ඇෆ්ගනිස්ථානයේ අගනුවර බටහිර ප්‍රදේශයේදී අවම වශයෙන් පුද්ගලයින් 19දෙනෙකු මියගොස් තිබේ.

ඉහළ ගුණාත්මකභාවයකින් දරුවන් හා මව්වරුන්ට අවශ්‍ය ත්‍රිපෝෂ අඛණ්ඩව සැපයීමට සෞඛ්‍ය අමාත්‍යාංශය පියවර ගන්නා බව සෞඛ්‍ය අමාත්‍ය කෙහෙලිය රඹුක්වැල්ල මහතා පවසයි.

ගාල්ල වරාය ආසන්නයෙන් යාත්‍රා කරමින් තිබූ නෞකාවක දී අසනීප වූ ‍‍සේවකයෙකු කරාපිටිය රෝහලට ඇතුලත් කරන විට මියගොස් සිටි බව ගාල්ල වරාය පොලිසිය පවසයි.

ICC පිරිමි T20 ලෝක කුසලානයේ ජයග්‍රාහී කණ්ඩායමට ඩොලර් මිලියන 1.6 ක ත්‍යාග මුදලක් ලැබෙන බව ICC නිවේදනය කළේය. එහි අනුශූරයන්ට එම මුදලෙන් අඩක් වන ඩොලර් ලක්ෂ 8ක් හිමිවෙයි.

ශ්‍රී ලංකාවේ ණය ප්‍රශ්නය සම්බන්ධයෙන් ජපානය ’’තමන්ගේ කොටස’’ කිරීමට සූදානම් නමුත් චීනය සහ ඉන්දියාව වැනි අනෙකුත් ණයහිමියන් ද එය විසඳීමේ ප්‍රයත්නයන්ට සම්බන්ධ විය යුතු බව ජපාන මුදල් අමාත්‍ය ෂුනිචි සුසූකි මහතා ප්‍රකාශ කළේය.

රුපියල් කෝටි 17 ක් වටිනා කිලෝ ග්‍රෑම් 08 යි ග්‍රෑම් 500 ක් බරැති රත්තරන් තොගයක්, නීතිවිරෝධී ලෙස ශ්‍රී ලංකාවට රැගෙන එමින් සිටි ගුවන් මගීන් සිව් දෙනෙකු අද දින උදෑසන කටුනායක ගුවන් තොටුපළ පැමිණීමේ පර්යන්තයේ දී රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත් අඩංගුවට ගෙන ඇති බව රේගු මාධ්‍ය ප්‍රකාශක සුදත්ත සිල්වා මහතා පැවසීය .

දේශගුණික විපර්යාස පිළිබඳව ජාත්‍යන්තර විශ්ව විද්‍යාලයක් ශ්‍රී ලංකාවේ ආරම්භ කිරීමට අදාළව ජනපති රනිල් වික්‍රමසිංහ මහතා විසින් යෝජනාවක් ඉදිරිපත් කර තිබේ.

පේරාදෙණිය විශ්ව විද්‍යාලයේ සනාථන මන්දිරය ඉදිරිපිටදි පැවති සිසු උද්ඝෝෂණයකදී විද්‍යාල ශිෂ්‍යයන්ට නොගැලපෙන වචන භාවිතා කරමින් පරුෂ වචන සහ පහත් අන්දමේ ප්‍රකාශ සිදුකරමින් සනාතන මන්දිරයේ රාජකාරි කටයුතු වලට බාධා පමුණුවමින් විශ්ව විද්‍යාල බලධාරීන්ට අපහාස කළ බව කියන සිසුවෙකුගේ ශිෂ්‍යභාවය තහනම් කිරීමට පේරාදෙණිය විශ්ව විද්‍යාලයේ උපකුලපති මහාචාර්ය එම්. ඩී. ළමාවංශ මහතා පියවර ගෙන තිබේ.

