රටේ පවතින ආර් ථික අර් බුදය හා ආහාර මිල ගණන් ඉහළ යාම හා ආහාර හිඟවීම පාසල් දරුවන්ගේ පෝෂණයට මහත් බලපෑමක් එල්ල කර ඇති හෙයින් පාසල්වල ප්‍රාථමික අංශවල ‌දරුවන්ගේ පෝෂණය තහවුරු කිරීම සඳහා ආහාර වේලක් ලබා දෙන බව කෘෂිකර් ම අමාත්‍ය මහින්ද අමරවීර මහතා පවසයි

මන්නාරම පාලම අසල පිහිටි යුදහමුදා ප්‍රධාන සෝදිසි මුරපොලේදී අද (14දා ) යුද හමුදාව විසින් සිදුකරන ලද සෝදිසියකදී ලංගම බස් රථයක් තුල සඟවා තිබූ රුපියල් ලක්ෂ 25 ක් පමණ වටිනා අයිස් මත්ද්‍රව්‍ය ග්‍රෑම් 250 ප්‍රමාණයක් සොයාගත් බවට යුදහමුදාව පවසයි.

ශ්‍රීලංකාව හා නවසීලන්තය අතර ද්විපාර්ශවික වෙළඳ හා ආර්ථික සබඳතා ශක්තිමත් කිරීමේ අරමුණින් ශ්‍රී ලංකාවේ නවසීලන්ත මහා කොමසාරිස් මයිකල් ඇප්ලටෙන් මහතා හා වෙළඳ හා ආහාර සුරක්ෂිතතා අමාත්‍ය නලීන් ප්‍රනාන්දු මහතා අතර හමුවක් ඊයේ (13දා) වෙළඳ හා ආහාර සුරක්ෂිතතා අමාත්‍යංශයේ දී පැවැත්වීය.

නැදුන්ගමුවේ රාජා හස්තියා නැවත ප්‍රතිෂ්ඨාපනය කොට එය මහජන ප්‍රදර්ශනය සඳහා තැබීමට ස්ථානයක් නොමැති නම්ඒ සඳහා නෙල්ලිගල ජාත්‍යන්තර බෞද්ධ මධ්‍යස්ථානයේ හෝ කූරගල බෞද්ධ සිද්ධස්ථානයේ ස්ථානයක්වෙන්කර දිය හැකි බව රත්නපුර දිසාවේ ප්‍රධාන සංඝනායක පූජ්‍ය වතුරකුඹුරේ ධම්මරතන හිමියෝ පවසති .

මෝටර් රථයකින් කාන්තාවක් පැහැරගෙන යමින් සිටි සැකකරුවන් දෙදෙනෙක් සමග එම මෝටර් රථයද අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි. දික්වැල්ල ප්‍ර දේශයේ ඇඟලුම් කර්මාන්ත ශාලාවකට යමින් සිටි කාන්තාවක් මෙසේ පැහැරගෙන ඇත්තේ වලස්මුල්ලේ පදිංචිකරුවන් දෙදෙනෙකි.

ඓතිහාසික මිහින්තලා පුද බිමේ රාජගිරි ලෙන පිහිටි පුරාවිද්‍යා රක්ෂිතයේ විදුලි පහන් කණු දෙකක තිබූ සූර් ය පැනල දෙකක් සොරකම් කිරීමේ සිද්ධිය සම්බන්ධයෙන් ඊයේ (13දා) මිහින්තලේ පුරා විද්‍යා කාර්යාලයේ ස්ථාන භාර නිලධාරියා අත්අඩංගුවට ගත් බව මිහින්තලේ පොලිසිය පවසයි.

යාපනය වඩුක්කෝට්ටේ මුරුකන් කෝවිලඩි, තුණවි, ප්‍රදේශයේ සිදුකළ වැටලීමකදී තහනම් සංවිධාන වලට විවිධ ආයුධ සපයන පුද්ගලයෙකු තියුණු මුවහත් සහිත යකඩ කඩු 11 ක් සමග අත්අඩංගුවට ගත් බව පොලිස් විශේෂ කාර්ය බළකාය පවසයි.

ඓතිහාසික රුහුණු කතරගම දේවාලයට පැමිණෙන විදේශීය සංචාරකයින් සඳහා පරිසර හිතකාමී විදුලිරථ හදුන්වාදීමට පියවරගෙන ඇත.

පාර්ලිමේන්තුවේ අභිනවයෙන් ස්ථාපිත කිරීමට යෝජිත “ජාතික සභාව” නැමැති පාර්ලිමේන්තු කාරක සභාව පිළිබඳ යෝජනාව එළඹෙන සැප්තැම්බර් 20 වැනි දිනට අදාළ න්‍යාය පුස්තකය හා සම්බන්ධ පරිපූරකයට මේ වන විට ඇතුළත් කොට තිබේ.

හෙට මහජනතාව වෙත විවෘත කිරීමට නියමිත කොළඹ නෙලුම් කුලුනට ඇතුළුවීම සඳහා අවශ්‍ය ප්‍ර වේශ පත්‍රයක් යනුවෙන් චීන භාෂාවෙන්ද සඳහන් ප්‍ර වේශ පත්‍රය ව්‍යාජ එකක් බව කොළඹ චීන තානාපති කාර්යාලය පවසයි.

ආණ්ඩුවේ බලය තිබෙන්නේ විධායකයට. පළාත් සභාවේ බලය තිබෙන්නේ ජනාධිපතිට. දැන් පළාත් සභා නැහැ. මේ අංශ 03ම එකට එක්කරගෙන ඒකාබද්ධ ව්‍යාපෘතියක් ක්‍රියාත්මක කරන්න ඕන. අපේ දිස්ත්‍රික් ලේකම්වරුන්ට ඒ වැඩසටහන් ක්‍රියාත්මක කරන්න සම්පූර්ණ බලතල තිබෙනවා

ශ්‍රී ලංකා නාවික හමුදාව සහ ශ්‍රී ලංකා වෙරළ ආරක්‍ෂක දෙපාර්තමේන්තුව එක්ව 2022 සැප්තැම්බර් මස 13 වන දින සවස වයඹ මුහුදේ සිදුකළ විශේෂ මෙහෙයුමකදී කේරළ ගංජා කිලෝග්‍රෑම් 434 (තෙත බර සහිත) ක පමණ තොගයක් රැගත් ඉන්දීය ඩව් යාත්‍රාවක් සමඟ එහි සිටි ඉන්දීය ජාතික සැකකරුවන් 05 ක් අත්අඩංගුවට ගැනීමට කටයුතු කෙරිණි. තවද, එම ජාවාරමට සම්බන්ධ බවට සැකකෙරෙන මෙරට ධිවර යාත්‍රාවක් සමඟ ශ්‍රී ලාංකීය සැකකරුවන් 05 ක් ද මෙම මෙහෙයුමේදි අත්අඩංගුවට ගන්නා ලදි.

දිවංගත සුමනා සිල්වා මහත්මියගේ ආදරණීය ස්වාමිපුරුෂයා මෙන්ම වත්මන් ආරක්‍ෂක මාණ්ඩලික ප්‍රධානී හා හිටපු යුද්ධ හමුදාධිපති ජෙනරල් ශවේන්ද්‍ර සිල්වා, වර්ධන බැංකුවේ හිටපු ප්‍රධාන විධායක නිලධාරී ලක්‍ෂ්මන් සිල්වා , ගුවන් හමුදාවේ එයාර් වයිස් මාර්ෂල් අජන්ත සිල්වා (විශ්‍රාමික) සහ බැංකු කළමණාකාරිනී නෙරංජනී සිල්වා මහත්මියගේ ආදරණීය පියාණන් වෙයි.

කොළඹ කොටුවේ සිට ත්‍රිකුණාමලය බලා ධාවනය කළ සීඝ්‍රගාමි දුම්රියේ එංජිම වේයන්ගොඩ දුම්රිය ස්ථානය ආසන්නයේදි ගිනි ගැනීමට ලක්ව තිබේ.

