මහා භාණ්ඩාගාරයේ මුදල් යොදවා කන්න හතරකදි රජය, දිස්ත්‍රික් ලේකම්වරුන් හරහා මිලදී ගත් වී තොග සහල් බවට පත්කිරීමෙන් පසුව පොලොන්නරුව දිස්ත්‍රික් ලේකම්වරයා යටතේ තිබු සහල්වලින් හාල් කිලෝ ලක්ෂ හතළිස්එකක් අතුරුදහන් වී ඇතැයි එක්සත් සහල් නිෂ්පාදකය්න්ගේ සංගමයේ සභාපති මුදිත පෙරේරා මහතා සඳහන් කළේය

වංචා, දූෂණ හෙළිදරව් කිරීමේදී ඒ පිළිබඳ සොයා බලා ක්‍රියාමාර්ග ගැනීම වෙනුවට අදාළ හෙළිදරව්ව සිදු කළ පණිවුඩකරුවා විනාශ කිරීමට කටයුතු කිරීම පිළිකුලෙන් යුතුව හෙළා දැකිය යුතු කාරණයක් බව 43 වැනි සේනාංකයේ නායක පාර්ලිමේන්තු මන්ත්‍රී පාඨලී චම්පික රණවක මහතා පැවසීය.

තුර්කියේ දකුණුදිග සීමාවට සහ සිරියාවේ වයඹදිග සීමාවට අද (06දා) බලපෑ රික්ටර් පරිමාණ 7.8ක ප්‍රබලත්වයෙන් යුත් භූකම්පනය හේතුවෙන් දෙරටේම 2,300කට අධික පිරිසක් මිය ගොස් ඇතැයි වාර්තා වෙයි.

මැතිවරණය කල් යනවද නැද්ද කියලා මට කියන්න පුළුවන් කමක් නැහැ. ඒකට තීන්දුව දෙන්නේ මැතිවරණ කොමිෂම සහ රජය තමයි ඒගොල්ලන්ගෙ සාකච්ඡා තුළ දැන් ලබන 09, 10 ශ්‍රේෂ්ඨාධිකරණයේ නඩුවක් තිබෙනවා.

මහියංගණ වෙහෙර වැදපුදා ගැනිමට පැමිණි හතරවන උදය රජතුමාට සොරබොර හෝපිටිගම ගම්වැසියන් විසින් අසාධාරන බදු වැඩිකිරිම් පිළිබදව පැමිණිලි කළ අතර වහාම වැඩි කල බදු ඉවත්කර පෙර තිබූ බදුම ලබාගන්නා ලෙස නියම කර බදු ව්‍යවස්ථාව ගල්කණුවක කොටා සොරබොර ටැම්ලිපිය පිහිටවූ බවත් ආදිවාසී නායක ඌරුවරිගේ වන්නියලැ ඇත්තෝ පෙන්වා දෙති.

කෘෂිකර්ම අමාත්‍යවරයාට හා අමාත්‍යාංශයේ නිලධාරින් කාබනික පොහොර බෙදාහැරීමේ දී රජයේ මුදල් අයථා ලෙස පරිහරණය කළ බවට ජාතික ගොවිජන එකමුතුවේ සභාපති අනුරාධ තෙන්නකෝන් නැමැත්තෙක් විසින් පුද්ගලික යූ ටියුබ් නාලිකාවක් ඔස්සේ හා ඇතැම් මාධ්‍ය ඔස්සේ සිදු කර ඇති අපහාසාත්මක හා පදනම් විරහිත චෝදනා සම්බන්ධව නීතිමය පියවර ගැනීමට කෘෂිකර්ම අමාත්‍යාංශය තීරණය කර තිබේ.

වර්ෂාව නිසා ඇතැම් දිස්ත්‍රික්කවල වී වගාවට හානි සිදු වී ඇති බව කෘෂිකර්ම අමාත්‍යාංශයට ගොවි ජනතාව විසින් ඉදිරිපත් කරන වාර්තා අනුව මේ සම්බන්ධව අවධානය යොමු කරමින් අදාල ගොවීන්ගේ වගා හානි සම්බන්ධව වාර්තා ලබා ගන්නා ලෙස කෘෂිකර්ම අමාත්‍ය මහින්ද අමරවීර මහතා කෘෂිකාර්මික හා ගොවිජන රක්ෂණ මණ්ඩලයට උපදෙස් දෙනු ලැබීය.

නවවැනි පාර්ලිමේන්තුවේ සිව්වැනි සභාවාරය ජනාධිපති රනිල් වික්‍රමසිංහ මහතාගේ ප්‍රධානත්වයෙන් උත්සවාකාරයෙන් 2023.02.08 වැනිදා විවෘත කිරීමට නියමිතය. ඊට අදාළ පෙරහුරුව පාර්ලිමේන්තුව පරිශ්‍රයේදී අද (06) පැවැත්වූ අතර කෝට්ටේ ජනාධිපති බාලිකා විද්‍යාලයේ සිසුවියන් ඇතුළු පිරිසක් ඊට එක්ව සිටියහ.

