පිලිපීනයේ ආහාර හා ඖෂධ පරිපාලනයේ අධ්‍යක්ෂ ජනරාල් එන්රීක් ඩොමින්ගෝ විසින් මේ පිළිබඳව නිල වශයෙන් ප්‍රකාශයට පත්කරන ලදී.

තමන් ඩුබායිහිදී මිලදී ගත් අත් ඔරලෝසුවේ වටිනාකම ඉන්දී රුපියල් කෝටි 1.5ක් බව ඉන්දී සුපිරි තුන් ඉරියව් ක්‍රීඩක හර්දික් පාණ්ඩ්‍යා නිවේදනයක් නිකුත් කරමින් පවසයි.

අවදානම් කලාපවල පදිංචිව සිටින බවට හඳුනාගත් පවුල් 12,000 ක් කඩිනමින් ආරක්ෂිත ස්ථානවල නැවත පදිංචිකරන්නැයි අග්‍රාමාත්‍ය මහින්ද රාජපක්ෂ අද (16) දින උපදෙස් දුන්නේය.

සෞඛ්‍ය මාර්ගෝපදේශයන්ට අනුගත වෙමින් ලබන නොවැම්බර් 28 වැනි දා සිට දහම් පාසල් යළි විවෘත කළ හැකි බව බෞද්ධ කටයුතු දෙපාර්තමේන්තුව පවසා සිටියි.

පොලිස් මාධ්‍ය ප්‍රකාශක මාධ්‍යවේදීන් අමතමින් කියා සිටියේ මධ්‍යම පොලිස් ස්ථානයේ මුරපොලකදී සහ පාර්ලිමේන්තු මාවතේ මරාගෙන මැරෙන බෝම්බකරුවන් තිදෙනෙකු බෝම්බ පුපුරුවා ගත් බවයි.

ප්‍රකාශයක් ලබාදීම සඳහා දෙවන දිනටත් අපරාධ පරීක්ෂණ දෙපාර්තමේන්තුව වෙත පැමිණි ආචාර්ය සිරිල් ගාමිණි පියතුමන් මීට සුලු වේලාවකට පෙර පිටව ගොස් තිබේ.

කොව්ඩ්-19 වසංගතය සමග ජීවත්වීමේ ක්‍රමවේදයට ලෝකය මේ වනවිට යොමුවෙමින් සිටින අතර, ලොව බොහෝ රටවල් මූලික මහජන සෞඛ්‍ය ක්‍රියාමාර්ගවලට යටත්ව සිය රටවල් විවෘත කරමින් සිටියි.

දූෂණයෙන්, වංචාවෙන් දක්ෂයන්ගෙන් ආණ්ඩුවක් බිහිකර කඩා වැටුනු දේශය ගොඩනැංවීමට සමගි ජනබලවේගය කටයුතු කරන බව විපක්ෂනායක සජිත් ප්‍රේමදාස මහතා කොළඹදී අද (16දා) පැවසීය.

කොවිඩ් ව්‍යසනයට මුහුණ දෙමින් රට ගොඩනැංවීම උදෙසා වසංගතය මෙන්ම ආර්ථිකයද කළමනාකරණය කිරීම අතිශය වැදගත් බව සෞඛ්‍ය අමාත්‍ය ආචාර්ය කෙහෙලිය රඹුක්වැල්ල මහතා පවසයි.

නොවැම්බර් 9දා සිට ක්‍රියාත්මක වන නවතම ක්‍රියාමාර්ග යටතේ, ගෘහස්ථ හෝ එළිමහනේ කැෆේ සහ අවන්හල් වෙත පැමිණෙන පාරිභෝගිකයන් කොවිඩ්-19 එන්නත් කිරීම හෝ වෛරසයෙන් සුවය ලැබීම පිළිබඳ සාක්ෂි පෙන්වීමට බැඳී සිටී.

