අහසින් වැටෙන එකඳු දිය බිඳක් හෝ ප්‍රයෝජනයට නොගෙන සයුරට යා නොදීමේ පැරකුම් සංකල්පය මේ මහ පොළව තුළ පැල කර, ආහාර නිෂ්පාදනයට ප්‍රමුඛත්වය දී ස්වයංපෝෂිත ගම්මාන රට පුරා ඇති කිරීම අපගේ වගකීම බව, අග්‍රාමාත්‍ය දිනේෂ් ගුණවර්ධන මහතා ප්‍රකාශ කළේය.

රට මුහුණදී තිබෙන ආර්ථික ගැටළු විසඳීම සම්බන්ධයෙන් යෝජිත අතුරු අයවැය මඟින් වැඩි අවධානයක් යොමුකෙර ඇති බවත් නාගරික සංවර්ධන හා නිවාස අමාත්‍යංශයේ යෝජනා සකස් කිරීමේදී ඒ පිළිබඳව වැඩි අවධානයක් යොමුකරන ලෙස විෂයභාර අමාත්‍ය ප්‍රසන්න රණතුංග මහතා නිළධාරීන්ට උපදෙස් දී තිබේ.

ශ්‍රී ලාංකේය ජනතාවගේ හදිසි සෞඛ්‍ය අවශ්‍යතා සපුරාලීමට ඇමෙරිකානු ඩොලර් මිලියන 04ක් වටිනා අත්‍යාවශ්‍ය වෛද්‍ය සැපයුම් ලබා දෙන බව ලෝක සෞඛ්‍ය සංවිධානයේ අධ්‍යක්ෂ ජනරාල් වෛද්‍ය ටෙඩ්‍රෝස් අධානම් ගෙබ්‍රීසියස් මහතා ජනාධිපති රනිල් වික්‍රමසිංහ මහතා වෙත සුබපැතුම් පණිවිඩයක් යොමු කරමින් සඳහන් කරයි.

ඩීසල් සහ පෙට්‍රල් යන ඉන්ධන දෙවර්ගයේම තොග නොලැබෙන බව ලංකා ඛනිජ තෙල් පෞද්ගලික ටැංකි රථ හිමියන්ගේ සංගමයේ සම ලේකම් ශාන්ත සිල්වා මහතා පවසයි.

තනිවම ගුවනින් ලොව වටා ගොස්, ළබාලතම ගුවන් නියමුවා බවට පත්වන්නට බෙල්ජියම් ජාතික 17 වියැති මාර්ක් රදර්ෆඩ් අද (25දා) සමත්විය.

මන්දකට හසු වි සිටි තවත් කදුකර කොටි පැටවෙකු අද (25දා) දින ජිවිතක්ෂයට පත් වු බව නුවරඑලිය වනජිවි කාර්යාලයේ නිලධාරින් පැවසිය.

කුරුණෑගල මලිය⁣දේව විදුහල ඉදිරිපිට මාර්ගයේ නවතා තිබියදී පසුගිය 21වන දින සොරකම් කරගෙන ගොස් තිබූ කැබ් රථයක් මුහුණු පොතේ පළ කරන ලද පොස්ටුවක් මාර්ගයෙන් දින තුනක් ඇතුළත නැවත සොයා ගැනීමට හැකිවීමේ පුවතක් නිට්ටඹුවෙන් වාර්තාවේ.

ශ්‍රී ලංකාව සමග පවතින සමීප සබඳතා තවදුරටත් වර්ධනය කර ගැනීමට කැප වන බව දකුණු අප්‍රිකානු ජනරජයේ ජනාධිපති මතමෙලා සිරිල් රමෆෝසා මහතා ජනාධිපති රනිල් වික්‍රමසිංහ මහතා වෙත සුබපැතුම් පණිවුඩයක් යොමු කරමින් සඳහන් කර තිබේ.

මොනරාගල පොලිස් කොට්ඨාසයේ විෂ මත්ද්‍රව්‍ය ඒකකයේ නිලධාරීන් කණ්ඩායමක් පෙරේදා (24) හම්බේගමුව පොලිස් වසමට අයත් පඩරැල්කෙම රක්ෂිතවනයේ සිදුකළ වැටලීමකදී ගංජාහේනක් සොයාගෙන ඇත.

සතියකට ඉන්ධන ලීටර් 30 ක් ලබා දෙන ලෙස ඉල්ලා වෘත්තීය ත්‍රීරෝද රථ සේවක සංගමයේ සාමාජිකයන් විසින් පිළියන්දල නගරයේ විරෝධතාවයක් පැවැත්විණි.

