ගෘහස්ථ ගෑස් සිලින්ඩර බෙදාහැරීම හෙට (26දා) දිනයේ ද සිදු නොකරන බවට ලිට්‍රෝ ගෑස් සමාගම අද (25දා) සඳහන් කරයි.

රාජයේ සේවකයන් සීමිත ප්‍රමාණයක් කාර්යාල වෙත කැඳවීමට අදාළ චක්‍ර ලේඛය නිකුත් කර තිබේ. රාජ්‍ය පරිපාලන අමාත්‍යාංශය මගින් මෙම චක්‍ර ලේඛය නිකුත් කර ඇත. පවතින සම්පත් හිඟය මත රාජ්‍ය වියදම් අවම කර ගැනීම සඳහා රාජ්‍ය ආයතනවල කාර්ය මණ්ඩල කැඳවීම සීමා කිරමින්ට මෙම චක්‍රලේඛය නිකුත් කර තිබේ.

’’මයිනා ගෝ ගම’’ සහ ’’ගෝටා ගෝ ගම’’ යන අරගලවලට පහර දීමේ සිද්ධිය සම්බන්ධයෙන් රක්ෂිත බන්ධනාගාරගතකර සිටි පාර්ලිමේන්තු මන්ත්‍රීවරුන් වන සනත් නිශාන්ත, මිලාන් ජයතිලක ඇතුළු සැකකරුවන් 06 දෙනෙකු ජුනි මස 01 වන දා දක්වා යළි රිමාන්ඩ් බන්ධනාගාරගතකරන ලෙස කොළඹ කොටුව මහේස්ත්‍රාත් තිලිණ ගමගේ මහතා නියෝග කළේය.

පුත්තලම දිස්ත්‍රික් පාර්ලිමේන්තු මන්ත්‍රීවරුන් වන මුස්ලිම් ජාතික සන්ධානයේ අලි සබ්‍රි රහිම් හා පොදුජන පෙරමුණේ චින්තක අමල් මායාදුන්න මහත්වරුන්ගේ නිවාස ගිනි තැබිම හා පහර දී විනාශ කිරීම සම්බන්ධව සැකකරුවන් 19 දෙනෙකු අත්අඩංගුවට ගත් බව පුත්තලම මුලස්ථාන පොලිසිය අද (25දා) පවසයි.

ජනමාධ්‍ය, ප්‍රවාහන හා මහා මාර්ග අමාත්‍ය ආචාර්ය බන්දුල ගුණවර්ධන මහතා අද (25දා) ශ්‍රී ලංකා දුම්රිය සේවයේ නිලධාරීන් සමග සාකච්ඡාවක් දුම්රිය දෙපාර්තමේන්තු පරිශ්‍රයේදී පැවැත්විණි.

හිටපු පාර්ලිමේන්තු මන්ත්‍රී අමරකීර්ති අතුකෝරාල මහතා සහ ඔහුගේ ආරක්ෂක නිලධාරියා ඝාතනය කිරීමට අදාළ සිද්ධිය සම්බන්ධයෙන් අත්අඩංගුවට ගත් තවත් සැකකරුවෙකු හඳුනා ගැනීමේ පෙරෙට්ටුවකට ඉදිරිපත් කිරීම සඳහා මෙම මස 30වැනිදා දක්වා රිමාන්ඩ්භාරයේ රඳවා තැබීමට අත්තනගල්ල අංක 02 මහේස්ත්‍රාත්වරිය ඊයේ (25දා) නියෝග කළාය.

කටුනායක බණ්ඩාරනායක ජාත්‍යන්තර ගුවන් තොටුපළ වෙතින් ගුවන් යානා සදහා ඉන්ධන ලබා ගැනීමේදී සිදු විය හැකි ගැටළු අවම කර ගැනීම සදහා විකල්ප විසදුමක් ලෙස ඉන්දියාවේ චෙන්නායි , ඩුබායි සහ සිංගප්පූරුව වැනි ගුවන් තොටුපළ යොමු කිරීමට ගුවන් සේවා සමාගම් යොමු වෙමින් පවතින තත්වයක් උදා වෙමින් පවතින බව ගුවන් තොටුපළ ආරංචි මාර්ග සදහන් කළේය .

විවිධ ක්ෂේත්‍රයන්හි පුහුණු ශ්‍රමිකයින් සඳහා ජපානය, පෝලන්තය සහ රුමේනියාව ඇතුළු රටවල රැකියා පුරප්පාඩු රැසක් පවතී. එම අවස්ථා ඉලක්ක කරගනිමින් භාෂා සහ වෘත්තීය පුහුණු වැඩසටහන් ක්‍රියාත්මක කිරීමේ අවශ්‍යතාව ජනාධිපති ගෝඨාභය රාජපක්ෂ මහතා පෙන්වා දෙයි.

