ශ්‍රී ලංකාවට ගිනිකොන දෙසින් බෙංගාල බොක්ක මුහුදු ප්‍රදේශයේ පවතින ගැඹුරු පීඩන අවපාතය අද (09) අලුයම 6 පමණ වනවිට මඩකලපුව සිට කිලෝමීටර් 170ක් පමණ නැගෙනහිර දෙසින් පිහිටා තිබුණු බව කාලගුණ විද්‍යා දෙපාර්තමේන්තුව පවසයි.

ගිනිකොණදිග බෙංගාල බොක්ක මුහුදු ප්‍රදේශයේ පවතින ගැඹුරු අවපාතය පිළිබඳ අනතුරු ඇඟවීමේ රතු නිවේදනයක් කාලගුණවිද්‍යා දෙපාර්තමේන්තුව විසින් නිකුත් කර තිබේ.

නුවරඑලිය ග්‍රෙගරිවැවේ ගොඩබෑමට ගිය සී ගුවන් යානයක් අනතුරට. ගුවන් නියමුවන් දෙදෙනා රෝහල් ගත කෙරේ.

දිවයිනට ගිනිකොණ දෙසින් බෙංගාල බොක්ක මුහුදු ප්‍රදේශයේ ස්ථාපිතව පැවති අඩු පීඩන කලාපය ඉදිරි පැය 12 තුළදී පීඩන අවපාතයක් දක්වා වර්ධනය විය හැකි බව කාලගුණවිද්‍යා දෙපාර්තමේන්තුව පවසයි. එම දෙපාර්තමේන්තුව අද පෙරවරුවේ නිකුත් කළ නිවේදනයේ දැක්වෙන්නේ එම පද්ධතිය බටහිරට බරව වයඹ දෙසට ගමන් කරමින් දිවයිනේ නැගෙනහිර වෙරළ දෙසට ළඟාවනු ඇතැයි අපේක්ෂ කෙරෙන බවයි.

වෙන්නප්පුව මාරවිල ප්‍රදේශයේ නීතිවිරෝධී මත්පැන් බවට සැකකෙරෙන දියරයක් පානය කිරීමෙන් පුද්ගලයන් 05 දෙනෙකු ජීවිතක්ෂයට පත්ව තිබේ.

මාසික ඉන්ධන මිල සංශෝධනය අනුව ලංකා ඛනිජ තෙල් නීතිගත සංස්ථාව සිය ඉන්ධන මිල ගණන් ඊයේ මධ්‍යම රාත්‍රි සිට ක්‍රියාත්මක වන පරිදි සංශෝධණය කර ති‍බේ. මෙහිදී ඔක්ටේන් 92 පෙට්‍රල් ලීටරක මිල වෙනස් නොවන අතර අනෙකුත් ඉන්ධන මිල ගණන් ඉහළ දමා තිබේ.

රාජ්‍ය මුදල් හා දේපළ සාවද්‍ය පරිහරණය කිරීමේ චෝදනා යටතේ අත්අඩංගුවට ගෙන අධිකරණයට ඉදිරිපත් කළ හිටපු අමාත්‍ය ජොන්ස්ටන් ප්‍රනාන්දු මහතා හා ඔහුගේ බාල පුත්‍රයා ලබන 09 දා තෙක් රක්ෂිත බන්ධනාගාර ගත කිරීමට වත්තල මහේස්ත්‍රාත් අධිකරණය නියෝග කළේය.

හිටපු අමාත්‍ය ජොන්ස්ටන් ප්‍රනාන්දු මහතා මීට මූල්‍ය අපරාධ විමර්ශන කොට්ඨාසය මගින් අත්අඩංගුවට ගෙන තිබේ.

වෙනිසියුලානු ජනාධිපති නිකොලස් මදුරෝ සහ ඔහුගේ බිරිඳ සිලියා ෆ්ලෝරස් සඳුදා ෆෙඩරල් මෑන්හැටන් අධිකරණයේ පෙනී සිටීමට නියමිත බව ජාත්‍යන්තර මාධ්‍ය වාර්තා කරයි. නඩු විභාගය දේශීය වේලාවෙන් 12:00 ට (GMT 17:00) පැවැත්වීමට නියමිතය. මේ අතර වෙනිසියුලාවට ඒරෙහිව යුද්ධයක් ක්‍රියාත්මක නොකරන බව ඇමෙරිකානු රාජ්‍ය ලේකම් මාක් රුබි‌යෝ පවසයි.

වෙනිසියුලාවට ඇමෙරිකාව විසින් ප්‍රහාරයක් එල්ල කර තිබේ. අගනගරය වන කරකාස් ඉලක්ක කර මෙම ප්‍රහාරය එල්ල ව තිබේ. වෙනිසියුලානු ජනපති නිකලෝස් මදුරෝ හා ඔහුගේ බිරිඳ මේ වන විට ඇමෙරිකානු හමුදා භාරයට ගෙන ඇති බව ඇමෙරිකානු ජනපතිවරයා පවසයි. එසේම මේ වන විට වෙනිසියුලානු ජනපති හා බිරිඳව වෙනිසියුලාවෙන් පිටකරගෙන යමින් සිටින බවද ඇමෙරිකානු ජනපතිවරයා පවසයි.

