ජනපති ගෝඨාභය රාජපක්ෂ මහතා සිය ධුරයේ සිටින තෙක් රට තුළ පවතින අර්බුදකාරී තත්ත්වයට විසඳුම් නොලැබෙන බව පාර්ලිමේන්තු මන්ත්‍රී අනුර කුමාර දිසානායක මහතා පැවැසීය.

අමාත්‍ය මණ්ඩලය මෑතක දී ගත් තීරණයකට අනුව, නෝර්වේ රාජධානියේ ඔස්ලෝ හි පිහිටි ශ්‍රී ලංකා තානාපති කාර්යාලය, ඉරාක ජනරජයේ බැග්ඩෑඩ් හි පිහිටි ශ්‍රී ලංකා තානාපති කාර්යාලය සහ ඕස්ට්‍රේලියානු පොදුරාජ්‍ය මණ්ඩලයේ සිඩ්නි හි පිහිටි ශ්‍රී ලංකා කොන්සල් ජනරාල් කාර්යාලය 2022 අප්‍රේල් 30 වැනි දින සිට බලපැවැත්වෙන පරිදි තාවකාලිකව වසා දැමීමට විදේශ කටයුතු අමාත්‍යාංශය පියවර ගෙන ඇත.

ඉන්ධන ණය පහසුකම යටතේ පෙට්‍රල් මෙට්‍රික් ටොන් 36,000ක් රැගත් නෞකාවක් හා ඩීසල් මෙට්‍රික් ටොන් 40,000ක් රැගත් නෞකාවක් ශ්‍රි ලංකාවට පැමිණ ඇති බව ශ්‍රී ලංකාවේ ඉන්දීය මහ කොමසාරිස් කාර්යාලය පවසයි. එසේම ඉන්දීය ණය පහසුකම් යටතේ මේ දක්වා ඉන්ධන මෙට්‍රික් ටොන් 270,000කට අධික ප්‍රමාණයක් ලංකාවට ලබාදී ඇති බවද ඉන්දීය මහ කොමසාරිස් කාර්යාලය වැඩිදුරටත් පවසයි.

රුපියල් මිලියන 2000කට වැඩි ආදායමක් උපයා ඇති සමාගම් හා පුද්ගලයන් සඳහා සියයට 25ක අධිභාරයක් පැනවීම සඳහා වූ පනත් කෙටුම්පත සම්බන්ධයෙන් ඡන්දය ප්‍රකාශ කිරීමෙන් වැළකී සිටින බව සමගි ජන බලවේගයේ පාර්ලිමේන්තු මන්ත්‍රී ආචාර්ය හර්ෂද සිල්වා මහතා ප්‍රකාශ කරයි.

ජනපති ගෝඨාභය රාජපක්ෂ මහතා පාර්ලිමේන්තු සැසිවාරය එක්වීම සඳහා මීට සුළු මොහොතකට පෙර පාර්ලිමේන්තුවට පැමිණියේය.

පැය හය හමාරක විදුලි කප්පාදුව මේ සතියේ සිකුරාදා දක්වා තිබෙනවා. සති අන්තයේදී ඉල්ලුම අඩුවීම නිසා විදුලි කප්පාදුව අඩු කිරීමේ හැකියාවක් තිබෙනවා. ඉන්දියන් ණය පහසුකමින් අපිට අවශ්‍ය ඩීසල් ප්‍රමාණය ලැබෙනවා. කලින් මුදල් ගෙවපු තෙල් එකක් 7 වෙනිදා ලංකාවට එන්න නියමිතයි. සුමානයක් විතර නැංගුරම් ලා තිබුණ නෞකාවට සල්ලි වෙන්කරා කියලා දැනගන්න ලැබුණා. සිංහල දෙමළ අවුරුද්ද එන නිසා විදුලි කප්පාදුව අඩුකරලා මහජනතාවට සහනයක් ලබාදීම මහජ උපයෝගීතා කොමිෂන් සභාවේ මූලික කාර

නව කැබිනට් මණ්ඩලයක් පත්කිරීමට ආණ්ඩුවේ අවධානය යොමුව ඇති බව වාර්තා වෙයි. ඒ අනුව වත්මන් ආණ්ඩු පක්ෂයේ මන්ත්‍රීවරුන් අතරින්ම මෙම නව කැබිනට් මණ්ඩලය පත්කිරීමට සිදු වෙනු ඇත.

මෙම ජනාධිපතිවරයා පැවසුවේ ජනපති නිලවරණයට ඉදිරිපත් වීමට තමාව පෙලඹවූයේ වැටුප නොවන බවයි. බලයට පත්වූ දා සිට අද දක්වා ජනතාවගේ ජීවිතය යහපත් කරන්නේ කෙසේද යන්න ගැන අවධානය යොමුකිරීම අංක එක වූ බවයි.

ලොව ඕනෑම තැනක සිටින ඇමෙරිකානු පුරවැසියන්ට රුසියාව සමග කිසිදු ආයෝජනයක් සහ ගනුදෙනු තහනම් කරමින් එක්සත් ජනපද ජනාධිපති ජෝ බයිඩන් විසින් අද (07දා) විධායක නියෝගයකට අත්සන් කිරීමට නියමිතව තිබේ.

මෙරටට පැමිණෙන සංචාරකයන් සංඛ්‍යාව දිනෙන් දින අඩුවන බව සංචාරක සංවර්ධන අධිකාරියේ වාර්තා පිළිබඳ සැලකීමේදී පෙනී යයි. ඒ අනුව පසුගිය 05වැනිදා මෙරටට පැමිණ ඇත්තේ සංචාරකයන් 1,997දෙනෙකු පමණි.

යුක්රේනයේ සිදුවූයේ යැයි කියන සාහසික ක්‍රියා උපුටා දක්වමින් එක්සත් ජනපදය තවත් රුසියානු නිලධාරීන්ට සහ ඔවුන්ගේ පවුල්වලට සම්බාධක පනවා ඇත.

අලුත් අවුරුද්ද සඳහා ප්‍රධාන නගරවල සිට ජනතාවට ගම්බිම්වලට යෑම සඳහා මෙවර විශේෂ දුම්රිය දෙකක් පමණක්ධාවනය කිරීමට කටයුතු කරන බව දුම්රිය නියෝජ්‍ය සාමාන්‍යාධිකාරී (ගමනාගමන) ගාමිණී සෙනෙවිරත්න මහතා සඳහන් කළේය.

රුසියාව සහ චීනය වත්මන් ලෝක න්‍යායට අභියෝග කරන බව අමෙරිකානු හමුදාවේ ජ්‍යෙෂ්ඨතම නිලධාරීන් පවසා තිබේ.

ජනතාව උද්ඝෝෂණය කළ පමණින් ජනාධිපතිවරයා තනතුරින් ඉවත්කළ නොහැකි බවත්, ඒ සඳහා දෝෂාභියෝගයක් ගෙන ආ යුතු අතර, එසේ නොමැති නම් ජනාධිපතිවරයා තනතුරුන් ඉල්ලා අස්විය යුතු බවත් ශ්‍රී ලංකා නිදහස් පක්‍ෂය සඳහන් කරයි.

නේටෝ මහ ලේකම් ජෙන්ස් ස්ටෝල්ටන්බර්ග්ට අනුව චීනය විසින් ආරක්ෂාවට පද්ධතිමය අභියෝගයක් ඉදිරිපත් කර ඇති බව කියයි.

වත්මන් අග්‍රාමාත්‍ය මහින්ද රාජපක්ෂ මහතාගේ රුව ඇතුලත් රුපියල් දහසේ මුදල් නෝට්ටුවක් යාපනයේ පිහිටි වෙළඳසැලකට ලබාදුන් පුද්ගලයෙකුට අදාල වෙළඳසැල් හිමිකරුවන් විසින් ඊයේ (05දා) සවස දැඩි විරෝධය පෑමෙන් උණුසුම් තත්වයක් හටගෙන තිබුණි.

හපුතලේ උඩවිහාරගල රක්ෂිතයේ නිධන් හාරමින් සිටි පස්දෙනෙකු ඒ සඳහා යොදාගත් ආයුධ හා සෙසු පූජා භාණ්ඩ ද සමග අද (06දා) අත්අඩංගුවට ගත් බව බණ්ඩාරවෙල කොට්ඨාස අපරාධ විමර්ශන කාර්යංශය පවසයි.

පෙරපාසල නිමාවී නිවසට යමින් සිටි දැරියකගේ හිස මතට රිළවෙකු සොළවමින් සිටි ගසක අත්තක් කඩා වැටිම හේතුවෙන් එම දැරිය අද (06දා) අවාසනාවන්ත ලෙස මියගිය පුවතක් බලන්ගොඩ පින්නවල පොලිස් බල ප්‍රදේශයේ නෙල්ලිවෙල ප්‍රදේශයෙන් වාර්තා වෙන බව පොලිසිය පවසයි.

අද වන විට මේ රටේ තරුණ පරපුර ප්‍රමුඛ කරගත් සාමාන්‍ය සිවිල් ජනතාව රට වෙනුවෙන් වූ තම යුතුකම ඉටුකිරීම සඳහා ස්වෙච්ඡාවෙන්ම පෙරට පැමිණ තිබේ. එය අතිශයින්ම ප්‍රශංසා කළයුතු දෙයකි. ඔවුන් වෙත මුළු මහත් ජාතියේම ගෞරවය හිමිවිය යුතු බව අද (06දා) කොළඹ දී සාධාරණ සමාජයක් සදහා වන ජාතික ව්‍යාපාරයේ සභාපති කරු ජයසූරිය මහතා පවසයි.

අග්‍රාමාත්‍ය මහින්ද රාජපක්ෂ මහතා හා ආණ්ඩු පක්ෂ මන්ත්‍රී කණ්ඩායම අතර හමුවක් හදිසියේ කැඳවා තිබේ. ඉදිරි දේශපාලන කටයුතු පිළිබඳව මෙහිදී සාකච්ඡා පැවැත්වීමට නියමිතව තිබේ.

මෙම පාසල් වාරය සඳහා රජයේ අනුමත පාසල් සඳහා නිවාඩුව අද (06දා) ප්‍රකාශයට පත්කරන බව අධ්‍යාපන අමාත්‍යාංශය කියයි. ඒ අනුව නව පාසල් වාරය ලබන 18දා ආරම්භ වීමට නියමිතව තිබේ.

කොළඹ හා දිවයිනේ විවිධ ප්‍රදේශවල මේ දිනවල පැවැත්වෙන මහජන උද්ඝෝෂණ සහ විරෝධතා පෙළපාලි සඳහා දෙමව්පියන් සහ භාරකරුවන් ඇතුලු විවිධ පාර්ශවයන් විසින් ළමයින් සහභාගි කරගැනීමේ අවස්ථා පිළිබඳව දැකගත හැකි අතර ඒ සම්බන්ධයෙන් ජාතික ළමා ආරක්ෂක අධිකාරියේ විශේෂ අවධානය යොමුවී ඇත.

අමාත්‍ය ජොන්ස්ටන් ප්‍රනාන්දු මහතාගේ කුරුණෑගල පිහිටි කාර්යාලය මේ වන විට විරෝධතාකරුවන් විසින් වටලා ඇති බව වාර්තා වෙයි. එ සඳහා තරුණ තරුණියන් විශාල පිරිසක් එක්ව සිටින බව වාර්තා වෙයි.

ගෑස් නොමැතිව පැය 10 ක පමණ කාලයක් පෝලිමේ රැඳී සිටීමෙන් උරණවූ ගැස් පාරිභෝගිකයින් පිරිසක් අද (06දා) පස්වරුවේ පානදුර රන්කොත් විහාරය ඉදිරිපිට මාර්ගය ගෑස් සිලින්ඩර යොදා වසා දමා විරෝධතාවයක නිරත වූහ.

රට මේ වන විට මුහුණ දෙන තත්ත්වයෙන් ගොඩඒමට නම් පාර්ලිමේන්තු මන්ත්‍රී, ආචාර්ය හර්ෂද සිල්වා මහතා ජනපතිධුරයට පත්කරන ලෙස පාර්ලිමේන්තු මන්ත්‍රී හරීන් ප්‍රනාන්දු මහතා පවසයි.

ජනතා වරම අනුව ජනපති ගෝඨාභය රාජපක්ෂ මහතාට අවුරුදු 5ක කාලසීමාවක් පවතින බව හිටපු අමාත්‍ය රෝහිත අබේගුණවර්ධන මහතා පැවැසීය.

ඩීසල් ඉන්ධන රැගත් ධාවනය වෙමින් තිබු බවුසරයක් නොර්වුඩ් මංසන්ධියේදි ධාවනය කිරිමට ඉඩ ලබානොදි අවහිර කිරිමේ චෝදනාව යටතේ නොර්වුඩ් පොලිසිය විසින් අත්අඩංගුවට ගත් සැකකරුවන් දෙදෙනෙක් අද (06දා) හැටන් දිසා විනිසුරු සහ මහෙස්ත්‍රාත් ෆරිඩ්ඩින් මහතා වෙත ඉදිරිපත් කිරිමෙන් අනතුරුව සැකකරුවන් දෙදෙනා ලබන 08දා දක්වා රක්ෂිත බන්ධනාගාර ගත කිරිමට මහෙස්ත්‍රාත්වරයා නියෝග කලහ.

මහ බැංකුව නිකුත් කළ නවතම විනිමය අනුපාත අනුව ඩොලරයක විකුණුම් මිල රුපියල් 308.4ක් දක්වා ඉහළ ගොස් තිබේ.මෙය ඇමෙරිකානු ඩොලරයක් සඳහා මහ බැංකුව නිකුත් කළ වැඩිම අගය වෙයි. මේ අතර ඩොලරයක ගැණුම් මිල රුපියල් 298.1ක් විය.

කහවත්ත වටාපොත මාර්ගයේ දි පුද්ගලික බස් රථයක් අඩි 150 ක ප්‍රපාතයකට පෙරළිමෙන් තිදෙනකුට තුවාල සිදුවි කහවත්ත මුලික රෝහලට ඇතුළත් කර තිබේ .