණික තත්ත්වය හේතුවෙන් දිස්ත්‍රික්ක පහක ප්‍රාදේශීය ලේකම් කොට්ඨාස හයක් සඳහා නායයෑමේ අනතුරු ඇඟවීමේ නිවේදන නිකුත් කිරීමට ජාතික ගොඩනැගිලි පර්යේෂණ සංවිධානය අද (19) පියවර තිබේ.

විදේශ රැකියා සම්බන්ධයෙන් ලැබෙන පැමිණිලි සොයා බැලීම් සහ ඒවාට කඩිනමින් විසඳුම් ලබාදීම සඳහා පොලිස් නිලධාරීන්ගෙන් සමන්විත විශේෂ විමර්ශන ඒකකයක් ශ්‍රි ලංකා විදේශ සේවා නියුක්ති කාර්යාංශයේ ප්‍රධාන කාර්යාලයේ දි දින ආරම්භ කෙරුණි. මෙම ඒකකය සඳහා ප්‍රධාන පොලිස් පරීක්ෂකයෙකුගෙන් සමන්විත පොලිස් නිලධාරීන් 16 දෙනෙකු අනුයුක්ත කොට තිබේ.

ඇෆ්ගනිස්ථානයේ විශ්ව විද්‍යාල ඉගැන්වීම් පද්ධතියෙන් කාන්තාවන් විසින් ලියන ලද පොත් තහනම් කිරීමට ඇෆ්ගනිස්ථානයේ තලේබාන් රජය විසින් තීරණය කර තිබේ. එසේම මානව හිමිකම් සහ ලිංගික හිංසනය පිළිබඳව ඉගැන්වීම ද තහනම් කිරීමට ඔවුන් කටයුතු කර තිබේ.

දඹුල්ල මහනගර සභා බල ප්‍රදේශයේ ස්ථිර පදිංචි ජනතාවට නිවසේ සිට හෝ ව්‍යාපාරික ස්ථානයේ සිට මහ නගර සභාවෙන් සිදුකර ගත යුතු සේවාවන් රැසක් සිදුකිරීම සඳහා ඩිජිටල් කිව් ආර් කේතයක් හඳුන්වා දීම 18 දින කෙරිණි

තරුණ තරුණියන්ට පාර්ලිමේන්තු කාරක සභා සහ දිස්ත්‍රික් සම්බන්ධීකරණ කමිටුවල අවස්ථාව ලබාදීම සම්බන්ධයෙන් තාරුණ්‍ය සඳහා වන පාර්ලිමේන්තු සංසදයේ අවධානය යොමුව තිබේ. ඒ එම සංසදය නියෝජ්‍ය අමාත්‍ය එරංග ගුණසේකර මහතාගේ සභාපතීත්වයෙන් පාර්ලිමේන්තුවේදී රැස්වූ අවස්ථාවේදීය.

සිය පියාගේ අභාවය සැළවීමත් සමග ශ්‍රී ලංකා ක්‍රිකට් ක්‍රීඩක දුනිත් වෙල්ලාලගේ 09/19 දින උදෑසනය කටුනායක ගුවන් තොටුපොළ වෙත පැමිණියේය.

බස්නාහිර, සබරගමුව, මධ්‍යම, උතුරු හා වයඹ පළාත්වලත් ගාල්ල හා මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

නව අධ්‍යාපන ප්‍රතිසංස්කරණවලට සමගාමීව දහම් අධ්‍යාපනය සඳහා ප්‍රායෝගික මොඩියුලර් සකස් කර ඒවා හඳුන්වාදීමටත්, ඒ සඳහා ඇගයීම් ක්‍රියාවලිය සඳහා විධිමත් ක්‍රමවේදයක් සකස් කිරීමටත්, පළාත් අධ්‍යාපන දෙපාර්තමේන්තු සහ කලාප කාර්යාල හරහා ඒවා අධීක්ෂණයට ලක් කිරීමටත් මෙහිදී අවධානය යොමු විය.

