ඉන්ධන හිඟය හා විදුලිය කප්පාදුව නිසා මේ මස 22වැනිදායින් පසු මත්පැන් නිෂ්පාදනය නතර වන බවට සමාජ මාධ්‍යයන්හි පළ වන වාර්තා සාවද්‍ය බව සුරාබදු දෙපාර්තමේන්තුව සඳහන් කරයි.

මාස 6කට ආසන්න කාලයක් ඩොලරයක අගයක රුපියල් 200ක අගය පවත්වාගෙන යාම සඳහා ආණ්ඩුව විනිමය වෙළඳපොළට ඩොලර් බිලියන 1.5ක් පමණ යොමුකර ඇති බව පාර්ලිමේන්තු මන්ත්‍රී ආචාර්ය හර්ෂද සිල්වා මහතා පවසයි.

ප්‍රභල අකුණු පිළිබඳව අවවාදාත්මක නිවේදනයක් කාලගුණ විද්‍යා දෙපාර්තමේන්තුව විසින් නිකුත් කර තිබේ. අද පස්වරු 4.30ට නිකුත් කළ මෙම නිවේදනය රාත්‍රී 11.30 තෙක් වලංගු වෙයි.

තමා යුක්රේනයේ අගනුවර වන කියෙව්හි රැදී සිටින බවත් කාටවත් බයක් නොමැති බවත් යුක්රේන ජනපති සෙලේන්ස්කි පවසයි.

රුපියල පා කිරීමට ගත් තීරණයත් සමගින් ශ්‍රී ලංකා මහ බැංකුව නිකුත් කළ නවතම විනිමය අනුපාත අනුව ඇමෙරිකානු ඩොලරයක විකුණුම් රුපියල් 229.9ක් දක්වා ඉහළ ගොස් තිබේ.

වසර දෙකකට පසුව චීනයෙන් ඉහළම දෛනික COVID-19 රෝගීන් සංඛ්‍යාව ඉරිදා දිනයේදී වාර්තා වී තිබේ. ඉරිදා දිනයේදී වාර්තා වී ඇති කොවිඩ් ආසාදිතයන් සංඛ්‍යාව 526කි. චින්ඩාවෝ , ෂැංහායි ඇතුළුන ජනාකීර්ණ අගනගර ඇතුළුව පළාත් හා මහ නගර සභා සීමා 14 ක පමණ මෙම රෝගීන් වාර්තා වී තිබේ.

රාජ්‍ය අමාත්‍ය ජයන්ත සමරවීර මහතා සිය අමාත්‍යධුරයෙන් ඉවත්වීමට තීරණය කර තිබේ. ජයන්ත සමරවීර මහතා ආණ්ඩුවේ හවුල්කාර පක්ෂයක් වන ජාතික නිදහස් පෙරමුණ නියෝජනය කරයි.

“එක රටක් එක නීතියක්” සඳහා වූ ජනාධිපති කාර්ය සාධක බලකාය ඊයේ (07) පස්වරුවේ පාර්ලිමේන්තු සංකීර්ණයේ දී කථානායක මහින්ද යාපා අබේවර්ධන මහතා සහ පාර්ලිමේන්තු මහලේකම් ධම්මික දසනායක මහතා හමුවිය.

සාර්ව ආර්ථික ප්‍රතිපත්ති, කොවිඩ් 19 වසංගත තත්ත්වයෙන් පසුව ජාතික ආර්ථිකයේ ක්‍රියාකාරිත්වය, ආර්ථිකය ප්‍රතිව්‍යුහ ගත කිරීම, රජයේ ආර්ථික ප්‍රතිපත්ති හා මූල්‍ය ප්‍රතිපත්ති සඳහා සෘජු බලපෑමක් ඇති කරන ප්‍රධාන සංවර්ධන ව්‍යාපෘති ඇතුළුව දේශීය ආර්තික ප්‍රතිපත්තීන් පිළිබඳව වඩාත් ගැඹුරින් සාකච්ඡා කරන සමස්ත ආර්ථික කළමනාකරණය සිදු කිරීම මගින් ආර්ථික වර්ධනය වේගවත් කිරීමට මෙම ආර්තික සභාව ස්ථාපිත කර තිබේ.

