1977 මාර්තු 8 දිනය ජාත්‍යන්තර කාන්තා දිනය වශයෙන් එක්සත් ජාතින්ගේ සංවිධානය ප්‍රකාශයට පත්කර ඇති අතර එතැන් සිට මේ දක්වාම මාර්තු 8 දා ජාත්‍යන්තර කාන්තා දිනය ලෙස සමරනු ලබයි.මෙවර කාන්තා දින සැමරුම “සියලුම කාන්තාවන් හා ගැහැණු දරුවන් සඳහා අයිතිවාසිකම්, සමානාත්මතාවය, සවිමත් කිරීම” යන්න තේමාව කරගෙන ඇත.

දකුණු කොරියාවේ E-8 වීසා කාණ්ඩයේ රැකියා අවස්ථා ලබාදීම සඳහා කැබිනට් අනුමැතිය හිමිවී ඇති අතර, එම රැකියා අවස්ථා ලබාදෙන්නේ ශ්‍රි ලංකා විදේශ සේවා නියුක්ති කාර්යාංශය මගින් පමණක් බව එම කාර්යාංශයේ සභාපති කෝෂල වික්‍රමසිංහ මහතා ප්‍රකාශ කරයි. වෙනත් කිසිඳු පුද්ගලයෙකුට හෝ විදේශ රැකියා නියෝජිතායතනයකට E-8 වීසා කාණ්ඩයේ රැකියා අවස්ථා ලබාදීමට අවසර ලබානොදෙන බැවින් ඔවුන්ට මුදල් ලබාදීමෙන් වලකින මෙන්ද සභාපතිවරයා වැඩිදුරටත් අවධාරණය කළේය.

වන අලින් දුම්රියේ ගැටීමෙන් සිදුවන හානි අවම කර ගැනීම සඳහා කෘතිම බුද්ධිය භාවිත කරමින් විශේෂ කැමරාවක් පේරාදෙණිය විශ්වවිද්‍යාලයේ ඉංජිනේරු පීඨය විසින් නිපදවා තිබේ.

අය වැයට විරුද්ධව සමගි ජන බලවේගය ඇතුලු විපක්ෂයේ කණ්ඩායම ඡන්දය ලබා දීමට තීරණය කර ඇති බව සමගි ජන බලවේගයේ පාර්ලිමේන්තු මන්ත්‍රී රංජිත් මද්දුමබණ්ඩාර මහතා පැවසීය.

ශ්‍රී ලංකාවට ආවේණික නව කෙතල විශේෂයක් ලෝක උරුම සිංහරාජ වනාන්තරයෙන් සොයා ගෙන ඇති අතර, ඒ අනුව මෙරටට ආවේණික කෙතල විශේෂ සංඛ්‍යාව 14 දක්වා ඉහළ ගොස් තිබේ.

පැටවුන් සමග වන අලි රංචුවකට පසුගියදා මරණය කැඳවූ මීනගයා දුම්රිය අදාළ අවස්ථාවේදී ධාවනය කර ඇත්තේ වයස අවුරුදු 67ක් වූ රාජ්‍ය සේවා කොමිසමේ නිර්දේශය නොමැති රියදුරෙකු බව පරිසරවේදී නයනක රන්වැල්ල මහතා පෙන්වා දෙයි.

කැබිනට් මණ්ඩලය සමග සාකච්ඡා කර,එළිමහන් සංගීත ප්‍රසංග ක්ෂේත්‍රයේ ගුණාත්මකභාවය වර්ධනය කිරීම සඳහාත් මහජන පීඩා ඇති නොවන පරිදි දැනට පවතින සීමා සංශෝධනය කිරීමටත් කටයුතු කරන බව බුද්ධශාසන, ආගමික හා සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතා සඳහන් කරයි.

බොදු බල සේනා සංවිධානයේ ලේකම් පූජ්‍ය ගලගොඩඅත්තේ ඥානසාර හිමියන් ඇප මත මුදාහරින ලෙස කොළඹ මහාධිකරණය අද (25දා) නියම කරනු ලැබිණි.

පවතින වියළි කාලගුණ තත්ත්වය නිසා එළවළු වගාවන්ට දැඩි ලෙස බලපෑම් සිදුව තිබෙන බවත්, මේ නිසා පලදාව අඩු වී තිබෙන බවත් ජාතික ගොවිජන එකමුතුව සඳහන් කරයි.

විපක්ෂ මන්ත්‍රීවරුන්ට ආරක්ෂාව ලබාදෙන ලෙසට කරන ලද ඉල්ලීම සම්බන්ධව මෙතෙක් අවසන් තීරණයක් ගෙන නොමැති බවත් මේ වන විට මන්ත්‍රීවරුන්ට පවතින තර්ජන සම්බන්ධයෙන් විමර්ශනය කරමින් අවසන් වාර්තා සකස් කරමින් පසුවන බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා පැවැසීය.