ලෝක ළමා දිනය මෙන්ම ලෝක වැඩිහිටි දිනය ද හෙටට ( ඔක්තෝබර් 01) යෙදී තිබේ. මෙම දිනය සමරමින් පාසල් දරුවන්ට හා අවුරුදු 60 ඉක්ම වු වැඩිහිටියන්ට සියලුම සත්වෝද්‍යානවලට නොමිලයේ ඇතුලු වී විනෝද වීමට අවස්ථාව සළසන්නැයි කෘෂිකර්ම, වනජීවි හා වනසම්පත් සංරක්ෂණ අමාත්‍ය මහින්ද අමරවීර මහතා ජාතික සත්වෝද්‍යාන දෙපාර්තමේන්තුවට උපදෙස් දී ඇත.

පි දැහැටි කූරු ආනයනය කළා, සරුංගල් ආනයනය කළා. බෙහෙත් නැති රටේ අපි විදේශවලින් සරුංගල් ගෙනාවා. අගෝස්තු මාසෙ 23 නිකුත් කළා ගැසට් නිවේදනයෙන් අපි භාණ්ඩ 1465ක් නවත්වනකොට මේවා අපිට නවත්වන්න සිද්ධ වුණා. පසුව වාණිජ මණ්ඩල ඇතුළු විවිධ පාර්ශ්වවල ඉල්ලීම් සැලකිල්ලට ගනිමින් භාණ්ඩ 708ක ආනයන සීමා ඉවත් කළා” යැයි ද අමාත්‍යවරයා පැවැසීය.

ගම්පහ ප්‍රදේශයේ පොලීසිය සිදුකළ වෙඩිතැබීමකින් මනුෂ්‍ය ඝාතන සිද්ධියකට සම්බන්ධ සැකකරුවෙකු ජීවිතක්ෂයට පත්ව තිබේ. අදාළ සැකකරු මීට දින කිහිපයකට පෙර ගම්පහ අකරවිට ප්‍රදේශයේදී පියපුතු දෙපළකටද පිහි ප්‍රහාරයක් එල්ලකර තිබේ. එම පිහි ප්‍රහාරයෙන් පුත්‍රයා මියගොස් ඇති අතර ඔහුගේ පියා දැඩි සත්කාර ඒකකයේ ප්‍රතිකාර ලබමින් පසුවෙයි.

සොබාදනවි එල්.එන්.ජී. බලාගාරය ලබන වසරේදී ජාතික පද්ධතියට එක් කිරීමට නියමිත බව විදුලි බල හා බලශක්ති අමාත්‍ය කංචන විජේසේකර මහතා පවසයි.

දිවයිනේ නිරිත දිග කොටසට අද දිනයේ හා ඉදිරි දින කිහිපයේදී වැසි තත්ත්වයේ වැඩිවීමක් අපේක්ෂා කරන බව කාලගුණ විද්‍යා දෙපාර්තමේන්තුව සඳහන් කරයි.

බිළිදාගේ පෙකණිවැල බෙල්ලේ එතීම නිසා මවට අධික වේදනාවක් උද්ගත වී ඇතැයිද එම තත්ත්වය නිරාකරණය කිරීමට ඒ අවස්ථාවේදී වෛද්‍යවරු හා රෝහල් කාර්ය මණ්ඩලය අවශ්‍ය පරීක්ෂණ හා පියවර ගෙන නොමැති බව සාක්ෂිවලින් අනාවරණය වී ඇතැයි සඳහන් කළ විනිසුරුවරිය වෛද්‍යවරුන්ගේ හා රෝහල් කාර්ය මණ්ඩලයේ නොසැළකිල්ලේ ප‍්‍රතිඵලයක් වශයෙන් ඇය ප‍්‍රසූත කල දැරියට කතා කිරීමට, අතපය සෙලවීමට, හා ඇවිදීමට නොහැකි තත්ත්වයක් උද්ගත වී ඇති බවත් නිතරම වලිප්පුව වැනි රෝගී තත්ත්වයකින් දැරිය පසුවන බවත් නඩ

ලක්වින් ඒවියේෂන් (පුද්ගලික) සමාගම දේශීය ගුවන් ප්‍රවාහන සමාගමක් ලෙස මගී සහ භාණ්ඩ ප්‍රවාහන කටයුතු ක්‍රියාත්මක කිරීම සඳහා අවශ්‍ය සුදුසුකම් සපුරා ඇති හෙයින් එයට අදාල මෙහෙයුම් බලපත්‍රය (Air Operator Certificate – AOC) නිකුත්කිරීමට ශ්‍රී ලංකා සිවිල් ගුවන්සේවා අධිකාරිය කටයුතු කර ඇත.

