හිටපු අමාත්‍ය ගාමිණී ලොකුගේ මහතා අභාවප්‍රාප්ත වී තිබේ. මිය යන විට ඒ මහතා 82 වැනි වියේ පසුවිය. අවසන් කටයුතු පසුව දැනුම් දීමට නියමිතය.

ඉන්ධන මිල සූත්‍රය අනුව අද (30දා) මධ්‍යම රාත්‍රි සිට බලපැවැත්වෙන පරිදි ඉන්ධන මිල සංශෝධනය කර තිබේ.

රුපියල් කෝටි 355ක වැට් බදු ගෙවීම් පැහැර හැරීමේ චෝදනාවට වරදකරු වී මාස හයක සිරදඬුවමක් නියම වු ඩබ්ලිව්.එම්. මෙන්ඩිස් සහ සමාගමේ අධ්‍යක්ෂ අර්ජුන ඇලෝසියස් ඇතුළු දෙදෙනාට එරෙහිව රුපියල් කෝටි 103ක වැට් බදු ගෙවීම් පැහැර හැරීම සම්බන්ධයෙන් දේශීය ආදායම් කොමසාරිස්වරයා තවත් බදු නඩුවක් කොළඹ ප්‍රධාන මහෙස්ත්‍රාත් අධිකරණයේ පැවරීය.

බෝරා උත්සවය පැවැත්වෙන කාලසීමාව තුළ බම්බලපිටිය ප්‍රදේශයේ සැරිසරමින් ජංගම දුරකථනයකින් ඒ අවට ප්‍රදේශය වීඩියෝ ගත කළේ යැයි කියන පස්රූල් රහ්මාන් මොහොමඩ් හෙවත් ”පොඩි සහරාන්” නමැත්තා මුදා හැරීමට කොළඹ අතිරේක මහේස්ත්‍රාත් පසන් අමරසේන මහතා අද (30) නියෝග කළේය.

රන් අලේපිත ටී-56 වර්ගයේ ගිනිඅවියක් වැල්ලවත්ත නිවාස සංකීර්ණයකදී සොයා ගත් බව කියන සිද්ධියක් සම්බන්ධයෙන් සැකපිට අත්අඩංගුවට ගෙන රිමාන්ඩ් බාරයට පත් කර සිටින තමන්ට ඇප නියම කරන්නැයි ඉල්ලා ශ්‍රී ලංකා නිදහස් පක්‍ෂයේ මහලේකම් දුමින්ද දිසානායක මහතා ගොනු කළ ඇප ඇයැදුම්පත ජූලි 14 වැනිදා විමසා බැලීමට කොළඹ ප්‍රධාන මහාධිකරණ විනිසුරු මංජුල තිලකරත්න මහතා අද (30) තීරණය කළේය.

දකුණු අප්‍රිකාවේ ශ්‍රී ලංකා මහ කොමසාරිස්වරයා ලෙස එයාර් චීෆ් මාර්ෂල් (විශ්‍රාමික) ආර්.ඒ.යූ.පී. රාජපක්ෂ මහතාගේ පත් කිරීමට උසස් නිලතල පිළිබඳ කාරක සභාවේ අනුමතිය හිමිවිය.

මෙම වසරේ ජූනි 13 වැනිදා සිට අද (30දා) දක්වා රු.296 සිට රු.301 දක්වා රු.5කින් රුපියල අවප්‍රමාණය වී ඇති බවත් එය රු.බිලියන 250ක් ලෙස වැය බරට එකතු වී ඇති බවත් නව ප්‍රජාතන්ත්‍රවාදී පෙරමුණේ පාර්ලිමේන්තු මන්ත්‍රී රවී කරුණානායක මහතා පැවසීය.

පාස්කු ඉරුදින මරාගෙන මැරෙන බෝම්බ ප්‍රහාර මාලාවක් එල්ල කරන බවට ප්‍රමාණවත් විශ්වාස කළ හැකි බුද්ධි තොරතුරු ලැබී තිබියදී එම ප්‍රහාර වළක්වා ගැනිමට අවශ්‍ය කටයුතු නොකිරීමෙන් සාපරාධී රාජකාරි පැහැර හැරි බවට හිටපු ආරක්‍ෂක ලේකම් හේමසිරි ප්‍රනාන්දු සහ හිටපු පොලිස්පති පූජිත් ජයසුන්දර මහත්වරුන්ට එරෙහි නඩුව යළි ජූලි 28 වැනිදා කැඳවීමට කොළඹ ත්‍රිපුද්ගල මහාධිකරණ විනිසුරු මඩුල්ල අද (30දා) නියම කළේය.