ස්වාධීන අභිචෝදක කාර්යාලයක් පිහිටුවීම සඳහා මූලික සාකච්ඡාවක් අද දින පැවැත්වූ බව අධිකරණ සහ ජාතික ඒකාබද්ධතා අමාත්‍ය, නීතිඥ, හර්ෂණ නානායක්කාර මහතා පැවැසීය.

2025 අයවැය දෙවැනිවර කියවීමේ ඡන්ද විමසීම අද (25දා) පස්වරු 06ට පැවැත්වීමට නියමිතව ඇත.

’’ ඔයාට වැඩක් නෑ නේද ? ඔයා නිකන් නේද ඉන්නේ ? පොඩි වැඩක් කරමුද?’’ යනුවෙන් මුහුණු පොත හරහා පණිවිඩ යොමු කර ගනේමුල්ල සංජීව ඝාතනය කිරීම සඳහා වෙඩික්කරුව පොළඹවාගෙන ඇති බවට විමර්ශනවලදී අනාවරණය වී ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිවේදී බුද්ධික මනතුංග මහතා පැවසීය.

බස්නාහිර පළාත භාර ජේෂ්ඨ නියෝජ්‍ය පොලිස්පතිවරයා වශයෙන් කටයුතු කළ දේශබන්දු තෙන්නකෝන් මහතා පොලිස්පතිවරයා වශයෙන් පත් කර ඇති ආකාරය ආණ්ඩුක්‍රම ව්‍යවස්ථාවට පටහැනි බවට තීන්දුවක් දෙන්නැයි ඉල්ලා ගොනු කර ඇති මූලික අයිතිවාසිකම් පෙත්සම් නවය විභාගයට ගැනීම සඳහා පංචපුද්ගල ශ්‍රේෂ්ඨාධිකරණ විනිසුරු මඩුල්ල අද (24) දින නියම කළේය.

කතරගම වල්ලිමාතා ගම විහාරස්ථානයක විහාරාධිපති හිමිනමක් විසින්13 හැවිරිදි දැරියක් අපයෝනයට ලක් කිරිමට තැත් කිරිමේ චෝදනාවක් සම්බන්ධයෙන් අත්අඩංගුවට ගෙන අද (24) වැනි දින තිස්සමහාරාම වැඩබලන මහෙස්ත්‍රාත් ගාමිණී ආනන්ද මහතා වෙත ඉදිරිපත් කිරිමෙන් පසුව හෙට (25) දක්වා රක්ෂිත බන්ධනාගාර ගත කරන ලෙස නියෝග කරන ලදී.

කිලිනොච්චිය පරන්තන් ප්‍රදේශයේදී කුඩා ලොරි රථයකින් ඉතා සූක්ෂමව සඟවා රැගෙන යන ලද රුපියල් කෝටි 10 කට අධික වටිනාකමින් යුතු කේරල ගංජා කිලෝ 400 කට ආසන්න ප්‍රමාණයක් අද (24) උදෑසන කාලයේදී අත්අඩංගුවට ගත් බවට කිලිනොච්චිය පොලීසිය පැවසීය.

පාසල් පොත්පත් සහ උපකරණ මිල දී ගැනීමට රජයෙන් ලබාදෙන රුපියල් 6000ක මුදල් ‍වුවචරය ලබාගැනීමට නම් 2025 වර්ෂයට නියමිත පාසල් සංවර්ධන ගාස්තු ගෙවා අවසන් කළ යුතු යැයි ගාල්ලේ පාසලක විදුහල්පතිවරයෙක් දෙමාපියන්ට දැනුම් දී තිබේ.

ජනපති මාධ්‍ය අධ්‍යක්ෂ ජනරාල් ප්‍රසන්න පෙරේරා මහතා පත්කර තිබේ. එසේම ජනපති මාධ්‍ය උපදේශක ලෙස චන්දන සූරියබණ්ඩාර මහතා පත්කර තිබේ.

කුරුණෑගල දඹුල්ල ප්‍රධාන මාර්ගයේ මැල්සිරිපුර සිට ගලේවෙල පොලිස් වසම දක්වාත් දඹුල්ල ත්‍රිකුණාමලය ප්‍රධාන මාර්ගයේ දඹුල්ල සිට කන්තලේ දක්වාත් ස්ථාන 15 ක දිවා කාලයේ මෙන්ම රාත්‍රී කාලයේ ඉන්ධන ප්‍රවාහනය කරන බව්සර් රථ වලින් සහ රජයේ වාහනවලින් ඉන්ධන පිටතට ලබා ගැනීමේ මහා පරිමාණ ජාවාරමක් ක්‍රියාත්මක වන බව ජනතාව පවසති.

