එක්කෝටි හැට ලක්ෂයක ලිංගික උත්තේජක තොගයක් අල්ලයි

ඉන්දියාවේ සිට  මාලු බෝට්ටු තුළ සඟවා නීති විරෝධී ලෙස මෙරටට ආනයනය කර තිබූ රුපියල් එක්කෝටි හැට ලක්ෂයක් පමණ වටිනා ලිංගික උත්තේජක තොගයක් සමග ව්‍යාපාරිකයකු අත්අඩංගුවට ගත් බව කොළඹ අපරාධ කොට්ඨාසය කියයි.

සැකකරු සමඟ ලිංගික උත්තේජක පෙති 31750 ක්  ලිංගික උත්තේජක ජෙල්  පැකට් 259 ක් පොලිස් භාරයට ගෙන ඇත.

කොළඹ අපරාධ කොට්ඨාසයට අනුයුක්ත බස්නාහිර පළාත් දූෂණ මර්දන අංශයට ලද  ලද තොරතුරකට අනුව කොළඹ 12  කෙසෙල් වත්ත සිල්වර් ස්මිත් පටුමග නිවසක් වටලා බලපත්‍ර නොමැතිව මෙරට මෙරටට ආනයනය කර ගබඩා කර තිබූ මෙම උත්තේජක තොගය පොලිස් භාරයට ගෙන ඇත.

සැකකරුගෙන් සිදු කළ ප්‍රශ්න කිරීමේදී වෙනත් පුද්ගලයකුට මුදලට ලබාදෙන තෙක් මේවා ගබඩාකර තැබූ බවට සැකකරුගෙන් අනාවරණය වූ බව පොලිසිය කියයි.

වයස අවුරුදු 61ක් වන සැකකරු කෙසෙල් වත්ත සිල්වර් ස්මිත්  පටුමග පදිංචිකරුවෙකි. සැකකරු මාලිගාකන්ද අධිකරණය වෙත ඉදිරිපත් කිරීමට නියමිතය.

කොළඹ අපරාධ කොට්ඨාසයේ අධ්‍යක්ෂ සහකාර පොලිස් අධිකාරී නෙවිල් ද සිල්වා මහතාගේ උපදෙස් මත ස්ථානාධිපති ප්‍රධාන පොලිස් පරීක්ෂක ඇන්ස්ලම් ද සිල්වා  මහතාගේ මෙහෙයවීමෙන් බස්නාහිර පළාත් දූෂණ මර්දන   අංශයේ ස්ථානාධිපති උප පොලිස් පරීක්ෂක ආර් එල් ආර්  මධුරංග උප පොලිස් පරීක්ෂක බුද්ධික  රාජපක්ෂ මහතා ඇතුළු නිලධාරීන් පරීක්ෂණ පවත්වයි.