ඌරගහ රන්තොටවිල ඉහල මාලවල පදේශයේ ඊයේ (24දා) රාත්‍රී සිදුවූ වෙඩි තැබීමකින් අයෙක් මරුමුවට පත්වූ බව ඌරගස්මන්හන්දිය පොලීසිය පවසයි.

මධ්‍යම අධිවේගී මාර්ගයේ කඩවත - මීරිගම කොටසෙහි ඇතැම් ප්‍රදේශයන්හි කොන්ක්‍රීට්වලට යොදා ඇති කම්බි කොටස් කපා යකඩ සදහා අලෙවි කෙරෙන ජාවාරමක් සිදුවන බව වාර්තාවේ.

හැටන් සමර්හිල් වතුයායේ දී මද්දකට හසුවී ගසක් උඩ සිරවී සිටි කඳුකර කොටියාගේ මරණය සම්බන්ධයෙන් සෙවීමට පත් කළ ත්‍රිපුද්ගල කමිටුවේ අවසන් වාර්තාව කෘෂිකර්ම, වනජීවී හා වනසම්පත් සංරක්ෂණ අමාත්‍ය මහින්ද අමරවීර මහතාට බාර දී තිබේ.

හිටපු ජනාධිපති ගෝඨාභය රාජපක්ෂ මහතා ලබන මස මුල් සතියේදී නැවත ශ්‍රී ලංකාවට පැමිණීමට නියමිත බව ඩේලි මිරර් පුුවත් සේ්වය පවසයි. ඒ් අනුව ඔහු සැප්තැම්බර් 2 හෝ 3 යන දිනවල නැවත පැමිණීමට ඉඩ ඇති බවද එම පුවත් සේවය පවසයි.

කතරගම සිට කොළඹ බලා ධාවනය වූ අර්ධ සුඛෝපභෝගී පෞද්ගලික බස් රථයක් සහ යතුරුපැදියක් ඊයේ (24දා) රාත්‍රි මුහුණට මුහුණ ගැටී සිදුවූ රිය අනතුරකින් යතුරුපැදිකරු මියගොස් ඇතැයි පයාගල පොලිසිය පවසයි .

වැලිකඩ රිමාන්ඩ් බන්ධනාගාරය තුළට ජංගම දුරකථන දෙකක්, බැටරි දෙකක් සහ බැටරි ආරෝපණ දෙකක් ( චාජර) රැගෙන යාමට උත්සාහ දැරූ රැඳවියෙකු අත්අඩංගුවට ගත් බව පොලිස් විශේෂ කාර්ය බළකාය පවසයි.

ජනපති රනිල් වික්‍රමසිංහ මහතා එළැඹෙන සති අන්තයේදී මොණරාගල හා කතරගම සංචාරයකට එක්විමට නියමිතව තිබේ. මේ අනුව ජනපතිවරයා මුුලින්ම එළැඹෙන 27දා මොණරාගලට පමිණ මොණරාගල දිස්ත්‍රික් සංවර්ධන සභාවට මොණරාගල පුුස්තකාල ශ්‍රවණාගාරයේදී එක්වීමට නියමිතව තිබේ. ඉන් අනතුරුව 28 දා ජනපතිවරයා කතරගම කිරිවෙහෙර හා දේවාලය, වැඩසිටි කන්ද විහාරය, තිස්සමහාරාම විහාරස්ථානය යන ස්ථානයන්හි සංචාරය කිරිිමට නියමිතය.

ජූලි මාසයේදී මෙරට ඇඟලුම් අපනයන ආදායම අඛණ්ඩව දෙවැනි මසටත් අමෙරිකානු ඩොලර් මිලියන 500 සීමාව ඉක්මවා ඇති බව ශ්‍රි ලංකා ආයෝජන මණ්ඩලයයය පවසයිි.

අගෝස්තු මාසයේ මුල් සති තුන තුළ මෙරටට පැමිණි සංචාරකයින් සංඛ්‍යාව 30,000 සීමාව ඉක්මවා තිබෙනවා.ශ්‍රී ලංකා සංචාරක සංවර්ධන අධිකාරියේ දත්ත වලට අනුව අගෝස්තු 01 සිට 23 දක්වා කාලය තුළ සංචාරකයන් 31,105 ක් මෙරටට පැමිණ ඇත.

ඒක්සත් අරාබි එමීර් රාජ්‍යයේ ඩුබායි හි පවත්වනු ලබන විස්සයි විස්ස ආසියානු කුසලාන ක්‍රිකට් තරගාවලිය සහභාගී වීම සදහා ශ්‍රී ලංකා ක්‍රිකට් කණ්ඩායම අද සවස කටුනායක ගුවන් තොටුපළෙන් පිටත්ව ගියේය.