නිකුත් කිරීමට ඉතිරිව පවතින සියලු ගුවන් ගමන් බලපත්‍ර මාසයක් තුළ නිකුත් කර, එම ක්‍රියාවලිය සාමාන්‍ය තත්ත්වයට පත් කිරීමට අවශ්‍ය කටයුතු මේ වනවිටත් ක්‍රමිකව සිදු කෙරෙමින් පවතින බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා පැවසුවේය.

මහා කන්නයේ වී අස්වනු නෙළන සෑම ගොවියෙකුම සිය අස්වැන්නෙන් වී කිලෝ ග්‍රෑම් 300 ක් රජයට ලබා දීමට ත්‍රිකුණාමල දිස්ත්‍රික් කෘෂිකර්ම කමිටු වූයේ දී සියලු ගොවි සංවිධාන එකඟතාවය පළ කළ බව ත්‍රිකුණාමලය දිසාපති ඩබ්ලිව්.ජී. මහේෂ් හේමන්ත කුමාර මහතා පැවසීය.

උණ සෑදී රජයේ රෝහලකට ඇතුළත් කිරීමෙන් පසුව මියගිය වයස අවුරුදු එකයි මාස නවයක් වූ පුංචි දියණියට රෝහලේ නොසැලිකිලිමත් කම නිසා ජීවිතය අහිමි වී තිබෙන බවත් තවත් දරුවෙකුට මෙවැනි ඉරණමක් අත් නොවීමට පරීක්ෂණයක් පවත්වන ලෙස මියගිය දියණියගේ පියා සහ මව ජනාධිපතිවරයාට පාර්ලිමේන්තුවට, මධ්‍යම පළාත් සෞඛ්‍ය අමාත්‍යාංශයට, විෂය භාර අමාත්‍යවරයාට මාතලේ සෞඛ්‍ය අධ්‍යක්ෂකවරයාට මෙන්ම පොලිසියට පැමිණි කොට තිබේ.

කොටහේන, කොටහේන විදිය ජංගම දුරකථන උපාංග වෙළඳසැලේ හිමිකරුට වෙඩි තබා ඝාතනය කිරීමට මෙරට සැලසුම මෙහෙය වූ සහ ගිනි අවිය සැපයූ පුද්ගලයා මෝදර මෙත්සඳ සෙවණ ප්‍රදේශයේදී අත්අඩංගුවට ගත් බව කොළඹ උතුර කොට්ඨාස අපරාධ විමර්ශන කාර්යාංශය කියයි.

කොළඹ අලුත් කඩේ අංක පහ අධිකරණය තුළදී සංවිධානාත්මක අපරාධකරුවෙකු වන සංජීව කුමාර නොහොත් ගනේමුල්ල සංජීව අය වෙඩි තබා ඝාතනය කිරීම සිද්ධිය සම්බන්ධයෙන් අත්අඩංගුවට ගැනීමට සොයන සැකකාරිය හඳුනා ගැනීම සඳහා මෑත කාලේ ලබාගන්න ලද ඡායාරූප කීපයක් මාධ්‍ය කොට්ඨාසය වෙත ලැබී ඇතැයි පොලිසිය කියයි.

මෙරට පාරිපාලනය සිදු කළ යුත්තේ ජනාධිපති කාර්යාලයෙන් මිස පැලවත්ත ජනතා විමුක්ති පෙරමුණ ප්‍රධාන කාර්යාලයෙන් නොවන බව නව ප්‍රජාතන්ත්‍රවාදී පෙරමුණේ පාර්ලිමේන්තු මන්ත්‍රී රවී කරුණානායක මහතා පැවසීය.

ශ්‍රී ලංකා ජනපති අනුර කුමාර දිසානායක පත්වීමෙන් අනතුරුව පැවැත්වෙන පලමු මානව හිමිකම් කවුන්සිලයේ සැසිවාරයද මෙය වෙයි. ඒහිදී ශ්‍රීලංකාව පිලිබද මානව හිමිකම් සැසියේ කුමන අදහස් ඉදිරිපත් වේද යන්න ගැන

ජනාධිපති අනුර කුමාර දිසානායක මහතා අද (24දා) පාර්ලිමේන්තුවට පැමිණීමට නියමිතව තිබේ.

හම්බන්තොට ජාත්‍යන්තර වරායේ නියමිත ගැඹුර තැනින් තැන අඩුවීම හේතුවෙන් නියමිත ගැඹුරට හෑරීමේ කටයුතු මේ දිනවල ආරම්භ කර ඇත.

වර්තමාන ආණ්ඩුව සාධනීය අරමුණින් වැටුප් සංශෝධනයක් ක්‍රියාත්මක කළත් , අමතර රාජකාරි දීමනා සහ නිවාඩු දින දීමනා කප්පාදු කිරීමට ගත් තීරණය හේතුවෙන් වෛද්‍යවරුන් ඉච්ඡාභංගත්වයට පත්ව තිබෙන බව රජයේ වෛද්‍ය නිලධාරීන්ගේ සංගමය සඳහන් කරයි.