පවතින ආර්ථික අසීරුතාවට පිළියමක් ලෙස ඩොලර් මිලියන 600ක මූල්‍යාධාරයක් ලබාදීමට ලෝක බැංකුව එකඟතාව පළ කරයි. ඉන් ඩොලර් මිලියන 400ක් පළමු අදියර යටතේ කඩිනමින් ලබාදෙන බව ලෝක බැංකුවේ ශ්‍රී ලංකා නිත්‍ය නියෝජිත චියෝ කැන්ඩා මහත්මිය පවසයි.

අලි සබ්‍රි මහතා අධිකරණ අමාත්‍ය ධුරයෙහි අද (26දා) පස්වරුවේ කොළඹ කොටුව ජනාධිපති මන්දිරයේ දී ජනාධිපති ගෝඨාභය රාජපක්ෂ මහතා ඉදිරියේ දිවුරුම් දුන්නේය.

අද මධ්‍යම රාත්‍රියේ සිට ක්‍රියාත්මක වන පරිදි ගෑස් සිලින්ඩරයක මිල ඉහළ දමා තිබේ.

හැටන් නගරයේ පිහිටි සිපෙට්කෝ පිරවුම්හලට සති කිහිපයකට පසු භූමිතෙල් ලැබීමෙන් පසු එම භූමිතෙල් ලිටර් 6600 මිල දි ගැනිමට අද (26දා) පාරිභෝගිකයන් දෙදහසකට වැඩි පිරිසක් පෝලිමේ රැඳි සිටින අයුරු අප කැමරාවේ සටහන් විය.

වරාය හා නාවික කැබිනට් අමාත්‍ය ප්‍රමිත බණ්ඩාර තෙන්නකෝන් මහතා නාවික ක්ෂේත්‍රයේ සියළුම පාර්ශ්වකරුවන් මෙන්ම ශ්‍රී ලංකා වරාය අධිකාරියේ නිලධාරීන් සමඟ ශ්‍රී ලංකා වරාය අධිකාරියට ලැබෙන ඇමෙරිකානු ඩොලර් ආදායම ඉහළ නැංවීම සඳහා කටයුතු යොදා ඇත.

අග්‍රාමාත්‍ය මහින්ද රාජපක්ෂ මහතා හෝ ආණ්ඩුව ඉල්ලා අස්විය යුතු නැති බව පළාත් සභා මන්ත්‍රී සංසදය අද (26) දින පෙරවරුවේ ඒකමතිකව යෝජනාවක් සම්මත කළේය.

නිර්වින්දන බෙහෙත් සමග තවත් ඖෂධ වර්ග කිහිපයක් සොරකම්කරගෙන විත් අලෙවිකිරිමට සුදානම් වු ගාල්ල කරාපිටිය ශික්ෂණ රෝහලේ සුළු සේවකයකු අද (26දා) ගාල්ල දෙවට ප්‍රදේශයේ දි අත්අඩංගුවට ගත් බව ගාල්ල වරාය පොලිසිය පවසයි.

තමන් අග්‍රාමාත්‍යධුරයෙන් ඉල්ලා අස්නොවන බවත් පාර්ලිමේන්තුවේ බහුතරයක් පෙන්වුවහොත් පමණක් ඉල්ලා අස්වෙන බවත් අග්‍රාමාත්‍ය මහින්ද රාජපක්ෂ මහතා සඳහන් කරයි.

ඇමරිකානු තානාපතිනි ජුලී චන්ග් මහත්මිය ඇතුලු දූත පිරිස යාපනයේදී ඊයේ (25දා) උතුරේ දේශපාලන පක්ෂ නායකයින් හමුවී විශේෂ සාකච්ඡාවක නිරත විය.

මිල වැඩි නොකළොත් ගෑස් සැපයුම නතර කිරීමට සිදුවන බවත්, ඒ නිසා රජය ගෑස් මිල වැඩිවීම නිවේදනය කරනු ඇතැයි ලිට්‍රෝ ගෑස් සමාගමේ සභාපති විජිත හේරත් මහතා අද (26දා) කොළඹ ජනාධිපති මාධ්‍ය කේන්ද්‍රයේ පැවැති මාධ්‍ය හමුවවේදී පැවසීය.

