කන්තලේ සීනි කම්මල සතු උක් අක්කර 21333 යි රූඩ් දෙකයි පර්චස් තිහක භූමියෙන් අක්කර 11000 ක් කෙටි කාලීන බෝග වගාව සඳහා නිදහස් කිරීමේදී බලහත්කාරයෙන් ඉඩම් අත්පත් කරගෙන සිටී පිරිසක් ඉවත් කිරීමට ත්‍රිකුණාමලය දිසාපති ඩබ්.ජී.මහේෂ් හේමන්ත කුමාර මහතා පොලිසියට පොලිස් විශේෂ කාර්ය බළකායට හා ඉඩම් කොමසාරිස් දෙපාර්තමේන්තුවට උපදෙස් ලබා දුන්හ.

ආසියාවේ සහ ශ්‍රී ලංකාවේ විශාලතම වකුගඩු රෝහල ලෙස සැලකෙන පොළොන්නරුව වකුගඩු රෝහලට ප්‍රමාණවත් පරිදි වෛද්‍යවරුන් මෙන්ම සේවකයින් නොමැතිකමින් ‍ශ්‍රි ලංකාවේ විවිධ ප්‍රදේශවලින් ප්‍රතිකාර ගැනීමට පැමිණෙන වකුගඩු රෝගීන් දැඩි අසීරුතාවයට පත්ව සිටිති.

මියන්මාරයට බලපෑ භූකම්පනයෙන් ජීවිතක්ෂයට පත් වූ පුද්ගලයන් සංඛ්‍යාව 1,700 ඉක්මවා ගොස් තිබේ.

කොළඹ සිට බදුල්ල දක්වා දිවෙන උඩරට මැණිකේ දුම්රියේ ප්‍රවේශපත්‍ර අන්තර්ජාලය ඔස්සේ ලබාගෙන විදේශිකයන්ට අධික මිල ගණන්වලට අලෙවි කිරීමේ ජාවාරමක් කලක් තිස්සේ පවත්වාගෙන ගිය පුද්ගලයෙකු දුම්රිය ආරක්ෂක අංශ නිලධාරීන් විසින් අල්ලා මහනුවර සංචාරක පොලීසියට බාරදී තිබේ.

ශ්‍රී ලංකා ක්‍රිකට් ආයතනයේ සභාපති ලෙස ශම්මි සිල්වා මහතා තේරී පත්ව තිබේ.

මොනරාගල දිස්ත්‍රික්කයේ මහ කන්නයේ වී අස්වැන්නෙන් වී ඇටයක්වත් වී අලෙවි මණ්ඩලයට ලැබී නැතැයි එම මණ්ඩලයේ දකුණු පළාත් ප්‍රාදේශීය කළමනාකරු ඉන්දික උපේන්ද්‍ර මහතා පැවසීය.

ගනේමුල්ල සංජීව නමැත්තාට වෙඩි තැබූ වෙඩික්කරුට ආධාර අනුබල ලබාදුන් කාන්තාව අත් අඩංගුවට ගැනීම සඳහා පෙබරවාරි 19 වැනි දින සිට දින 41ක් තිස්සේ පොලීසිය ඇය සොයමින් සිටියි.

පේරාදෙණිය පොලිස් වසමේ ඒදඬුවාව ප්‍රදේශයේදී ත්‍රීරෝද රථයක් පෙරලීීයාමෙන් එම ත්‍රිරෝද රථයේ ගමන් කළ දෙදෙනකු මිය ගොස් තවත් දෙදෙනෙකු තුවාල ලබා ඇති බව පේරාදෙණිය පොලිසිය කියයි.

ඉන්දිය ප්‍රිමියර් ලිග තරගාවලිය යටතේ රාජස්ථාන් රෝයල්ස් කණ්ඩායම හා චෙන්නායි සුපර් කිංග්ස් කණ්ඩායම අතර පැවැති තරගයෙන් රාජස්ථාන් රෝයල්ස් කණ්ඩායම ලකුණු 6ක තියුණු ජයක් ලැබිය.

කිරිපිටි මිල ඉහළ යාමට සාපෙක්ෂව අද(31දා) මධ්‍යම රාත්‍රි 12.00 සිට කිරි තේ එකක මිල රුපියල් දහයකින් හා කිරි ආශ්‍රිතව සකස් කරන ජූස් වර්ග හා චිස් කොත්තුවක මිල රුපියල් දහයකින් ඉහළ දමන බව ව්‍යාපාරික සංගම් සඳහන් කරති.