විශේෂ ජනාධිපති පරීක්ෂණ කොමිෂන් සභාව වෙත තමන් කැඳවීම සම්බන්ධයෙන් එක්සත් ජාතික පක්ෂ පාර්ලිමේන්තු මන්ත්‍රී රනිල් වික්‍රමසිංහ මහතා පාර්ලිමේන්තුවේදී වරප්‍රසාද ප්‍රශ්නයක් මතුකළේය.

හිටපු පාර්ලිමේන්තු මන්ත්‍රිනී හිරුණිකා ප්‍රේමචන්ද්‍ර මහත්මියගේ නිවසට අසූචි ප්‍රහාරයක් එල්ල වී ඇතැයි පාර්ලිමේන්තු මන්ත්‍රී සරත් ෆොන්සේකා මහතා අද (08දා) පාර්ලිමේන්තුවේදී සඳහන් කළේය.

ආණ්ඩුක්‍රම ව්‍යවස්ථාවේ 121:1 ව්‍යවස්ථාවේ විධිවිධාන ප්‍රකාරව ශ්‍රේෂ්ඨාධිකරණය ඉදිරියේ අභියෝගයට ලක් කරන ලද ත්‍රස්තවාදය වැළැක්වීමේ (තාවකාලික විධිවිධාන) (සංශෝධන) නැමැති පනත්කෙටුම්පත සම්බන්ධයෙන් ශ්‍රේෂ්ඨාධිකරණයේ තීරණය කථානායක මහින්ද යාපා අබේවර්ධන මහතා විසින් පාර්ලිමේන්තුවට දැනුම් දුන්නේය.

අවස්ථා දෙකකදී කල් දැමුණ මුදල් අමාත්‍ය බැසිල් රාජපක්ෂ මහතාගේ ඉන්දීය නිල සංචාරය මාර්තු මැස මැද භාගයේදී සිදුකිරීමට නියමිත බව ඉන්දීය මහ කොමසාරිස් කාර්යාලය පවසයි.

මාතලේට දුම්රිය ධාවනය කිරීම මාස තුනකට පමණ කාලයකට අත්හිටුවීමට සිදුවන බව ප්‍රවාහන අමාත්‍ය දිලුම් අමුණුගම මහතා පැවැසීය.

රුසියාවට එරෙහිව යුක්රේන යුද්ධයේදී දිවි පිදූ විශේෂ පුද්ගලයන් දෙදෙනෙක් පිළිබඳව තොරතුරු ජාත්‍යන්තර මාධ්‍ය වාර්තා කරයි.

ජාතික නිදහස් පෙරමුණේ නායකයන් අද (08දා) විශේෂ දේශපාලන තීන්දුවක් ප්‍රකාශයට පත්කිරීමට නියමිත බව එම පක්ෂයේ මාධ්‍ය ඒකකය පවසයි.

සියළු පළාත් රාජ්‍ය ආයතන වල අවමය 20%ක් සහ උපරිමය 50%ක් වන සේ විදුලි බිල අඩු කිරීමට පියවර ගත යුතු බවද මෙම සාකච්ඡාවේදි මුදල් අමාත්‍යවරයා විසින් උපදෙස් දී තිබේ.

සමගි ජන බලවේගයේ ප්‍රධාන කර්යාලයට එල්ල කළ ප්‍රහාරය පිළිබඳව පාර්ලිමේන්තු මන්ත්‍රීවරයෙක් ලෙස තමන් කනගාටුවන බව අමාත්‍ය ඩලස් අලහප්පෙරුම මහතා පැවැසීය.

පෙබරවාරි මාසයේදී ශ්‍රී ලංකාවේ විදේශ විනිමය සංචිතය ඇමෙරිකානු ඩොලර් බිලියන 2.314ක් බව ශ්‍රී ලංකා මහ බැංකුව පවසයි.

මේ වන විට ජනමාධ්‍ය හා සිවිල් සංවිධාන ඉලක්ක කරගනිමින් ආණ්ඩුවෙන් විශාල බලපෑම් එල්ලවෙමින් තිබෙන බවත්, රටේ පුරවැසියන්ගේ මානව අයිතිවාසිකම් ආරක්ෂා කිරීම සදහා ජාත්‍යන්තර ප‍්‍රජාවේ සහාය අපේක්ෂා කරන බවත් සමගි ජන බලවේගයේ මාධ්‍ය ප‍්‍රකාශක පාර්ලිමේන්තු මන්ත‍්‍රී මනුෂ නානායක්කාර එක්සත් ජාතීන්ගේ මානව හිමිකම් කවුන්සිලය වෙත ප‍්‍රකාශයක් ඉදිරිපත් කරමින් සදහන් කළේය.

