රාජ්‍ය අමාත්‍ය ඩයනා ගමගේ මහත්මියගේ විදෙස් ගමන් තහනම දින පහකට ඉවත් කිරීමට කොළඹ ප්‍රධාන මහෙස්ත්‍රාත් නන්දන අමරසිංහ මහතා අද (15දා) නියෝග කළේය .

ඉන්දියාවේ නිෂ්පාදිත ඔකායා පූර්ණ විද්‍යුත් ස්කූටර ලංකාවට හඳුන්වා දී තිබේ. විදුලි බල හා බලශක්ති අමාත්‍ය කංචන විජේසේකර මහතාගේ ප්‍රධානත්වයෙන් මෙම හඳුන්වාදීම සිදු කර තිබේ.

COVID-19 වසංගතය ලබන වසරේ සිට තවදුරටත් ගෝලීය හදිසි අවස්ථාවක් ලෙස සැලකීමට අවශ්‍ය නොවනු ඇතැයි ලෝක සෞඛ්‍ය සංවිධානයේ ප්‍රධානී ටෙඩ්‍රොස් අද්නාම් ගෙබ්‍රෙයිසස් මහතා පැවැසීය. බදාදා පැවැති මාධ්‍ය හමුවකදී ඔහු මේ බව ප්‍රකාශ කළේය.

විල්පත්තුව ජාතික වන උද්‍යානයට පුත්තලම එළුවන්කුලම ක්‍රොස්වේ පිවිසුමේන් ඇතුල් විමේදි මතුව තිබු බාධාවට පිළියමක් ලෙස ලක්ෂ 410 ක වියදමින් එල්ලෙන වැල් පැලමක් ලබා දීමට ජර්මන් රජයෙ GZI ව්‍යාපෘතිය මගින් කටයුතු කර තිබේ.

සුදු බිත්තරයක් සඳහා රුපියල් 42ක මිලකුත් රතු බිත්තරයක් සඳහා රුපියල් 44ක මිලකුත් නියම කිරීමට පාරිභෝගික කටයුතු පිළිබඳ අධිකාරිය ගෙන ඇති තීරණයට එකඟ නොවන බව බිත්තර නිෂ්පාදකයන් අභියාචනාධිකරණයට දැනුම් දුන්නේය.

කට සහ දෙඅත් පිටුපසට කර ගැට ගැසූ ඝාතනය කළ බවට සැක කරන නාඳුනන පිරිමි පුද්ගලයකුගේ මළසිරුරක් ඉංගිරිය රත්නපුර මාර්ගයේ නම්බපාන කැටකැරැල්ල පාලම ආසන්නයේ කැලෑ ප්‍රදේශයක දමා ගොස් තිබියදී අද (15දා) පෙරවරුවේ හමුවූ බව ඉංගිරිය පොලීසිය පවසයි.

ශ්‍රී ලංකාවේ සියලුම දේශපාලන පක්ෂ නායකයන් සම්බන්ධයෙන් ජනතාවගේ අදහස් ගැඹුරු ලෙසම අහිතකර මට්ටමක පවතින බව IHP ආයතනය කළ නවතම සමීක්ෂණයකදී අණාවරණය වී තිබේ.

කුරුදු දර මිටි පටවාගෙන කුරුදු දර මිටි පටවාගෙන දක්ෂිණ අධිවේගී මාර්ගයේ ධාවනය වෙමින් තිබූ ලොරි රථයක් අද (15දා) පෙරවරුවේ කිලෝමීටර් 10 දශම 5 බණ්ඩාරගම කොළමැදිරිය ප්‍රදේශයේදී පෙරළී යාමෙන් එම ලොරි රථයට බරපතල අලාභ සිදු වී ඇතැයි අධිවේගී රථ වාහන පොලීසිය පවසයිමාර්ගයේ ධාවනය වෙමින් තිබූ ලොරි රථයක් අද (15දා) පෙරවරුවේ කිලෝමීටර් 10 දශම 5 බණ්ඩාරගම කොළමැදිරිය ප්‍රදේශයේදී පෙරළී යාමෙන් එම ලොරි රථයට බරපතල අලාභ සිදු වී ඇතැයි අධිවේගී රථ වාහන පොලීසිය පවසයි

දැනටමත් අවුරුදු 63 සම්පූර්ණ කර ඇති වෛද්‍යවරුන් මේ වසරේ දෙසැම්බර් 31ට පෙර විශ්‍රාම ගැනීම, මේ වන විට අවුරුදු 62 සම්පූර්ණ කර ඇති වෛද්‍යවරුන් අවුරුදු 63දී විශ්‍රාම ගැනීම, මේ වන විට අවුරුදු 61 සම්පූරණ කර ඇති වෛද්‍යවරුන් අවුරුදු 62දී විශ්‍රාම ගැනීම, මේ වන විට අවුරුදු 60 සම්පූර්ණ කර ඇති වෛද්‍යවරුන් අවුරුදු 61 දී විශ්‍රාම ගැනීම, අවුරුදු 59 සම්පූර්ණ කර ඇති වෛද්‍යවරුන් අවුරුදු 60 දී විශ්‍රාම යා යුතු බව එම ගැසට් නිවේදනයේ දැක්වෙයි.