ශ්‍රී ලංකාව තුළ HIV ව්‍යාප්තිය ඉහළ යමින් පවතින හෙයින් කඩිනමින් පරීක්‍ෂණ වෙත යොමු වන ලෙස ජාතික ලිංගාශ්‍රිත රෝග හා ඒඩ්ස් මර්දන වැඩසටහන ජනතාවගෙන් ඉල්ලා සිටී.

වංචා දූෂණ ගැන පමණක් නොවෙයි. අපරාධ පිළිබඳ පවා, පාස්කු ප්‍රහාරය පිළිබඳ පවා පරීක්ෂණ ඉතා විධිමත්ව දියත්වෙමින් තිබෙනවා. මේ අප්‍රේල් මාසයේ 21 වැනිදාට නැවත පාස්කු ප්‍රහාරයේ දිනය සිහිපත් වෙනවා. අපි බොහෝ දුරට අපේ අපරාධ පරීක්ෂණ දෙපාර්තමේන්තුව උත්සහ දරමින් තිබෙනවා අප්‍රේල් මාසයේ 21 වැනිදාට පෙර එයට වගකිව යුතු, සැලකිය යුතු කණ්ඩායමක් හෙළිදරව් කරන්න. මේ වන විටත් ඔබතුමන්ලා දන්නවා හිටපු ඇමතිවරු 03ක් රිමාන්ඩ් භාරයේ ඉන්නවා. හිටපු එක ඇමති කෙනෙක් හැංගිලා ඉන්නවා.

ක්ලීන් ශ්‍රී ලංකා වැඩසටහන යටතේ නාගරික වනාන්තර ඇති කිරීමේ ව්‍යාපෘතියේ පළමු අදියර අද (30) පෙරවරුවේ පෑලියගොඩ, කැලණි පාලම අසලදී ආරම්භ විය.

පුනරුත්ථාපනය සඳහා මිනුවන්ගොඩ වෑගොව්ව ප්‍රදේශයේ පුනරුත්ථාපන මධ්‍යස්ථානයකට යොමු කළ පුද්ගලයෙකුගේ පාදවලට දම්වැල් දමා දෑත්වලට අත් මාංචු දමා හිමිකරු ඇතුළු පිරිසක් පොලු මුගුරුවලින් පහර දීමෙන් පුනරුත්ථාපනය වෙමින් සිටි පුද්ගලයෙකු රෝහල් ගත කිරීමෙන් අනතුරුව මියගොස් ඇතැයි මිනුවන්ගොඩ පොලීසිය කියයි.

අයිස් මත් ද්‍රව්‍ය ලග තබාගෙන පානය කරමින් සිටි වලස්මුල්ල මූලික රෝහලේ වෛද්‍යවරයෙක් හා හා ඔහුගේ මිතුරෙකු ඊයේ (29) මාතර දීයගහ ප්‍රදේශයේ කඩ කාමරයක් තුලදී සැකපිට ප්‍රශ්න කිරීම සදහා අත්අඩංගුවට ගත් බව මාතර කොට්ඨාස දූෂණ මර්ධන ඒකකය පවසයි.

ශ්‍රී ලංකා ආර්ථිකයේ කොඳු නාරටිය කුඩා හා මධ්‍ය පරිමාණ ව්‍යාපාරිකයන් බැවින් ඔවුන්ට ලබා දෙන බැංකු ණය සමස්ත ණය ප්‍රමාණයෙන් 40%ක් දක්වා ඉහළට ගෙන ඒමට අදහස් කර තිබෙන බව කර්මාන්ත හා ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති පවසයි.

කොළඹ පිහිටි සුපිරි වෙළෙඳ ම්‍යධ්‍යස්ථානයක සේවයකළ වයස අවුරුදු 22ක්වූ තරුණයකු ඉකුත් 22වනදා අත්අඩංගුවට ගැනීමට අදාළව සමාජ මාධ්‍ය අත්අඩංගුවට ගැනීම ගැන පොලීසිය පැහැදිලි කිරීමක් කර තිබේ.

දෙවිනුවර දේවාලය ඉදිරිපිටදී වෙඩි තබා ඝාතනය කල පසිදු තාරක තරුණයාගේ දේහය දෙවිනුවර නගරයට හෝ මහජනතාව රැස්වන ස්ථානයට රැගෙන නොයන ලෙසත් එම දේහය නිවසේ සිට සුසාන භූමිය දක්වා සාමකාමීව රැගෙන ගොස් මිහිදන් කරන ලෙසත් මාතර වැඩබලන මහේස්ත්‍රාත් හා නීතිඥ උපාලි රණසිංහ මහතා අද (30) එම තරුණයාගේ පියා ඇතුළු පවුලේ සාමාජිකයින් වෙත නියෝගයක් නිකුත් කළේය.