රුහුණු මහා කතරගම දේවාලය සතුව ඇති රත්තරන් සංචිතයෙන් 70%ක් පමණ ප්‍රමාණයක් වෙන්දේසි කර ඉන් ලැබෙන මුදල REBUILDING SRI LANKA අරමුදලට පරිත්‍යාග කිරීමට තීරණය කර ඇති බව කතරගම බස්නායක නිළමේ තිලිණ මදුසංක මහතා පවසයි.

2026 වර්ෂය තුළ පාසල් පවත්වන වේලාව දීර්ඝ නොකිරීමට අධ්‍යාපන අමාත්‍යාංශය තීරණය කර තිබේ. රට තුළ උද්ගත වූ ආපදා තත්ත්වය සහ පළාත් කිහිපයක පාසල් පද්ධතියට සහ ප්‍රවාහන පද්ධතියට සිදුව ඇති අලාභ හානි සැලකිල්ලට ගනිමින්, පාසල් පද්ධතිය සහ ප්‍රවාහන පද්ධතිය යථා තත්ත්වයට පත් වන තුරු මෙය ක්‍රියාත්මක නොකරන බව අධ්‍යාපන අමාත්‍යාංශය පවසයි. මේ සම්බන්ධයෙන් වන සවිස්තරාත්මක චක්‍රලේඛය අද (2) දින නිකුත් කරන කිරීමට නියමිතය.

මේ අනුව කිලෝ 12.5 මිල රුපියල් 150කින් ඉහළ දමා ඇති අතර නව මිල රුපියල් 4,250කි. කිලෝග්‍රෑම් 5 සිලින්ඩරයේ මිල රුපියල් 65 කින් ඉහළ දමා ඇති අතර නව මිල රුපියල් 1,710 කි.

අලුත් අවුරුදු උදාවේ රාජකාරියේ නිරතව සිටි අම්බලන්තොට පොලිසියේ නිලධාරියෙකු, අණ නොතකා ධාවනය වූ බිමත් රියදුරෙකුගේ මෝටර් රථයකට යටවීමෙන් අද (01) අලුයම අවාසනාවන්ත ලෙස ජීවිතක්ෂයට පත්ව තිබේ.

දිට්වා’ සුළි කුණාටුවෙන් පසු රට නැවත නගා සිටුවීම වෙනුවෙන් ’Rebuilding Sri Lanka’ ජනාධිපති කාර්ය සාධක බළකාය ස්ථාපිත කරමින් ජනාධිපති අනුර කුමාර දිසානායක මහතා විසින් අති විශේෂ ගැසට් නිවේදනයක් නිකුත් කළේය.අග්‍රාමාත්‍ය හරිනි අමරසූරිය ඇතුළු 25 දෙනෙකුගෙන් සමන්විතව කණ්ඩායමකින් මෙම බළකාය සමන්විත වේ.

කොළඹ මහ නගර සභාවේ අය වැය පළමු වර පරාජයට පත්වීමෙන් අනුතුරුව අද ඒ් සඳහා දෙවන අවස්ථාව ලෙස අද යලි ඡන්ද විමසීමක් කර තබුනා. එය අද දිනයේදී (31) මීට සුළු වේලාවකට පෙර වැඩි ඡන්ද 2කින් සම්මත වී ඇත.

ශ්‍රී ලංකා ජාතික ක්‍රිකට් කණ්ඩායමේ වේග පන්දු උපදේශක පුහුණුකරු (Consultant Fast Bowling Coach) ලෙස හිටපු ශ්‍රී ලංකා වේග පන්දු යවන ක්‍රීඩක ලසිත් මාලිංගව පත් කිරීමට ශ්‍රී ලංකා ක්‍රිකට් ආයතනය පියවර ගෙන තිබේ. අදාළ පත් කිරීම 2025 දෙසැම්බර් මස 15 වැනිදා සිට ක්‍රියාත්මක මාසයක සීමිත කාලයක් වලංගු වෙයි.

2026 රාජ්‍ය දින දර්ශනය අනුව මැයි මස 01 දා වෙසක් පොහෝ දිනය ලෙසත් එම මාසයේම 30 දා අධි පොසොන් පොහෝ දිනයත් යෙදී තිබෙන හෙයින් වෙසක් පොහෝ දිනය සම්බන්ධ කාලවකවානු ඳපිළිබ අතිශය සාවධානව කටයුතු කළ යුතු බව ඳසහන් කරමින් තෛනිකායික මහා නාහිමිවරුන් ජනපති අනුර කුමාර දිසානායක මහතා ලිපියක් යොමුකර තිබේ.