විටාලි ක්ලිට්ස්කෝ පවසන්නේ, අගනුවර බලධාරීන්ට ආයුධ සපයා ඇති භෞමික ආරක්ෂක ස්වෙච්ඡා බලඇණිවල පූර්ණ පාලනයක් මේ වනවිට නොමැති බවයි.

විදුලිය නිෂ්පාදනය කිරීමට අවශ්‍ය ඉන්ධන තොග බලාගාරවලට නිසි ලෙස නොලැබීම නිසා අද (08දා) දිනයේදීත් සමහර ප්‍රදේශවලට පැය 07යි විනාඩි 30ක් විදුලිය කප්පාදු කරන බව විදුලිබල මණ්ඩලය සඳහන් කරයි.

රුසියානු-යුක්රේන සාකච්ඡාවල සිව්වැනි වටයක් බෙලාරුස් හිදී නුදුරේදීම පැවැත්වෙන බව රුසියානු නියෝජිත කණ්ඩායමේ සාමාජික ලියොනිඩ් ස්ලට්ස්කි තුන්වැනි වටයේ සාකච්ඡාවලින් පසුව පැවසීය.

මේ වන විට රට පත්ව තිබෙන අර්බුදකාරී තත්ත්වයෙන් රට නැවත වරක් සෞභාග්‍යය කරා ගෙනයාමේ හැකියාව සමගි ජන බලවේගය සතු බවත් ඒ සඳහා යම් යම් කැපකිරීම් කරන්නට සිදුවනු ඇති බවත් විපක්ෂ නායක සජිත් ප්‍රේමදාස මහතා මහනුවර දී පැවසීය .

H7N9 යනු කුරුළු උණ ප්‍රභේදයක් වන අතර එය ශීත ඍතුවේ සහ වසන්තයේදී බොහෝවිට වසංගතයක් ඇති කළ හැකි බවටද අනතුරු ඇඟවීමක් තිබේ.

විනිමය අනුපාත තීරණය කිරීමට වෙළඳපොළට අවස්ථාව ලබාදීමට ශ්‍රී ලංකා මහ බැංකුව කටයුතු කර තිබේ. මෙම තීරණය වහාම ක්‍රියාත්මක වන පරිදි ක්‍රියාත්මක වෙයි. කෙසේ වෙතත් මෙහිද ඩොලරය රුපියල් 230 ඉක්ම නොවනු ඇතැයි මහ බැංකුව කියයි.

චීනයේ ගගනගාමීවරියක වන වැන්ග් යැපින්ග් පවසන්නේ, කාන්තාවන්ගේ පැමිණීම නිසා අභ්‍යවකාශය කිසිවිටකත් එහි පරිසරය වෙනස් කර හෝ එහි සීමාව පහත හෙළා නැති බවත්, අභ්‍යවකාශයට අනුවර්තනය වීමට සහ වැඩ කිරීමට කාන්තාවන්ට ඇති හැකියාවේ සැලකිය යුතු වෙනස්කම් නොමැති බවය.

අධ්‍යාපන අමාත්‍යංශයේ ජාතික පාසල් දහසක් වැඩසටහන යටතේ ජාත්‍යන්තර කාන්තා දිනයට සමගාමීව තවත් පාසල් දහයක් ජාතික පාසල් බවට පත් කිරීමට නියමිතය. ජනාධිපති ගෝඨාභය රාජපක්ෂ මහතාගේ රට හදන “සෞභාග්‍යයේ දැක්ම” ප්‍රතිපත්ති ප්‍රකාශනය අනුව මෙම වැඩසටහන ක්‍රියාත්මකය.ඒ අනුව ශ්‍රී ලංකාවේ ජාතික පාසල් සංඛ්‍යාව 495 දක්වා ඉහළ යයි.

2020 අගෝස්තු මාසයේදී ස්පාඤ්ඤයෙන් එක්සත් අරාබි එමීර් රාජ්‍යය වෙත පිටත්ව ගිය 84 හැවිරිදි ජුවාන් කාලෝස් රජු, පසුගිය වසර දෙක තුළ ස්පාඤ්ඤයේ සහ ස්විට්සර්ලන්ත බලධාරීන් විසින් බහුවිධ මුදල් විශුද්ධිකරණය පිළිබඳ විමර්ශනයන්ට භාජනය විය.