මිද්දෙනිය පොලිස් වසමේ තෝරකොළයායේ තේක්ක කැලයේදී පුද්ගලයන් දෙදෙනකු ඝාතනය කිරීමේ සිද්ධියක් සම්බන්ධ ව තෝරකොළයායේම පදිංචිකරුවන් තිදෙනෙකු අවි ආයුධ රැසක් සමග ඊයේ (08) පෙරවරුවේදී තංගල්ල කොට්ඨාස අපරාධ විමර්ශන අංශයේ නිලධාරීන් විසින් අත්අඩංගුවට ගෙන ඇති බව පොලීසිය කියයි.ි

තියුණු ආයුධයකින් කපා කොටා ඝාතනය කෙරුණු අයෙකුගේ මළ සිරුරක් ඊයේ (8) රෑ ඇල්පිටිය ගනේගොඩ,ගොළුවාමුල්ල,ඉඹුලපිටිය පාලු නිවසක තිබී සොයාගත් බව ඇල්පිටිය පොලීසිය කියයි.

ප්‍රබල මත්ද්‍රව්‍ය ජාවාරම්කරුවකු බව කියන නඳුන් චින්තක වික්‍රමරත්න හෙවත් හරක් කටා නමැත්තා ත්‍රස්තවාදය වැළැක්වීමේ පනත යටතේ ආරක්ෂක ලේකම්වරයා විසින් නිකුත් කළ රැඳවුම් නියෝගයකට අනුව නඩු විභාගය අවසන් වන තෙක් රඳවා ගැනීමට තීරණය කර ඇතැයි නීතිපතිවරයා අද (08) කොළඹ මහාධිකරණයට දැනුම් දුන්නේය.

මහනුවර ඓතිහාසික ශ්‍රී දළදා මාළිගාවේ දියවඩන නිලමේ ප්‍රදීප් නිලංග දෑල මහතාගේ දෙවැනි ධූර කාලය ඊයේ (07) දින මධ්‍යම රාත්‍රියෙන් අවසන් වූවායින් පසු ඉදිරි මාස තුනක කාලයේ වැඩ බැලීම සඳහා හිටපු දියවඩන නිලමේ වරයාම පත් කොට තිබේ.

විශේෂයෙන්ම පුනර්ජනනීය බලශක්ති විභවතාව ඉතා ඉහළින් ඇති දිවයිනේ නැගෙනහිරි ප්‍රදේශවල බලශක්ති සම්ප්‍රේෂණ පද්ධතිය වර්ධනය කර ශක්තිමත් කිරීම තුලින් ජාතික විදුලිබල පද්ධතියේ විශ්වාසනීයත්වය හා ස්ථායිතාව වර්ධනය කිරීම පිණිස නව ග්‍රිඩ් උපපොළක් සාම්පූර් ප්‍රදේශයේ ඉදිකිරීමට බලශක්ති අමාත්‍ය ඉංජිනේරු කුමාර ජයකොඩි මහතා අතින් මුල්ගල තැබිණි.

මහනුවර සිට හැටන් දක්වා (06) දින රාත්‍රියේ අධික වේගයෙන් අන්තරාදායක ලෙස එකම දිසාවට පෞද්ගලික බස් රථ දෙකේ ගමන් වාර විමර්ෂණයකට යටත්ව ගමන් වාර (08) දින සිට අත්හිටුවීමට මධ්‍යම පළාත් මාර්ගස්ථ ප්‍රවාහන අධිකාරියේ සභාපති සී. ප්‍රියංකර මහතා පියවර ගෙන ඇත.

කාසල්රි ජලාශයේ ඉහළ ජල පෝෂක ප්‍රදේශයක් වන බගවන්තලාව ප්‍රදේශයට (08) දින පස්වරුවේ අධික වැසි පතිත විය.

දිවයිනේ බොහෝ ප්‍ර දේශවලට හෙට ප.ව. 1.00 න් පමණ පසුව වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

සැප්තැම්බර් 15 සිට 21 දක්වා 2025 පළාත් පාලන සතිය පැවැත්වීමට තීරණය කර ඇතැයිද 2016දී මෙම පළාත් පාලන සතිය අවසන් වරට පවත්වා ඇති අතර නව රජය බලයට පත්වුණු පසු පවත්වන පළමු පළාත් පාලන සතිය මෙය බවද වසර 09කට පසු පවත්වන පළාත් පාලන සතිය පුනරුදයේ පුරවරය යන තේමාව යටතේ පවත්වන බවද පළාත් සභා සහ පළාත් පාලන නියෝජ්‍ය අමාත්‍ය ප්‍රභා රුවන් සෙනෙරත් මහතා සඳහන් කරයි.