වත්කම් බැරකම් පිළිබඳ තොරතුරු මෙවර මැතිවරණයෙදී පමණක් නොව, මීට පෙර පැවැති මැතිවරණ වලදීද ඉදිරිපත් කළ බවත්, මෙම වත්කම් වෙනත් පුද්ගලයන්ට මැජික් එකක් වුවද තමන්ට එය මැජික් එකක් නොවන බව වෙළඳ, වාණිජ හා පාරිභෝගික කටයුතු අමාත්‍ය වසන්ත සමරසිංහ මහතා පැවසීය.

ශ්‍රී ලංකා තුන් ඉරියව් ක්‍රීඩක දුනිත් වෙල්ලාලගේගේ පියා වන සුරංග වෙල්ලාලගේ මහතා ඊයේ රාත්‍රී ඇතිවූ හදිසි හෘදයාබාධයක් හේතුවෙන් මිය ගොස් තිබේ. ආසියානු කුසලාන තරගාවලියේ ශ්‍රී ලංකා කණ්ඩායම හා ඇෆ්ගනිස්ථාන කණ්ඩායම අතර ඊයේ පැවැති තරගයටද දුනිත් ක්‍රීඩා කරනු ලැබීය.

දකුණේ පාතාල නායකයකු වන දැනට විදෙස්ගතව සිටින අහුන්ගල්ලේ බබාගේ නමැත්තා විසින් අහුන්ගල්ල කටුවිල පදේශයේ අලුතින් ඉදිකරනු ලබන දෙමහල් නිවස කිසියම් අයෙකු හෝ කණ්ඩායමක් විසින් අද (18) අලුයම ගිනි තැබීමක් සිදු කොට ඇති බව අහුන්ගල්ල පොලීසිය කියයි.

තිහගොඩ පොලිස් ස්ථානයේ සිර මැදිරියේ රදවා සීටි සැකකරුවකුට දුම්වැටියක් දීම හා එම සැකකරුගෙන් දුම්වැටියක් ලබා ගැනීමේ සිද්ධියක් සම්බන්ධයෙන් එම පොලිස් ස්ථානයේ සැරයන්වරුන් දෙදෙනෙකුගේ වැඩ තහනම් කල බව මාතර පොලිස් අධිකාරී කාර්යාලය පවසයි.

තමන් ඉදිරිපත් කර ඇති වත්කම් වලට අමතරව වෙන වත්කම් තිබේනම් ඒවා රජයට පවරාගෙන ජනතාවට බෙදා දෙන ලෙස තමන් සඳහන් කරන බව මන්ත්‍රි නාමල් රාජපක්ෂ මහතා පැවැසීය.

දෛනික අවශ්‍යතා අනුව භාණ්ඩ මිලදී ගැනීමේදී හා විවිධ ගනුදෙනු සඳහා මුදල් පරිහරණය කිරීමේදී එම මුදල් ව්‍යාජ මුදල් නෝට්ටුද යන්න පිළිබඳව සුපරික්ෂාකාරිව හා අවධානයෙන් යුතුව තහවුරු කර ගන්නා ලෙස පොලීසිය මහජනතාවට දැනුම් දෙයි.

රටේ බලශක්ති අරමුණු ජය ගැනීමේදී නව පුනර්ජනනීය බලශක්ති ප්‍රභවයන් මෙන්ම නවීන තාක්ෂණය හා ක්‍රමවේද උපරිම අයුරින් භාවිත කිරීම තම රජයේ ක්‍රියා පිළිවෙත බව අමාත්‍ය ඉංජිනේරු කුමාර ජයකොඩි පවසා සිටියේ අද (18) දින කොළඹදී පැවැත්වෙන “හයිඩ්‍රජන් ප්‍රතිපත්ති සම්පාදනය සඳහා වන පාර්ශවකරුවන්ගේ උපදේශන සමුළුවේ“ (Stakeholder Consultation on Draft Renewable Hydrogen Policy of Sri Lanka) ආරම්භක අවස්ථාව අමතමිනි.