පළාත් පාලන ආයතන ඡන්ද විමසීමට අදාළ නිල ඡන්ද දැන්වීම් පත්‍රිකා බෙදාහැරීමේ කටයුතු අප්‍රේල් මස 16 වන දින ආරම්භ කරන බව මැතිවරණ කොමිෂන් සභාව පවසයි.

ආණ්ඩුව මගින් අධ්‍යාපන පාසල් ප්‍රතිව්‍යුහගත ව්‍යාපෘතිය යටතේ සිසුන් අඩු ප්‍රාථමික පාසල් එක්දහස් පන්සිය පනස් හතක් වසා දැමීමට හඳුනා ගෙන ඇතැයිද එමගින් දැනට සියයට තුනක් පමණ තිබෙන ප්‍රාථමික අධ්‍යාපනය හැදෑරීම අත්හරින දරුවන්ගේ සංඛ්‍යාව තව දුරටත් ඉහළ යෑමේ අවදානමක පවතින බව ලංකා ගුරු සංගමයේ සභාපති ප්‍රියන්ත ප්‍රනාන්දු මහතා චෝදනා කරයි.

වැලිකඩ පොලිස් ස්ථානයට අනුයුක්ත කොස්තාපල්වරයෙකු ගංජා සහ මත්කරල් සන්තකයේ තබාගෙන සිටියදී වැල්ලම්පිටිය පොලිසිය මගින් අත්අඩංගුවට ගෙන ඇත.

ඉන්දීය ප්‍රිමියර් ලීග් ක්‍රිකට් තරගාවලියේ තවත් තරග දෙකක් අද(30දා) පැවැත්වේ.

හිටපු අමාත්‍ය ටිරාන් අලස් මහතා හෙට(31දා) අපරාධ පරීක්ෂණ දෙපාර්තමේන්තුව හමුවට කැඳවා තිබේ.

මියන්මාරයට බලපෑ භූකම්පනයෙන් ජීවිතක්ෂයට පත් වූ පුද්ගලයන් සංඛ්‍යාව 1,600 ඉක්මවා ගොස් තිබේ.

නාවික හමුදාව, තලෛයිමන්නාරම වැලිපර 1 සහ 2 අතර මුහුදු ප්‍රදේශයේ සිදුකල විශේෂ සෝදිසි මෙහෙයුමකදී, එම මුහුදු ප්‍රදේශයේ පාවෙමින් තිබූ කේරළ ගංජා කිලෝ එකසිය විසි හතරයි (124) ග්‍රෑම් තුන්සිය අනූ දෙකක (392) පමණ තොගයක් (තෙතබර සහිත) 2025 මාර්තු මස 28 වැනි දින උදෑසන නාවික හමුදා භාරයට ගැනීමට කටයුතු කෙරිණි.

මෙවර සති අන්තයේදී ශ්‍රි පාද වන්දනාව සඳහා නල්ලතන්නිය -ශ්‍රීපාද මාර්ගයෙන් ලක්ෂ 04 කට ආසන්න දෙස් විදෙස් වන්දනාකරුවන් පිරිසක් පැමිණි බව නල්ලතන්නිය පොලීසිය පවසයි.

මෙරට ඉතිහාසයේ ප්‍රථම වතාවට විදේශ වෙළඳපොළේ අලෙවි කිරීම සඳහා ටින් මාළු අපනයනය කරන අවස්ථාව ඉතිහාස ගතවන බව ධීවර, ජලජ හා සාගර සම්පත් නියෝජ්‍ය අමාත්‍ය රත්න ගමගේ මහතා පැවසීය.

මාතලේ සුදු ගඟ රක්ෂිතයේ ගමන් මල්ලක දමා සඟවා තිබූ ටී 56 වර්ගයේ ගිනිඅවියක් සහ පතොරම් ගැබ් 02ක් 29 දා සොයා ගත් බව මාතලේ පොලිසිය කියයි.

බස්නාහිර, සබරගමුව, දකුණු හා ඌව පළාත්වලත් නුවරඑලිය සහ අම්පාර දිස්ත්‍රික්කවලත් ප.ව. 2.00 න් පමණ පසුව තැනින් තැන වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව කියයි.