ඉන්දියාවේ චෙන්නායි සිට මගී නෞකාවක් අද (13) හම්බන්තොට වරායට පැමිණ ඇත.

මෙවර කන්නයේ බී ලූණු වගාව සාර්ථකව ඇති බැවින්, එම අස්වැන්න වෙළඳපලට පැමිණෙන අවස්ථාවේ බී ලූණු ආනයනය සීමා කර බද්දක් පනවා, ගොවියාට හා පාරිභෝගිකයාට අසාධාරණයක් නොවන මිලක් නියම කරන ලෙස බී ලූණු වගා කිරීමේ ගොවීන්ගේ සංගමය පවසයි.

2025 වසරේ ජනවාරි සිට ජූලි දක්වා ගතවූ මාස 7ක කාලය තුළ වාර්තා වූ ඉහළම විගමණික ශ්‍රමික ප්‍රේෂණ ප්‍රමාණය වාර්තා කරමින් ජූලි මාසය තුළදී ඇමරිකානු ඩොලර් මිලියන 697.3 ක් විදෙස් රැකියාවෙහි නිරත ශ්‍රි ලාංකිකයින් විසින් මෙරටට එවා ඇතැයි ශ්‍රි ලංකා මහ බැංකු දත්ත වාර්තා පෙන්වා දෙයි. එය 2024 වර්ෂයේ වාර්තා වූ ඇමරිකානු ඩොලර් මිලියන 566.8 ක ප්‍රේෂණ ප්‍රමාණයට සාපේක්ෂව සියයට 19.5 ක වර්ධනයකි.

විපක්ෂය සඳහන් කරන ආකාරයෙන් ආණ්ඩුව තුළ බෙදීමක් නොමැති බව අමාත්‍ය බිමල් රත්නායක මහතා පැවසීය.

මහජනතාවට මුහුණ පෑමට සිදුවන අපරාධ හා විවිධ ගැටලුකාරී අවස්ථා ක්ෂණිකව දැනුම් දීම සඳහා පොලිස්පති නීතිඥ ප්‍රියන්ත විරසූරිය මහතා විසින් 071/8598888 යන වට්ස් ඇප් අංකය අද (13දා) සිට හඳුන්වාදී තිබේ.

විපක්ෂයේ දේශපාලන පක්ෂවල එකතුවෙන් විශේෂ සාකච්ඡාවක් හෙට (14දා) දිනයේදී පැවැත්වීමට සැලසුම් කර තිබේ.

බන්ධනාගාර රෝහල් කේන්ද්‍ර කරගත් විශේෂ සෞඛ්‍ය සායන වැඩසටහන වැලිකඩ බන්ධනාගාරයෙන් ආරම්භ කෙරේ. · බන්ධනාගාර රෝහල් තුළ හදිසි ප්‍රතිකාර ඒකක ස්ථාපිත කරමින් මානව හා භෞතික සම්පත් සංවර්ධනයට පියවර. · මෙරට බන්ධනාගාර ගත වන රැදවියන්ගේ සෞඛ්‍ය රැකවරණය වරප්‍රසාදයක් නොව අයිතිවාසිකමක්... · බන්ධනාගාර තුළ බෝනොවන රෝග ඉහළයාමට මානසික පීඩාකාරී තත්ත්වයක් ද හේතුවක්... - සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස -

මධ්‍යම වනජීවී කලාපයට අයත් පල්ලෙකැලේ ආයෝජන කලාපය තුළ කම්බි මදුවකට හසුව සිටි කඳුකර කොටියෙකු ඉන් බේරා ගෙන නිරුපද්‍රිතව යළි ආරක්ෂිත ප්‍රදේශයකට මුදවා හැරීමට රන්දෙණිගල වන සත්ත්ව කළමනාකරණ ඒකකයේ සහ දාගවිල්ල බීට්ටු කාර්යාලයේ නිලධාරීන් විසින් පියවර ගෙන තිබේ.