තියුණු ආයුධයක් භාවිතයෙන් කළ පහරදීමක් රෝහල් ගත කර ඇති හඩ කැවීම් ශිල්පී ඩිලාන් සේනානායක මහතාගේ තත්ත්වය මේ වන විට යහපත් තතත්වයට පැමිණ තිබේ.

රුපියල් එක් කෝටි තිස් ලක්ෂයක් වටිනා ග්‍රෑම් 650 ක් බරැති මෙතැම්පටමයින් මත්ද්‍රව්‍ය තොගයක් මෙක්සිකෝ රාජ්‍යයේ සිට මෙරට මාතර ප්‍රදේශයේ ව්‍යාජ ලිපිනයකට ගුවන් තැපැල් මගින් එවා තිබියදී රේගු මත්ද්‍රව්‍ය පාලන අංශයේ නිලධාරීන් පිරිසක් විසින් ඊයෙ (14දා) සවස කටුනායක ගුවන් තොටුපළ ගුවන් භාණ්ඩ ගැල් ගම්මානයේ දී අත් අඩංගුවට ගෙන තිබේ .

ශ්‍රී ලංකාවේ කෘෂි නිෂ්පාදන සඳහා වෙළෙඳපොල සැකසීමටත්, කෘෂි නිෂ්පාදන ඉහළ නැංවීම සඳහා නව තාක්ෂණික උපකරණ හඳුන්වා දීමටත් රුසියානු රජයේ ෆෙඩරේෂණයේ සහයෝගය පළ කරයි.

ලෝක කුසලාන පාපන්දු තරගාවලියේ දෙවැනි අවසන්පූර්ව තරගයේදී මොරොක්කෝව ගෝල 2-0 ක්‌ ලෙස පරාජය කිරීමට පසුගියවර ශූර ප්‍රංශය සමත්විය. මෙම තරගය අල් බයිට් ක්‍රීඩාංගණයේදී පැවැත්වීනි.

කසුන් රාජිතගේ දක්ෂ පන්දු යැවීම හමුවේ දඹුල්ල ඔ්රා පරදා කඩුළු 9 ක පහසු ජයක් වාර්තා කිරීමට කලම්බු ස්ටාර්ස් කණ්ඩායම සමත්විය. තරගාවලියේ 14 වැනි තරගය ලෙසන මෙය පල්ලෙකැලේදී පැවැත්විණි.

අයි.සී.සී. විස්සයි විස්ස පිතිකාරිණියන් ශ්‍රේණිගත කිරීම්හි නවතම පෙරමුණ දිනා ගැනීමට ඔස්ට්‍රේලියාවේ ටාහිලා මැග්‍රාත් සමත්වී ඇත. ඒ අයි.සී.සී.ය නිකුත් කළ නවතම කාන්තා විස්සයි විස්ස ශ්‍රේණිගත කිරිම්වලට අනුවයි.

ඔස්ට්‍රේලියානු සුපිරි පිතිකරු මානස් ලැබුෂේන් සිය ටෙස්ට් පිතිකරණයේ උපරිම ප්‍රසාද ලකුනු මට්ටමට ලගා වී ඇත. ඒ සමස්ථ ටෙස්ට් ලකුණු 937 ක් හිමිකර ගනිමිනි.

ලොව අංක එකේ පාපන්දු කණ්ඩායම වන බ්‍රසීලය මේ වන විට සිය ජාතික කණ්ඩායම සඳහා පාපන්දු පුහුණුකරුවෙකු සොයමින් සිටින බව විදෙස් මාධ්‍ය වාර්තා කරයි.

ලෝක කුසලාන පාපන්දු තරගාවලියේ අතිශය ජනප්‍රිය වූ ක්‍රොයේෂියානු නිරූපිකා ඉවානා නොල් සිය රට පරාජයට පත්වූ ආර්ජන්ටිනාව සමඟ අවසන් පුර්ව තරගයද නැරඹීමට පැමිණ තිබීම කාගේත් කථාබහට ලක්වී තිබිණ.

ජාතික ඩිජිටල් ප්‍රතිපත්තියක් නොමැති වීමේ ගැටළුව හේතුවෙන් ලොව අනෙක් රටවල් අතර ශ්‍රී ලංකාව දැඩි පසුබෑමක සිටින බව ආර්ථික ස්ථායීකරණය සඳහා වූ කෙටි සහ මධ්‍ය කාලීන වැඩසටහන් හඳුනාගැනීම වෙනුවෙන් වූ ජාතික සභා අනු කාරක සභාවේදී සාකච්ඡා කෙරිණි.

පාපන්දු ලෝක කුසලාන තරගාවලියේ අවසන්මහා තරගයට ආර්ජන්ටිනාව සුදුසුකම් ලැබීමත් සමගින් ආර්ජන්ටිනාවේ අගනගරය වූ බුවනෝස් අයර්ස් වෙතට විශාල ජනගංගාවන් ඇදී ඒමට පටන්ගෙන ඇත.