පවතින අර්බුදය විසඳා ගැනීම වෙනුවෙන් ජනතා විමුක්ති පෙරමුණේ නායක අනුර කුමාර දිසානායක මහතා පවසයි. අද කොළඹදී පැවැති මාධ්‍ය හමුවකදී ඔහු මේ බව පැවැසිය.

ජිවන වියදම ඉහළ යාම , ඉන්ධන මිල ඉහළ යාම , විදුලි කප්පාදුව සහ ගැස් හිඟයට රජයට විරෝධය පාමින් හැටන් වටවල ප්‍රදේශයේ වතු ගණනාවක වතු කම්කරුවන් අද (26දා) උද්ඝෝෂණයක නිරත විය.

පක්ෂයේ තීරණයට පිටුපාමින් ආණ්ඩුව තුළ අමාත්‍යධුර ලබාගැනිම හේතුවෙන් රාජ්‍ය අමාත්‍යවරුන් වන ශාන්ත බණ්ඩාර හා සුරෙන් රාඝවන් යන මහත්වරුන් ශ්‍රී ලංකා නිදහස් පක්ෂයෙන් නෙරපීමට එම පක්ෂය තිරණය කර තිබේ.

දිවයිනේ සියළුම ආර්ථික මධ්‍යස්ථානවලට මේ මස (28) දින එලවළු තොග බෙදා හැරිම සිදු නොකරන බව සමස්ත ලංකා ඒකාබද්ධ විශේෂිත ආර්ථික මධ්‍යස්ථාන එකමුතුවේ සභාපති අරුණ ශාන්ත හෙට්ටිආරච්චි මහතා පැවසිය.

උණවටුණ මුහුදු පතුල හා වෙරළ තීරය පිරිසිදු කිරිමේ ශ්‍රමදානයක් අද (26දා) පැවැත්විණි.

අන්තර්කාලීන ආණ්ඩුවක් පිහිටුවා ඊළඟ රංගනයක කොටස්කරුවන් වෙනවට වඩා දේශපාලනයෙන් විශ්‍රාම යන එක සැප බවත් ජනවරමක් නොමැතිව කිසිදු අවස්ථාවක සමගි ජන බලවේගය හෝ සමගි සන්ධානය ආන්ඩුකරනයට එක් නොවන බව ව්පක්ෂ නායක සජිත් ප්‍රේමදාස මහතා මහනුවර දී පැවසීය .

2019 වසරේ සිදුවූ පාස්කු ප්‍රහාරයෙන් අනතුරුව එම වසරේ අප්‍රේල් 26 දා සයින්දමර්දු හි පුපුරුවා ගැනීමෙන් මිය ගිය පුද්ගලයන්ගේ සිරුරු කොටස් හෙට (27දා) යළි ගොඩ ගැනීමට නියමිතය.

ඉන්දියාවේ රාමේෂ්වරන් සහ ධනුෂ්කොඩි මුහුදු ප්‍රදේශයට අනවසරයෙන් ඇතුලුවීමට ආ යාපනයේ වැසියන් 15 දෙනෙකු ඊයේ (25දා) එරට ආරක්ෂක අංශ භාරයට පත්වී ඇති බවට වාර්තා වෙයි.

අන්තර්වාර ආණ්ඩුවක අගමැතිධුරය භාර ගැනීමට තමන්ට සූදානමක් නොමැති බවත් අන්තර්වාර ආණ්ඩුවකට නව අගමැතිවරයෙක් පත්විය යුතු බවත් හිටපු ජනපති, ශ්‍රී ලංකා නිදහස් පක්ෂ පාර්ලිමේන්තු මන්ත්‍රී මෛත්‍රීපාල සිරිසේන මහතා පැවැසීය.

විදුලි ගාස්තු වැඩි කිරීම සම්බන්ධයෙන් තවමත් අවසන් තිරණයක් ගෙන නොමැති බව විදුලි බව හා බලශක්ති අමාත්‍ය කාංචන විජේසේකර මහතා පවසයි.

සමගි ජන බලවේගය විසින් සංවිධානය කරන ලද පා ගමන අද (26දා) පෙරවරු 10:30 ට මහනුවර මධ්‍යම වෙළඳපොළ ඉදිරිපිටින් ආරම්භ විය .

පුත්තලම නගර සභාවේ නාගරික මන්ත්‍රිවරුන් හා මන්ත්‍රිවරියන් පිරිසක් පාපැදි හා කරත්ත වල නැගි රජයට විරෝධය පාමින් අද (26දා) පැවති නගර සභා රැස්විමට පැමිණයහ.

ණය ප්‍රතිව්‍යුහ ගත කිරීම වෙනුවට ශ්‍රී ලංකාව ඉදිරියේදී චීනයට ගෙවිමට ඇති ණය පියවා ගැනිම වෙනුවෙන් තවත් ණයක් චීනය ලබාදීමට කැමැත්ත ප්‍රකාශ කර ඇති බව කැබිනට් ප්‍රකාශක අමාත්‍ය, ආචාර්ය නාලක ගොඩහේවා මහතා ප්‍රකාශ කරයි. අද පැවැති කැබිනට් තීරණ දැනුම් දීමේ මාධ්‍ය සාකච්ඡාවට ඒක්වෙමින් ඔහු මේ බව ප්‍රකාශ කළේය.

කොළඹ කොටස් වෙළඳපොළ ගනුදෙනු තාවකාලිකව අත්හිටුවිමට කොටස් වෙළඳපොල කටයුතු කර තිබේ. ඒ ශ්‍රී ලංකා එස්. ඇන්ඩ් පී. දර්ශකය ඒකක 7.5කින් කඩා වැටීම හේතුවෙනි. කොටස් වෙළඳපොළ ගනුදෙනු මෙසේ අද දිනයේදී අත්හිටවනු ලැබුවේ දෙවැනි අවස්ථාවටය.

විදුලි බිල ඉහළ දැමීමට මහජන උපයෝගිතා කොමිෂන් සභාව විසින් ලංකා විදුලි බල මණ්ඩලයට අවසර දී ඇති බව වාර්තා වෙයි.

තම කොණ්ඩය කපා ගැනිමට සැලුනයට පැමිණි උකුවෙල ප්‍රාදේශිය සභා මන්ත්‍රිවරයෙකු බාබර්ගේ රුපියල් හතලිස්දහසක් පමණ වටිනා ජංගම දුරකතනය රැගෙන ගොස් ඇති බවට පැමිණිල්ලක් ලැබි ඇති බව මාතලේ මුලස්ථාන පොලිසිය පවසයි.

ගෑස් මිල ඉහළ දැමීම සම්බන්ධයෙන් වන තිරණය අද දිනයේදී ගැනීමට නියමිත බව සම කැබිනට් මාධ්‍ය ප්‍රකාශක අමාත්‍ය, වෛද්‍ය රමේෂ් පතිරණ මහතා පැවැසීය.

මන්නාරම ප්‍රදේශයට බියර් තොගයක් ප්‍රවාහනය කර නැවත පැමිණෙමින් තිබු ලොරි රථයක් අනුරාධපුර රඹෑව ඒ 20 මාර්ගයේ උත්තර සාලිය විහාරස්ථානය ආසන්නයේදී අද (26දා) අළුයම බස් රථයක ගැටී සිදුවූ අනතුරකින් පුද්ගලයෙකු බරපතළ තුවාල ලබා අනුරාධපුර ශික්ෂණ රෝහලට ඇතුළත් කර ඇති බව අනුරාධපුර පොලිසිය පවසයි.

(LONG READS)බ්‍රිතාන්‍යයන් විසින් උඩරට දුම්රිය මාර්ගය ඉදිකිරීමේදී ඇතැම් ගොඩනැගිලි සඳහා වික්ටෝරියානු ගෘහ නිර්මාණ ශිල්පය භාවිත කර ඇත. කාලයත් සමග එම ගොඩනැගිලිවල විවිධ වෙනස්කම් සිදුවුවද, ඉතිරිව ඇති ඇතැම් ගොඩනැගිලිවලට සංචාරක වටිනාකමක් ඇත. බණ්ඩාරවෙල දුම්රිය ස්ථානයද බ්‍රිතාන්‍යයන් ඉදිකරන ලද්දේ වික්ටෝරියානු ගෘහ නිර්මාණ ශිල්පයට අනුවය.