ඇතැම් ප්‍ර දේශවල කුකුල් මස් (දවස) කිලෝවක සිල්ලර මිල රුපියල් එක්දහස් පන්සියක් දක්වා ඉහල ගොස් තිබේ.

අස්ගිරි මහා විහාර පාර්ශ්වයේ අනුනායක පුජ්‍ය ආනමඩුවේ ධම්මදසිස් හිමියන් අපවත් වූහ. හෘදයාබාධයක් හේතුවෙන් පෞද්ගලික රෝහලකට ඇතුළත්කර ප්‍රතිකාර ලබමින් සිටිය දී ඊයේ (20) රාත්‍රියේ උන්වහන්සේ අපවත් වූහ.

දේශීය කිරි අවශ්‍යතාවෙන් දැනට නිෂ්පාදනය වන 40% ක ප්‍රමාණය 80% දක්වා වර්ධනය කර ගැනීමට අවශ්‍ය කටයුතු කරමින් තිබෙන බව කෘෂිකර්ම, පශු සම්පත්, ඉඩම් හා වාරිමාර්ග අමාත්‍යාංශය සඳහන් කරයි.

කූඨ ලෙස සකස් කළ බ්‍රිතාන්‍ය ජාතික ගමන් බලපත්‍රයක් උපයෝගී කර ගෙන ජපානය , තුර්කිය හරහා යුරෝපය වෙත පැන යාමට තැත් කළ ඉරාන ජාතිකයෙකු 07/19 දින රාත්‍රී කටුනායක ගුවන් තොටුපොළ ආගමන විගමන දෙපාර්තමේන්තු දේශසීමා ආවේක්ෂණ ඒකකයේ ( Border Surveillance Unit ) නිලධාරීන් පිරිසක් විසින් අත් අඩංගුවට ගෙන තිබේ.

වාරිමාර්ග දෙපාර්තමේන්තුවට කල හැක්කේ වැව් රක්ෂිත ප්‍රදේශවල ඉදි කිරීම් සිදු කරන්නන් හට පොලිසියේ පැමිණිලි කිරීම පමණක් බවත් වාරිමාර්ග නිලධාරින්, ආයුධ අතැති පිරිසක් නොවන බැවින් රක්ෂිත ප්‍රදේශ අල්ලන පුද්ගලයන් සමග ගැටුම් ඇතිකර ගැනීමට නොහැකි බව වාරිමාර්ග අධ්‍යක්ෂක ජෙනරාල් අජිත් ගුණසේකර මහතා පැවසීය.

ඇමෙරිකාවේ ලොස් ඇන්ජලීස් ගුවන් තොටුපොළින් ගමන් ආරම්භ කළි ඩෙල්ටා ගුවන් සේවයේ ගුවන් යානයක් ගුවන් ගත වීමේදී එක් එන්ජිමක ගින්නක් ඇතිවීමෙන් පසු ලොස් ඇන්ජලීස් ගුවන් තොටුපළට ආපසු ගොඩ බස්සවා තිබේ.

වැව් රක්ෂිත හා වැව් තාවුලුවල කවුරු හෝ ඉන්නවා නම් ඔවුන් අයින් කරන්න පෙර ඉන් ඉවත්ව යන ලෙසත් වැව් රක්ෂිතවල ඉදිකර තිබෙන හෝටල් චන්ද්‍රසේනගේද,ඩඩ්ලි සිරිසේනගේද යන්න තමන්ට එය අදාල නොවන බව කෘෂිකර්ම,වාරිමාර්ග,ඉඩම් හා පසු සම්පත් අමාත්‍ය කේ.ඩී.ලාල් කාන්ත මහතා තඹුත්තේගමදී පැවසීය.

දකුණු කොරියාවේ දින ගණනාවක් පුරා ඇද හැලෙන ධාරානිපාත වර්ෂාව හේතුවෙන් ඇති වූ ගංවතුර සහ නායයෑම් හේතුවෙන් අවම වශයෙන් පුද්ගලයින් 14 දෙනෙකු මිය ගොස් ඇති බව එරට ආපදා කළමනාකරණ කාර්යාලය පවසයි.

හුන්නස්ගිරිය මීමුරේ ප්‍රාද්ශයේදි ඊයේ 19 වන දින සවස වැන් රථයක් පෙරළීමෙන් සිදු වු රිය අනතුරින් මිය ගිය සංඛ්‍යාව හතර දක්වා ඉහළ ගොස් ඇති බව පොලීසිය කියයි.