බද්දට දී ඇති පරිශ්‍රවල සන්තකය ආපසු ලබාගැනීමේ පනත් කෙටුම්පත සඳහා අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ කටයුතු පිළිබඳ අමාත්‍යාංශයීය උපදේශක කාරක සභාවේ අනුමතිය හිමිවිය.

ලංකා ප්‍රිමියර් ලීග් (එල්.පී.එල්.) විස්සයි20 ක්‍රිකට් තරගාවලියේ ජැෆ්නා කිංග්ස් සමගින් පැවති තරගයෙන් ලකුනු 10 ක තියුනු ජයක් හිමිකර ගැනීමට කැන්ඩි ෆැල්කන්ස් සමත්විය. තරගාවලියේ 13 වැනි තරගය ලෙස අද (14දා) සන්ධ්‍යාවේ මෙය පැවැත්විණි.

ලංකා විදුලිබල මණ්ඩලයේ සේවකයන් මෙම වසරට අදාළ (2022) ප්‍රසාද දීමනව අත්හැරීමට එකඟ වූ බවට මහජන උපයෝගීතා කොමිසම අද (14දා) ප්‍රකාශයක් නිකුත් කළත්, විදුලිබල මණ්ඩල වෘත්තීය සමිති ඒකාබද්ධ සන්ධානය එවැනි එකඟතාවක් පළ කර නොමැති බව එම සන්ධනායේ සාමාජික විදුලිබල මණ්ඩල ශ්‍රී ලංකා නිදහස් සේවක සංගම ශාඛාව පවසයි.

මූල්‍ය අරමුදලේ සහාය ඇතිව හෝ නොමැතිව රට ඉදිරියට යා යුතු බවත් නිවැරදි ප්‍රතිපත්ති රාමුවක රට ගමන් කළ යුතු බවත් මහ බැංකු අධිපති ආචාර්ය නන්දලාල් වීරසිංහ මහතා පවසයි.

පල්ලෙකැලේ පොලිස් වසමේ පල්ලේකැලේ පුරාවිද්‍යා රක්ෂිතයේ තිබූ අඩි තුනක් පමණ උසඅඩි තුනක් පමණ පළල සඳගල නැමැති පුරාවිද්‍යා වටිනාකමක් ඇති සඳකඩ පහනක්සොරුන් විසින් ගලවා ගන්න ගොස් ඇති බවට පුරාවිද්‍යා දෙපාර්තමේන්තුව මගින් පල්ලෙකැලේ පොලීසියට පැමිණිල්ලක් සිදුකොට තිබේ.

ජනවාරි මාසයේ දී අයිඑම්එෆ් ණය ලබා ගත හැකි බවටත් ඉන් පසු ආසියානු සංවර්ධන බැංකුවෙන් ඩොලර් බිලියනයක ණයක් ලැබෙන බවටත් ආණ්ඩුව පවසන්නේ අසත්‍යයක් බව පාර්ලිමේන්තු මන්ත්‍රී උදය ගම්මන්පිල මහතා පවසයි.

පේරාදෙණිය විශ්ව විද්‍යාලයේ හිටපු උපකුලපති ජේෂ්ඨ මහාචාර්ය අතුල සේනාරත්න මහතාට සහ ඔහුගේ පවුලේ සාමාජිකයන්ට පහරදී නිවසටද අලාභානි සිදු කළ බවට චෝදනා ලැබ සිටි 11 වැනි සහ 12 වැනි චූදිතයන් අද (14) මහනුවර ප්‍රධාන මහේස්ත්‍රාත් ශ්‍රීනිත් විජේසේකර මහතා හමුවට ඉදිරිපත් කිරීමෙන් අනතුරුව ඔවුන් ලබන 22 වැනි දින දක්වා රක්ෂිත බන්ධනාගාර ගත කරන ලෙස නියෝග කළේය.

කිලෝ ග්‍රෑම් 50 සිමෙන්ති කොට්ටයක මිල රුපියල් 225 කින් අද (14දා) මධ්‍යම රාත්‍රී සිට පහළ දැමීමට සිමෙන්ති සමාගම් තීරණය කර තිබේ.

ළමා මන්දපෝෂණය ඇති බවට කළ ප්‍රකාශයෙන් අනතුරුව වැඩ තහනම් කිරමෙන් සෞඛ්‍ය බලධාරීන් තම මූලික මිනිස් අයිතීන් උල්ලංඝනය කළැයි කියමින් වෛද්‍ය හා සිවිල් අයිතිවාසිකම් පිළිබඳ සමිති සම්මේලනයේ සභාපති වෛද්‍ය චමල් සංජීව මහතා ගොනුකළ මූලික අයිතිවාසිකම් පෙත්සම විභාගයට ගැනීමට ශ්‍රේෂ්ඨාධිකරණය අද (14දා) තීරණය කළේය.