මේ අනුව රිජ්වේ ආර්යා රෝහල වෙනුවෙන් ඇමෙරිකානු ඩොලර් මිලියනක මුදලක් හා අපේක්ෂා රෝහලට තවත් ඩොලර් මිලියනයක් මේ අනුව ලබාදීමට නියමිතය.

රන්ටැබේ ජාතික ශිෂ්‍යභට බාලකා පුහුණු කදවුරේ පැවති නායකත්ව කුසලතා සංවර්ධන කදවුරට සහභාගිවී පුහුණුව නිමා කළ පාසල් ශිෂ්‍යභට බාලක බාලිකාවියන්ගේ විසිරයෑමේ උත්සවය අද (25දා) පැවැත්විණි.

මාර්තු 1 වැනි දින ලෝක මුහුදු තෘණ දිනය ලෙස ප්‍රකාශයට පත් කිරීම සඳහා ශ්‍රී ලංකාව සිය අනුග්‍රහය ලබා දුන් A/76/L.56 නමැති යෝජනාව එක්සත් ජාතීන්ගේ මහා මණ්ඩලය විසින් 2022 මැයි 23 වැනි දින සම්මත කරන ලදි. මෙම යෝජනාව පොදු එකඟතාවකින් සම්මත වූ අතර, රටවල් 24 ක් ඒ සඳහා සම අනුග්‍රහය දැක්වී ය.

ඉන්ධන විවිධ ආකාරයෙන් රැස්කරමින් වැඩි මිලට අලෙවි කිරීම ආදී ජාවාරම් සිදු කිරීම් සම්බන්ධයෙන් දිවයින පුරා වැටලීම් 429 ක් පසුගිය කාලය තුල සිදු කර ඇති අතර, එහි දී සැකකරුවන් 137 දෙනෙකු අත්අඩංගුවට ගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතීඥ නිහාල් තල්දූව මහතා පැවසීය .

2020 වසරේ මාර්තු මාසයේදී පමණ ජාත්‍යන්තර මූල්‍ය අරමුදලෙන් සීඝ්‍ර මූල්‍ය පහසුකමක් ලබා ගැනීම වෙනුවෙන් සාකච්ඡා පවත්වා ඇති බවත් එම ඉල්ලීම ජාත්‍යන්තර මූල්‍ය අරමුදල මගින් ප්‍රතික්ෂේප කර ඇති බවත් පාර්ලිමේන්තු මන්ත්‍රි හර්ෂද සිල්වා මහතා පැවැසීය.

“අපට රුපියල් ආදායම නෑ. දැන් අපට තවත් රුපියල් ට්‍රිලියනයක් මුද්‍රණය කිරීමට සිදුවෙනවා ” යැයි වික්‍රමසිංහ මහතා පැවසුවේ, ඉදිරි මාසවලදී වාර්ෂික උද්ධමනය 40% ඉක්මවා යා හැකි බවට අනතුරු අඟවමිනි.

මුහුදු මාර්ගයෙන් අනවසරයෙන් ඉන්දියාවට එනු ලබන සාමාන්‍ය වැසියන් වැලක්වීමටත් පැමිණී ජනතාවට සරණාගතභාවය ලබාදීම අඩුකිරීමටත් එරට බලධාරීන් පියවර ගෙන ඇතැයි වාර්තා වෙයි.

පාස්කු දින එල්ල බෝම්බ ප්‍රහාර මාලාවේ මරාගෙන මැරෙනු ත්‍රස්තවාදීන් දෙදෙනෙක්ගේ පියා මෙන්ම ප්‍රකට ව්‍යාපාරිකයෙක් වූ මොහොමඩ් ඊබ්‍රහීම්ට ඇප ලබාදිමට කොළඹ මහාධිකරණය නියෝග කර තිබේ.

නාවික හමුදා කඩොලාන සංරක්‍ෂණ ව්‍යාපෘතිය යටතේ පසුගිය 20දා හා 21දා දෙදින මන්නාරම් වෙරළ තීරය සහ ආරුගම්බේ කලපු ප්‍රදේශය ආවරණය වන පරිදි කඩොලාන පැළ රෝපණය කිරීමේ වැඩසටහනක් සිදු කෙරිණි.

සති හයක් ඇතුළත අතුරු අයවැයක් ඉදිරිපත් කරන බව අග්‍රාමාත්‍ය රනිල් වික්‍රමසිංහ මහතා පවසයි. වසර දෙකක සහන වැඩසටනහක් වෙනුවෙන් යටිතල පහසුකම් ව්‍යාපෘති කප්පාදු කරමින් මෙම අයවැය ඉදිරිපත් කිරීමට නියමිතය.

උතුරු මැද පලාතට අයත් ගල්කිරියාගම කිරළව මහවැලි රක්ෂිතයේ විශාල කොටසක් යම්කිසි පිරිසක් යන්ත්‍ර සූත්‍ර දමා හෙළි පෙහෙළි කරමින් තිබෙන බව ප්‍රදේශවාසීහු පවසති.