ආණ්ඩුව විනාශ වුණත් ජාත්‍යන්තර අරමුදට මුදල් ලබා ගැනීමට නොයන බව අමාත්‍ය වාසුදේව නානායක්කාර මහතා පවසයි. ශ්‍රී ලංකාව මුහුණ දි ඇති අස්ථාවර තත්ත්වයට පිළියමක් ලෙස ජාත්‍යන්තර මූල්‍ය අරමුදලේ සහාය ලබා ගන්නා ලෙස හිටපු අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේ කළ ප්‍රකාශයකට පිළිතුරු දෙමින් අමාත්‍යවරයා මේ බව පැවැසීය.

2026 20-20 ක්‍රිකට් ලෝක කුසලානයේ සත්කාරකත්වය ඉන්දියාවට සහ ශ්‍රී ලංකාවට හිමිවන බව ජාත්‍යන්තර ක්‍රිකට් කවුන්සිලය නිවේදනය කර සිටියි

විශේෂයෙන්ම මේ හරහා ඉරානය වෙත පනවා ඇති සම්බාධක ඉවත්කර ගැනීමටද අවශ්‍ය වටපිටාව සැකසෙනු ඇති බව සඳහන් වේ.

බත්තරමුල්ල, සෙත්සිරිපාය පරිශ්‍රයේ සිට නව බස් රථ සේවාවන් 11ක් ආරම්භ කිරීමට ලංකා ගමනාගමන මණ්ඩලය කටයුතු කර තිබේ.

ශ්‍රී ලංකාවේ සමාජ ආර්ථික සංවර්ධන අවශ්‍යතා වෙනුවෙන් සිය සහාය දෙන බව ජපාන අන්තර්ජාතික සහයෝගිතා ආයතනයේ (JICA) දකුණු ආසියානු කලාපීය අධ්‍යක්ෂ ජනරාල් සකමොතො තකෙමා මහතා (Sakamoto Takema) ජනාධිපති ගෝඨාභය රාජපක්ෂ මහතා සමග පවසයි.

සමගි ජන බලවේගයේ කොළඹ උද්ඝෝෂයට සහභාගී වීම සඳහා අනුරාධපුරයේ සිට කොළඹට ගමන් කරමින් තිබූ බස් රථ කීපයක් අද (16දා) නොච්චියාගම ප්‍රදේශයේ දී පොලීසිය ආපසු හරවා යැවීමට කටයුතු කිරීමත් සමග උණුසුම්කාරී තත්ත්වයක් ඇති විය.

පහල කඩුගන්නාව සහ ඊට ඉහළින් ඇති මහනුවර කොළඹ මාර්ගය නාය යාමේ තර්ජනයකට ලක් වීම හේතුවෙන් හා මහනුවර දුම්රිය ගමනය තාවකාලිකව නවතා දැමීම නිසා පැණිදෙණිය ඉන්ධන තොග ගබඩාවට න්ධන ප්‍රවාහනයේදී ගැටලු රැසකට මුහුණ දීමට සිදුවී ඇති බව වාර්තා වේ .

ශ්‍රී ලංකාවට අලුතින් පත්ව පැමිණි තානාපතිවරු දෙදෙනෙක් සහ මහ කොමසාරිස්වරයෙක් අද (16) පෙරවරුවේ ජනාධිපති මන්දිරයේ දී ජනාධිපති ගෝඨාභය රාජපක්ෂ වෙත සිය අක්තපත්‍ර භාරදුන්හ.

මන්නාරම උප්පුකුලම් කොන්තෙයිපිඩ්ඩි ප්‍රදේශයේ පිහිටි වසර 45 කට වඩා පැරණි අබලන් තත්වයේ තිබූ පානීය ජල ටැංකියක් ජනතාවගේ ආරක්ෂාව වෙනුවෙන් පුපරවා බිම හෙලීමට යුදහමුදාව විසින් ඊයේ (15) සවස පියවර ගනු ලැබීය.

[UPDATE] සමගි ජන බලවේගයේ විරෝධතාවයක් හේතුවෙන් ගාලු කොළඹ ප්‍රධාන මාර්ගය කොල්ලුපිටිය ප්‍රදේශයෙන් අවහිරවී තිබේ.