මැයි 09වැනිදා ඇති වූ සිද්ධීන්වලදී හා සාමාන්‍ය රාජකාරී සිදුකිරීමේදී අකර්යක්‍ෂම ආකාරයට කටයුතු කිරීම මුල් කරගෙන පොලිස් ස්ථානාධිපතිවරුන් ඇතුළු පොලිස් නිලධාරීන් 33 දෙනෙකුට ස්ථාන මාරු ලබාදී තිබේ.

ශ්‍රී ලංකාව හා ජාත්‍යන්තර මූල්‍ය අරමුදල අතර ඩොලර් බිලියන 2.9ක විස්තීරණ ණය පහසුකම සම්බන්ධයෙන් ඇතිවූ කාර්ය මණ්ඩල එකඟතාව අනුව එම ණය මුදල් මෙම වසරේ දෙසැම්බර් මාසයේ සිට ලැබෙනු ඇතැයි ශ්‍රී ලංකාව විශ්වාසය පළ කළත් එය ලබාදීමේ කාලසීමා පිළිබඳව ප්‍රකාශ කළ නොහැකි බව ජාත්‍යන්තර මූල්‍ය අරමුදල පවසා තිබේ.

ඉන්දීය හිටපු අමාත්‍යවරයෙක් මෙන්ම වත්මන් භාරතීය ජනතා පක්ෂයේ ඉන්දීය පාර්ලිමේන්තු මන්ත්‍රීවරයෙක් වන ආචාර්ය සුබ්‍රමනියම් ස්වාමි මහතා හිටපු ජනපති ගෝඨාභය රාජපක්ෂ මහතා හමුවී තිබේ.

විදේශ රැකියා ලබා දෙන බව පවසා දිවයිනේ විවිධ ප්‍රදේශවල පුද්ගලයින්ගෙන් මුදල් අය කළ මාතලේ ප්‍රදේශයේ පදිංචි කාන්තාවක් ශ්‍රි ලංකා විදේශ සේවා නියුක්ති කාර්යාංශයේ විශේෂ විමර්ශන ඒකකයේ නිළධාරීන් විසින් අත්අඩංගුවට ගෙන තිබේ.

අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා සහ ජපාන තානාපති මිසුකොෂි හිදෙයිකි (Mizukoshi Hideaki) මහතා අතර හමුවක් නිපුණතා පියසේ දී සිදු විය.

පර්පචුවල් ට්‍රෙෂරීස් සමාගමේ අධ්‍යක්ෂ අර්ජුන් ඇලෝසියස්ට ලබන 03දා අධිකරණය හමුවේ පෙනී සිටින ලෙසට කොළඹ අතිරේක මහේස්ත්‍රාත් ටී. එන්. ඉලංගසිංහ මහතා නියෝග කළේය.

වත්මන් ජනාධිපතිවරයා සහ ආණ්ඩුව එක තැන කැරකී කැරකී සිටින බවත් ලෝකය ඉදිරියට ගියත් අපේ රට එක තැන නැවතී ඇති බවත් මොවුන්ට රට යන අත ගැන කිසිම අවබෝධයක් නොමැති බවත් මෙතරම් අමාරු තැනක රට පැවතියත් ඇමති මණ්ඩලය විසින් මුදල් ගසා කෑම් සිදු කරන අතර අවම වශයෙන් ඔවුන්ට කිසිදු දෙයක් සම්බන්ධයෙන් සැලසුමක් නොමැති බවත් අද (29දා) විපක්ෂ නායක සජිත් ප්‍රේමදාස මහතා පැවසීය.

