වැලිගම ප්‍රා දේශීය සභාවේ සභාපති ලසන්ත වික්‍රමසේන මහතා වෙඩි තබා ඝාතනය කිරීමට අදාළව මේ වන වට සාර්ථක තොරතුරු කිහිපයක් ලැබී ඇති බවත් එම වෙඩි තැබීමට සම්බන්ධ සියලු පුද්ගලයන් ඉදිරි දින දෙක තුන තුළ අත්අඩංගුවට ගන්නා බවත් මහජන ආරක්ෂක අමාත්‍ය ආනන්ද විජේපාල මහතා පාර්ලිමේන්තුවේදී පැවැසීය.

සෞඛ්‍ය අමාත්‍යාංශයේ මහල් 16 කින් යුතු නව කාර්යාල සංකීර්ණ ගොඩනැගිල්ලේ පළමු අදියර ඉදිකිරීම් මෙම වර්ෂයේ නොවැම්බර් මස අවසන් වීමට පෙර නිමකර සෞඛ්‍ය අමාත්‍යාංශය කුලී පදනම මත ලබා ගෙන දැනට පවත්වා ගෙන යනු ලබන කාර්යාල සියල්ල නව ගොඩනැගිලේ ප්‍රථම අදියර යටතේ ඉදිකිරීම් නිමාවන පරිශ්‍රයේ ස්ථාපිත කිරීමට පියවර ගන්නා ලෙස සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා ඊට අදාළ නිලධාරීන්ට උපදෙස් දෙනු ලැබීය.

ඉන්දියාවේ සිට මුහුදු මාර්ග ඔස්සේ විශාල වශයෙන් මත්ද්‍රව්‍ය ඇතුළු නීති විරෝධී භාණ්ඩ ප්‍රවාහනය සිදු කෙරෙන තත්වයක්ක් තිබියදී දෙරට අතර පාලමක් ගොඩනැගුවහොත් එය තවත් හොඳින් සිදුවෙනු ඇති බව මල්වතු පාර්ශ්වයේ මහානායක අතිපූජ්‍ය තිබ්බුටුවාවේ ශ්‍රී සිද්ධාර්ථ සුමංගල මහා නා හිමියෝ පවසති.

තමන්ගේ ආරක්ෂාව ඉවත් කර ඇති බවත් ඉන් මේ ආන්ඩුව බලාපොරෝත්තු වන්නේ තමන් මරා දැමීමට බව පාර්ලිමේන්තු මන්ත්‍රී චාමර සම්පත් දසනායක පාර්ලිමේන්තුවේදී කියයි.

අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍ය, අග්‍රාමාත්‍ය ආචාර්ය හරිනි අමරසූරිය මහත්මියගේ ප්‍රධානත්වයෙන් අධ්‍යාපන ප්‍රතිසංස්කරණ පිළිබඳ පාර්ලිමේන්තු අනුකමිටුව ඊයේ (22) පාර්ලිමේන්තුවේ දී රැස් විය.

එක්සත් අරාබි එමීර් රාජ්‍යයේ ඩුබායි හි පැවති ’’ විවෘත ක්ලැසික් ලීග් ’’ ( Dubai Open Classic Leaque ) සවිඑසවීමේ ජාත්‍යාන්තර තරගාවලියට සහභාගී වූ ශ්‍රී ලාංකික ක්‍රීඩක රන්සිළු ජයතිලක , එහි ’’ප්‍රෝ ’’ ( Pro ) අංශයෙන් තරග කරමින් ’’ඩෙඩ් ලිෆ්ට් ’’ ( Ded Lift ) ක්‍රමයට කිලෝ ග්රෑම් 315 ක බර ඔසවමින් , වාර්තාවක් තබමින් ,එහි ප්‍රථම ස්ථානය දිනා ගනිමින් රන් පදක්කම රැගෙන 10/23 දින අලුයම කටුනායක ගුවන් තොටුපොළ ඔස්සේ මෙරටට පැමිණියේය.

