ශ්‍රී ආර්ථිකයේ ස්ථාවරය ආරක්ෂා කිරීම සඳහා ශ්‍රී ලංකා මහ බැංකුව සිය මුදල් ප්‍රතිපත්ති ස්ථාවරය සැලකිය යුතු ලෙස දැඩි කර තිබේ. ඒඅනුව මහ බැංකුවේ නිත්‍ය තැන්පතු පහසුකම් අනුපාතය හා නිත්‍ය ණය පහසුකම් අනුපාතය පදනම් ඒකක 700 බැගින් ඉහළ නැංවීමට තීරණය කර තිබේ.

කොස්ටාරිකාවේ සැන් ජෝස් හිදි භාණ්ඩ ප්‍රවාහන ගුවන් යානයක් හදිසි ගොඩබෑමකදී මෙම අකරතැබ්බයට මුහුණදී තිබුණි.

සිංහල සහ හින්දු අලුත් අවුරුද්ද වෙනුවෙන් එළැඹෙන 13,14 හා 15දා විදුලිය කප්පාදු නොකරන බව මහජන උපයෝගිතා කොමිසමේ සභාපති ජනක රත්නායක මහතා පැවසීය.

ජීවිත 50කට වඩා අහිමි කරමින්, රුසියානු දේශසීමාවේ පිහිටි යුක්රේන නගරයක් වෙත එල්ල කරන ලද මාරාන්තික මිසයිල ප්‍රහාරය පිටුපස යුක්රේනය සිටින බව රුසියාව අවධාරණය කරයි.

ඇමෙරිකා එක්සත් ජනපදයේ නිව්යෝක් හි බ්‍රොන්ක්ස් හි පාසලක් ඉදිරිපිට වෙඩි තැබීමකින් 16 හැවිරිදි දැරියක් මිය ගොස් තවත් යෞවනයන් දෙදෙනෙකු තුවාල ලබා තිබේ.

සර්වපාක්ෂික අන්තර්කාලීන ආණ්ඩුවක් ස්ථාපිත කිරීමට අදාළව ආණ්ඩු පක්ෂයේ ස්වාධීන වූ පාර්ලිමේන්තු මන්ත්‍රීකණ්ඩායම ජනාධිපතිවරයා වෙත යෝජනාවලියක් ඉදිරිපත් කර ඇත.

ආණ්ඩුවට සහ ජනාධිපතිවරයාට එරෙහිව විශ්වාසභංගයක් සහ දෝෂාභියෝගයක් ගෙන එන බව ගම්පහ දිස්ත්‍රික් ජාතික ජන බලවේගයේ පාර්ලිමේන්තු මන්ත්‍රී‍ විජිත හේරත් මහතා අද (8දා) පාර්ලිමේන්තුවේදී පැවසීය.

පුද්ගලික ප්‍රශ්නයක් මුල් කර ගනිමින් වෑන් රථයකින් පැමිනි චිවරධාරින් පිරිසක් ඊයේ (7දා) සවස ආණමඩුව කුඩාවැව ප්‍රදේශයේ තරුණයකුට පහර දී ඇති බව ආණමඩුව පොලිසිය පවසයි.

කලුබෝවිල දකුණ කොළඹ ශික්ෂණ රෝහලේ සෞඛ්‍ය සේවකයින් අද (8දා) දහවල් විරෝධතාවයක නිරත විය.

මුදල් අමාත්‍යාංශයේ නව ලේකම්වරයා ලෙස පත් වූ කේ. එම්. මහින්ද සිරිවර්ධන මහතා අද (08දා) සිය ධුරයේ වැඩ භාර ගත්තේය.

ජනාධිපතිවරයා ඉල්ලා අස්වීම භාර ගෙන නැති බැවින් ජනාධිපති නීතිඥ අලි සබ්‍රි මහතා මුදල් අමාත්‍ය ධූරයේ තවදුරටත් කටයුතු කරන බව රාජ්‍ය අමාත්‍ය කාංචන විජේසේකර මහතා අද(08දා) පාර්ලිමේන්තුවේදී පැවසීය.