මැයි 09 දා දිවයින පුරා සිදුවූ ප්‍රචණ්ඩකාරී සිදුවිම් සම්බන්ධයෙන් පොලීසිය කරන විමර්ශනවලට අදාළව සැකකරුවන් 1808ක් පොලීසිය මගින් අත්අඩංගුවට ගෙන තිබේ.

දිඹුලාගල විවිධ සේවා සමුපකාර සමිතියට අයත් මනම්පිටිය නගරයේ පිහිටි ඉන්ධන පිරවුම්හලේ කළමනාකරු විසින් පාළු ගබඩාවක සහ සමිතියට අයත් ලොරි රථයක සඟවා ගනිමින් වැඩි මිලට විකිණීම සඳහා තබාගත් ඩීසල් ලීටර් 2000ට ආසන්න ප්‍රමාණයක් ප්‍රදේශ‍යේ ගොවීන්ට අද (25දා) ලබාදීමට කටයුතු කළබව මනම්පිටිය පොලිසිය පවසයි.

ශ්‍රි ලංකාව දැනට මුහුණ දී ඇති ආර්ථික අර්බුදයෙන් ගොඩ ඒම සදහා චීන රජය විසින් ඇමරිකානු ඩොලර් මිලියන 76 ක ආධාරයක් පිරිනැමීමට කටයුතු කරන බව ශ්‍රි ලංකාවේ චීන තානාපති චී ෂෙන්හොන් මහතා පැවසීය.

ත්‍රිකුණාමල ධිවර වරායෙන් මුහුදුගිය ’’ සස්මි දුව 02 ’’ ‌ බහුදින ධිවර යාත්‍රාව දේශිය ගැඹුරු මුහුදේ සුළි කුණාටුවකට හසු වි පෙරළී ගොස් ඇති අතර යාත්‍රාවේ සිටි නියමුවා ඇතුලු පස්දෙනෙකු අතුරුදහන් වි ඇතැයි ධිවර හා ජලජ සම්පත් දෙපාර්තමේන්තුව පවසයි.

ශ්‍රී ලංකාවේ ඖෂධ හිඟය මගහරවා ගැනීම වෙනුවෙන් ඇමෙරිකානු ඩොලර් මිලියන දෙකක ආධාර ලබාදිමට ලෝක සෞඛ්‍ය සංවිධානය එකඟ වී තිබේ.

විදේශ ගමන් බලපත්‍ර නිකුත් කිරීමේදී එක් දින හා සාමාන්‍ය සේවය යටතේ මින් ඉදිරියට කලින් දිනයක් සහ වේලාවක් වෙන්කර ගත් අයදුම්කරුවන් සඳහා පමණක් සේවා සැපයීම සිදු කරන බව ආගමන හා විගමන දෙපාර්තමේන්තුව පවසයි.

රුපියල් 68000ක් වටිනා පෙට්‍රල් බූලි 7 ක් (ලීටර් 140 ) ත්‍රී රෝද රථයකින් ප්‍රවාහනයකරමින් තිබූ 41 හැවිරිදි පුද්ගලයෙක් උඩුවර පොලිස් මාර්ග බාධකයකදී ඊයේ (24දා) සවස අත්අඩංගුවට ගත් බව හාලිඇල පොලිසිය පවසයි .

ශ්‍රී ලංකා ඛනිජ තෙල් නිතීගත සංස්ථවේ අවශ්‍යතා අනුව සාධාරණ මිල ගණන් යටතේ ඉන්ධන ලබාදිය හැකි අයගෙන් විදුලි බල හා බලශක්ති අමාත්‍යාංශය යෝජනා කැඳවා තිබේ.

අග්‍රාමාත්‍ය රනිල් වික්‍රමසිංහ මහතා මුදල්, ආර්ථික ස්ථායිතා හා ජාතික ප්‍රතිපත්ති අමාත්‍යධුරයේ දිවුරුම් දී තිබේ. ජනපති ගෝඨාභය රාජපක්ෂ මහතා ඉදිරියේ ඔහු මෙසේ දිවුරුම් දී තිබේ.

“95 පෙට්‍රල් සහ සුපර් ඩීසල් දෛනික අවශ්‍යතා වෙළඳපල කොටසෙන් 10%කට වඩා අඩුය. ප්‍රීමියම් නිෂ්පාදනවල මිල වැඩි කිරීමේ අදහස අපි ගවේෂණය කර තිබෙනවා. දෙකෙහිම මිල සැලකිය යුතු ලෙස ඉහළ නැංවීම විසඳුමක් නොවනු ඇත. එය අඩු මිල නිෂ්පාදන සඳහා කෘතිම ඉල්ලුමක් ඇති කිරීමට හේතුවක් වෙනු ඇත.”