දන්ත වෛද්‍ය උපාධිධාරීන් 86 දෙනෙකු සීමාවාසික පුහුණුවට බඳවා ගැනීමට අදාළ පත්වීම් ලිපි ප්‍රධානය සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් අද (08) කොළඹ හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු ආයතනයේ දී සිදුකෙරිණි.

හිටපු රාජ්‍ය අමාත්‍ය ප්‍රසන්න රණවීර මහතා සැප්තැම්බර් 22 වෙනිදා දක්වා යළි රක්ෂිත බන්ධනාගාර ගත කිරීමට අධිකරණය නියෝග කර තිබේ.

ආසියානු කුසලාන විස්සයි 20 ක්‍රිකට් තරගාවලිය හෙට(09දා) සිට ආරම්භ වීමට නියමිතව තිබේ.

ලක්ෂපාපන ප්‍රදේශයට පැමිණෙන දෙස් විදෙස් සංචාරකයන් ප්‍රවාහනය කිරිම සදහා එම ප්‍රදේශයේම පිරිසක් එක්ව කරත්ත දෙක්ක නිර්මාණය කර ඇත.

ජෙරුසලම නගරයේ උතුරු මායිමේ පිහිටි රාමොට්හී බස් නැවතුම්පොළක් අසල සිදු කළ වෙඩි තැබීමකින් පුද්ගලයන් 05 දෙනෙකු ජීවිතක්ෂයට පත්ව තිබේ.

රාජ්‍ය ආරක්ෂාව බිඳවැටෙමින්, රටේ සංවර්ධනය අඩාළව පවතින මොහොතක විපක්ෂ නායකවරයා සම්බන්ධයෙන් කතා නොකොට නාමල් රාජපක්ෂ මහතා පිළිබඳව පමණක් ආණ්ඩු පක්ෂය අසත්‍ය ප්‍රකාශ කරනුයේ, 2029 දී ස්ථීරව රටේ ජනාධිපතිවරයා ලෙස නාමල් රාජපක්ෂ මහතා තහවුරු වන නිසා බවද මන්ත්‍රීවරයා පවස

අත්අඩංගුවට ගෙන රක්ෂිත බන්ධනාගාරගත කර සිටි හිටපු රාජ්‍ය අමාත්‍ය නිමල් ලන්සා මහතා ඇප මත නිදහස් කිරීමට මීගමුව මහාධිකරණය නියෝග කර තිබේ.

මූලික සාකච්ඡා වලදී එකඟතාවයට පැමිණි ආකාරයට සමගි ජන බලවේගය සහ විපක්ෂයේ අනෙකුත් දේශපාලන පක්ෂ සමග අඛණ්ඩව ඉදිරියටත් කටයුතු කරගෙන යාමට එක්සත් ජාතික පක්ෂය තීරණයකට එළඹ සිටී.

සමගි ජන බලවේගය ඇතුළු විපක්ෂයේ පක්ෂ සමග කටයුතු කිරීමට කමිටුවක් හෝ ඒ හා සමාන යාන්ත්‍රණයක් මඟින් ක්‍රියා කිරීමට එක්සත් ජාතික පක්ෂය අදහස් කරන බව නිවේදනයක් නිකුත් කරමින් සඳහන් කරයි.

’’වාරි මහිම’’ උත්සවයට දෙමාපියන් සහභාගී නොකළේ යැයි චෝදනා කරමින් පාර්ලිමේන්තු මන්ත්‍රීවරයෙකු සහ නියෝජ්‍ය අමාත්‍යවරයෙකු ඇටවීරගොල්ලෑව මහා කාශ්‍යප විදුහලේ විදුහල්පතිවරයාට තර්ජනය කර ඇති බැවින් ඒ සඳහා තම සංගමයේ පූර්ණ මැදිහත්වීම සහ අවශ්‍ය නීතිමය ක්‍රියාමාර්ග ගන්නා බව ලංකා ගුරු සංගමයේ සභාපති ප්‍රියන්ත ප්‍රනාන්දු මහතා පැවසීය.

බදුල්ල සිට කොළඹ කොටුව බලා ධාවනය වෙමින් තිබූ අංක 1016 දරන උඩරට මැණිකේ දුම්රිය අද (8) උදෑසන දෙමෝදර අහස් නවය ආරුක්කු පාලම ආසන්නයේ දී අතර මග ඇණහිටීම නිසාවෙන් දුම්රිය මගීන් දැඩි අපහසුතාවට පත්වූහ .

දේශබන්දු තෙන්නකෝන් පොලිස්පතිවරයා වශයෙන් පත්කිරීමට හිටපු ජනාධිපති රනිල් වික්‍රමසිංහ මහතා ගනු ලැබූ තීරණය ආණ්ඩුක්‍රම ව්‍යවස්ථාවට පටහැනි බවට තීන්දුවක් ලබා දෙන ලෙස ඉල්ලා ගොනුකර තිබෙන පෙත්සම් පෙබරවාරි මස 12 වන දා විභාගයට ගැනීමට ශ්‍රේෂ්ඨාධිකරණය දින නියම කර තිබේ.