මේ මාසයේ මුල් දෙසතිය තුල සංචාරකයන් 19,222කු දිවයිනට පැමිණ ඇතැයි සංචාරක ඇමති ප්‍රසන්න රණතුංග මහතා පවසයි. නොවැම්බර් 01 වෙනිදා සිට 14 වෙනිදා දක්වා කාලය තුල මෙම සංචාරකයන් පැමිණ තිබේ. රට සංචාරකයන්ට විවෘත කිරීමෙන් පසු මේ දක්වා දිවයිනට පැමිණ ඇති සංචාරකයන් සංඛ්‍යාව 80,310ක් බව ද ඇමතිවරයා වැඩිදුරටත් සඳහන් කරයි.

සිනමාව කර්මාන්තයක් ලෙසට ප්‍රවර්ධනය කිරීමට කැබිනට් අනුමැතිය හිමිවී තිබේ.

රට මුහුණ දී ඇති අභියෝග ජය ගැනීමට අප ක්‍රියාත්මක කරන තිරසාර විසඳුම් වැඩ පිළිවෙල සමඟ අත්වැල් බැඳගෙන රටේ ඉදිරි ගමනට දායක වන ලෙස සියලු දෙනාගෙන්ම ඉල්ලා සිටිනවා.

රජයේ පාසල්වල මෙතෙක් විවෘත කර නොමැති 6 ශ්‍රේණියේ සිට 9 ශ්‍රේණිය දක්වා පන්ති ලබන නොවැම්බර් 22 වන සඳුදා ආරම්භ කරන බව ජනමාධ්‍ය අමාත්‍ය ඩලස් අලහප්පෙරුම පවසා සිටියි.

සමගි ජන බලවේගය විසින් (16) දින කොළඹදි පැවැත්විමට නියමිත උද්ඝෝෂණයට සහභාගි විම සදහා නුවරඑලිය ප්‍රදේශයෙන් කොළඹට පැමිණෙමින් සිටි සමගි ජන බලවේගයේ ආධාරකරුවන් පිරිසක් ආපසු හරවා යැවිමට පොලිසිය කටයුතු කරනු ලැබීය.

ශ්‍රී ලංකාව තුළ මේ වන විට ඉන්ධන හිඟයක් නොමැති බව රජය ප්‍රකාශ කරයි. ආණ්ඩු පක්ෂයේ ප්‍රධාන සංවිධායක, අමාත්‍ය ජොන්ස්ටන් ප්‍රනාන්දු මහතා පාර්ලිමේන්තුවේදී ප්‍රකාශයක් කරමින් පැවසුවේ ඉන්ධන එක්රැස් කර ගැනීමෙන් වළකින ලෙසයි.

ප්‍රකාශයක් ලබාදීම සඳහා ආචාර්ය සිරිල් ගාමිණි පියතුමන් මීට ටික වේලාවකට පෙර අද දෙවන දිනටත් අපරාධ පරීක්ෂණ දෙපාතමේන්තුව වෙත පැමිණ තිබේ.

ගෝලීය වශයෙන් නව කොරෝනා වෛරසය ආසාදිතයන් සංඛ්‍යාව 253,860,000ක් පසුකර ඇති අතර, වෛරසයේ වේගවත් ව්‍යාප්තිය නිසා මහජන සෞඛ්‍ය ක්‍රියාමාර්ගවල (මුඛ ආවරණ, නිතර දෑත් සේදීම, සමාජ දුරස්ථබව) සියලු දෙනා නිරතවීම අතිශය තීරණාත්මක බව විශේෂඥ මතය වී තිබේ.

අවුරුදු 60ට වැඩි පුද්ගලයින්ට කොරෝනා මර්දන එන්නතේ බූස්ටර් මාත්‍රාව ලබාදීමේ කටයුතු හෙට (17) ආරම්භ කරන බව රාජ්‍ය අමාත්‍ය මහාචාර්ය චන්න ජයසුමන පවසා සිටියි.