හෙළයේ ගීත කෝකිලාවිය ලෙස විරුධාවලිය ලැබූ කලාශූරී ලතා වල්පොල මහත්මියගේ දේහය පිළිබඳ අවසන් කටයුතු දෙසැම්බර් 31 වන බදාදා පූර්ණ රාජ්‍ය අනුග්‍රහය යටතේ සිදුකිරීමට නියමිතව තිබේ.

හෙළයේ ගීත කෝකිලාවිය ලෙස විරුධාවලිය ලැබූ කලාශූරී ලතා වල්පොල මහත්මිය අද (27) අභාවප්‍රාප්ත වූවාය. මියයන විට ඇය 92 වන වියේ පසුවුණි. ඇය ගීත දස දහසකට අධික ප්‍රමාණයක් ගායනා කර ඇති අතර සිනමාවේ සදාකාලික ’ගී රාජිනිය’ ලෙසද ඇය හදුන්වයි. අවසන් කටයුතු පසුව දැනුම් දීමට නියමිතය.

අපරාධ පරික්ෂණ දෙපාර්තමේන්තුවේ මිනිමැරුම් විමර්ශන අංශය මගින් සිදු කරනු ලබන විමර්ශනයකට අදාළව හිටපු අමාත්‍ය ඩග්ලස් දේවානන්දා මහතා අපරාධ පරික්ෂණ දෙපාර්තමේන්තුව මගින් ඊයේ (26දා) අත්අඩංගුවට ගන්නා ලදී.

රජය විසින් මෙම වර්ෂයේ (2025) අගෝස්තු මාසය අවසානයට ගෙවිය යුතු සමස්ත රාජ්‍ය ණය ප්‍රමාණය රුපියල් බිලියන 29,660.22ක් බැව් ශ්‍රිලංකා මහබැංකුව විසින් නිකුත්කොට ඇති වාර්තාවක සදහන් වේ.

සුනාමි හා සුළි සුළං පිළිබද පුර්ව දැනුම්දිම සදහා 2009 වර්ෂයේ දි ඉදිකරණු ලැබු සුනාමි කුළුනු 77 මේ වනවිට ක්‍රියාත්මක තත්ත්වයේ නොමැති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ.

දිත්වා සුළි කුණාටුව හේතුවෙන් මෙරට ශ්‍රම බලකායෙන් පුද්ගලයන් 374000ට පමණ බලපෑම් එල්ල වී ඇති බව ජාත්‍යන්තර කම්කරු සංවිධානය නිකුත් කළ නවතම සමීක්ෂණ වාර්තාවක දැක්වෙයි.

මෙරට සංචාරයක නිරත ඉන්දීය විදේශ කටයුතු අමාත්‍ය ආචාර්ය එස්. ජයිශංකර් මහතා අද (23දා) ජනාධිපති අනුර කුමාර දිසානායක මහතාව හමුවී තිබේ.

නොවැම්බර් මස අග දී ශ්‍රී ලංකාවට බලපෑ දිත්වා සුළි කුණාටුව හේතුවේ ගොඩනැගිලි සහ අන්තර්ගතයන්, කෘෂිකර්මාන්තය සහ තීරණාත්මක යටිතල පහසුකම් සඳහා ඇමරිකානු ඩොලර් බිලියන 4.1 ක සෘජු භෞතික හානියක් සිදු කර ඇති බව ලෝක බැංකු සමූහයේ ගෝලීය වේගවත් පශ්චාත් ආපදා හානි ඇස්තමේන්තු (GRADE)වාර්තාව පවසයි. අද නිකුත් කළ මෙම වාර්තාවේ දැක්වෙන්නේ මෙම පාඩුව ශ්‍රී ලංකාවේ දළ දේශීය නිෂ්පාදිතයෙන් සියයට 4 කට පමණ සමාන වන බවයි .

රැකියාව සදහා මුහුදු ගිය “ඉදුරංගී 01” බහුදින යාත්‍රාව ධීවරයින් පස් දෙනෙකු සමග මහ මුහුද මැද දී අතුරුදන්ව ඇති බවට එම ධීවරයින්ගේ ඥාතීන් වැලිගම මූලස්ථාන පොලීසිය වෙත පැමීණිලි කර ඇත.

රජයක් ලෙස පැවරුණු වගකීම රට ​ගොඩනගා ගැනීම වෙනුවෙන් යොදා ගන්නා බවට සඵත කරන බවත්, එමෙන්ම ජනතාවට පැවරී තිබෙන කාර්ය සහ වගකීම නිසි පරිදි ඉටු කරන ලෙස ජනතාවට සඳහන් කරන බවත් ජනාධිපති අනුර කුමාර දිසානායක මහතා පැවසීය.

දිට්වා සුළි කුණාටුව හේතුවෙන් ආර්ථිකමය වශයෙන් ඇති විය හැකි බලපෑම්වලට මුහුණ දීම සඳහා ජාත්‍යන්තර මූල්‍ය අරමුදලෙන් හදිසි මූල්‍යාධාර ලෙස ශ්‍රී ලංකාවට ඇමරිකානු ඩොලර් මිලියන 206ක් ලබා දීමට අනුමැතිය පළ කර ඇත.