කොළඹ කොටුව සිට මහනුවර දක්වා විශේෂ සුඛෝපභෝගී දුම්රියක් ලබන පළමු වැනි දා සිට සති අන්තයේදී ධාවනය කරන බව ජනමාධ්‍ය, ප්‍රවාහන හා මහාමාර්ග අමාත්‍ය ආචාර්ය බන්දුල ගුණවර්ධන පවසයි.

‘ජාතික සභාවේ’ මංගල රැස්වීමේදී අනු කමිටු දෙකක් පත් කිරීමට තීරණය කර තිබේ. ඒ කෙටි, මධ්‍යම සහ දීර්ඝ කාලීන ජාතික ප්‍රතිපත්ති සම්පාදනය කිරීම සඳහා මඟ පෙන්වීමට අදාළව පාර්ලිමේන්තුවේ පොදු ප්‍රමුඛතා නියම කිරීමට මෙන්ම ආර්ථික ස්ථායීකරණයට අදාළ කෙටි සහ මධ්‍ය කාලීන පොදු අවම වැඩසටහන් සම්බන්ධයෙන් එකඟතාවය ඇති කර ගැනීමටය.

22 වැනි ආණ්ඩුක්‍රම ව්‍යවස්ථා සංශෝධන පනත් කෙටුම්පත පිළිබද විවාදය ලබන 6 සහ 7 දෙදින පැවැත්වීමට පාර්ලිමේන්තු ක‍ටයුතු පිළිබඳ කාරක සභාව තීරණය කළ බව පාර්ලිමේන්තුවේ මහලේකම් ධම්මික දසනායක මහතා පැවසීය.

සුබ සාධක ප්‍රතිලාභ ගෙවීම සඳහා සුදුසු තැනැත්තන් හඳුනා ගැනීමේ වැඩසටහන යටතේ දැනට ප්‍රතිලාභ ලබන කිසිදු පාර්ශ්වයකට එය අහිමි වී යාමේ අවධානමක් නැතැයි වැඩබලන මුදල් අමාත්‍ය ශෙහාන් සේමසිංහ මහතා පවසයි. අමාත්‍යවරයා පෙන්වා දෙන්නේ අදාළ ප්‍රතිලාභ ලැබීමේ ක්‍රමවේදයන් විධිමත් කිරීම සහ තව දුරටත් ප්‍රතිලාභ ලැබිය යුතු පාර්ශ්ව හඳුනා ගැනීම පමණක් මෙමගින් සිදු කෙරෙන බවයි.

නුවරඑළිය අධ්‍යාපන කලාප කාර්යාලය යටතේ පාලනය වන හැටන් කොටගල බෝගහවත්ත ප්‍රදේශයේ පාසලක 10 වසරේ අධ්‍යාපනය ලබන පාසල් සිසුවියෙකුට එම විදුහලේ විදුහල්පතිවරයා විසින් කොසු මිටකින් පහර දිම නිසා තුවාල සිදු ලැබු පාසල් සිසුවියක් අද (29දා) තුවාල සහිතව තම රෝහලට ඇතුලත් කල බවත් , තුවාල ලැබු එම පාසල් දැරිය වැඩිදුර ප්‍රතිකාර සදහා දික්ඔය මුලික රෝහල වෙත මාරු කර යැවු බව කොටගල ප්‍රාදෙශීය රෝහලේ දිස්ත්‍රික් වෛද්‍යය නිලධාරි ශාවිත්‍රි ශර්මා මහත්මිය පැවසිය.

ආනවිලුන්දාව රැම්සා කුරුලු අභයභූමියේ හදිසියේ ඇති වූ ගින්නකින් අක්කර 40 ක පමණ ප්‍රමාණයක් විනාශයට පත්වී ඇතැයි වනජීවී නිලධාරීන් සඳහන් කරයි.

හිටපු ජනාධිපතිවරයා සැබෑ ප්‍රශ්නයේ බර ජනතාවට නොදී එම බර ආණ්ඩුව මත පටවාගෙන කටයුතු කරන්නට යාමෙන් නොසිතූ අර්බුදයකට රට පත් වූ බව රාජ්‍ය අමාත්‍ය දිලුම් අමුණුගම මහතා පැවසීය .