• කිසිදු පුරවැසියෙක් ආහාර නොමැතිකම නිසා කුසගින්නේ නොතැබිය යුතුයි • ආහාර සුරක්ෂිතතාවට කමිටු 07 ක් • මන්දපෝෂණය තුරන් කිරීමට ප්‍රමුඛත්වය • ගොවි ජනතාවට සාධාරණ මිලට පොහොර • මහ කන්නය සාර්ථක කර ගැනීමට කෘෂි යෙදවුම් අඛණ්ඩව • 2025 වන විට ආහාර අවශ්‍යතාව දේශීයව සපුරා ගැනීමට සැලසුම්

ත්‍රිකුණාමලයේ ථෛතිහාසික තිරුක්කෝනේස්වරම් කෝවිල අවට ප්‍රදේශය අපිරිසිදු වන ආකාරයට යම් පිරිසක් ක්‍රියාකරන බව මාධ්‍ය තුල පළවන වාර්තා පිළිබද ධීවර අමාත්‍ය ඩග්ලස් දේවානන්දා 2022.09.12 දින පැවති අමාත්‍ය මණ්ඩල රැස්වීමේදී පෙන්වා දුන් අතර කිසිදු ආකාරයෙන් ආගමික කණ්ඩායමකට හානි නොවන ආකාරයට ක්‍රියා කිරීම රජයේ වගකීම බව පෙන්වා දෙන ලදි.

පලෙයි ප්‍රදේශයේ ඉඩම් ප්‍රතිසංස්කරණ කොමිසමට අයත් ඉඩම් හමුදාවට ලබා දීමට කටයුතු කරන බවට පලවන මාධ්‍ය වාර්තාවල කිසිදු සත්‍යතාවක් නොමැති බව ධීවර අමාත්‍ය ඩග්ලස් දේවානන්දා මහතා පවසයි.

ඒ අනුව 2022 මැයි 1 වැනිදා සිට 2023 අප්‍රේල් 30 වැනිදා දිනය දක්වා ඇමරිකානු ඩොලර් 3000කට වඩා වැඩි මුදලක් එවීමේදී, එවනු ලැබූ මුදල මෙන් සියයට පනහකට අඩු සී.අයි.එෆ් අගයක් සහිත යතුරුපැදියක් ආනයනය කිරීමේ බලපත්‍රයක් හිමිවේ. 2022 මැයි 1 වැනිදා සිට 2022 දෙසැම්බර් 31 වැනිදා දක්වා කාලයක තුළදී ඇමරිකානු ඩොලර් 20,000ක් හෝ ඊට වඩා වැඩි මුදලක් එවීමේදී ඉලෙට්‍රික් මෝටර් රථයක් ආනයනය කිරීමේ බලපත්‍රයක් ලබාගැනීමට හැකිය.

තම අමාත්‍යංශයට පත්වූ රාජ්‍ය අමාත්‍යවරුන් දෙදෙනා සහ අනෙකුත් නිළධාරීන් සමඟ එකට එක්ව එක පවුලක් ලෙස වැඩ කිරීමට තමන් සූදානම් බව ආණ්ඩු පක්ෂයේ ප්‍රධාන සංවිධායක, නාගරික සංවර්ධන හා නිවාස අමාත්‍ය ප්‍රසන්න රණතුංග මහතා අද (13) පැවසීය.

මානසික අබාධිත 13 හැවිරිදි මුණුපුරා 81 හැවිරිදි තම මිත්තණියට තියුණු ආයුධයකින් පහර දිමක් කර ඝාතනයට ලක් කිරිමේ සිද්ධියක් සම්බන්ධයෙන් මුණුපුරා හෙම්මාතගම පොලිසිය විසින් 12 වැනිදා අත්අඩංගුවට ගත් බව පොලිසිය පවසයි.

රාජ්‍ය වියදම් අධීක්‍ෂණය කිරීම සඳහා පොලිස්පතිවරයකුට සමාන නිලධරයෙකු පත්කිරීම පිණිස ක්‍රමවේදයක් පිහිටුවීමේ යෝජනාවක් පිළිබඳව සලකා බැලෙමින් පවතින බව විදේශ කටයුතු අමාත්‍ය අලි සබ්‍රි මහතා පැවැසිය.