ගල්කිස්ස අධිකරණයේ ජ්‍යෙෂ්ඨ සහ කණිෂ්ඨ නීතිඥ මහත්ම මහත්මීන් ආණ්ඩුවට සිය විරෝධයපාමින් අද (8දා) ගල්කිස්ස අධිකරණ භූමිය ඉදිරිපිට විරෝධතාවයක නියැලිණි.

මීරිගම ප්‍රාදේශීය සභාවේ මාසික රැස්වීම පැවැත්වෙන අතර අද (8දා) දහවල් 11.40ට පමණ එක්සත් ජාතික පක්ෂයේ මන්ත්‍රීවරුන් විරෝධතාවක යෙදීම හේතුවෙන් සභාපති වරයාට සභාව දෙවරක්කල් තැබීම ට සිදුවිය .

පාර්ලිමේන්තුවේ ඊයේ (07දා) සම්මත වූ අධිභාර බද්ද පනත් කෙටුම්පතට කථානායක මහින්ද යාපා අබේවර්ධන මහතා සිය සහතිකය අද (8දා) සටහන් කළේය.

එළඹෙන අලුත් අවුරුදු සමයේ කොළඹ සහ තදාසන්න ප්‍රදේශවල සිට දුරබැහැර ගම්බිම් බලා යන සහ එන මගීන් වෙනුවෙන්, ශ්‍රී ලංකා ගමනා ගමන මණ්ඩලය, ජාතික ගමනා ගමන කොමිෂන් සභාව, මාර්ගස්ථ මගී ප්‍රවාහන අධිකාරීන් වලට අයත් බස් රථ සහ ශ්‍රී ලංකා දුම්රිය දෙපාර්තමේන්තුව එක් කරගනිමින් ප්‍රවාහන අමාත්‍යාංශය විසින් විශේෂ ප්‍රවාහන සැලැස්මක් සකස්කර ඇත.

රුසියානු ජාතිකයෙකුට කුරුඳු පොල්ලකින් පහරදි තුවාල සිදු කල බව කියන දෙදෙනෙකු අත්අඩංගුවට ගත් බව අහංගම පොලිසිය පවසයි.

වර්තමානයේ රට තුළ උද්ගත වී ඇති ආර්ථික හා සාමාජීය අර්බුදකාරි ජනජිවිතය සාමාන්‍ය තත්වයට පත් වන තුරු නැගෙනහිර පළාත් සභාව විසින් සිදු කරන මූල්‍යමය වියදම් වහාම ක්‍රියාත්මක වන පරිදි අවම කරන්නැයි නැගෙනහිර පළාත් ආණ්ඩුකාර අනුරාධා යහම්පත් මහත්මිය නියෝග කළාය.

රසායනික ද්‍රව්‍ය භාවිතා කොට නිවැසියන් නිදි ගන්වා දඹුල්ල මිරිස්ගෝනියාව හන්දිය ප්‍රදේශයේ ව්‍යාපාරිකයෙකුගේ නිවසකට අද (08දා) අලුයම ඇතුළු වූ කොල්ලකරුවන් පිරිසක් එහි තිබූ මුදල් රන් භාණ්ඩ සහ මෝටර් රථයක් කොල්ලකා පලාගොස් ඇතැයි දඹුල්ල පොලිසිය කියයි.

බදුල්ල දිස්ත්‍රික්කයේ ශ්‍රී ලංකා පොදුජන පෙරමුණේ ජානක තිස්ස කුට්ටිආරච්චි සහ එම දිස්ත්‍රික්කයේ සමගි ජන බලවේගයේ චමින්ද විජේසිරි යන මන්ත්‍රීවරුන් පාර්ලිමේන්තුවෙන් ඉවත් කරන ලෙස කතානායක මහින්ද යාපා අබේවර්ධන මහතා පාර්ලිමේන්තුවේදී වේත්‍රධාරීවරයාට උපදෙස් දුන්නේය .

අලුත් අවුරුද්ද ඉලක්ක කරගෙන වගා කල එළවලු අස්වැන්න දිවයිනේ විවිධ ප්‍රදේශවලින් ගොවි මහතුන් විසින් දඹුල්ල ආර්ථික මධ්‍යස්ථානයට රැගෙන ආවාද ඒවා අලෙවි කර ගැනීමට වෙළඳුන් නොපැමිණීම නිසා අද (08දා) ගොවීහු දැඩි අසීරුතාවයකට පත්ව සිටියහ .