හිටපු ජනාධිපති මහින්ද රාජපක්ෂ මහතාගේ දෙවන පදවි ප්‍රාප්ති සංවත්සරය වෙනුවෙන් ශ්‍රී ලංකා ආයෝජන මණ්ඩලයේ අරමුදල්වලින් පුවත්පත්වල දැන්වීම් පළ කිරීමෙන් රජයට රුපියල් ලක්ෂ 17 කට අධික පාඩුවක් කළ බවට හිටපු ආයෝජන ප්‍රවර්ධන අමාත්‍ය ලක්ෂ්මන් යාපා අබේවර්ධන මහතාට සහ ආයෝජන ප්‍රවර්ධන මණඩලයේ හිටපු අධ්‍යක්‍ෂ ජනරාල්වරයාට එරෙහිව අල්ලක් කොමිසම පවරා ඇති නඩුවේ අධිචෝදනා පත්‍ර බාරදුන් කොළඹ මහාධිකරණ විනිසුරු ප්‍රදීප් අබේරත්න මහතා විත්තිකරුවන් දෙදෙනා ඇප මත මුදාහැරීමට අද (30)

රතු ලෙස වර්ගීකරණය කරණ ලද බහාලුම් 151 අතරින් බහාලුම් 37ක් ස්කෑන් කරලා නෑ. මේ කන්ටේන්ර්ස් නිදහස් කරන්න ඕනී කියලා ජනවාරි 18 තීරණය කරන්නේ. ඒත් 2025 ජනවාරි 17 වැනිදා ඒ ලැයිස්තුවේ තිබුණු කන්ටේනර් 2ක් භෞතික පරික්ෂාවකින් තොවර එළියට ගිහින්.

මාලිමාව ජයග්‍රහණය කල මතුගම ප්‍රාදේශීය සභාවේ බලය විපක්ෂයේ කණ්ඩායම විසින් අද ලබා ගත්තේය.

කාත්තන්කුඩි නගරයෙ රට ඉදි අස්වැන්න නෙළිම 29 දින ආරම්භ කිරීමට කාත්තන්කුඩි නගර සභාව කටයුතු කෙරුණි .

පොලිස් මාධ්‍ය ප්‍රකාශක හා පොලිස් මාධ්‍ය කොට්ඨාසයේ අධ්‍යක්ෂ ලෙස කටයුතු කළ ජ්‍යෙෂ්ඨ පොලිස් අධිකාරී බුද්ධික මනතුංග මහතා පොලොන්නරුව කොට්ඨාස භාර නිලධාරී ලෙස මාරු කර තිබේ. නව පොලිස් මාධ්‍ය ප්‍රකාශක හා මාධ්‍ය කොට්ඨාසයේ අධ්‍යකෂ (රාජකාරී ඉටු කිරීම) ලෙස සහකාර පොලිස් අධිකාරී කේ. වුට්ලර් මහතා පත්කර තිබේ.

මෙලෙස ජීවිතක්ෂයට පත්ව ඇත්තේ, මහවිලච්චිය පොලිස් වසමේ 365 මන්නාරම් හන්දිය ග්‍රාම නිලධාරී වසමේ, අංක 321, යාය 5, මන්නාරම් හන්දිය, පේමඩුව ලිපිනයේ පදිංචිව සිටි, විල්පත්තු බලකා කඳවුරට අනුයුක්තව රාජකාරී කළ ඩී.එම්. අනුර කුමාර දිසානායක නැමැති, 47 හැවිරිදි සිවිල් ආරක්ෂක නියාමකවරයෙකි.

උඩරට එළවළු වර්ග රට පුරා බෙදා හරින ප්‍රධානතම ආර්ථික මධ්‍යස්ථානයක් වන කැප්පෙටිපොල විශේෂිත ආර්ථික මධ්‍යස්ථානයේ එළවළු වර්ග රැසක මිල පසුගිය සති කිහිපයට වඩා පහත වැටී ඇතැයි එම ආර්ථික මධ්‍යස්ථානයේ තොග වෙළෙදුන් පවසති.

කතරගම වන්දනාවේ ගොස් එම වන්දනා නඩය ආරයම්පතිහි බස්සවා ආපසු පැමිණි බස් රථයක් කිරාන්කුලම් හිදී අනතුරකට ලක්ව තිබේ.

හිටපු ජනාධිපති මහින්ද රාජපක්ෂ මහතා විසින් ශිරන්ති රාජපක්ෂ මහත්මිය අත්අඩංගුවට ගැනීම වැළක්විමට වත්මන් ජනාධිපතිට බලපෑම් කරන ලෙස මල්වතු පාර්ශවයේ මහානායක හිමියන්ට ඉල්ලීමක් කරන ලද බවට සමාජ මාධ්‍යන්හි ප්‍රචාරය වන පුවත සාවද්‍ය හා පදනම් විරහිත එකක් බව මල්වතු මහා විහාරයේ උප ලේඛකාධිකාරි මහවෙල රතනපාල හිමියන් නිවේදනයක් නිකුත් කරමින් දන්වා සිටිති.

ජ්‍යෙෂ්ඨ පොලිස් අධිකාරීවරුන් තිදෙනෙක්, ජ්‍යෙෂ්ඨ පොලිස් අධිකාරීවරියක් හා පොලිස් අධිකාරීවරයෙක්ට වහාම ක්‍රියාත්මක වන පරිදි ස්ථානමාරුවීම් ලබාදීමට ‍ පොලිස් මූලස්ථානය කටයුතු කර තිබේ. ජාතික පොලිස් කොමිෂන් සභාවේ අනුමැතිය අනුව මෙම ස්ථානමාරුවීම් ලබාද තිබේ.