ආර්ථික පුනර්ජීවනය හා වර්ධනය පිළිබඳව අමාත්‍ය මණ්ඩල අනුකමිටුවක් ස්ථාපති කිරීමට කැබිනට් අනුමැතිය ලැබී තිබේ.

අරගලයට සම්බන්ධ තරුණයින් ශාරීරික පීඩාවලට වඩා මානසික පීඩනයක් දෙන ආකාරයෙන් රඳවා තබා ගැනීම අනුමත කළ නොහැකි බව ආදිවාසි නායක විශ්ව කිර්ති වනස්පතී ඌරුවරිගේ වන්නිලඇත්තෝ පවසයි.

සෞඛ්‍ය අමාත්‍යාංශයට අත්‍යාවශ්‍ය ඖෂධ හා වෛද්‍ය උපකරණ මිලදීගැනීම සඳහා වෙනත් ව්‍යාපෘති දෙකකට ලැබී ඇති ඇමෙරිකානු ඩොලර් මිලියන 100ක මුදලක් කඩිනමින් ලබාදීමට අමාත්‍ය මණ්ඩල අනුමැතිය හිමිවූ බව වැඩබලන කැබිනට් ප්‍රකාශක, කර්මාන්ත හා වැවිලි කර්මාන්ත අමාත්‍ය, වෛද්‍ය රමේෂ් පතිරණ මහතා පැවසීය

පාන් පිටි, බිත්තර, මස් හා මාළු හිඟය හේතුවෙන් හෝටල් 10,000ක් පමණ සම්පූර්ණයෙන්ම වැසී ගොස් ඇතැයි සමස්ත ලංකා ආපනශාලා හිමියන්ගේ සංගමයේ සභාපති අසේල සම්පත් මහතා පවසයි.

දෙස් විදෙස් සංචාරකයන්ගේ ආකර්ෂණය දිනා ගත හැකි ආකාරයේ විශේෂ ඇවිදින මං තීරුවක් ගලහා සිට නුවරඑළිය දක්වාකිලෝමීටර් 300 කින් යුතුව ඉදිකිරීමට බලාපොරොත්තු වන බවත්මේ වන විටත් එහි සැලසුම් කටයුතු ක්‍රියාත්මක වෙමින් පවතින බව සංචාරක සහ ඉඩම් අමාත්‍යාංශයේ ලේකම් චූලානන්ද පෙරේරා මහතා පැවසීය .

බණ්ඩාරගම කළුතර මාර්ගයේ යටියන ප්‍රදේශයේදී අද (13දා) මාර්ගයේ ගමන් ගත් වයෝවෘද්ධ කාන්තාවක් මෝටර් රථයක ගැටීමෙන් එම ස්ථානයේදීම මිය ගිය බව බණ්ඩාරගම පොලීසිය පවසයි.

ලංකාව තුළ කෘතිමව පොල් හිගයක් මවා පා පොල් තෙල් හා පොල් ආශිත නිෂ්පාදන මෙන්ම විදේශ රටවලින් පොල් තෙල් ආනයනය කිරීමේ උපක්‍රමයක් රාජ්‍ය නිලධාරීන් සහ ව්‍යාපාරිකයන් කණ්ඩායමක් ඒකරාශී වී මේ දිනවල ක්‍රියාත්මක කරන බව සමස්ත ලංකා පාරම්පරික පොල්තෙල් නිෂ්පාදකයන්ගේ සංගමය චෝදනා කර සිටී.

ත්‍රීරෝද රථ වලට සතියකට ලබා දෙන ඉන්ධන ලීටර් පහ වෙනුවට ඉන්ධන ලීටර් තිහක් ලබාදෙන ලෙස ඉල්ලා වෘත්තීය ත්‍රීරෝද රථ සේවා සංගමය සංවිධානය කර තිබූ උද්ඝෝෂණයක් අද (13දා) මහරගම නගර මධ්‍යයේ දී පැවැත්වුණි .