සීගිරිය පොලිස් බල ප්‍රදේශයේ ඉනාමලුව රජයේ තේක්ක රක්ෂිතයේ මහා වන මැද කම්කරුවන් රැඳී සිටි වාඩියක 19 දින රාත්‍රියේ ඇතිවූ ගැටුමකින් පහර කෑමකට ලක්ව එක් අයෙකු මියගොස් තවත් අයකු බරපතල තුවාල ලබා දඹුල්ල මූලික රෝහලට ඇතුළත් කර ඇති බව සීගිරිය පොලිසිය කියයි.

හිටපු අමාත්‍ය සහ වත්මන් පාර්ලිමේන්තු මන්ත්‍රී රෝහිත අබේගුණවර්ධන මහතාගේ දියණියගෙන් මිලදී ගත් ජීප් රථයක් එකලස්කරණ ලද එකක් බවට ලැබුණු තොරතුරක් මත එම ජීප් රථය පරිහරණය කිරීමේ චෝදනාවට අත්අඩංගුවට ගෙන අධිකරණයට ඉදිරිපත් කල පාර්ලිමේන්තු මන්ත්‍රී ජගත් පින්නගොඩ විතාන මහතාගේ පුත් රසික බුද්ධික විතාන මහතාව අගෝස්තු 01 වන දින දක්වා රක්ෂිත බන්ධනාගාර ගත කිරීමට මතුගම ප්‍රධාන මහේස්ත්‍රාත් ඒ.අයි.හෙට්ටිවත්ත මහත්මිය අද නියෝග කළේය.

නව අධ්‍යාපන ප්‍රතිසංස්කරණ තුළින් පන්ති කාමරයක සිසුන් ප්‍රමාණය 25ත් 30ත් අතරට ගෙන ඒම අරමුණක් බවත් ගුරුවරුන්ගේ වෘත්තීයභාවය වැඩිකරන්න ඉදිරියේදී කටයුතු කරන බවත් අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍ය, අග්‍රාමාත්‍ය ආචාර්ය හරිනි අමරසූරිය මහත්මිය ප්‍රකාශ කළාය.

මහ වැසි හේතුවෙන් පසුගිය කාලයෙ පුත්තලමේ අහිමි වි ගිය ලුණු ඇස්වැන්න මේ වන විට පවතින වියළි කාලගුණ තත්වය හමුවේ ලැබෙමින් පවතින නමුත් අහස උසට ගිය ලුණු මිල පහත යමින් තිබෙන ආකාරය පුත්තලම ආශ්‍රීත ලුණු ලේවායන් වල කල සංචාරයෙදි තහවුරු විණි.

හලාවත ප්‍රදේශයෙන් මුහුදු ගිය ධීවර යාත්‍රාවක් ධීවරයින් සමග අතුරුදන් වී තිබේ.

සංවිධානාත්මකව යතුරුපැදී සොරකමේ යෙදුණු කල්ලියක තරුණයන් තිදෙනෙකු සහ එයට අනුබල ලබා දුන් තරුණියක් එම සොරා ගත් යතුරුපැදි ද සමග අත්අඩංගුවට ගත් බව ගිරිඋල්ල පොලිසිය කියයි.

විපක්‍ෂ නායක සජිත් ප්‍රේමදාස මහතා තඹුත්තේගම විශේෂිත ආර්ථික මධ්‍යස්ථානයට 19 දා සවස නිරීක්ෂණ චාරිකාවකට පැමිණේයේය.

වර්තමානයේ පොලිස් නිලධාරීන්ගෙන් 40%ක් බෝ නොවන රෝග වලින් පෙළෙන බව වැඩබලන පොලිස්පති ප්‍රියන්ත වීරසූරිය මහතා පැවසීය.

අයහපත් කාලගුණය හේතුවෙන් වියට්නාමයේ සංචාරක බෝට්ටුවක් පෙරළීමෙන් අවම වශයෙන් පුද්ගලයින් 37 දෙනෙකු මිය ගොස් ඇති අතර කිහිප දෙනෙකු තවමත් අතුරුදහන් වී ඇත.

පාස්කු ප්‍රහාරයට අදාළව සිදුකරන ලද රාජකාරී පැහැර හැරීම් සම්බන්ධයෙන් ජාතික පොලිස් කොමිෂන් සභාව කරනු ලැබූ විනය පරීක්ෂණයටෙ අදාළව වරදකරු බවට පත්ව ඇති ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන මහතා පොලිස් සේවයෙන් පහ කිරීමට ජාතික පොලිස් කොමිෂන් සභාව තීරණය කර තිබේ.

පාස්කු ප්‍රහාරයේ මහ මොළකරු වන සහරාන්ට අයත් බව කියන මාතලේ ,මහවෙල පොලිස් වසමෙි කැටවල,හතමුනගාල ප්‍ර දේශයේ පිිහිටි අක්කර 21ක පමණ ඉඩම වන අලින්ගේ වාසභුමියක් කරගෙන තිබෙන බව මාතලේ දිස්ත්‍රික් සමිබන්ධිකරණ කමිටු සභාපති සහ බුද්ධ ශාසන ආගමික හා සංස්කෘතික කටයුතු නියෝජ්‍ය ඇමැති ගමගෙදර දිසානායක මහතා ගේ ප්‍රධානත්වයෙන් පසුගියදා පැවැති මාතලේ දිස්ත්‍රික් සමිබන්ධිකරණ කමිටු රැස්වීමෙිදි අනාවරණය විය.

සබරගමුව පළාත් අපරාධ කොට්ඨාසය කුරුවිට පොලිස් ස්ථාන පරිශ්‍ර යේ විවෘත කරනු ලැබීය. වැඩබලන පොලිස්පති නීතිඥ ප්‍රියන්ත වීරසූරිය මහතා විසින් මෙම කොට්ඨාසය විවෘත කරනු ලැබීය.

එහිදී මෝටර් රථයේ රියදුරු හා දැරියන් දෙදෙනා මියගොස් තිබේ. මියගිය දැරියන් දෙදෙනා මාස 9 හා මාස 11ක් වන අතර රියදුරු වයස අවුරුදු 38ක් වන දිවුල්ලෑව, මහව පදිංචිකරුවන් වෙයි. බස් රථයේ රියදුරු හා කොන්දොස්තර හා තවත් මගියෙක් තුවාල ලබා දඹදෙණිය රෝහලට ඇතුළත්ව ප්‍රතිකාර ලබයි. නාරම්මල පොලීසිය වැඩිදුර පරීක්ෂණ සිදුකරයි.

හුන්නස්ගිරිය මීමුරේ ප්‍රාද්ශයේදි ඊයේ 19 වන දින සවස සිදුවු රිය අනතුරකින් කාන්තාවන් දෙදෙනෙකු ඇතුළු ව තිදෙනෙකු මිය ගොස් ඇති අතර තවත් සිව් දෙනෙකු තෙල්දෙණිය රෝහල වෙත ඇතුලත් කර තිබේ.

දීර්ඝ පරීක්ෂණයකින් අනතුරුව එකම අංක තහඩු ඇති කොළ පැහැති ත්‍රීරෝද රථ දෙකක් 19 වෙනිදා අත්අඩංගුවට ගත් බව මනම්පිටිය පොලිසිය කියයි.

නීතිවිරෝධී ලෙස මෙරටට ගෙන්වූ මෝටර් රථයකට අදාළව කරනු ලැබූ විමර්ශනවලට අදාළව පාර්ලිමේන්තු මන්ත්‍රී ජගත් විතාන මහතාගේ පුත්‍රයා පොලීසිය විසින් අත්අඩංගුවට ගෙන තිබේ.්‍

දෝව ඓතිහාසික රජමහා විහාරස්ථානය ට නුදුරින් පිහිටි පරෙයියන්ගල කන්දේ හටගත් හදිසි ගින්නකින් අක්කර දහයක පමන කොටසක් විනාශ වී ගොස් සුලගත් සමග ගින්න තව දුරටත් කදුමුදුනේ පැතිර යමින් පවතින බව ඇල්ල පොලිසිය පවසයි .

තුර්කි රටේ නිෂ්පාදිත නවීන පිස්තෝලයක් සමඟ සැකකරුවන් 5 දෙනෙකු අත්අඩංගුවට ගැනීමට අම්බලන්තොට පොලිසිය සමත්වී තිබේ.

මුහුදු මාර්ගයෙන් රැගෙන ආ බව කියන රුපියල් කෝටි තුනකට ආසන්න වටිනාකමකින් යුත් අධි බලැති යතුරු පැදි පහක් තලවිල හා නාවක්කාඩු ප්‍රදේශ වලින් පොලිසිය හා පොලිස් විශේෂ කාර්ය බලකාය එක්ව කල වැටලීමකදි සැකකරුවන් ද සමග අත් අඩංගුවට ගැනිමට හැකිව තිබුනී.

හැටන් දික්ඔය නගර සභාවේ පළමු මාසික සභා රැස්වීම එම සභාවේ සභාපති ජාතික ජන බලවේගයේ අසෝක කරුණාරත්න මහතාගේ ප්‍රධානත්වයෙන් (18) දින එම නගර සභා රැස්වීම් ශාලාවේදි පැවැත්විණ.