රත්නපුර පොලිස්ථානයෙන් පසුගිය 30 දින උදැසන පලාගිය වරෙන්තුකරු රත්නපුර ගොඩිගමුව ප්‍රදේශයේ සැගව සිටියදි පසුගිය 11දා සවස අත්අඩංගුවට ගත් බව රත්නපුර පොලිසියේ ප්‍රකාශකයෙක් පැවසිය.

ජාතික ජන බලවේගයේ පාර්ලිමේන්තු මන්ත්‍රීවරයෙකු වන සුදත් බලගල්ල මහතා පසුගිය දිනක ග්‍රාම නිලධාරීන් සහ ප්‍රාදේශීය ලේකම් කාර්යාලවල සේවය කරනු ලබන නිලධාරීන් පිළිබදව දක්වනු ලැබූ අදහස් දැඩි පිලිකුළෙන් යුක්තව හෙලා දකින බව සමස්ත ලංකා වෘත්තිය සමිති මධ්‍යස්ථානය කියයි.

ඌරහස්මංහන්දිය කැරෑකැටිය ප්‍රදේශයේ වෙල් යායක අභිරහස් අයුරින් මිය ගිය පුද්ගලයන් දෙදෙනෙකුගේ මළ සිරුරු ඊයේ (12)දහවල් සොයාගත් බව ඌරගස්මංහන්දිය පොලීසිය කියයි.

දකුණු කොරියාවේ සිරගත කර සිටින හිටපු ජනාධිපති යූන් සුක් යෙල්ගේ බිරිඳ, කොටස් හැසිරවීම සහ අල්ලස් ගැනීම ඇතුළු චෝදනා රැසක් සම්බන්ධයෙන් අත්අඩංගුවට ගෙන තිබේ.

රුමේනියාවේ රැකියාවක් ලබා දෙන බව පවසා තරණයෙකුගෙන් රුපියල් නව ලක්ෂ හතලිස්පන්දහසක මුදලක් වංචා කළ බවට සැකපිට ශ්‍රී ලංකා විදේශ රැකියා ඒජන්සි සමාගමේ කළමනාකරුවෙකු අත්අඩංගුවට ගෙන තිබෙනවා. ශ්‍රී ලංකා විදේශ සේවා නියුක්ති කාර්යාංශයේ විශේෂ විමර්ශන අංශයේ නිලධාරීන් විසින් අනාරාහේන්පිට පිහිටි විදේශ රැකියා ඒජන්සි ආයතනයේ සිදුකළ වැටලීමකදී එම සැකකරු අත්අඩංගුවට පත්ව තිබේ.

හෝමාගම ප්‍රා දේශීය සභාවේ හිටපු මන්ත්‍ර‍ිවරයෙක් වෙඩි තබා ඝාතනය කිර‍ීමේ සිදුවීමට අදාළව සැකකරුවන් පැමිණි මෝටර් රථය හා සැකකරුවෙක් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

ශ්‍රී ලංකාව තුළ මහා පරිමාණ අයෝජනයට සූදානම් – වියට්නාමයේ රොක්ස් සමූහය

බස්නාහිර, සබරගමුව, වයඹ සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් හෙට(13දා) විටින් විට වැසි ඇති වන බව කාලගුණ විද්‍යා දෙපාර්තමේන්තුව සඳහන් කරයි.

ඕස්ට්‍රේලියානු කණ්ඩායමට එරෙහිව පැවති දෙවැනි විස්සයි 20 ක්‍රිකට් තරගයෙන් ලකුනු 53ක ජයක් වාර්තා කිරීමට සංචාරක දකුනු අප්‍රිකා කණ්ඩායම අද(12දා) සමත් විය.