කොලොන්න පොලිස් වසමේ සිංහරාජ වනාන්තරයට මායිම්ව පිහිිටි Green Eco Lodge සුඛෝපභෝගී හෝටල් සංකීර්ණය හිටපු ජනපති මහන්ද රාජපක්ෂ මහතාගේ තෙවැනි පුත් රෝහිත රාජපක්ෂ මහතාට අයත් බවට තහවුරු වී තිබේ.

ශ්‍රී ලංකාව තුළ LGBTQ + ප්‍රජාවන්හි අයිතිවාසිකම් ආරක්ෂා කිරීමේ අරමුණින් දණ්ඩ නීති සංග්‍රහය සංශෝධන සඳහා වන පනත් කෙටුම්පතක් අද (24) පාර්ලිමේන්තු මන්ත්‍රී නීතිඥ ප්‍රේමනාත් සී දොළවත්ත මහතා විසින් ජනාධිපති රනිල් වික්‍රමසිංහ මහතා වෙත භාර දෙනු ලැබිණ.

රුසියාව වෙත තැපැල් භාණ්ඩ යොමුකිරීම හෙට සිිට යළි ආරම්භ කරන බව තැපැල්පති රංජිත් ආරියරත්න මහතා පවසයි. ඒ අනුව දිවයිනේ සියලුම තැපැල් කාර්යාල හරහා රුසියාවට යැවීීම වෙනුවෙන් තැපැල් භාණ්ඩ භාර ගන්නා බවද තැපැල්පතිවරයා පවසයි.

ශ්‍රී ලංකාව මුහුණ දී සිටින මූල්‍ය අර්බුදයට විසඳුම් ලබාදීම වෙනුවෙන් ජාත්‍යන්තර මූල්‍ය අරමුදල සමග සිදු කෙරෙන මූලික වටයේ සාකච්ඡාවක් ජනාධිපති රනිල් වික්‍රමසිංහ මහතාගේ ප්‍රධානත්වයෙන් ජනාධිපති කාර්යාලයේ දී අද (24) පස්වරුවේ පැවැත්විණි.

ශ්‍රී ලංකාවේ වගා හානි සිදු කරන වනසත්ව ලැයිස්තුවෙන් වන අලියා ඉවත් කිරීමට පියවර ගන්නා ලෙස කෘෂිකර්ම වනජීවී හා වනසම්පත් සංරක්ෂණ අමාත්‍ය මහින්ද අමරවීර මහතා වනජීවි හා වනසම්පත් සංරක්ෂණ අමාත්‍යාංශයේ ලේකම් චන්ද්‍රා හේරත් මහත්මියට උපදෙස් ලබා දී තිබේ.

රටේ වෙළෙඳපොළ ආර්ථිකයක් පවතින මේ යුගයේ ඉල්ලුම හා සැපයුම අනුව භාණ්ඩ මිල තීරණය කිරීම ට ඉඩ හරිනවා විනා මිල පාලනය කිරීම හා ඒ සඳහා ගැසට් පත් නිකුත් කිරීමෙන් සිදුවන්නේ භාණ්ඩ සඳහා කෘතිම හිඟයක් ඇතිවීම යැයි සමගි ජන බලවේගයේ පාර්ලිමේන්තු මන්ත්‍රී ඉරාන් වික්‍රමරත්න මහතා පවසයි.

පාර්ලිමේන්තු මන්ත්‍රීවරුන් වන රෝහිත අබේගුණවර්ධන සහ ජොන්ස්ටන් ප්‍රනාන්දු යන අයවලුන්ගේ රත්මලාන නිවාස වලට පහර දී දේපල කොල්ල කෑමේ සිද්ධීන් වලට සම්බන්ධ කාන්තාවක සහ පිරිමි පුද්ගලයෙකු අද (24දා) අත්අඩංගුවට ගත් බව බස්නාහිර පළාත දකුණ අපරාධ කොට්ඨාසය පවසයි.

නුවරඑලිය අඹේවෙල ජලාශයේ මියගොස් සිටින ගෝනුන් විශාල පිරිසකගේ සිරුරු කඩිනමින් ඉවත් කිරිමට අවශ්‍ය පියවර ගන්නා බව නුවරඑලිය පොලිස් කොට්ඨාශයේ සහකාර පොලිස් අධිකාරි සමන්ත ජයසුන්දර මහතා පැවසිය.

අරලියගහ මන්දිරයට බලහත්කාරයෙන් ඇතුළු වූ බවට එල්ල වූ චෝදනාවක් සම්බන්ධයෙන් බලංගොඩ කාශ්‍යප හිමි අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබේ.