රටේ සිසු පරපුර 2048 වන විට රට භාර ගැනීමට හැකිවන පරිදි නවීන තාක්‍ෂණයේ සියලු අංශ පිළිබඳ දැනුමෙන් සන්නද්ධ විය යුතු බවත්, තාක්ෂණයේ නවතම දියුණුවත් සමග යාවත්කාලීන වෙමින් අනාගතය සඳහා සූදානම් විය යුතු බවත් ජනාධිපති රනිල් වික්‍රමසිංහ මහතා පැවසීය.

මිදිගම පොලිස් වසමේ ගුරු බැබිල ප්‍ර දේශයේදී අවන්හල් හිමියෙක් වෙඩි තබා ඝාතනය කර ඇතැයි පොලීසිය කියයි. වැගන් ආර් රථයකින් පැමිණි පිරිසක් මෙම වෙඩි තැබීම ඊයේ සවස්කාලයේදි සිදුකර තිබේ.

නීතිවිරෝධී රැස්වීමක සාමාජිකයන් වී නවක වදය ලබාදීම සඳහා සබරගමුව විශ්වවිද්‍යාලයේ නේවාසිකාගාරය වෙත අයුතු ලෙස ඇතුළු වී නවක සිසුන්ට පහරදී තුවාල සිදුකිරීම සම්බන්ධයෙන් සැකකරුවන් තිදෙනෙක් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

BOAO ආසියා සංසදය සංසදයේ වාර්ෂික සමුළුව මාර්තු 28 සිට 31 දා දක්වා චීනයේ හයිනාන් ප්‍රාන්තයේ BOAO හි පැවැත්වේ.

පාස්කු දින ප්‍රහාර සම්බන්ධයෙන් චෝදනා එල්ල වී සිටියදී 2019 වසරේ අප්‍රේල් මස 26 වැනිදා සයින්දමරුදු ප්‍රදේශයේ නිවසකදී මරාගෙන මැරෙන බෝම්බයක් පුපුරුවා හැරීමෙන් මියගිය පිරිස පුලස්තනී මහේන්ද්‍රන් හෙවත් සාරා ජස්මින්ද සිටින බව තහවුරු වී තිබේ.

අද පෙරවරු 6 සිට සවස 4 දක්වා ඛනිජ තෙල් තොග ගබඩා පර්යන්තය විසින් පෙට්‍රල් හා ලංකා ඔටෝ ඩීසල් ලීටර් 6600 ධාරිතාවයෙන් යුත් බවුසර් 1086කට ඉන්ධන සපයා ඇතැයි විදුලි බල හා බලශක්ති අමාත්‍ය කංචන විජේසේකර මහතා කියයි.

ශ්‍රී ලංකා පාර්ලිමේන්තුවේ හිටපු කථානායකවරයෙකු සහ කැබිනට් අමාත්‍යවරයෙකු වූ අභාවප්‍රාප්ත ජෝශප් මයිකල් පෙරේරා මහතාගේ දේහය අවසන් ගෞරව දැක්වීම පිණිස හෙට (30) පෙරවරු 9.00 ට පාර්ලිමේන්තු සංකීර්ණය වෙත රැගෙන ඒමට නියමිත බව පාර්ලිමේන්තුවේ මහ ලේකම් ධම්මික දසනායක මහතා පැවසීය.

වනසතුන්ගෙන් සිදුවන වගා හානි වැළැක්වීම සඳහා ජනප්‍රිය නොවන පියවර ගැනීමට සිදු වන බවත්, වනසතුන්ගෙන් සිදුවන් වගා හානි වළක්වා ගැනීම සඳහා අනුගමනය කළ යුතු නිශ්චිත ක්‍රියාමාර්ග පිළිබඳ ඝෘජු අවසන් නිර්දේශ කෘෂිකර්ම අමාත්‍යාංශයට ලබා ලෙසත් කෘෂිකර්ම අමාත්‍ය මහින්ද අමරවීර මහතා විද්වත් ප්‍රජාව වෙතින් ඉල්ලිමක් කළේය.

ලංකා ඛනිජ තෙල් නීතිගත සංස්ථාව යටතේ පවතින වෘත්තීය සමිති හතරක නායකයන් වෙත සංස්ථාව මගින් ලබාදී තිබූ වාහන හතරක් යළි පවරා ගැනීමට කටයුතු කළ බව විදුලි බල හා බලශක්ති අමාත්‍ය කංචන විජේසේකර මහතා පවසයි.

විදේශ ශ්‍රමිකයන්ට ඔවුන්ගේ ප්‍රේෂණ අනුව විදුලි වාහන ආනයනය කිරීමට ලබාදී ඇති කාලය දීර්ඝ කරන බව කම්කරු හා විදේශ රැකියා අමාත්‍ය මනූෂ නානායක්කාර මහතා පැවසීය. ඒ අනුව එම වාහන ආනයනය කිරීමට ලබාදී තිබූ කාලය මේ වසරේ අගෝස්තු මාසය දක්වා දීර්ඝ කර තිබේ. එසේම පෞද්ගලික මට්ටමින් මෙරටට ඩොලර් ගෙන එන වෙනත් පුද්ගලයින්ටද විදුලි වාහන ආනයනය කිරීමට බලපත්‍ර ලබාදීමේ යාන්ත්‍රණයක් සකස් කරන බවද ඔහු පැවසීය.

අඛණ්ඩ ඉන්ධන සැපයුමක් සහතික කරන බවත් උත්සව සමයට අවශ්‍යතරම් ඉන්ධන තොග පවත්වාගෙන යන බවත් විදුලි බල හා බලශක්ති අමාත්‍ය කංචන විජේසේකර මහතා පැවැසීය.

මෙම ශ්‍රී ලංකා – තායිලන්ත නිදහස් වෙළෙඳ ගිවිසුම පිළිබඳ සිව්වන සාකච්ඡා වටය අදින් (29) අවසන් විමට නියමිතය.

ඉන්ධන මිල අඩුවීමට සාපේක්ෂව බස් ගාස්තු සංශෝධනය වන ආකාරය ප්‍රවාහන අමාත්‍යාංශය විසින් ප්‍රකාශයට පත්කර තිබේ.

ඛනිජ තෙල් සංස්ථාවේ වෘත්තීය සමිති ආරම්භ කළ වැඩ වර්ජනය සමගම ඉන්ධන හිඟ වේ යැයි බියෙන් ඉන්ධනහල් අසල පාරිභෝගිකයන්ගේ දිගු පෝලිම් පෙරවරුවේ දක්නට ලැබිණි

රටේ මූල්‍ය තත්ත්වය යහපත් වීමත් සමඟ, ඉදිකිරීම් ක්ෂේත්‍රයේ මතුව ඇති ගැටලු සඳහා ද පියවරෙන් පියවර විසඳුම් ලබාදීමට කටයුතු කරන බව ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානි සාගල රත්නායක මහතා පැවසීය.

ජනාධිපති රනිල් වික්‍රමසිංහ මහතාගේ උපදෙස් මත ක්‍රියාත්මක සුබසාධක ප්‍රතිලාභ ගෙවීම සඳහා සුදුස්සන් හඳුනාගැනීමේ වැඩසටහනෙහි මේ වන විට ක්‍රියාත්මක තොරතුරු සමීක්ෂණය හා තොරතුරු තහවුරු කර ගැනීමේ ක්‍රියාවලිය මගින් ලැබී ඇති අයැදුම්පත් ලක්ෂ 22කගේ වැඩි ප්‍රමාණයක තොරතුරු තහවුරු කර ගැනීම අවසන් කර ඇත.

ඉන්ධන මිල අඩුකිරිමට සාපේක්ෂව ත්‍රි රෝද රථ ගාස්තුද අඩු කිරීමට සම්ස්ත ලංකා ත්‍රිරෝද රථ රියදුරන්ගේ සංගමය තීරණය කර තිබේ. මේ අනුව පළමු කිලෝමීටරය වෙනුවෙන් අයකරන ගාස්තුව රුපියල් 100ක් දක්වාත් දෙවැනි කිලෝමීටරයේ සිට අයකරන ගාස්තුව රුපියල් 80ක් දක්වාත් අඩුකරනු ඇත.

අනුරාධපුර නගරයේ රාජ්‍ය ආයතන දෙකක සහ බැංකුවක දොරගුළුවල යතුරු ආරක්ෂාව සඳහා අනුරාධපුර පොලිසියේ තබා තිබියදී අතුරුදහන් වීම හේතුවෙන් එම ආයතනවල සේවකයින් සහ සේවාවන් ලබා ගැනීමට පැමිණි පුද්ගලයින් අද (29දා) පැය දෙකකට ආසන්න කාලයක් දුෂ්කරතාවට පත් වූහ.

ඉන්ධන මිල අඩුකිරිමට සාපේක්ෂව බස් ගාස්තුද අඩු කිරිමට ප්‍රවාහන අමාත්‍යාංශය තීරණය කර තිබේ. ඒ අනුව අවම බස් ගාස්තුව රුපියල් 30ක් දක්වා අඩු කිරීමට නියමිතය.

හෝමාගම පාසලක අධ්‍යාපනය ලබන නව හැවිරිදි දැරියකට පහරදීමේ සිද්ධියක් සම්බන්ධයෙන් එම පාසලේ පන්තිභාර ගුරුවරියක අත්අඩංගුවට ගත් බව හෝමාගම මූලස්ථාන පොලිසිය පවසයි.

ලංකා ඛනිජ තෙල් නීතිගත සංස්ථාව විසින් ඉන්ධන මිල අඩුකිරීමට සාපේක්ෂව ලංකා ඉන්දීය තෙල් සමාගමද සිය ඉන්ධන මිල පහළ දැමීමට තීරණය කර තිබේ. ඒ අනුව ලංකා ඛනිජ තෙල් සංස්ථාව අඩුකළ මිලටම ලංකා ඉන්දීය තෙල් සමාගමද අද මධ්‍යම රාත්‍රි යේ සිට ඉන්ධන මිල අඩු කරනු ඇත.

ඛනිජ තෙල් නීතිගත සංස්ථාවේ වර්ජනය මෙහෙයවන මෙන්ම කඩාකප්පල්කාරී ක්‍රියා සිදුකළ වෘත්තීය සමිති නායකයන් ඇතුළු 20ට වැඩි පිරිසක් අනිවාර්ය නිවාඩු යැවීමට කටයුතු කර ඇතැයි විදුලි බල හා බලශක්ති අමාත්‍ය කංචන විජේසේකර මහතා පැවැසීය.

අද කොළඹදී පැවැති මාධ්‍ය හමුවකදී ඔහු ප්‍රකාශ කළේ ඔක්ටෙන් 92 පෙට්‍රල් ලීටරයකි රුපියල් 60 කින්, ඔක්ටෙන් 95 පෙට්‍රල් ලීටරයක් රුපියල් 135 කින් , ලංකා ඔටෝට ඩීසල් ලීටරයක් රුපියල්රු 80 කින් සහ සුපර් ඩීසල් ලීටරයක් රුපියල් 45 කින් හා භූමිතෙල් ලීටරයක් රුපියල් 10කින් පහළ දමන බව ඔහු කීවේය.

උපයන විට ගෙවීමේ (Pay-As-You-Earn Tax) බද්ද පැන වෙන්නේ ශ්‍රම බලකායෙන් අතිශය කුඩා කොටසක් මත පමණක් බව රාජ්‍ය අමාත්‍ය සියඹලාපිටිය ප්‍රකාශ කර සිටී. ඔහු පාර්ලිමේන්තුවේදී මෙම කරුණ සඳහන් කළ අවස්ථාවේ සිට මේ දක්වා කාලය තුළ එම ප්‍රකාශය ඉහළ පෙළේ තීරණ ගන්නවුන් සහ මාධ්ය විසින් උපුටා දක්වන ලද අතර ඒ සඳහා පුළුල් ප්‍රචාරණයක් ලබා දී තිබේ.

ඩොලරයේ අගය පහළ ගොස් රුපියලේ අගය ඉහළයාමත් සමග නිමි තේ කිලෝවක් සදහා ලැබෙන මුදල රු 200 කින් පහළ බැස ඇති බව වතු අධිකාරිවරුන් පැවසිය.

අද පෙරවරු 6.00 සිට පෙරවරු 9.00 දක්වා ගතවූ පැය තුනක කාලය තුළදී ලංකා ඛනිජ තෙල් සංස්ථාව සතු ඉන්ධන නිකුත් කිරීමේ මධ්‍යස්ථාන තුළින් ඉන්ධන බවුසර් 208ක් නිකුත් කිරිමට කටයුතු කළ බව විදුලි බල හා බලශක්ති අමාත්‍ය කංචන විජේසේකර මහතා පවසයි.

නිරුවත් ඡායාරූප අනියම් සැමියාට යැවූ බිරිඳව ඝාතනය කිරීමට සූදානම්ව සිටී පුද්ගලයකු අඩි දෙකහමාරක් පමණ දිගැති කඩුවක් සමග අත්අඩංගුවට ගත්බව පානදුර දකුණ මූලස්ථාන පොලිසිය පවසයි.

පුත්තලම ප්‍ර දේශයේ පවතින රක්ෂණ ආයතනක සේවිකාවන් තිදෙනෙකුට ලිංගික අතවර කළ බව කියන එම ආයතනයේම සාමාන්‍ය කළමණාකරුවෙක් හා තවත් සේවකයෙක් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

අද උදෑසන 6 ට කොළොන්නාව සහ මිතුරරාජවෙල පර්යන්තවල ඉන්ධන බෙදා හැරීම ආරම්භ කළ බව විදුලි බල හා බලශක්ති අමාත්‍ය කංචන විජේසේකර මහතා පවසයි.