ශ්‍රී ලංකාවේ ක්‍රියාත්මක විදුලිබල අංශයේ ප්‍රතිසංස්කරණ මූල්‍ය ස්ථාවරත්වය, තිරසාරභාවය සහ පාරිභෝගික ආරක්ෂාව සමඟ පෙළගැස්වීමේ හදිසි අවශ්‍යතාවය ඉස්මතු කරමින්, ප්‍රතිපත්ති සම්පාදකයින් සහ විශේෂඥයින් විනිවිද බවින් යුක්ත විදුලි ක්ෂේත්‍රයක් සඳහා පිරිවැය ආපසු ලබාගැනීම සහ පිරිවැය ගාස්තු සමබර කිරීම ප්‍රතිපත්තිමය ලෙස අත්‍යවශ්‍ය වන කාරනා බව පෙන්වා දුන්හ.

ජුනි මාසයේදී අනතුරට ලක් වූ එයාර් ඉන්දියා ජෙට් යානයකින් මියගිය මගීන් හතර දෙනෙකුගේ පවුල්වල සාමාජිකයන්, ගුවන් යානා නිෂ්පාදක බෝයිං සහ ගුවන් යානා කොටස් නිෂ්පාදක හනිවෙල් සමාගම්වලට එරෙහිව ඇමරිකා එක්සත් ජනපදයේ නඩුවක් ගොනු කර ඇති අතර, සමාගම්වල නොසැලකිලිමත්කම ඊට හේතු වී ඇති බව නඩුුව ගොනු කරමින් ඔවුන් සඳහන් කරයි.

උණ ශාකය තුලින් පරිසර පද්ධතිය ආරක්ෂාකර ගැනීම, පස සංරක්ෂණ ක්‍රියාවලිය, පරිසරයට ඔක්සිජන් නිකුත් කිරිම සහ ජල මූලාශ රැක දීම ඇතුලු පරිසර ක්‍රියාවලියන් ගණනාවක් සිදු කරයි.

තේ වගාකරුවන්ට පොහොර ලබාදීම සඳහා නව ක්‍රමවේදයක් සති දෙකක් ඇතුළත හඳුන්වාදීමට අපේක්ෂා කරන බව වැවිලි සහ ප්‍රජා යටිතල පහසුකම් ගරු අමාත්‍ය සමන්ත විද්‍යාරත්න මහතා පැවසීය.

ඇල්ල වැල්ලවාය ප්‍රධාන මාර්ගයේ 15 කනුව ප්‍රදේශයේ දී 16 දෙනෙකුට මරු කැදවමින් 17කට තුවාල සිදුව අඩි දහසක පමන ප්‍රපාතයකට පෙරලීගිය විනෝද චාරිකා බස්‍ රථය අනතුරට ලක්වීමට තත්පර කීපයකට පෙර ගැටුන රුපියල් ලක්ශ 800ක් පමන වටිනා (කෝටි 8) සුඛෝපභෝගී ජීප් රථයේ ආරක්ශිත කැමරා පද්ධතියේ පටිගතවීමේ පහසුකම් නොමැති බවට අදාළ ජීප් රථය විකුනූ සමාගම මගින් ලබා දුන් වාර්තාවකින් අනාවරණය විනැයි ඇල්ල පොලිසිය අද (18) පැවසීය .

’’මිස් ග්‍රෑන්ඩ් ශ්‍රී ලංකා - 2025 ( Miss Grand Sri Lanka - 2025) රූ රැජින තරගාවලියේ ප්‍රධාන විනිසුරුවරිය ලෙස කටයුතු කිරීම සදහා 2022 වසරේ ලෝක විවාහක රූ රැජින ලෙස ජයග්‍රහණය හිමි කර ගත් ඉන්දියාවේ සර්ගම් කවුෂාල් මහත්මිය ( Mrs :Sargam Koushal ) 09/17 දින අලුයම කටුනායක ගුවන් තොටුපොළ වෙත පැමිණියාය.

රුපියල් කෝටි 7ක මුදලක් රජයට පාඩුවන අන්දමින් වංචනිකව පරිහරණය කිරීමේ චෝදනාවට අත්අඩංගුවට ගෙන අධිකරණයට ඉදිරිපත් කළ සබරගමුව පළාත් හිටපු මහාමාර්ග හා ක්‍රීඩා අමාත්‍ය අතුල කුමාර රාහුබද්ධ මහතා ඔක්තෝබර් 02 වනදා දක්වා රක්ෂිත බන්ධනාගාරගත කිරීමට ඇඹිලිපිටිය මහෙස්ත්‍රාත් අධිකරණය අද (18) නියෝග කළේය.

පවතින වියලි කාලගුණය හමුවේ වසර පහකට පසු පුත්තලමේ වාර්තා ගත ලුණු අස්වැන්නක් ලැබි ඇති බවත් ඉදිරි දින කිපයද මෙලෙස වියළි කාලගුණ තත්වයක් පැවතුනොහොත් රටේ ලුණු අවශ්‍යතාවයෙන් බහුතරයක දායකත්වය පුත්තලමේ ලබා දිය හැකි මට්ටමක පවතින බව ලුණු නිෂ්පාදකයින් පවසයි.

ඉන්දුනීසියාවේදී අත්අ‌ඩංගුවට ගෙන ශ්‍රී ලංකාවට රැගෙනවිත් මුදල් විශුද්ධිකරණයය වැළක්වීමේ පනත යටතේ රක්ෂිත බන්ධනාගාර ගත කර සිටි බැකෝ සමන් නමැත්තාගේ බිරිඳ ලබන 25 වන දක්වා රක්ෂිත බන්ධනාගාර ගත කරන ලෙස කොළඹ මහෙස්ත්‍රාත් අධිකරණය නියම කළේය.

දිවයිනේ සම්මාන දිනූ කසල කළමනාකරණ ව්‍යාපෘතිය සම්පූර්ණයෙන්ම නැවතීම දිස්ත්‍රික්ක ගණනාවක ලැබෙන කුණු කසල සියල්ල මහ වනයට මුදා හැරීම නිසා නැවතත් වන සතුන් අලි ඇතුන් කසල ආහාරයට ගැනීම සිදුවන බව දඹුල්ලේ ජනතාව පෙන්වා දෙති.

ජාතික ලොතරැයි මණ්ඩලයේ හිටපු අධ්‍යක්ෂවරයෙකු වන තුසිත හල්ලොලුව මහතා තමා ගමන්ගත් වාහනයට ඉකුත්දා නාරාහේන්පිට ප්‍රදේශයේදී වෙඩි තබා ගැනීමේ සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාරගත කර සිටි තුසිත හල්ලොලුව මහතා ඇප මත මුදා හරින ලෙස කොළඹ මහෙස්ත්‍රත් අධිකරණය නියෝග කර තිබේ.

මහනුවර ඓතිහාසික ශ්‍රී දළදා මාළිගාවේ නව දියවඩන නිලමේවරයෙකු පත්කර ගැනීම සඳහාා වූ නිලවරණය නොවැම්බර් මස 07 හෝ ඊට ආසන්න දිනකදී පත්වීම සඳහා මේ වන වනවිට සක්කච්ඡා කරමින් පවතින බව බෞද්ධ කටයුතු කොමසාරිස් ජනරාල් ගාමිණී සේනාරත්න මහතා පවසයි.

විදුලි බල මණ්ඩල සේවයකයන් පවත්වන විරෝධතාවක් හේතුවෙන් කොම්පඤ්ඤවීදිය සිට ලේක් හවුස් වටරවුම දක්වා වූ මාර්ගය විදුලි බල මණ්ඩල ප්‍රධාන කාර්යාලය ඉදිරිපිටින් අවහිර වී තිබේ. මේ හේතුවෙන් එම මාර්ගයේ අධික රථවාහන තදබදයක් නිර්මාණය වී තිබේ.