එක්සත් ජාතීන්ගේ මානව හිමිකම් කවුන්සිලයේ 60 වන සැසි වාරය අද (08දා) ආරම්භ වේ.

ඉදිරියේදී පාර්ලිමේන්තුවට ඉදිරිපත් කිරීමට නියමිත පරිපූරක ඇස්තමේන්තු දෙකක් සහ යෝජනා සම්මතයක් පාර්ලිමේන්තු මන්ත්‍රී (ආචාර්ය) හර්ෂ ද සිල්වා මහතාගේ සභාපතිත්වයෙන් පසුගියදා (02) රැස්වූ රජයේ මුදල් පිළිබඳ කාරක සභාව විසින් සළකා බැලීමෙන් අනතුරුව අදාළ අනුමතිය ලබා දීම සිදුවිය.

මෙවැනි අත හැර දමා ඇති ගමන් මලු එක් සුවිශේෂී ගබඩාවක ගොඩ ගසා තබා තිබෙන අතර , එහි ඉඩකඩ ප්‍රමාණවත් නොවීම නිසා , එහි තිබූ ගමන් මලු කීපයක් , එම ගබඩාව මෙන්ම ගමන් මලු පථය අසළ ගොඩ ගසා තිබී ඇත . එම අවස්ථාවේදී එම ගමන් මලු පථය අසළ රාජකාරියේ නිරත වී සිටි , පොලිස් මත්ද්‍රව්‍ය කාර්යාංශයේ නිල සුනඛ ’’ මැක්ස් ’’ විසින් මෙම ගමන් මල්ල ඉව කර ,එය පහුරු ගාමින් බුරන්නට වී තිබේ .

කරන්දෙණිය ,අගනකැටිය, පදේශයේදී අද(8) අලුයම් කාලයේදී පොලු පහරදීමෙන් පුද්ගලයකු ඝාතනය කොට ඇතැයි කරන්දෙණිය පොලීසිය කියයි.

ඉන්දුනීසියාවේ දී අත්අඩංගුවට පත් සංව්ධානාත්මක අපරාධ කල්ලි නායක පානදුර නිලංග නැමැත්තාගේ අපරාධ වලට අනුබල දුන් දෙදෙනෙකු T 56 ගිනි අවියක්, මැගසිනයක්, පතුරම් 30 ක්, සහ පසුගිය දිනවල අපරාධ සදහා යොදාගත් යතුරුපැදියක් සමග අත් අඩංගුවට ගත්බව කළුතර අපරාධ කොට්ටාශය පවසයි.

ග්‍රෑන්ඩ්පාස් පොලිස් වසමේ මහවත්ත ඔර්ලෝසු කණුව අසලදී යතුරු පැදියකින් පැමිණි නාඳුනන පුද්ගලයින් දෙදෙනෙකු විසින් පුද්ගලයෙකුට වෙඩි තබා ඝාතනය කිරීමේ අපරාධය සම්බන්ධයෙන් කොළඹ උතුර කොට්ඨාස අපරාධ විමර්ශන කාර්යංශය මගින් විමර්ශන ආරම්භ කර තිබුණි.

රූපවාහිනයේ හා රිද‍ි තිරයේ ශ්‍රී ලංකාවේ සිටින ජ්‍යෙෂ්ඨතම කළාකාරණිය වන අයිරංගනී ‍සේරසිංහ මහත්මිය මියගොස් ඇති බවට මේ වන විට ඇතැම් සමාජ මාධ්‍ය ගිණුම් හරහා පළවන වාර්තා අසත්‍ය බව කළාකරු දයාන් විතාරණ මහතා පවසයි. ඇය මියගොස් ඇති බවට ඇතැම් පිටුවල පළවන වාර්තා මේ වන විට බොහෝ දෙනෙක් හුවමාරු කරගෙන තිබේ.

පන්දුවාර 7.1කදී කඩලු දෙකක් දැවී ලකුණු 76ක් ලෙස සටහන්ව තිබූ ශ්‍රී ලංකා ඉනිමේ වේගවත් ආරම්භය එලෙසින්ම ඉදිරියට රැගෙන ගිය කමිල් මිෂාර 73* (පන්දු 43) හා කුසල් පෙරේරා 46* (පන්දු 26) තුන්වැනි කඩුල්ල සඳහා නොබිඳුන ලකුණු 117ක සබඳතාවක් පවත්වමින් ශ්‍රී ලංකා ජයග්‍රහණය තහවුරු කළේය.