නායයාමේ අවදානමක් හේතුවෙන් ඊයේ (10) රාත්‍රි 10.00 සිට පහළ කඩුගන්නාව ප්‍රදේශයෙන් වසා තබන ලද කොළඹ – මහනුවර මාර්ගය තවදුරටත් වසා තැබෙන බව පොලීසිය පවසයි.

බ්‍රිතාන්‍ය ඔත්තු බැලීමේ ගුවන් යානයකට බාධා කිරීම සඳහා සුකොයි SU-30 ප්‍රහාරක ජෙට් යානයක් යැවූ බව රුසියාවේ ආරක්ෂක අමාත්‍යාංශය පවසයි.

කොවිඩ් – 19 සම්බන්ධයෙන් වන රෝගී ප්‍රදේශයක් ඇතුළත හෝ ඉන් පිටත ඒකරාශීවීමක් , ක්‍රියාකාරකමක් හෝ අවස්ථාවක් සම්බන්ධයෙන් නව නියෝග කිහිපයක් පනවමින් සෞඛ්‍ය අමාත්‍යවරයා අති විශේෂ ගැසට් නිවේදනයක් නිකුත් කර තිබේ.

මෙවර අයවැයි පසු කොවිඩ් තත්ත්වය ජය ගනිමින්, වෙළෙඳ පොළ ආර්ථිකය නිෂ්පාදන ආර්ථිකයක් කරා රැගෙන යන අයවැයක් බව කියයි.

පෞද්ගලික අංශයේ සේවකයන්ගේ විශ්‍රාම යාමේ වයස් සීමාව අවුරුදු 60 දක්වා දීර්ඝ කිරීමට අදාළ පනත් කෙටුම්පත සංශෝධන සහිතව පාර්ලිමේන්තුවේදී සම්මත වී තිබේ.

බන්ධනාගාරගත රැදවියන්ට අමුත්තන් හමුවීමේ ක්‍රියාවලිය ඩිටිජල් කිරීමට කටයුතු කර තිබේ. විශේෂයෙන්ම කොවිඩ් 19 වසංගත තත්ත්වය ඇති වීමත් සමග රැදවියන්ගේ අමුත්තන් බැලීම අත්හිටවන ලදී. එහිදි රැඳවියන් තුළ හා ඥාතීන් අතර සම්බන්ධතා බිඳවැටීමෙන් ඇතිවු මානසික අසහනය අවම කිරීමට මෙම ක්‍රමවේදය නිර්මාණය කර තිබේ.

පාර්ලිමේන්තු නියෝජනය නොකරන පක්ෂ 31ක් සමග සන්ධාන ගතවීම සඳහා එක්සත් ජනතා නිදහස් සන්ධානය අද එම පක්ෂ නායකයින් සමග සාකච්ඡාවක් ශ‍්‍රී ලංකා නිදහස් පක්ෂ මූලස්ථානයේදී පැවැත්වීය.

“ජාතික ආරක්ෂක විද්‍යායතනය” අද (11) පෙරවරුවේ ජනාධිපති ගෝඨාභය රාජපක්ෂ අතින් දැයට දායාද කෙරිණ.

පූජ්‍ය අතුරලියේ රතන හිමියන් විසින් ශ්‍රේෂ්ඨාධිකරණයට පෙත්සමක් ඉදිරිපත් කර තිබේ.

ශ්‍රී ලංකාවේ රුසියානු තානාපති යූරි බි. මටේරි (Yuri B. Materiy) මහතා හා අධ්‍යාපන අමාත්‍ය දිනේෂ් ගුණවර්ධන මහතා අතර හමුවක් බත්තරමුල්ල, ඉසුරුපාය, අධ්‍යාපන අමාත්‍යාංශයේ දී 2021-11-11 දින සිදුවිය.

අපි හිතනවා අයවැය ජනතාවට හොඳ වෙන්නෙ නැහැ. ජනතාවගෙන් ගන්න අයවැයක් බවට මෙය පත්වේවි. සහන හම්බවෙන්නේ නැහැ යැයි ජනතා විමුක්ති පෙරමුණෙහි ප්‍රධාන ලේකම් ටිල්වින් සිල්වා මහතා පැවසීය.

ශ්‍රී ලංකාවේ නව ශ්‍රමිකයන් සඳහා ඉතාමත් ඉක්මනින්ම කොරියානු රැකියා අවස්ථා ලබාදෙන බව ශ්‍රී ලංකාවේ කොරියානු තානාපති පවසයි.

බඩු මිල ඉහළ දැමීම රජයේ අරමුණ නොවන බව අමාත්‍ය වෛද්‍ය රමේෂ් පතිරණ මහතා පවසනවා.

ජනතාව සෞඛ්‍ය පුරුදු අත් හැරීම මෙරට කොවිඩ් ආසාදිතයන් යළි ඉහළ යාමට හේතුවක් වී ඇති බව සෞඛ්‍ය අමාත්‍යංශයේ මාධ්‍ය ප්‍රකාශක විශේෂඥ වෛද්‍ය හේමන්ත හේරත් පවසා සිටියි.

අයහපත් කාලගුණික තත්ත්වය නිසා හටගත් වර්ෂාව හේතුවෙන් මන්නාරම දිස්ත්‍රික්කයේ කුඹුරු අක්කර 7000 කට ආසන්න ප්‍රමාණයක් ජලයෙන් යට වී විනාශ වී ගොස් ඇතැයි මන්නාරම සහකාර කෘෂිකර්ම අධ්‍යක්ෂ ඒ.මෙරින් කුමාර් මහතා අද පැවසීය.