ජනාධිපති හිමිකම් පනත අහෝසි කිරීමට එරෙහිව හිටපු ජනාධිපතිනී චන්ද්‍රිකා බණ්ඩාරනායක කුමාරතුංග මහත්මිය හිටපු ජනාධිපතිවරුන් සමග එක්ව අධිකරණ ක්‍රියාමාර්ග ගන්නා බවට ඇතැම් මාධ්‍ය හරහා සංසරණය වෙන පුවත අසත්‍ය බව හිටපු ජනාධිපතිනියගේ මාධ්‍ය ඒකකය සඳහන් කරයි.

වත්මන් ආණ්ඩුව සුන්බුන් ගොඩක එකතුවක් බවත්, ඒ අනුව ආණ්ඩුව නූතනත්වයට ගෙන ඒමට කටයුතු කරන බවත් ජනාධිපති අනුර කුමාර දිසානායක මහතා පැවසීය.

ඉන්දුනීසියාවේ බටහිර පැපුවා කලාපයේ අද(12දා) රික්ටර් මාපක 6.5ක ප්‍රබලත්වයෙන් යුත් භූකම්පනයක් හටගෙන තිබේ.

මෙරට නව පොලිස්පතිවරයා ලෙස වැඩබලන පොලිස්පති ප්‍රියන්ත වීරසූරිය මහතා පත්කිරීමට ජනාධිපතිවරයා කළ නිර්දේශයට ආණ්ඩුක්‍රම ව්‍යවස්ථාදායක සභාවේ අනුමැතිය හිමිවී තිබේ.

මාස 08කට ආසන්න කාලය තුළදී 62,314ක් අලුතින් රාජ්‍ය සේවයට බඳවා ගැනීම සඳහා අනුමැතිය ලබා දී ඇති බව කැබිනට් ප්‍රකාශක සෞඛ්‍ය සහ ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.

මීගොඩ ආටිගල මාර්ගයේදී වෙඩි තැබීමක් සිදුව තිබේ.

ආරක්ෂක නියෝජ්‍ය අමාත්‍ය අරුණ ජයසේකර මහතාට එරෙහිව විපක්ෂය විසින් ගෙන එනු ලබන විශ්වාසභංග යෝජනාව අද (12දා) කථානායක වෛද්‍ය ජගත් වික්‍රමරත්න මහතා වෙත භාර දී තිබේ.

හිටපු අමාත්‍ය රාජිත සේනාරත්න මහතා අත්අඩංගුවට ගෙන ඉදිරිපත් කරන ලෙස කොළඹ මහෙස්ත්‍රාත් අධිකරණය අද (12දා) වරෙන්තු නිකුත් කර තිබේ.

කොළඹ සිට බදුල්ල දක්වා ගමන් කිරීමට දේශීය ජනතාවගේ හා විදෙස් සංචාරකයන්ගේ පවතින අධික ඉල්ලුම හේතුවෙන් සති අන්තයේ කොළඹ සිට බදුල්ල දක්වා නව දුම්රියක් ධාවනයට ඒක් කරන බව දුම්රිය දෙපාර්තමේන්තුව කියයි.

අගමැති ධුරය වෙනස් කිරීමට කිසිදු අදහසක් රජයට නොමැති බව කැබිනට් ප්‍රකාශක සෞඛ්‍ය සහ ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.

රාජ්‍ය භාරදීමට සුදුසුකම් සහිත තරුණ ව්‍යාපාරයක් ගොඩනැගිය යුතු බව ජනාධිපති අනුර කුමාර දිසානායක මහතා පැවසීය.

දුම්රිය සාමාන්‍යාධිකාරී ධම්මික ජයසුන්දර මහතා එම ධුරයෙන් ඉවත් කිරීමට කැබිනට් අනුමැතිය ලැබී තිබේ. ජනපති අනුර කුමාර දිසානායක මහතාගේ ප්‍රධානත්වයෙන් ඊයේ පැවැති කැබිනට් රැස්වීමේදී මෙම අනුමැතිය හිමිව තිබේ.