කඹුරුගමුව බොරොල්ල පාර දුම්රිය හරස් මාර්ගයේ දී අද (06දා) සවස මාතර සිට මහනුවර බලා ධාවනය වෙමින් තිබූ ශීඝ්‍රගාමී දුම්රියේ මෝටර් රථයක් ගැටීමෙන් එහි රියැදුරා ජීවිතක්ෂයට පත්ව ඇතැයි මාතර මූලස්ථාන පොලීසිය පවසයි.

කුරුණෑගල ප්‍රදේශයට ආගන්තුක සත්ත්ව විශේෂයක් වශයෙන් සැලකෙන කිඹුලන් පොතුහැර පාත්‍රාගලවත්ත ගම්මානයේ වැවකට පැමිණ සිටීම හේතුවෙන් එම ප්‍රදේශයේ පදිංචි ජනතාව දැඩි භීතියකට පත්ව සිටිති.

අපරාධ පරීක්ෂණ දෙපාර්තමේන්තුව විසින් අත්අඩංගුවට ගත් යූටියුබ් වීඩියෝ නිර්මාණකරුවෙක් වන දර්ශන හඳුන්ගොඩ කොළඹ කොටුව මහේස්ත්‍රාත් අධිකරණයට ඉදරිපත් කිරීමෙන් අනතුරුව ඇප මත නිදහස් කෙරිණ.

උසස් පෙළ විභාගය පැවැත්වෙන කාලසීමාව තුළ විදුලිය කප්පාදුකිරීම වැළැක්වීමේ නියෝගයක් නිකුත් කරන ලෙස ඉල්ලා මහජන උපයෝගීතා කොමිසම ගොනුකළ පෙත්සම සලකාබැලීමට මේ මස 8 වනදා එය කැඳවන ලෙස අභියාචනාධිකරණය නියම කළේය.

උඩරට වතුකරයේ ජනතාව සඳහා ඉන්දීය රජයේ ආධාර මත නව වතු නිවාස 10000 ක් කඩිනමින් වතුකරය තුළ ආරම්භ කිරීමට සැළැසුම් කොට ඇති බවත්, එම නිවාස දේශපාලන පක්ෂ හා වෘත්තීය සමිති භේදයකින් තොරව වතු කම්කරුවන්ට නිසි පරිදි ලබාදීමට පියවර ගන්නා බව ලංකා කම්කරු කොංග්‍රසයේ ලේකම් හා ජල සම්පාදන හා වතු යටිතල පහසුකම් අමාත්‍ය ජීවන් තොණ්ඩමාන් මහතා පැවැසීය.

ලිට්‍රෝ ‍ සමාගම ගෑස් මිල ඉහළ දැමීමට සාපේක්ෂව ලාෆ්ස් සමාගමද සිය ගෑස් මිල ඉහළ දැමිමට කටයුතු කර තිබේ

බිත්තර සඳහා නව පාලන මිලක් නියම කරමින් නව ගැසට් නිවේදනයක් නිකුත් කර ඇති බව පාරිභෝගික සේවා අධිකාරිය අද (06දා) අධිකරණයට දැනුම් දුන්නේය.

ආර්ථිකය කළමණාකරනය කරගෙන යන මොහොතකදී මැතිවරණයක් වෙනුවෙන් රුපියල් බිලියන 10 ක මුදලක් වෙන්කිරීම ලේසි පහසු දෙයක් නොවන බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.

ශ්‍රී ලංකාවේ තවත් ප්‍රමුඛ පෙළේ ව්‍යාපාරිකයෙක් වන කමිල් හුසේන් මහතා කෙන්නියාවේදී ජීවිතක්ෂයට පත්ව තිබේ.

තරගයෙන් අනතුරුව සිය ට්විටර් ගිණුමෙන් දසුන් හා රාසා තරගයේ ක්‍රීඩා කරන අවස්ථා කිහිපයක් තම ට්විටර් ගිණුමට ඒක්කරමින් පවසා තිබුණේ මල්ලි - අයියා යනුවෙනි.

පවුල් ආරවුලක් මුල් කර ගෙන වයස අවුරුදු 6 සහ 9 ක් වයසැති දුව හා පුතා ඝාතනය කර පියාද සියදිවි හානිකර ගැනීමේ සිදුවීමක් අරණායකින් වාර්තා වෙයි.

නවම් පෝහෝ දින අනුරාධපුර රුවන්වැලි මහා සෑය වන්දනා කිරීමට පැමිනි බැතිමතුන් වෙත ගෝවා දන්සලක් දීමට නොරෝච්චෝල ගොවියකු කටයුතු කර තිබුණි.