කොළඹ බී.එම්.අයි.සි.එච්. හිදී පැවැති ජනාධිපති පරිසර සම්මාන උළෙලේදී අද පුවත්පතට ජනාධිපති රන් සම්මානයක් හිමිවිය. අද පුවත්පත වෙනුවෙන් එහි විශේෂාංග කර්තෘ දිනිති අබේවර්ධන මහත්මිය විසින් එම සම්මානය ජනපති අනුර කුමාර දිසානායක මහතා අතින් ලබා ගත්තාය.

රුසියාවේ විශාලතම තෙල් සමාගම් දෙක වන රොස්නෙෆ්ට් සහ ලුකොයිල් ඉලක්ක කර ගනිමින් එක්සත් ජනපදය නව සම්බාධක ප්‍රකාශයට පත් කර තිබේ. යුක්රේනයේ සාම ගිවිසුමක් සාකච්ඡා කිරීම සඳහා මොස්කව්ට බලපෑම් කිරීමේ උත්සාහයක් ලෙස මෙම ක්‍රියාමාර්ගය ගෙන තිබේ.

දකුණු කොරියාවේ රැකියා සදහා අවශ්‍ය භාෂා ප්‍රවිනතාවය උදෙසා, ටැබ්ලට් වැනි ස්මාර්ට් උපාංග භාවිතා කරමින් පවත්වන විභාග සඳහා නවීන පහසුකම්වලින් සමන්විත ඉලෙක්ට්‍රොනික විභාග මධ්‍යස්ථානය (Korean Language Examination Center Ubiquitous-based Test (UBT) ) අද දින (10/22) විදේශ කටයුතු හා විදේශ රැකියා නියෝජ්‍ය අමාත්‍ය අරුන් හේමචන්ද්‍ර මහතාගේ ප්‍රධානත්වයෙන්, 553/1, නව නුවර පාර, තලාහේන (සම්පත් බැංකුව අසල) යන ස්ථානයේදී විවෘත කරන ලදී.

ලොකු ළූණු සහ අර්තාපල් සඳහා විශේෂ වෙළඳ භාණ්ඩ බද්ද වැඩි කිරීමට රජයේ මුදල් පිළිබඳ කාරක සභාවේ අනුමතිය : තීරුබදු ප්‍රතිපත්තිය, කෘෂිකාර්මික ඵලදායීතාව සහ සුරාබදු බදු එකතු කිරීම දැඩි කිරීමට නියෝග කරයි.

බස්නාහිර, සබරගමුව, මධ්‍යම, වයඹ පළාත්වලත් ගාල්ල හා මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව කියයි.

මුලින් සැලසුම් කළ පරිදි 2025 ලංකා ප්‍රිමියර් ලීග් (LPL) තරගාවලිය මෙම වසරේ නොපැවැත්වෙන බව ශ්‍රී ලංකා ක්‍රිකට් ආයතනය නිවේදනය කරයි.

මන්දිනු පත්මසිරි පෙරේරා නොහොත් “කෙහෙල්බද්දර පත්මේ” ට අයත් රුපියල් ලක්ෂ 500 ක් වටිනා නීති විරෝධි ආකාරයෙන් උපයා ගන්නා ලද දේපළ ක්‍රියා කරයි.

මහින්ද චින්තනය වැඩපිළිවෙළ යටතේ රුපියල් ලක්ෂ 2130 ක පිරිවැයක් යොදා 2010 වසරේ හිටපු ජනාධිපති මහින්ද රාජපක්ෂ මැතිතුමාගේ ප්‍රධානත්වයෙන් විවෘත කරන ලද නාවලපිටිය සුපිරි වෙළඳ සංකීර්ණයේ කඩ සාප්පු හිමියන් විසින් නගර සභාවට නියමිත පරිදි බදු නොගෙවු බවට පවසමින් අද උදෑසන නාවලපිටිය නගර සභාවේ නිලධාරින් එම කඩ සාප්පු මුද්‍රා තැබීම සඳහා පැමිණීමත් සමග කඩ හිමියන් සහ නිලධාරී අතරින් දැඩි උණුසුම්කාරී තත්ත්වයක් ඇති විය.

ශ්‍රී ලාංකික දිනය ජාතික වැඩසටහන දෙසැම්බර් මස 12,13 හා 14 යන දිනයන්හි පැවැත්වීමට කැබිනට් අනුමැතිය ලැබී තිබේ. ප්‍රජවන් අතර අවබෝධය වර්ධනය කරමින් සංහිදියාවෙන් යුත් ශ්‍රී ලංකාවක් බිහි කිරිම යන දැක්ම මුල්කරගෙන ශ්‍රී ලාංකික දිනය ලෙස ජාතික වැඩසටහනක් පැවැත්වීමට ජනපති අනුර කුමාර දිසානායක මහතා පසුගිය අයවැයෙන් යෝජනා ඉදිරිපත් කළේය.

ශ්‍රී ලංකාවේ ඔටිසම් ඇතුළු ස්නායු ආබාධ සහිත දරුවන්ගේ සංඛ්‍යාව පසුගිය දශක කිහිපය තුළ ඉහළ ගොස් ඇත. ඒ අනුව පැන නැගී ඇති අභියෝගවලට මුහුණ දීම පිණිස දිස්ත්‍රික්ක 25 පුරාම ඔටිමසම් ඇතුළු ස්නායු සංවර්ධන ආබාධ සහිත දරුවන් සඳහා සෞඛ්‍ය, අධ්‍යාපන හා සේවා පහසුකම් වැඩි දියුණු කිරීමට පස් අවුරුදු ජාතික වැඩසටහනක් ක්‍රියාත්මක කිරීමට සැලසුම් කර තිබේ.

මරණ දඩුවම ක්‍රියාත්මක කිරිම ගැන රජය මෙතෙක් තීරණයක් ගෙන නොමැති බව කැබිනට් ප්‍රකාශක අමාත්‍ය නලින්ද ජයතිස්ස මහතා පැවැසීය.

පොලිස් මත්ද්‍රව්‍ය නාශක කාර්යාංශයේ හිටපු අධ්‍යක්ෂට එරෙහිව අපරාධ පරීක්ෂණ දෙපාර්තමේන්තුව මගින් මේ වන විට පරීක්ෂණයක් ආරම්භ කර ඇති බව පොලිස් මාධ්‍ය ප්‍රකාශක සහකාර පොලිස් අධිකාරී කේ. වූට්ලර් මහතා පැවැසීය.

වෙඩි තබා ඝාතනය කළ වැලිගම ප්‍රාදේශීය සභාවේ සභාපති ලසන්ත වික්‍රමසේකර නොහොත් වැලිගම ලසා පාතාල අපරාධකරුවෙක් බවත් ඔහුට එරෙහිව නඩු හයක් විභාග වෙමින් පවතින බවත් මහජන ආරක්ෂක අමාත්‍ය ආනන්ද විජේපාල මහතා පාර්ලිමේන්තුවේදි පැවැසීය. ‍මෙම වෙඩි තැබීමෙන් මහජන ආරක්ෂාවට තර්ජනයක් නොමැති බවත් ඔහු පැවැසීය.

වැලිගම සභාපතිවරයා වෙඩි තබා ඝාතනය කිරිම සම්බන්ධ‍යෙන් දකුණ පළාත භාර ‍ජ්‍යෙෂ්ඨ නියෝජ්‍ය පොලිස්පතිවරයා යටතේ කණ්ඩායම් හතරක් යටතේ පරීක්ෂණ ආරම්භ කර ඇති බව පොලිස් මාධ්‍ය ප්‍රකාශක සහකාර පොලිස් අධිකාරී වූට්ර් මහතා පැවැසීය.

උඩරට දුම්රිය මාර්ගයේ පවතින අවහිරතාව හේතුවෙන් අද දින ධාවනය වීමට නියමිතව තිබූ කොළඹ කොටුව සිට බදුල්ල හා බදුල්ල සිට කොළඹ කොටුව බලා ධාවනය වීමට නියමිතව තිබූ රාත්‍රී තැපැල් දුම්රිය දෙක ඇතුළු ගමන් වාර 05 ක් අවලංගු කර තිබේ.

මීට වසර හතරකට පමණ පෙර කෙහෙල්බද්ද පද්මේ නැමැත්තා තමන්ට ඩුබායිහිදී දැක ඇති බවත් ඔහු ඔහුගේ බිරිඳ හා දරුවන් දෙදෙනා සමග පැමිණ තමන් සමග ඡායාරූප ගත් බවත් නිරූපණ ශිල්පි පියුමි හංසමාලි සිය ෆේස්බුක් ගිණුමෙන් පවසයි.

වැලිගම ප්‍රාදේශීය සභ‍ාවේ සභාපති ලසන්ත වික්‍රමසේකර හෙවත් ’මිදිගම ලසා’ ඝාතනය කිරීමේ සිදුවීමට අදාළව, මාධ්‍ය හමුවක් කැඳවමින්, ආරක්ෂාව සම්බන්ධයෙන් වන වගකීම රජය විසින් භාරගත යුතු බව සමගි ජන බලවේගයේ මහ ලේකම්, පාර්ලිමේන්තු මන්ත්‍රී රංජිත් මද්දුම බණ්ඩාර පවසා සිටියි.

ආර්ථිකය ශක්තිමත් වීම මත වාහන බදු සංශෝධනයක් ගැන අවධානය යොමු කළ හැකි බවත් මේ අවස්ථාවේදි වාහන බදු සංශෝධනයක් ගැන කිසිවක් ප්‍රකාශ කළ නොහැකි බවත් සම කැබිනට් ප්‍රකාශක අමාත්‍ය නලින්ද ජයතිස්ස මහතා පැවැසීය.

මත්ද්‍රව්‍ය ලබා ගන්නා අයගෙන් බහුතරයක් සිංහල බෞද්ධ ලමයි. ඒ නිසා මට වුවමනාවක් තිබුණා බන්ධනාගාරයෙන් එලියට ඇවිල්ලා මහජනතාව මේ පිළිබඳව දැනුවත් කරන්න. පාසල් දරුවන් තමා රටක අනාගතය ඔබ හරියට හැදුනොත් රට හැදෙයි නැත්නම් රට විනාශ වෙයි. ඒ නිසයි නොයා යුතු තැන කියන සංකල්පය මත මේ දේශන මාලාව මා සිදු කරන්නේ

2026 වෙනුවෙන් පාසල් සිසුන් 729393කට පාහවන් තිළිණ පත් 2026 වසර සඳහා තෝරාගත් පාසල් සිසුන්, පිරිවෙන්වල ගිහි පැවැදි සිසුන් හා සීලමාතාවන් සඳහා පාවහන් යුගලයක් ලබා ගැනීම සඳහා වව්චර්පත් 2025 පාසල් වාරය අවසාන වන විට ප්‍රතිලාභීන් වෙත ලබා දීමට තීරණය කර තිබේ.්‍

නුවරඑළිය, මඩකලපුව, පොළොන්නරුව සහ කොළඹ යන දිස්ත්‍රික්කවල ප්‍රාදේශීය ලේකම් කොට්ඨාස 4ක් ගෙන ඒවායේ ක්ෂුද්‍ර මූල්‍ය ණය ගෙවා ගැනීමට නොහැකිවූවන්ගේ දත්ත රැස් කිරීමට පියවර ගන්නා ලෙස ග්‍රාමීය සංවර්ධන, සමාජ ආරක්ෂණ සහ ප්‍රජා සවිබල ගැන්වීම් කටයුතු පිළිබඳ අමාත්‍යාංශයීය උපදේශක කාරක සභාව මගින් පත්කළ අනු කාරක සභාව මගින් නිලධාරීන්ට උපදෙස් ලබා දෙන ලදී.

බගවන්තලාව පොලිසියේ රථවාහන අංශයේ සේවයේ නියුතු පොලිස් කොස්තාපල් ගාමිණි රාජපක්ෂ (84548) මහතා විසින් දීපවලී උත්සවය නිමි වී (22) පාසලට පැමිණි ළමුන් පිරිසකට ඔහුගේ පුද්ගලික මුදල් වලින් පොත් ලබා දෙන අයුරු අප කැමරාවේ සටහන් විය.

අද (22)පෙරවරුවේ වෙඩි තැබීමකින් වැලිගම ප්‍රාදේශීය සභාවේ සභාපති ලසන්ත වික්‍රමසේකර හෙවත් මිදිගම ලසා නැමැත්තා මියගොස් තිබේ