රියාද් ගුවන්තොටුපොළට ප්‍රහාරයක්

සෞදි අගනුවර වන රියාද් හි කිං කාලිඩ් ජාත්‍යන්තර ගුවන්තොටුපළට එල්ල වූ ප්‍රහාරයකින් අවම වශයෙන් පුද්ගලයින් 12 දෙනෙකු මිය ගොස් 309 දෙනෙකු තුවාල ලබා ඇති බව පළාත් පාලන ආයතන පවසයි. යේමනයේ හූතිවරුන් මෙම ප්‍රහාර එල්ල කළ බව සෞදිය පවසයි.

මියගිය අය අතර සෞදි ජාතිකයන් හතර දෙනෙකු, බංග්ලාදේශයේ පුද්ගලයින් දෙදෙනෙකු සහ ඇමරිකා එක්සත් ජනපදය, ජෝර්දානය, පලස්තීනය, සිරියාව, සුඩානය සහ ඊජිප්තුව යන රටවලින් එක් අයෙකු බැගින් ඇතුළත් බව සෞදි සිවිල් ගුවන් සේවා අධිකාරිය පැවසීය. මේ අතර ගුවන්තොටුපළේ මෙහෙයුම්ද තාවකාලිකව අත්හිටුවා ඇත.

සෞදි ප්‍රමුඛ හමුදා සන්ධානයක් ප්‍රහාරයට ප්‍රතිචාර දැක්වීමට සපථ කර තිබේ. යේමනයේ සෞදි පිටුබලය ලබන රජයේ හමුදා සහ රටේ වැඩි කොටසක් පාලනය කරන හූතිවරුන් අතර මෑතකදී සටන් උත්සන්න වී තිබේ.

ඉරානයේ සහාය ලත් හූතිවරු ගුවන් තොටුපළට එල්ල කළ ප්‍රහාර දෙකකින් ගුවන් නියමුවෙකු ඇතුළු සෞදිජාතිකයින් 
තිදෙනෙකු මිය ගිය බව බලධාරීන් පැවසූ දිනකට පසුව මෙම ප්‍රහාර එල්ල විය. ඔක්තෝබර් 6 සහ 7 යන දිනවල සෞදි ගුවන් තොටුපළ දෙකකට එල්ල වූ හූති ප්‍රහාරවලින් තවත් පුද්ගලයින් තිදෙනෙකු මිය ගියහ.

සෙනසුරාදා ප්‍රකාශයේ දී, සෞදි සිවිල් ගුවන් සේවා අධිකාරිය පැවසුවේ තුවාල ලැබූවන්ගෙන් සමහරෙකු අසාධ්‍ය තත්ත්වයේ පසුවන බවයි.ගුවන් තොටුපළට සිදු වූ හානිය තක්සේරු කරමින් පවතින බව සෞදිය පවසයි.