ගෑස් මිල වැඩිවන බව දැන සිටි හැටන් ප්‍රදේශයේ ලිට්‍රෝ ගැස් අලෙවි නියෝජිතයන් දින දෙකක් තිස්සේ වෙලදසැල් වසා දමා ඊයේ (05දා) දින මධ්‍යම රාත්‍රියේ සිට එම සමාගම විසින් ගැස් මිල වැඩි කිරිමත් සමග අද (06) දින උදෑසන එම වෙලදසැල් විවෘත කර ගෘහස්ථ ගැස් සිලින්ඩර් නව මිලට අලෙවි කරන අයුරු අප කැමරාවේ සටහන් විය.

පේරාදෙණිය සරසවි උයන තෙල් ගබඩාවේ සිට මහියංගන ලංගම ඩිපෝව සඳහා ඩීසල් ලීටර 6600 ක් ප්‍රවාහනය කරමින් තිබූ බවුසර් රථයක් උඩදුම්බර පොලිස් වසමේ කෝවිල්මඩ ප්‍රදේශයේ දී මාර්ගය හරහා පෙරළී ගොස් ඇති බව පොලීසිය පවසයි.

එක්සත් ජාතීන්ගේ සංසංවිධානයේ හිටපු මහ ලේකම් බැංකි මූන් මහතා ශ්‍රී ලංකාවේ කෙටි සංචාරයක් සදහා අද (06දා) අලුයම කටුනායක ගුවන් තොටුපළ වෙත පැමිණියේය.

යාපනය, තාවඩි ප්‍රදේශයේ ඊයේ (05) රාත්‍රියේ සිදුවු යතුරුපැදි වෑන්රථ අනතුරකින් තරුණයෙකු ජිවිතක්ෂයට පත්ව තවත් අයෙකු බරපතල තුවාල ලුබූ බව ‍යාපනය පොලීසිය පැවසීය.

යූටියුබ් වීඩියෝ නිර්මාණකරුවෙක් වන දර්ශන හදුන්ගොඩ මහතා ඩුබායි සිට මෙරටට පැමිණෙමින් සිටියදී ඊයේ (05දා) රාත්‍රී කටුනායක ගුවන් තොටුපළ පැමිණීමේ පර්යන්තයේ දී පරිගණක අපරාධ කොට්ඨාසයේ විශේෂ කණ්ඩායමක් විසින් අත් අඩංගුවටගෙන ඇති බව පොලිස් මාධ්‍ය ප්‍රකාශක නීතීඥ නිහාල් තල්දූව මහතා ද තහවුරු කළේය.

ඔපෙක්ස් හෝල්ඩින්ග්ස් කළමනාකාර අධ්‍යක්ෂවරයා මෙන්ම මෙරට ප්‍රමුඛ පෙළේ බිලියනපති ව්‍යාපාරිකයෙක් වන ඔනේෂ් සුබසිංහ මහතා ඉන්දුනීසියාවේ සංචාරකය නිරත වෙමින් සිටියදී ජීවිතක්ෂයට පත්ව තිබේ.

ස්ථාන දෙකකදී සිදුවූ දිය අනතුරු දෙකකින් පුද්ගලයින් සිව් දෙනෙක් ජීවිතක්ෂයට පත්ව ඇතැයි පොලීසිය කියයි. හලාවත, එගොඩවැල්ල, දැදුරු ඔය මෝය කටේ දිය නාමින් සිටි පියා (අවු. 35), ඔහුගේ දියණිය (අවු.6) හා තවත් ඥාති පුතෙක් (අවු 7) දියේ ගිලී ජීවිතක්ෂයට පත්ව තිබේ.

ද්විත්ව මිනී මැරුමක් සම්බන්ධයෙන් රක්ෂිත බන්ධනාගාර ගතව සිටි පුද්ගලයෙකු දුම්බර බන්ධනාගාරයේ රෝහල් පරිශ්‍රය තුළදී ගෙල වැලලාගෙන මිය ගොස් ඇති බව පල්ලේකැලේ පොලිසිය පවසයි.

තලංගම රෙදිපිලි අලෙවිසැලක හිමිකාර කෝටිපති ව්‍යාපාරිකයාගේ ඝාතනය සම්බන්ධයෙන් සොයමින් සිටි අඹුසැමි යුවළ කඩවත ප්‍රසිද්ධ රෙදිපිළි අලෙවි සැලක් ඉදිරිපිටදී අත්අඩංගුවට ගත් බව කඳාන පොලිසියේ ස්ථානාධිපති ප්‍රධාන පොලිස් පරීක්ෂක ගාමිණී හේවාවිතාරණ මහතා පැවසීය.