දෙහිවල සත්වෝද්‍යානය වසා දමන ලෙසත් එහි සිටින සතුන් රිදියගම හා පින්නවල එළිමහන් සත්වෝද්‍යාන වෙත යොමුකරන ලෙසත් සඳහන් කරමින් සතුන් හා සොබාදහම සඳහා යුක්තිය සංවිධානය විෂයභාර අමාත්‍යවරයා වෙත පෙත්සමක් ඉදිරිපත් කිරීමට සැලසුම් කර තිබේ.

දිවයිනට නැගෙනහිර දෙසින් පහළ වායුගෝලයේ පවතින කැළඹිලි ස්වභාවය නිසා අද (08දා), හෙට (09දා) හා අනිද්දා(10දා) යන දිනවල දිවයිනේ බොහෝ ප්‍රදේශවල වැසි තත්ත්වය ඉහළ යා හැකිබව කාලගුණ විද්‍යාදෙපාර්තමේන්තුව සඳහන් කරයි.

යුක්රේනයේ රුසියානු හමුදා මෙහෙයුම නුදුරු අනාගතයේ දී අවසන් වනු ඇතැයි මොස්කව් බලාපොරොත්තු වෙයි. නමුත් එය සිදුවන ආකාරය ගැන රුසියාව කිව්වේ කුමක්ද?

නව කැබිනට් මණ්ඩලයේ මුදල් අමාත්‍යවරයා ලෙස අග්‍රාමාත්‍ය මහින්ද රාජපක්ෂ මහතා පත් කිරීමට නියමිත බවද රජයේ අභ්‍යන්තර ආරංචි මාර්ග සඳහන් කරයි. එමෙන්ම මහජන ආරක්ෂක අමාත්‍ය ධුරයේ කටයුතු කළ සරත් වීරසේකර මහතාට එම අමාත්‍ය ධුරය ලබා නොදීමට තීරණය කර ඇති බවද වාර්තා වේ.

මුඛ ආවරණ ඉවත් කිරීම සහ ගෘහස්ථව එක්රැස්වීම සඳහා වන සීමාවන් ඉවත් කිරීම මෙන්ම ප්‍රතිශක්තිය අඩුවීමක් සිදුවී තිබීම යන සියලු කාරණා ආසාදිතයන් යළි වැඩිවීමට හේතුව බව වෛද්‍ය ඇන්තනී ෆවුසි පවසයි.

රාජ්‍ය සේවය තුළ විශාල ලිපි ද්‍රව්‍ය හිඟයක් ඇතිවෙමින් තිබෙනබවත්, මේ නිසා රාජ්‍ය සේවයේ වැඩකටයුතු සිදුකිරීමේදී විවිධ බාධාවන් ඇතිවෙමින් තිබෙන බවත් රාජ්‍ය පළාත් රාජ්‍ය රජයේ වෘත්තීය සමිති සන්ධානය සඳහන් කරයි.

ඊශ්‍රායලය පුරා මේ දිනවල මෙවැනි ප්‍රචණ්ඩත්වයක් මතුවෙමින් තිබෙන අතර, මීට පෙර සිදුවූ වෙඩි තැබීම් සහ මනුෂ්‍ය ඝාතනවල වගකීම IS ඉස්ලාම් රාජ්‍ය ත්‍රස්තයන් භාරගැනීම තුළ මේ වනවිට එරට සාමාන්‍ය ජනජීවිතයට දැඩි තර්ජනයක් එල්ල වී තිබේ.

ශ්‍රී ලංකා මහ බැංකුවේ නව අධිපතිවරයා ලෙස ආචාර්ය නන්දලාල් වීරසිංහ මහතා සහ මුදල් අමාත්‍යාංශයේ නව ලේකම්වරයා ලෙස කේ.එම්.එම්. සිරිවර්ධන මහතා පත් කෙරේ.

ජපානය රටවල් 106ක අනේවාසික විදේශිකයන්ට ජපානය වෙත ඇතුළු වීමට අවසර දෙන බව එරට රජයේ ආරංචි මාර්ග උපුටා දක්වමින් විදෙස් වාර්තා පවසයි.