විදුලිබල සංශෝධන පනත් කෙටුම්පත පිළිබඳ ශ්‍රේෂ්ඨාධිකරණයේ තීරණය අද (30දා) පාර්ලිමේන්තුවට දැනුම් දුන්නේය. නියෝජ්‍ය කථානායකවරයා විසින් එම තීරණය පාර්ලිමේන්තුවට නිවේදනය ක‍ළේය.

පොලිස් ස්ථානාධිපතිවරුන් 5ට ස්ථානමාරුවීම් ලබාදීමට ප‍ොලිස් මූලස්ථානය කටයුතු කර තිබේ. ජාතික පොලිස් කොමිෂන් සභාවේ අනුමැතියට යටත්ව වහාම ක්‍රියාත්මකවන පරිදි මෙම ස්ථානමාරුවීම් ලබා දී තිබේ.

රුපියල් කෝටි හයකට අධික වටිනාකමකින් යුතු ජංගම දුරකථන ටැබ් පරිගණක සහ පරිගණක 238 ක තොගයක් නීතිවිරෝධී ලෙස මෙරටට රැගෙන විත් ඒවා කටුනායක ගුවන් තොටුපොළ කිසිවක් ප්‍රකාශ කිරීමට නොමැති ’’හරිත මාවත’’ ( Green Channel ) ඔස්සේ පිට කර ගෙන යාමට තැත් කළ ශ්‍රී ලාංකික ගුවන් මගියෙකු 06/30 දින අලුයම ගුවන් තොටුපොළ රේගු නිලධාරීන් විසින් අත්අඩංගුවට ගෙන තිබේ.

දිවයිනේ ප්‍රදේශක කිහිපයකින් සොරකම්කරන ලද ගවයින් මස්කර අලෙවි කිරීමේ ජාවාරමක නිරත වූ බව කියන සැකකරුවන් සිව් දෙනෙකු සහ ඊට අනුබල දුන් බවට සැකකරන කාන්තාවක් සහ පිරිමියෙක් අත්අඩංගුවට ගත් බව මාරවිල පොලීසිය කියයි.

කුරුවිට පොලිස් වසමට අයත් දෙවිපහළ ප්‍රදේශයේ පනස් එක් හැවිරිදි විවාහකයෙක් අවරුදු පහක දැරියකට බරපතල ලිංගික අපයෝජනයක් කළ බවට සැකපිට අත්අඩංගුවට ගත් බව කුරුවිට පොලිසිය 30දා පැවසීය.

විශේෂ පාර්ලි‍මේන්තු රැස්වීම් දිනයක් ලෙස අද (30දා) පාර්ලිමේන්තුව රැස්වීමට පාර්ලිමේන්තු කටයුතු පිළිබඳ කාරක සභාව තීරණය කර තිබේ.

මධ්‍යම අධිවේගී මාර්ගයේ ඉදිකිරීම් ඉදිරි වසර පහ තුල අවසන් කරන බව ප්‍රවාහන සහ මහාමාර්ග නියෝජ්‍ය අමාත්‍ය ප්‍රසන්න ගුණසේන මහතා කීය.

ළගකදි ආයෙත් ඡන්දයක් නොපැවැත්වෙන බවත්, ඉදිරියේදි තෙල්මිල ශත පනහකින් හෝ අඩුකරන බව විදුලිබල හා බලශක්ති අමාත්‍ය කුමාර ජයකොඩි මහතා ඊයේ (28දා) රත්නපුරේදී පැවසුවේය.

කුඹුරු අක්කර හත්දහසකට පමණ ජලය සැපයෙන මිහින්තලේ මහ කනදරා වැව මැදින් දිවෙන පුත්තලම ත්‍රිකුණාමලය ඒ 12 මාර්ගයේ කනදරා වැව අසලින්, එම වැව් බැම්මේ රෑස්ස ගස් සහ වැව් බැම්ම ගිලා බැසීමට ලක්ව, පස් කන්ඩි වැව තුලට කඩා වැටීම ආරම්භ වී ඇති බව ප්‍රදේශවාසීහු පවසති.

ඉරානයේ අගනුවර වන ටෙහෙරානයේ එවින් බන්ධනාගාරයට ඊශ්‍රායලය එල්ල කළ ප්‍රහාරයකින් රැඳවියන් ඇතුළු 71 දෙනෙකු ජීවිතක්ෂයට පත්ව තිබේ.

ගල්නෑව , හෙලබදුගම ප්‍රදේශයේදී මීට මාසයකට පෙර ළිඳකට වැටී ජීවිතක්ෂයට පත් වූ බව කියූ , දෙදරු මවගේ මරණය සම්බන්ධයෙන් සිදු කල දීර්ඝ විමර්ශනයකින් අනතුරුව , එම මව ළිඳට තල්ලු කර ඝාතනය කිරීම සම්බන්ධයෙන් සැකපිට, ඇගේ බාල පුත්‍රයා ඊයේ (29දා) අත්අඩංගුවට ගත් බව පොලිසිය පවසයි.