අන්තර් විශ්වවිද්‍යාල ශිෂ්‍ය බල මණ්ඩලයේ කැඳවුම්කරු වසන්ත මුදලිගේ ඇතුළු පස්දෙනා ඇප මත මුදාහැර තිබේ.

ඒ අනුව මහින්ද අමරවීර, සී.බී රත්නායක, නාලක ගොඩහේවා, නිමල් ලාන්සා, සුදර්ශිනී ප‍්‍රනාන්දුපුල්ලේ, නලින් ප‍්‍රනාන්දු, ජයන්ත වීරසිංහ, වීරසුමන වීරසිංහ යන මැති ඇමතිවරුන් සහ ගම්පහ දිස්ත‍්‍රික් ලේකම් සුනිල් ජයලත් මහතා එම කමිටුව නියෝජනය කරනු ලබයි.

කොරෝනා ආසාදිතයින් දිනෙන් දින වැඩි වුවහොත් රට බරපතළ තත්ත්වයකට නැවත පත්විය හැකි බව සෞඛ්‍ය අංශ පවසනවා.

2022 මුදල් වර්ෂය සඳහා වන විසර්ජන කෙටුම්පත දෙවන වර කියවීම සඳහා මුදල් අමාත්‍ය බැසිල් රාජපක්ෂ මහතා විසින් හෙට (12) පාර්ලිමේන්තුවට ඉදිරිපත් කෙරේ. අය වැය කථාව ප.ව 02.00 ට ආරම්භ වන බව පාර්ලිමේන්තුවේ මහලේකම් ධම්මික දසනායක මහතා පැවසීය. නිදහස් ශ්‍රී ලංකාවේ 76 වැනි අයවැය මෙයයි.

දෙමළ ජාතික සන්ධාන වන්නි දිස්ත්‍රික් පාර්ලිමේන්තු මන්ත්‍රී චාලර්ස් නිර්මලනාදන් මහතාට කොවිඩ් -19 වෛරසය ආසාදනය වී තිබේ.

මේ දිනවල දිවයිනට බලපා ඇති අයහපත් කාලගුණය හේතුවෙන් පුද්ගල මරණ 25ක් වාර්තා වී තිබේ. එසේම එක් පුද්ගලයෙක් අතුරුදන්ව ඇතැයි වාර්තා වී ඇති බව ආපදා කළමනාකරණ මධ්‍යස්ථානය අද පෙරවරු 6.00ට නිකුත් කළ සංක්ෂිප්ත වාර්තාවේ සඳහන් වෙයි.

ශ්‍රී ලංකාවේ පාරිසරික සංවේදී ප්‍රදේශ හඳුනාගෙන ඒවා ආරක්ෂා කර ගැනීම සඳහා ජාතික ප්‍රතිපත්තියක් සකස් කිරීමට පරිසර අමාත්‍යාංශය විසින් පියවර ගෙන තිබෙනවා.

රට තුළ පැවති තද වැසි තත්ත්වයේ සාපේක්ෂ අඩුවීමක් අද (11) දින සිට බලාපොරොත්තු වන බව කාලගුණ විද්‍යා දෙපාර්තමේන්තුව සඳහන් කර සිටියි.

ලිත් මුද්‍රණය කිරීම සම්බන්ධ අමාත්‍ය බැසිල් රාජපක්ෂ මහතාට එරෙහිව ඉදිරිපත් ඇති නඩුව තවදුරටත් පවත්වාගෙන යාම සම්බන්ධ තීරණය ලබා දීම සඳහා කොළඹ මහාධිකරණය මේ වනවිට එම නඩුව විභාගයට ගැනීමට සූදානම් කර ඇත.

මතභේදයට තුඩු දුන් චීන පොහොර පිළිබඳව තෙවැනි පාර්ශ්විය ආයතනයක් වන Schutter Global Inspection and Survey Company කළ පරීක්ෂණයේදී එම පොහොරවල අහිතකර බැක්ටීරියා නොමැති බව තහවුරුවී ඇති බව චින්ඩාවෝ සීවින් බයෝටෙක් සමාගම පවසයි. මෙම ආයතනය එම සමාගම විසින් තෝරා ගත් තෙවැනි පාර්ශ්විය ආයතනයක් වෙයි.

වැසි තත්ත්වයේ වැඩි වීමත් සමග ඩෙංගු රෝගයේද වැඩි වීමක් පෙන්නුම් කරනවා.

බස්නාහිර පළාත තුළ මහජනතාව නිසි ලෙස සෞඛ්‍යාරක්ෂිත උපදෙස් පිළිපදින්නේද යන්න පරික්ෂා කිරිමට හා සෞඛ්‍යාරක්ෂිත උපදෙස් .දැඩි ලෙස උල්ලංඝනය කරන පුද්ගලයින්ට එරෙහිව පියවර ගැනිම සඳහා පොලීසිය විසින් විශේෂ මෙහෙයුමක් ක්‍රියාත්මක කර තිබේ.

ආණ්ඩුව ඇති කළ පොහොර ප‍්‍රශ්නය නිසා වී පමණක් නොව එළවළු, පලතුරු අස්වැන්නත් සියයට පනහකින් අඩුවන බව සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න මහතා ඊයේ පැවසීය.

පන්දුවාර විස්සයි20 ‌ලෝක කුසලාන තරගාවලියේ අවසන් මහ තරගයට පිවිසීමට නවසීලන්ත කණ්ඩායම සමත්විය. ඒ් අවසන් පූර්ව තරගයේදි එංගලන්ත කණ්ඩායම කඩුලු 5කින් පරාජයට පත්කරමිනි.